ಅವಳು ನನ್ನ ಹೋಮ್ವರ್ಕ್ ಮಾಡ್ತಿದ್ಲು... ಕಾಲೇಜ್ನ ಕ್ರಷ್ ಒಂದಾ, ಎರಡಾ... ಚಂದನ್ ಶೆಟ್ಟಿ ಓಪನ್ ಮಾತು
ಕಾಲೇಜಿನ ಕ್ರಷ್, ಟೀಚರ್ಗೆ ಲೈನ್ ಹೊಡಿತಾ ಇದ್ದದ್ದು, ಹುಡುಗಿ ಕೈಯಲ್ಲಿ ಹೋಮ್ವರ್ಕ್ ಮಾಡಿಸಿಕೊಳ್ತಿರೋದು... ಆ ದಿನಗಳನ್ನು ನೆನೆದು ನಟ ಚಂದನ್ ಶೆಟ್ಟಿ ಹೇಳಿದ್ದೇನು?
 )
Followಗಾಯಕ, ನಟ ಚಂದನ್ ಶೆಟ್ಟಿ ಕಳೆದೊಂದು ತಿಂಗಳಿನಿಂದ ತುಂಬಾ ಸದ್ದು ಮಾಡುತ್ತಿರುವುದಕ್ಕೆ ಕಾರಣ, ನಿವೇದಿತಾ ಗೌಡ ಮತ್ತು ಅವರ ವಿಚ್ಛೇದನ ಹಿನ್ನೆಲೆಯಲ್ಲಿ. ಯಾವುದೇ ಗಲಾಟೆ, ಗೊಂದಲಕ್ಕೆ ಆಸ್ಪದ ಕೊಡದೇ ಡಿವೋರ್ಸ್ ಪಡೆದುಕೊಂಡಿರುವ ಈ ದಂಪತಿಯನ್ನು ಹಲವರು ಶ್ಲಾಘಿಸುತ್ತಿದ್ದರೂ, ಚಂದನ್ ಶೆಟ್ಟಿ ಪರವೇ ಬಹುತೇಕ ಮಂದಿ ನಿಂತಿರುವುದೂ ಸಾಕ್ಷಿಯಾಗಿದೆ. ಡಿವೋರ್ಸ್ ಬಳಿಕವೂ ಮಾಜಿ ಪತ್ನಿಯ ಬಗ್ಗೆ ಅದೇ ಗೌರವ ಉಳಿಸಿಕೊಂಡು, ನಿವೇದಿತಾರನ್ನು ಬಹುವಚನದಿಂದಲೇ ಸಂಬೋಧಿಸುತ್ತಾ ಆಕೆಯ ಬಗ್ಗೆ ಕಾಳಜಿ ತೋರುವುದರಿಂದಲೂ ಚಂದನ್ ಶೆಟ್ಟಿ ಅಭಿಮಾನಿಗಳಿಗೆ ಮತ್ತಷ್ಟು ಆಪ್ತರಾಗುತ್ತಿದ್ದಾರೆ. ಇದರ ನಡುವೆಯೇ, ಚಂದನ್ ಅವರ ವಿದ್ಯಾರ್ಥಿ ವಿದ್ಯಾರ್ಥಿನಿಯರೇ ಚಿತ್ರ ಬಿಡುಗಡೆಗೆ ಸಜ್ಜಾಗಿದೆ.
ಇದೇ 19ರಂದು ಚಿತ್ರ ಬಿಡುಗಡೆಯಾಗುತ್ತಿದ್ದು, ದುಬೈನಲ್ಲಿ ನಡೆದ ಚಿತ್ರದ ಪ್ರೀಮಿಯರ್ ಷೋಗೆ ಒಳ್ಳೆಯ ಪ್ರತಿಕ್ರಿಯೆಯೂ ಸಿಕ್ಕಿದೆ. ಇದಾಗಲೇ ಚಿತ್ರದ ಟೀಸರ್, ಟ್ರೇಲರ್ ಹಾಗೂ ಹಾಡುಗಳು ಸಿನಿ ಪ್ರಿಯರ ಗಮನ ಸೆಳೆದಿದೆ. ಅರುಣ್ ಅಮುಕ್ತ ರಚಿಸಿ-ನಿರ್ದೇಶಿಸಿರುವ ಈ ಚಿತ್ರದ ಬಗ್ಗೆ ಚಂದನ್ ಶೆಟ್ಟಿ ಅಪಾರ ಭರವಸೆ ಇಟ್ಟುಕೊಂಡಿದ್ದಾರೆ. ತಮ್ಮ ಸಿನಿಮಾ ಭವಿಷ್ಯ ಇದರಲ್ಲಿ ಅಡಗಿದೆ. ಈ ಚಿತ್ರ ಯಶಸ್ವಿಯಾದರೆ, ನಾಯಕನ ದಾರಿ ಹಿಡಿಯುವೆ, ಇಲ್ಲದೇ ಹೋದರೆ ಹಾಡಿನಲ್ಲಿಯೇ ಮುಂದುವರೆಯುವೆ ಎಂದು ಇದಾಗಲೇ ಸಂದರ್ಶನಗಳಲ್ಲಿ ಚಂದನ್ ಶೆಟ್ಟಿ ಹೇಳಿದ್ದಾರೆ. ಆದರೆ ದುಬೈನಲ್ಲಿ ಅನಿವಾಸಿ ಕನ್ನಡಿಗರು ಈ ಚಿತ್ರಕ್ಕೆ ತೋರಿರುವ ಪ್ರತಿಕ್ರಿಯೆಯಿಂದ ಚಿತ್ರ ಸಕ್ಸಸ್ ಆಗುವ ಭರವಸೆಯಲ್ಲಿದ್ದಾರೆ. ಅಂದಹಾಗೆ ಚಿತ್ರದಲ್ಲಿ ಅಮರ್, ಭಾವನಾ, ಮನಸ್ವಿ, ಸಿಂಚನಾ ಮತ್ತು ಮನೋಜ್ ಮುಂತಾದವರು ನಟಿಸಿದ್ದಾರೆ.
ಡಿವೋರ್ಸ್ ಬಳಿಕ ಕೋರ್ಟ್ನಲ್ಲಿ ನಿವೇದಿತಾರ ಕೈಹಿಡಿದು ಬಂದದ್ದೇಕೆ? ಕಾರಣ ಕೊಟ್ಟ ಚಂದನ್ ಶೆಟ್ಟಿ
ಈ ಚಿತ್ರದ ಕುರಿತು ಚಂದನ್ ಶೆಟ್ಟಿಯವರು Kannada Filmistry ಯೂಟ್ಯೂಬ್ಗೆ ಸಂದರ್ಶನ ನೀಡಿದ್ದಾರೆ. ಇದರಲ್ಲಿ ತಮ್ಮ ಕಾಲೇಜಿನ ದಿನಗಳನ್ನು ಅವರು ನೆನಪಿಸಿಕೊಂಡಿದ್ದಾರೆ. ಕಾಲೇಜಿನ ಕ್ರಷ್, ಕಾಲೇಜಿಗೆ ಬಂಕ್ ಹಾಕುತ್ತಿದ್ದುದು, ಹುಡುಗಿಯ ಕೈಯಲ್ಲಿ ಹೋಮ್ ವರ್ಕ್ ಮಾಡಿಸುತ್ತಿದ್ದುದು ಎಲ್ಲವನ್ನೂ ಮನಸು ಬಿಚ್ಚಿ ಮಾತನಾಡಿದ್ದಾರೆ. ಟೀಚರ್ಸ್ಗೆ ಲೈನ್ ಹೊಡೆದದ್ದು ಎಲ್ಲಾ ಇಲ್ಲ, ಆದ್ರೆ ಚೆನ್ನಾಗಿರೋ ಟೀಚರ್ಸ್ ಕ್ಲಾಸ್ ಮಿಸ್ಸೇ ಮಾಡಿಕೊಳ್ತಿರಲಿಲ್ಲ. ಮುಂದಿನ ಸೀಟಲ್ಲೇ ಕುಳಿತುಕೊಂಡು ಎಷ್ಟೇ ಬೋರಾದ್ರೂ ಫುಲ್ ಕ್ಲಾಸ್ ಅಟೆಂಡ್ ಆಗ್ತಿದ್ದೆ ಎಂದಿದ್ದಾರೆ. ಕಾಲೇಜಿನ ಟೈಂನ ಕ್ರಷ್ ಬಗ್ಗೆ ಕೇಳಿದಾಗ ಚಂದನ್ ಶೆಟ್ಟಿಯವರು ಜೋರಾಗಿ ನಗುತ್ತಾ ಒಂದೋ ಎರಡೋ ಸಾರ್... ಹೇಳೋಕೇ ಆಗಲ್ಲ. ಅಷ್ಟು ಮಂದಿ ಇದ್ರು ಎಂದಿದ್ದಾರೆ.
ಇನ್ನು ಕಾಲೇಜಿನಲ್ಲಿ ಕಾಪಿ ಹೊಡೆದಿರುವುದು, ಹುಡುಗಿಯರಿಗೆ ಪರೀಕ್ಷೆ ಟೈಂನಲ್ಲಿ ಏನಾದ್ರೂ ಹೇಳಿಕೊಟ್ಟಿದ್ದೀರಾ ಎನ್ನೋ ಪ್ರಶ್ನೆಗೆ ಹಾಗೆಲ್ಲಾ ಮಾಡಿಲ್ಲ. ಆದ್ರೆ ಪಾಪ ಒಬ್ಬ ಹುಡುಗಿ ನನ್ನ ಹೋಮ್ವರ್ಕ್ ಎಲ್ಲಾ ಮಾಡೋಳು. ಒಬ್ಬರದ್ದು ಮಾಡೋದೇ ಕಷ್ಟ. ಅವಳು ನನ್ನ ಹೋಮ್ವರ್ಕೂ ಮಾಡುತ್ತಿದ್ಲು... ನನ್ನ ಮೇಲೆ ಕ್ರಷ್ ಇತ್ತೋ ಗೊತ್ತಿಲ್ಲ, ಒಟ್ನಲ್ಲಿ ನನ್ನ ಹೋಮ್ವರ್ಕ್ ಆಗ್ತಿತ್ತು ಎಂದು ನಕ್ಕಿದ್ದಾರೆ ಚಂದನ್ ಶೆಟ್ಟಿ. ಕಾಲೇಜಿನಲ್ಲಿ ಫೇಲ್ ಆಗಿದ್ದು ಇದೆಯೋ ಎಂದಾಗ, ಒಂದು ವಿಷಯದಲ್ಲಿ ಫೇಲಾಗಿದ್ದಕ್ಕೇ ಇವತ್ತು ಈ ಮಟ್ಟಕ್ಕೆ ಬೆಳೆದಿದ್ದೇನೆ. ಇಲ್ಲಾ ಅಂದ್ರೆ ಎಲ್ಲೋ ಒಂದು ನೌಕರಿ ಮಾಡಿಕೊಂಡು ಇರ್ತಾ ಇದ್ದೆ ಎಂದಿದ್ದಾರೆ. ಇದೇ ವೇಳೆ ಮೊದಲಿನಿಂದಲೂ ನೀನು ಗಾಯಕ ಆಗುತ್ತಿಯಾ ಎಂದು ಹಲವರು ಭವಿಷ್ಯ ನುಡಿದಿದ್ದನ್ನೂ ಸ್ಮರಿಸಿಕೊಂಡಿದ್ದಾರೆ.
ಡಿವೋರ್ಸ್ಗೆ ಕಾರಣ ಆ 3ನೇ ವ್ಯಕ್ತಿಯೇ... ಅವ್ರು... ತಿಂಗಳ ಬಳಿಕ ಮನದಾಳದ ಮಾತು ತೆರೆದಿಟ್ಟ ಚಂದನ್ ಶೆಟ್ಟಿ
