Asianet Suvarna News Asianet Suvarna News

BB7: ರಾತ್ರಿಯೆಲ್ಲಾ ಎಕ್ಸಾಮ್ ಗೆ ಓದಿ ಮಾರನೇ ದಿನ ಬಸ್ ನಲ್ಲಿ ನಿದ್ದೆ ಮಾಡಿದ ಕಿಲಾಡಿ!

ಬಿಗ್ ಬಾಸ್ ಸ್ಪರ್ಧಿಗಳ ಜೊತೆ ಕಿಚ್ಚ ಸುದೀಪ್ ಮಾತುಕತೆ | ಒಬ್ಬೊಬ್ಬರದ್ದು ಒಂದೊಂದು ಇಂಟರೆಸ್ಟಿಂಗ್ ಕತೆ | ಚಾಕಲೇಟ್ ಬಾಯ್ ವಾಸುಕಿ ವೈಭವ್ ಎಕ್ಸಾಮ್ ಸ್ಟೋರಿ ಬಹಳ ಮಜವಾಗಿದೆ 

Bigg Boss 7 Vasuki vaibhav shares a college days experience with kiccha Sudeep
Author
Bengaluru, First Published Oct 20, 2019, 11:43 AM IST

ವೀಕೆಂಡ್ ಬಂತು, ಕಿಚ್ಚ ಸುದೀಪ್ ಬಂದರೂ ಅಂದ್ರೆ ಸಾಕು ಬಿಗ್ ಬಾಸ್ ಗೆ ಕಳೆಯೇರುತ್ತದೆ. ಸ್ಪರ್ಧಿಗಳ ಸುದೀಪ್ ಬರುತ್ತಾರೆ. ಮಾತನಾಡುತ್ತಾರೆ. ಒಬ್ಬೊಬ್ಬರ ಬಗ್ಗೆ ಇಂಟರೆಸ್ಟಿಂಗ್ ವಿಚಾರವನ್ನು ಹೇಳುತ್ತಾರೆ. 

ಬಿಗ್ ಬಾಸ್ ಮನೆಮಂದಿಗೆ ಒಂದು ಟಾಸ್ಕ್ ಕೊಟ್ಟಿದ್ದರು. ಒಬ್ಬೊಬ್ಬರ ಬಗ್ಗೆ ಒಂದೊಂದು ವಿಚಾರವನ್ನು ಎನ್ವಲಪ್ ಮೇಲೆ ಬರೆದು ಅದು ಯಾರಿಗೆ ಸಂಬಂಧಪಟ್ಟಿದ್ದು ಎಂದು ಹೇಳಬೇಕಾಗಿತ್ತು. ಅದರಲ್ಲಿ ರಾತ್ರಿಯೆಲ್ಲಾ ಚೆನ್ನಾಗಿ ಓದಿ ಬೆಳಿಗ್ಗೆ ನಿದ್ದೆ ಮಾಡಿ ಎಕ್ಸಾಮ್ ಹಾಲ್ ಗೆ ಲೇಟಾಗಿ ಹೋಗಿದ್ಯಾರು? ಎಂದು ಕೇಳಲಾಗಿತ್ತು.  ಅದಕ್ಕೆ ಸರಿ ಉತ್ತರ ವಾಸುಕಿ ವೈಭವ್. 

BB7: ಕಿರುತೆರೆ ನಟ ರಸ್ತೆಯಲ್ಲಿ ದೋಸೆ ಮಾರಿ ಜೀವನ ಮಾಡುತ್ತಿದ್ದಾರೆ!

ವಾಸುಕಿ ಡಿಗ್ರಿಯಲ್ಲಿ ಓದುತ್ತಿರುವಾಗ ಮಾರನೇ ದಿನ ಬ್ಯಸಿನೆಸ್ ಸ್ಟಡಿ ಎಕ್ಸಾಮ್ ಇತ್ತು. ರಾತ್ರಿಯೆಲ್ಲಾ ನಿದ್ದೆಗಟ್ಟು ಓದಿದ್ದರಂತೆ. ಬೆಳಿಗ್ಗೆ ಎದ್ದು ಕಾಲೇಜಿಗೆ ಬಸ್ ನಲ್ಲಿ ಹೊರಟಿದ್ದರು. ಬಸ್ ಖಾಲಿ ಇದ್ದುದ್ದರಿಂದ ಕಿಟಕಿ ಪಕ್ಕದ ಸೀಟಿನಲ್ಲಿ ಕೂತರು. ಸ್ವಲ್ಪ ಸಮಯದಲ್ಲೇ ನಿದ್ದೆಗೆ ಜಾರಿದರು. ಬಸ್ ಮೆಜೆಸ್ಟಿಕ್ ಗೆ ಹೋದಮೇಲೆ ಎಚ್ಚರವಾಗಿದ್ದಂತೆ! ಅಷ್ಟೊತ್ತಿಗಾಗಲೇ 10-15 ಆಗೊಗಿತ್ತು. ಅಂತೂ ಇಂತೂ ಎಕ್ಸಾಮ್ ಹಾಲ್ ಗೆ ಹೋದರೆ ಕೆಲವರು ಪರೀಕ್ಷೆ ಬರೆದು ಆಚೆ ಹೋಗುತ್ತಿದ್ದರಂತೆ. ಕೊನೆಗೆ ರಿಕ್ವೆಸ್ಟ್ ಮಾಡಿ ಎಕ್ಸಾಮ್ ಬರೆದ್ರೆ ಬಂದದ್ದು 10 ಅಂಕಗಳಂತೆ! 

ಹೀಗಂತ ತಮ್ಮ ಕಾಲೇಜು ದಿನಗಳನ್ನು ನೆನೆಸಿಕೊಂಡಿದ್ದಾರೆ ವಾಸುಕಿ ವೈಭವ್. ಇವರು ರಂಗಭೂಮಿ ಕಲಾವಿದ. ಹಾಡುಗಾರ. ಬಿಗ್ ಬಾಸ್ ಮನೆಯಲ್ಲಿ ಹಾಡನ್ನು ಹೇಳುತ್ತಾ ಮನೆಮಂದಿಯನ್ನೆಲ್ಲಾ ಖುಷಿಪಡಿಸುತ್ತಿರುತ್ತಾರೆ. 
 

Follow Us:
Download App:
  • android
  • ios