ಲಂಕೆಗೆ ಹಾರಿದ ಡಾ.ಬ್ರೋ: ವಿಶ್ವದ ಎಂಟನೇ ಅದ್ಭುತ ಎನಿಸಿರುವ ರಾವಣನ ಚಿನ್ನದ ಅರಮನೆ ದರುಶನ...
ಡಾ.ಬ್ರೋ ಶ್ರೀಲಂಕಾದಲ್ಲಿರುವ ರಾವಣನ ಚಿನ್ನದ ಅರಮನೆಯ ದರುಶನ ಮಾಡಿಸಿದ್ದು, ಅದರ ಬಗ್ಗೆ ಕುತೂಹಲ ಎನಿಸುವ ಮಾಹಿತಿಗಳನ್ನು ಶೇರ್ ಮಾಡಿದ್ದಾರೆ.
ಅಯೋಧ್ಯೆಯ ಶ್ರೀರಾಮಲಲ್ಲಾ ಪ್ರಾಣ ಪ್ರತಿಷ್ಠೆಯ ಸಂದರ್ಭದಲ್ಲಿ ಅಯೋಧ್ಯೆ ಮಾತ್ರವಲ್ಲದೇ ದೇಶ-ವಿದೇಶಗಳಲ್ಲಿ ಇರುವ ಶ್ರೀರಾಮನ ನೆಲೆ, ರಾಮಾಯಣಕ್ಕೆ ಸಂಬಂಧಿಸಿದಂತೆ ಇರುವ ಸ್ಥಳಗಳ ದರ್ಶನ ಭಾಗ್ಯ ಮಾಡಿಸಿ ಕೆಲಕಾಲ ಕಣ್ಮರೆಯಾಗಿದ್ದ ಡಾ.ಬ್ರೋ ಅರ್ಥಾತ್ ಗಗನ್ ಮತ್ತೆ ಕಾಣಿಸಿಕೊಂಡಿದ್ದಾರೆ. ರಾಮನ ದರ್ಶನ ಮಾಡಿಸಿದ ಬಳಿಕ ಇದೀಗ ಲಂಕೆಗೆ ಹಾರಿದ್ದಾರೆ. ಶ್ರೀಲಂಕಾದಲ್ಲಿರುವ ರಾವಣನ ಚಿನ್ನದ ಅರಮನೆಯ ಮಾಹಿತಿಯನ್ನು ನೀಡಿದ್ದಾರೆ. ರಾವಣ, ರಾಮಾಯಣ ಹಾಗೂ ಚಿನ್ನದ ಅರಮನೆಯ ಸಂಪೂರ್ಣ ಮಾಹಿತಿ ಇರುವ ವಿಡಿಯೋ ಅನ್ನು ಡಾ.ಬ್ರೋ ಶೇರ್ ಮಾಡಿಕೊಂಡಿದ್ದಾರೆ. ಪುರಾಣಗಳ ಪ್ರಕಾರ, ರಾವಣ ಲಂಕೆಯಲ್ಲಿ ಚಿನ್ನದ ಅರಮನೆಯನ್ನು ಹೊಂದಿದ್ದ. ಇದನ್ನು ರಾವಣನು ಕುಬೇರನಿಂದ ತೆಗೆದುಕೊಂಡನೆಂದು ಹೇಳಲಾಗುತ್ತದೆ. ಆದರೆ ಆ ಅರಮನೆಯು ರಾವಣನ ಅರಮನೆಯೂ ಆಗಿರಲಿಲ್ಲ. ಕುಬೇರನ ಅರಮನೆಯೂ ಆಗಿರಲಿಲ್ಲ. ಹಾಗಿದ್ದರೆ ಇದರ ಹಿಂದಿರುವ ಕುತೂಹಲವೇನು? ಈ ಸ್ಥಳದ ಮಹತ್ವವೇನು ಇತ್ಯಾದಿಗಳ ಕುರಿತು ಗಗನ್ ಅವರು ಸಂಪೂರ್ಣ ವಿವರಣೆ ನೀಡಿದ್ದಾರೆ.
ಅಷ್ಟಕ್ಕೂ, ಶ್ರೀಲಂಕಾದ ಸಿಗಿರಿಯಾ ಸ್ಥಳವು ಕಥೆಯನ್ನು ಹೇಳುವ ಹಾಗೂ ಕಥೆಯನ್ನು ಹೊಂದಿರುವಂತ ಸುಂದರ ಸ್ಥಳವಾಗಿದೆ. ಇದನ್ನು ಹಿಂದಿನ, ಪ್ರಮುಖ ಬೌದ್ಧ ಮಠದ ಸ್ಥಳವೆಂದು ಕೆಲವರು ನಂಬುತ್ತಾರೆ, ಆದರೆ ಕೆಲವು ದಂತಕಥೆಗಳು ಪ್ರಸಿದ್ಧ ಮಹಾಕಾವ್ಯ ರಾಮಾಯಣದ ರಾವಣನು ಇಲ್ಲಿ ತನ್ನ ಅರಮನೆಯನ್ನು ಹೊಂದಿದ್ದನೆಂದು ಹೇಳುತ್ತವೆ. ಈ ಚಿನ್ನದ ಲಂಕಾವನ್ನು ಶಿವ ಮತ್ತು ಪಾರ್ವತಿ ದೇವಿ ನಿರ್ಮಿಸಿದ್ದರು ಎನ್ನುತ್ತದೆ ಪುರಾಣ. ಮಹಾದೇವನು ತುಂಬಾ ಸರಳವಾದ ಜೀವನವನ್ನು ನಡೆಸುತ್ತಾನೆ, ಅವನಿಗೆ ಯಾವುದೇ ಅರಮನೆ ಅಗತ್ಯವಿರಲಿಲ್ಲ, ಆದರೆ ಪಾರ್ವತಿ ದೇವಿಯು ತಾನು ಇತರ ದೇವತೆಗಳಂತೆ ಸ್ವಂತ ಮನೆಯಲ್ಲಿರುವ ಆಸೆಯನ್ನು ಹೊಂದಿದ್ದಳು. ಅದರಂತೆಯೇ ಇದರ ನಿರ್ಮಾಣವಾಗಿದೆ ಎನ್ನುವುದು ಪ್ರತೀತಿ ಇದೆ. ಪಾರ್ವತಿ ಎಷ್ಟು ಬೇಡವೆಂದರೂ ಕೇಳದ ಹಿನ್ನೆಲೆಯಲ್ಲಿ, ಶಿವನು ಅರಮನೆಯನ್ನು ನಿರ್ಮಿಸುವ ಕೆಲಸವನ್ನು ವಿಶ್ವಕರ್ಮನಿಗೆ ಒಪ್ಪಿಸಿದನು. ನಂತರ ಅವರು ಚಿನ್ನದ ಅರಮನೆಯೊಂದನ್ನು ನಿರ್ಮಿಸಿದರು. ಅದುವೇ ಲಂಕಾದ ಅರಮನೆ ಎನ್ನಲಾಗಿದೆ. ಇವುಗಳ ಮಾಹಿತಿಯನ್ನು ಡಾ. ಬ್ರೋ ನೀಡಿದ್ದಾರೆ.
ಶೇವಿಂಗ್ ಮಾಡಿಸಿಕೊಂಡ್ರೆ 800 ರೂ. ಬೋಳಿಸ್ತಾರೆ ... ಖಾಲಿ ದೋಸೆಗೂ 450 ಕೇಳ್ತಾರೆ ... ಅಬ್ಬಬ್ಬಾ ಎಲ್ಲಿದು ಅಂತೀರಾ?
ಈ ಸ್ಥಳವು ಇಂದು ನಿಂತಿರುವಂತೆ, ಒಂದು ಬೃಹತ್, ಬಂಡೆಯ ಪ್ರಸ್ಥಭೂಮಿಯಾಗಿದ್ದು, ಇದನ್ನು ವಿಶ್ವದ ಎಂಟನೇ ಅದ್ಭುತ ಎಂದು ಕರೆಯಲಾಗುತ್ತದೆ. ಇಲ್ಲಿರುವ ಕೆಲವು ದಾಖಲೆಗಳನ್ನು ನೋಡಿದರೆ, ಇದು ಕಿಂಗ್ ಕಶ್ಯಪ ರಾಜಧಾನಿಯ ಸ್ಥಳವಾಗಿತ್ತು. ಅವನ ಅರಮನೆಯು ಬಂಡೆಯ ತುದಿಯಲ್ಲಿದೆ. ಕಿಂಗ್ ಕಶ್ಯಪನು ಪ್ಲೇಬಾಯ್ ಚಿತ್ರವನ್ನು ಹೊಂದಿದ್ದನೆಂದು ಕೆಲವರು ನಂಬುತ್ತಾರೆ, ಮತ್ತು ಸಿಗಿರಿಯಾದಲ್ಲಿ ಅವನ ಅರಮನೆ ಇತ್ತು ಎನ್ನಲಾಗುತ್ತದೆ. ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿರುವ ಇದು ಈಗ ಶ್ರೀಲಂಕಾದ ಪ್ರವಾಸೋದ್ಯಮದ ಅತ್ಯಂತ ಗಮನಾರ್ಹ ಸ್ಮಾರಕಗಳಲ್ಲಿ ಒಂದಾಗಿದೆ. ಅನೇಕ ಪ್ರಸಿದ್ಧ ಇತಿಹಾಸಕಾರರು ಸಿಗಿರಿಯಾ ರಾವಣನೊಂದಿಗೆ ಸಂಪರ್ಕ ಹೊಂದಿದೆ ಎಂದು ನಂಬುತ್ತಾರೆ. ಪ್ರಸ್ಥಭೂಮಿ ಮೇಲ್ಭಾಗವು ರಾವಣನ ಭವ್ಯವಾದ ಅರಮನೆಯ ತಾಣವಾಗಿದೆ ಎಂದು ನಂಬಲಾಗಿದೆ, ಇದು ಘನ ಚಿನ್ನದಿಂದ ಮಾಡಲ್ಪಟ್ಟಿದೆ ಮತ್ತು ಸುಮಾರು 50 ಶತಮಾನಗಳ ಹಿಂದೆ ಸಂಪತ್ತಿನ ದೇವರು ಕುಬೇರರಿಂದ ರಚಿಸಲ್ಪಟ್ಟಿದೆ ಎನ್ನಲಾಗುತ್ತದೆ.
ಇನ್ನು ಇಲ್ಲಿಯ ವಾಸ್ತುಶಿಲ್ಪಕ್ಕೆ ಎಲ್ಲರೂ ಬೆರಗಾಗಲೇಬೇಕು. ಮೇಲಕ್ಕೆ ಸುಮಾರು 1000 ಮೆಟ್ಟಿಲುಗಳನ್ನು ಹೊಂದಿರುವ ಇದು ರಾವಣ ಮತ್ತು ಅವನ ಸಂದರ್ಶಕರಿಗೆ ಮೇಲಕ್ಕೆ ಹೋಗಲು ಒಂದು ಲಿಫ್ಟ್ ಅನ್ನು ಹೊಂದಿತ್ತು. ಸುಮಾರು 50 ಶತಮಾನಗಳ ಹಿಂದೆ ಲಿಫ್ಟ್ ಹೊಂದಿತ್ತೆಂದರೆ ಈ ಸ್ಥಳ ಹೇಗಿತ್ತು ಅನ್ನೋದನ್ನು ಊಹಿಸಿಕೊಳ್ಳುವುದೂ ಕಷ್ಟ. ಈ ಬಂಡೆಯ ಪ್ರಸ್ಥಭೂಮಿಯ ಕೆಳಭಾಗವನ್ನು ಹತ್ತಿರದಿಂದ ನೋಡಿದರೆ, ಹಲವು ಗುಹೆಗಳನ್ನು ಕಾಣಬಹುದು. ಇಲ್ಲಿನ ಒಂದು ಗುಹೆಗಳಲ್ಲಿ ರಾವಣನು ಸೀತೆಯನ್ನು ಅಪಹರಿಸಿದ ನಂತರ ಜೈಲಿನಲ್ಲಿದ್ದನು. ಗುಹೆಯ ಗೋಡೆಗಳು ಗಾಢ ಬಣ್ಣದ ವರ್ಣಚಿತ್ರಗಳನ್ನು ಹೊಂದಿದ್ದು, ರಾಮಾಯಣದ ಯುಗದ ದೃಶ್ಯಗಳನ್ನು ಚಿತ್ರಿಸುತ್ತಿರುವುದರಿಂದ ಈ ಕಥೆ ನಿಜವಾಗಿರಬಹುದು.
ಬಾವಿಯ ತುಂಬಾ ಹೆಣಗಳ ರಾಶಿ: ಶ್ರೀರಾಮ ಉಳಿದ ಪ್ರಯಾಗರಾಜ್ನ ಕೌತುಕ ವಿವರಿಸಿದ್ದಾರೆ ಡಾ.ಬ್ರೋ
