ಬಿಗ್ಬಾಸ್ನಲ್ಲಿ ಆತ್ಮೀಯರಾಗಿದ್ದ ಐಶ್ವರ್ಯ ಸಿಂಧೋಗಿ ಮತ್ತು ಶಿಶಿರ್ ಶಾಸ್ತ್ರಿ ಸ್ನೇಹಕ್ಕಿಂತ ಮಿಗಿಲಾದ ಸಂಬಂಧ ಹೊಂದಿದ್ದಾರೆ. ಇಬ್ಬರೂ 2016ರಲ್ಲಿ ಒಟ್ಟಿಗೆ ಸಿನಿಮಾ ಮಾಡಿದ್ದರು. ಬಿಗ್ಬಾಸ್ ಮನೆಯಲ್ಲಿ ಆತ್ಮೀಯತೆ ಹೆಚ್ಚಿತು. ಪ್ರೀತಿ-ಮದುವೆಯ ಯೋಚನೆ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಐಶ್ವರ್ಯ ಈಗ ಸಿಂಗಲ್ ಆಗಿರಲು ಇಷ್ಟಪಡುತ್ತಾರೆ.
ಬಿಗ್ಬಾಸ್ ಅಂದ್ಮೇಲೆ ಅಲ್ಲಿ ಯಾರನ್ನಾದರೂ ಜೋಡಿ ಮಾಡುವುದು ಸಹಜವೇ. ಅವರು ಮದುವೆಯಾದವರೇ ಆಗಿರಲಿ, ಆಗದವರೇ ಆಗಿರಲಿ... ಒಟ್ಟಿನಲ್ಲಿ ಇಬ್ಬರ ಮಧ್ಯೆ ಲವ್ ಆಗಿದೆ ಎಂದು ಸುದ್ದಿಯಾಗುತ್ತದೆ, ಜೊತೆಗೆ ಈ ಜೋಡಿಗಳು ಕೂಡ ಅದೇ ರೀತಿ ನಡೆದುಕೊಳ್ಳುವ ಕಾರಣದಿಂದ ಹೀಗೊಂದು ಸುದ್ದಿ ಹರಡುತ್ತದೆ. ಕೆಲವೊಮ್ಮೆ ಬಿಗ್ಬಾಸ್ನಿಂದ ಹೊರಗೆ ಬಂದ ಮೇಲೆಯೂ ಆ ಜೋಡಿಗಳು ಸದ್ದು ಮಾಡಿದರೆ, ಮತ್ತೆ ಕೆಲವು ಜೋಡಿಗಳು ಹೊರಕ್ಕೆ ಬಂದ ಮೇಲೆ ಬೇರೆ ಬೇರೆಯಾಗುತ್ತವೆ. ಬಿಗ್ಬಾಸ್ನಲ್ಲಿ ಲವ್ ಆಗಿ, ಹೊರಗೆ ಬಂದು ಮದುವೆಯಾಗಿ ಕೊನೆಗೆ ಬೇರ್ಪಟ್ಟ ಉದಾಹರಣೆಗಳೂ ಇವೆ.
ಅದೇನೇ ಇರಲಿ, ಸದ್ಯ ಬಿಗ್ಬಾಸ್ 11ರ ಹವಾ ಇನ್ನೂ ಇರುವ ಕಾರಣ, ಮುಂದಿನ ಸೀಸನ್ ಬರುವವರೆಗೆ ಈ ಸೀಸನ್ನ ಸ್ಪರ್ಧಿಗಳು ಹೈಲೈಟ್ ಆಗಿರುತ್ತಾರೆ. ಈ ಸೀಸನ್ನಲ್ಲಿ ಕೂಡ ಮಾಮೂಲಿಯಂತೆ ಒಂದಿಷ್ಟು ಜೋಡಿಗಳು ಸದ್ದು ಮಾಡಿದ್ದು ಇವೆ. ಅವರಲ್ಲಿ ಒಬ್ಬರು ಐಶ್ವರ್ಯ ಸಿಂಧೋಗಿ ಮತ್ತು ಶಿಶಿರ್ ಶಾಸ್ತ್ರಿ. ಇವರಿಬ್ಬರೂ ಮೊದಲಿನಿಂದಲೂ ಬಿಗ್ಬಾಸ್ ಮನೆಯಲ್ಲಿ ಸಕತ್ ಕ್ಲೋಸ್ ಆಗಿದ್ದರು. ಅಷ್ಟಕ್ಕೂ ಇವರಿಬ್ಬರೂ ಬಿಗ್ಬಾಸ್ಗಿಂತಲೂ ಮುಂಚೆಯೇ ಪರಸ್ಪರ ಬಲ್ಲವರು. ಒಟ್ಟಿಗೇ ಒಂದು ಸಿನಿಮಾ ಕೂಡ ಮಾಡಿದ್ದರು. ಆದ್ದರಿಂದ ಇವರಿಬ್ಬರ ಮೇಲೆ ವೀಕ್ಷಕರ ಕಣ್ಣು ಕೂಡ ನೆಟ್ಟಿತ್ತು. ಒಂದು ಹಂತದಲ್ಲಿ ಒಬ್ಬರ ಮೇಲೆ ಒಬ್ಬರು ತೋರುವ ಪ್ರೀತಿ ನೋಡಿ, ಇವರಿಬ್ಬರೂ ಲವ್ನಲ್ಲಿ ಬಿದ್ದಿದ್ದಾರೆ ಎಂದೇ ಹೇಳಲಾಗಿತ್ತು. ಇಂಥ ಸನ್ನಿವೇಶಗಳನ್ನು ಬಿಗ್ಬಾಸ್ ಸೃಷ್ಟಿಸಿ ಟಿಆರ್ಪಿ ಹೆಚ್ಚಿಸಿಕೊಳ್ಳುವುದು ಈಗೇನೂ ಗುಟ್ಟಾಗಿ ಉಳಿದಿಲ್ಲ. ಬಿಗ್ಬಾಸ್ನಿಂದ ಹೊರಕ್ಕೆ ಬಂದವರೇ ಈ ಬಗ್ಗೆ ಮಾತನಾಡಿದ್ದಾರೆ. ಜಗಳ, ಲವ್ ಸನ್ನಿವೇಶಗಳನ್ನು ಹೇಗೆ ಸೃಷ್ಟಿ ಮಾಡಲಾಗುತ್ತದೆ ಎಂಬ ಬಗ್ಗೆ ವಿವರಿಸಿದ್ದಾರೆ. ಅವರಲ್ಲಿ ಒಂದು ಐಶ್ವರ್ಯ ಮತ್ತು ಶಿಶಿರ್ ಜೋಡಿ.
ಬಿಗ್ಬಾಸ್ ವಿನ್ನರ್ ಹನುಮಂತು 'ಫಸ್ಟ್ ನೈಟ್' ಹೀಗಿತ್ತು: ಸುಸ್ತಾಗೋದ್ರು ಕಿಚ್ಚ ಸುದೀಪ್! ವಿಡಿಯೋ ವೈರಲ್
ಶಿಶಿರ್ ಅವರು ಬಿಗ್ಬಾಸ್ನಿಂದ ಎಲಿಮಿನೇಟ್ ಆದಾಗ ಐಶ್ವರ್ಯಾ ತುಂಬಾ ನೊಂದುಕೊಂಡಿದ್ದರು. ಬಿಗ್ಬಾಸ್ನಿಂದ ಹೊರಕ್ಕೆ ಬಂದಿದ್ದ ಶಿಶಿರ್ ಅವರು ತಮ್ಮಿಬ್ಬರ ಸಂಬಂಧದ ಬಗ್ಗೆ ಮಾತನಾಡುತ್ತಾ, ಪ್ರೀತಿ, ಕ್ರಷ್ ಎನ್ನುವುದೆಲ್ಲಾ ನಮ್ಮ ನಡುವೆ ಇಲ್ಲ. ನಮ್ಮಿಬ್ಬರದ್ದು ಪರಿಶುದ್ಧವಾದ ಸ್ನೇಹ ಅಷ್ಟೇ. ನಾವಿಬ್ಬರೂ ಬಿಗ್ಬಾಸ್ಗಿಂತಲೂ ಮೊದಲೇ ಬಲ್ಲವರು ಅಷ್ಟೇ. ಆದರೆ ನಮ್ಮಿಬ್ಬರ ನಡುವೆ ಒಳ್ಳೆ ಬಾಂಧವ್ಯ ಶುರುವಾಗಿದ್ದೇ ಟಾಸ್ಕ್ ಬಳಿಕ. ಆ ಸಮಯದಲ್ಲಿ ಪರಸ್ಪರ ಕುಗ್ಗಿದಾಗ ಪ್ರೋತ್ಸಾಹಿಸುತ್ತಿದ್ದೆವು ಅಷ್ಟೇ. ಈ ರೀತಿಯಾಗಿ ನಮ್ಮ ಸ್ನೇಹ ಬೆಳೆದಿದೆ ವಿನಾ ಏನೂ ಇಲ್ಲ ಎಂದಿದ್ದರು. ಇದೇ ವೇಳೆ ಐಶ್ವರ್ಯ ಕುರಿತು ಮಾತನಾಡಿದ್ದ ಅವರು, ಆಕೆ ಮಾನಸಿಕವಾಗಿ ಅವರು ತುಂಬಾ ಗಟ್ಟಿಗಿತ್ತಿ. ಹೊರಗಡೆ ತುಂಬಾ ನೋವುಗಳನ್ನು ಎದುರಿಸಿದ್ದಾಳೆ ಎಂದೂ ಹೇಳಿದ್ದರು.
ಇದೀಗ ನಿರಿಕ್ (ನಿರಂಜನ್ ದೇಶಪಾಂಡೆ ಮತ್ತು ಕಿರಿಕ್ ಕೀರ್ತಿ) ಚಾನೆಲ್ನಲ್ಲಿ ಮಾತನಾಡಿರುವ ಅವರಿಗೆ ಎದುರಾದದ್ದು ಕೂಡ ಇದೇ ಪ್ರಶ್ನೆ. ಅದಕ್ಕೆ ಐಶ್ವರ್ಯ ಅವರು, ನನ್ನ ಮತ್ತು ಶಿಶಿರ್ ನಡುವೆ ಇರುವುದು ಬರೀ ಸ್ನೇಹ ಅಲ್ಲ. ಅದಕ್ಕಿಂತ ಮಿಗಿಲಾದ ಮಚ್ಚ, ಮಚ್ಚಿ ಸಂಬಂಧ. ಹಾಗೆಂದು ಇದು ಪ್ರೀತಿ-ಮದುವೆಯ ಬಗ್ಗೆ ಅಲ್ಲ. ನಮ್ಮಿಬ್ಬರಿಗೂ ಆ ಭಾವನೆ ಇಲ್ಲ. ನಾವಿಬ್ಬರೂ 2016ರಲ್ಲಿ ಒಟ್ಟಿಗೆ ಮೂವಿ ಮಾಡಿದ್ವಿ. ಆಗಿಂದ ಪರಿಚಯವಷ್ಟೇ. ಹಾಗೆಂದು ಫಿಲ್ಮ್ ಬಳಿಕವೂ ಫೋನ್ ಸಂಪರ್ಕ ಕೂಡ ಇರಲಿಲ್ಲ. ಬಿಗ್ಬಾಸ್ನಲ್ಲಿಯೇ ಅಷ್ಟು ಸ್ನೇಹ ಬೆಳೆದದ್ದು. ಅದನ್ನು ಬಿಟ್ಟು ಏನೂ ಇಲ್ಲ. ಅವರು ತುಂಬಾ ಒಳ್ಳೆಯ ವ್ಯಕ್ತಿ ಅಷ್ಟೇ. ನನಗೆ ಈಗಾಗಲೇ ಒಂದು ಬ್ರೇಕ್ ಅಪ್ ಆಗಿ ಅದರಿಂದ ಹೊರಕ್ಕೆ ಬಂದಿದ್ದೇನೆ. ಸದ್ಯ ಮದುವೆಯ ಬಗ್ಗೆ ಯೋಚನೆಯನ್ನೂ ಮಾಡಲ್ಲ, ಸಿಂಗಲ್ ಆಗಿರುವುದೇ ನನಗೆ ಇಷ್ಟ ಎಂದಿದ್ದಾರೆ ಐಶ್ವರ್ಯ.
ಮೇಕಪ್ ಇಲ್ಲದ ಮುಖ ತೋರಿಸಲು ನಾಚಿಗೊಂಡ ಬಿಗ್ಬಾಸ್ ನಮ್ರತಾ! ಬಣ್ಣ ರಹಿತ ತನಿಷಾರನ್ನೂ ನೋಡಿಬಿಡಿ
