'ಯೇ ಮೆಮೊರಿ ಹೈ, ಕ್ಯಾ ಬೇಕಾಗ್ತಾ ಹೈ?' ಪಂಜಾಬ್ ಗಾಯಕನ ಜೊತೆ ಏನಮ್ಮಾ ಅನುಶ್ರೀ ಇದು?
ಆ್ಯಂಕರ್ ಅನುಶ್ರೀ ಸರಿಗಮಪ ಷೋನಲ್ಲಿ ಪಂಜಾಬ್ ಗಾಯಕನೊಂದಿಗೆ ಇಂಗ್ಲಿಷ್,ಹಿಂದಿ ಹಾಗೂ ಕನ್ನಡ ಮಿಕ್ಸ್ ಮಾತನಾಡಿದ್ದ ಪ್ರೊಮೋ ಕಚಗುಳಿ ಇಡುವಂತಿದೆ!
ಕನ್ನಡ ಕಿರುತೆರೆ ಜನಪ್ರಿಯ ನಿರೂಪಕಿ ಕಮ್ ಸ್ಯಾಂಡಲ್‌ವುಡ್‌ ನಟಿ (Sandalwood star) ಅನುಶ್ರೀ ಮನೆಮಾತಾಗಿರುವ ನಟಿ. ಅದ್ಭುತವಾಗಿ ಕಾರ್ಯಕ್ರಮ ನಿರೂಪಣೆಯ ಜೊತೆಗೆ ಸಂಗೀತ, ನೃತ್ಯದಿಂದಲೂ ಮನರಂಜಿಸುವ ಅನುಶ್ರೀ ಸದ್ಯ ಸರಿಗಮಪ ಸಂಗೀತದ ರಿಯಾಲಿಟಿ ಷೋನಲ್ಲಿ ಬಿಜಿಯಾಗಿದ್ದಾರೆ. ಜೀ ಕನ್ನಡ ಚಾನೆಲ್ನಲ್ಲಿ (Zee Kannada Channel) ವಾರಾಂತ್ಯದಲ್ಲಿ ಎಲ್ಲರ ಮೆಚ್ಚುಗೆ ಗಳಿಸುತ್ತಿರುವ ಸರಿಗಮಪ ಸಂಗೀತ ರಿಯಾಲಿಟಿ ಷೋ ಈಗ 20ನೇ ಕಂತಿಗೆ ಕಾಲಿಟ್ಟಿದೆ. ಅಪಾರ ಪ್ರಮಾಣದಲ್ಲಿ ಜನ ಮೆಚ್ಚುಗೆ ಗಳಿಸಿರುವ ಈ ಷೋದಲ್ಲಿ ರಾಜ್ಯಗಳ ವಿವಿಧ ಮೂಲೆಗಳ ಸಂಗೀತ ಪ್ರತಿಭೆಗಳನ್ನು ವಾಹಿನಿ ಪರಿಚಯಿಸಿದೆ. ಇದಾಗಲೇ 19 ಸರಣಿಗಳನ್ನು (season) ಪೂರೈಸಿದ್ದು, ಇದೀಗ 20ನೇ ಸೀಸನ್ ಶುರುವಾಗಿ ಕೆಲವು ವಾರಗಳೇ ಕಳೆದಿವೆ.
ಇಲ್ಲಿಯವರೆಗೆ ಕರ್ನಾಟಕದಲ್ಲಿ ಆಡಿಷನ್ ನಡೆದಿದೆ. ಇಲ್ಲಿ ಆಡಿಷನ್ ನಡೆದಿರುವ ಸಂದರ್ಭದಲ್ಲಿ ಕರ್ನಾಟಕದ ಹೊರ ರಾಜ್ಯಗಳ ಪ್ರತಿಭೆಗಳೂ ಪಾಲ್ಗೊಂಡಿದ್ದು, ಹಲವರಿಗೆ ಈ ಕಾರ್ಯಕ್ರಮದಲ್ಲಿ ಹಾಡುವ ಅವಕಾಶ ದೊರಕಿದೆ. ಇದೀಗ ಹೊಸ ಪ್ರಯತ್ನಕ್ಕೆ ಕೈಹಾಕಿರುವ ತಂಡ, ಕನ್ನಡದ ಕಂಪನ್ನು ಹೊರ ದೇಶಗಳಿಗೂ ಬಿತ್ತರಿಸುವ ಪ್ರಯತ್ನಕ್ಕೆ ಮುಂದಾಗಿದೆ. ಇದಾಗಲೇ ಷೋ ಆರಂಭಗೊಂಡಿದ್ದು, ಇದನ್ನು ಎಂದಿನಂತೆ ಆ್ಯಂಕರ್ ಅನುಶ್ರೀ ನಡೆಸಿಕೊಡುತ್ತಿದ್ದಾರೆ. ಹೇಳಿ ಕೇಳಿ ಅವರು ಅನುಶ್ರೀ. ಅವರ ಆ್ಯಂಕರಿಂಗ್ ಶೈಲಿಗೆ ಅವರೇ ಸಾಟಿ. ಸದಾ ಹಾಸ್ಯ ಮಾಡುತ್ತಾ, ಪ್ರೇಕ್ಷಕರನ್ನು ತಮ್ಮ ಕಡೆಗೆ ಸೆಳೆದಿಟ್ಟುಕೊಳ್ಳುವ ಗುಣ ಅವರಿಗೆ ಚೆನ್ನಾಗಿ ಕರಗತವಾಗಿದೆ. ಇದೇ ಕಾರಣಕ್ಕೆ ಅವರಿಗೆ ಎಲ್ಲಾ ವಾಹಿನಿಗಳಿಂದಲೂ ಸಕತ್ ಬೇಡಿಕೆ ಇದೆ.
ಕುಲುಮೆಯಲ್ಲಿ ಬೆವರು ಹರಿಸಿದ ಆನಂದ್-ಚೈತ್ರಾ; ಬಳೆಗಾರರಾಗಿ ಮನೆಗೆ ಬಂದ ಚಿದಾನಂದ್-ಕವಿತಾ!
ಇದೀಗ ಪಂಜಾಬ್ ಗಾಯಕನೊಬ್ಬನ ಜೊತೆ ಹಿಂದಿ ಮತ್ತು ಇಂಗ್ಲಿಷ್ನಲ್ಲಿ ಅನುಶ್ರೀ ಅವರು ಮಾತನಾಡಿರುವ ಕುರಿತು ಜೀ ಕನ್ನಡ ವಾಹಿನಿ ಪ್ರೊಮೋ ರಿಲೀಸ್ ಮಾಡಿದೆ. ಇದರಲ್ಲಿ ಪಂಜಾಬ್ ಮತ್ತು ಆಸ್ಟ್ರೇಲಿಯಾದ ಗಾಯಕರು ಪಾಲ್ಗೊಂಡಿದ್ದಾರೆ. ತೀರ್ಪುಗಾರರಾಗಿರುವ ವಿಜಯ್ ಪ್ರಕಾಶ್ ಮತ್ತು ಅನುಶ್ರೀ ಅವರು ಪಂಜಾಬ್ ಗಾಯಕ ಜಸ್ಕರನ್ ಜೊತೆ ಹಿಂದಿ ಮತ್ತು ಇಂಗ್ಲಿಷ್ನಲ್ಲಿ ಮಾತನಾಡಿರುವ ವಿಡಿಯೋ ಇದಾಗಿದೆ. ವಿಜಯ್ ಪ್ರಕಾಶ್ ಅವರು ಜಸ್ಕರನ್ ನಿಮಗೊಂದು ಪ್ರಶ್ನೆ. ಇವರಿಗೆ ಎಷ್ಟು ದಿನದ ಮುಂಚೆ ಹಾಡು ಕೊಡ್ತಿರಾ ಎಂದು ಹಿಂದಿಯಲ್ಲಿ ಕೇಳಿ ಎಂದರು. ಅದಕ್ಕೆ ಅನುಶ್ರೀ, ಕಿತನೇ ದಿನ್ ಕಿತನೇ ದಿನ್ ಎಂದು ನಗಿಸುತ್ತಾ ನಂತರ ಇಂಗ್ಲಿಷ್ನಲ್ಲಿ ಮಾತನಾಡಿದರು. ಹೀಗೆ ಇವರ ಹಿಂದಿ-ಇಂಗ್ಲಿಷ್ ಮತ್ತು ಕನ್ನಡ ಮಿಕ್ಸ್ ಮಾತು ಮುಂದುವರೆದಿದ್ದು ಪ್ರೊಮೋ ನೋಡಿ ನೆಟ್ಟಿಗರು ಬಿದ್ದೂ ಬಿದ್ದೂ ನಗುತ್ತಿದ್ದಾರೆ.
ಅಷ್ಟಕ್ಕೂ ಆಗಿದ್ದೇನೆಂದರೆ, ಲಿರಿಕ್ಸ್ ಬರೆದು ಜಸ್ಕರನ್ ಅವರು ಕೆಲವೇ ಗಂಟೆಗಳಲ್ಲಿ ಹಾಡನ್ನು ಪ್ರಾಕ್ಟೀಸ್ ಮಾಡುತ್ತಾರೆ ಎಂಬುದನ್ನು ಕೇಳಿ ವಿಜಯ್ ಪ್ರಕಾಶ್ ಅವರು, ಈ ರೀತಿ ಮೆಮೊರಿ ಇರಬೇಕು ಎಂದರೆ ಏನು ಮಾಡಬೇಕು ಎಂದು ಕೇಳಿದ್ದಾರೆ. ಅದನ್ನು ಹಿಂದಿಯಲ್ಲಿ ಕೇಳುವಂತೆ ಅನುಶ್ರೀ ಅವರಿಗೆ ಕೇಳಿದಾಗ, ಅವರು ಯೇ ಮೆಮೊರಿ ಹೈ, ಕ್ಯಾ ಬೇಕಾಗ್ತಾ ಹೈ ಎಂದು ಕೇಳಿದಾಗ ಎಲ್ಲರೂ ಗೊಳ್ಳೆಂದು ನಕ್ಕಿದ್ದಾರೆ. ಅಷ್ಟಕ್ಕೂ ಅನುಶ್ರೀಗಾಗಲಿ, ವಿಜಯ್ ಪ್ರಕಾಶ್ ಅವರಿಗಾಗಲಿ ಹಿಂದಿ ಮತ್ತು ಇಂಗ್ಲಿಷ್ ಬರುವುದಿಲ್ಲವೆಂದೇನಲ್ಲ. ಸದಾ ಎಲ್ಲರನ್ನೂ ನಗಿಸುವಲ್ಲಿ ಫೇಮಸ್ ಆಗಿರೋ ಇವರಿಬ್ಬರೂ ಪ್ರೇಕ್ಷಕರನ್ನು ರಂಜಿಸಲು ಹೀಗೆ ಮಾಡಿರುವುದು ಎಲ್ಲರಿಗೂ ತಿಳಿದದ್ದೇ. ಒಟ್ಟಿನಲ್ಲಿ ಈ ಪ್ರೊಮೋ ತುಂಬಾ ಖುಷಿಕೊಡುವಂತಿದೆ.
