ನಂಜನಗೂಡು ರಸ ಬಾಳೆ, ಮೈಸೂರು ಮಲ್ಲಿಗೆ ಮತ್ತು ವೀಳ್ಯದೆಲೆ ಕಣ್ಮರೆ: ಸಂಕಷ್ಟದಲ್ಲಿ ಬೆಳೆಗಾರರು
GI ಟ್ಯಾಗ್ ಹೊಂದಿರುವ ನಂಜನಗೂಡು ರಸಬಾಳೆಯನ್ನು ಬೆರಳೆಣಿಕೆಯಷ್ಟು ಕಡಿಮೆ ರೈತರು ಸುಮಾರು 10 ಎಕರೆ ಜಮೀನಿನಲ್ಲಿ ಮಾತ್ರ ಈ ತಳಿಯನ್ನು ಬೆಳೆಯುತ್ತಿದ್ದಾರೆ. ಹಾಗೆ, ಮೈಸೂರು ಮಲ್ಲಿಗೆ ಮತ್ತು ಮೈಸೂರು ವೀಳ್ಯದೆಲೆ ಕ್ರಮವಾಗಿ ಅಂದಾಜು 10 ಎಕರೆ ಮತ್ತು 25 ಎಕರೆ ಭೂಮಿಯಲ್ಲಿ ಮಾತ್ರ ಬೆಳೆಯಲಾಗ್ತಿದೆ.
 )
Followಬೆಂಗಳೂರು (ಜುಲೈ 16, 2023): ಮೈಸೂರು ಮಲ್ಲಿಗೆ, ವೀಳ್ಯದೆಲೆ ಹಾಗೂ ನಂಜನಗೂಡು ರಸಬಾಳೆ ರಾಜ್ಯದಲ್ಲಿ ಮಾತ್ರವಲ್ಲ ದೇಶದಲ್ಲೇ ಜನಪ್ರಿಯವಾಗಿದೆ. ಇವುಗಳು ಮೈಸೂರಿನ ಭಾಗದ ಪ್ರಮುಖ ಬೆಳೆಗಳಾಗಿದ್ದವು. ಅನೇಕ ಚಿತ್ರಗಳು, ಹಾಡುಗಳಲ್ಲೂ ಇದರ ಸೊಬಗು, ಸೌಂದರ್ಯವನ್ನು ಅನಾವರಣಗೊಳಿಸಲಾಗಿದೆ.
ಆದರೆ, ಬೇಸರದ ಸುದ್ದಿ ಅಂದರೆ ಪೌಷ್ಠಿಕಾಂಶ ದಟ್ಟವಾದ ನಂಜನಗೂಡು ರಸಬಾಳೆ (Nanjangud Banana) ಕೃಷಿ ರಾಜ್ಯದಲ್ಲಿ ಕೊನೆಯ ಹಂತದಲ್ಲಿದೆ. ಬೆರಳೆಣಿಕೆಯಷ್ಟು ಕಡಿಮೆ ರೈತರು ಸುಮಾರು 10 ಎಕರೆ ಜಮೀನಿನಲ್ಲಿ ಮಾತ್ರ ಈ ತಳಿಯನ್ನು ಬೆಳೆಯುತ್ತಿದ್ದಾರೆ ಎಂದು ವರದಿಯಾಗಿದೆ. ಇದಿಷ್ಟೇ ಅಲ್ಲ, ಮೈಸೂರು ಮಲ್ಲಿಗೆ (Mysuru Jasmine) ಮತ್ತು ಮೈಸೂರು ವೀಳ್ಯದೆಲೆ (Mysuru betel leaf) ಕ್ರಮವಾಗಿ ಅಂದಾಜು 10 ಎಕರೆ ಮತ್ತು 25 ಎಕರೆ ಭೂಮಿಯಲ್ಲಿ ಮಾತ್ರ ಬೆಳೆಯಲಾಗ್ತಿದೆ ಎಂದೂ ತಿಳಿದುಬಂದಿದೆ.
ಇದನ್ನು ಓದಿ: 21 ಜಿಲ್ಲೆಗಳಲ್ಲಿ ಬರಗಾಲದ ಛಾಯೆ, ಮಲೆನಾಡಿನಲ್ಲೂ ಕುಡಿಯುವ ನೀರಿಗೆ ಹಾಹಾಕಾರ': ಶಾಸಕ ವಿಜಯೇಂದ್ರ ಮಾಹಿತಿ
ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಇತ್ತೀಚೆಗಿನ ಭಾಷಣದಲ್ಲಿ ಈ ಬೆಳೆಗಳ ಪ್ರಸ್ತಾಪ ಕಂಡುಬಂದಿದ್ದು ಭೌಗೋಳಿಕ ಸೂಚಕ (GI) ಟ್ಯಾಗ್ ಪಡೆದಿರುವ ಕೃಷಿ ಉತ್ಪನ್ನಗಳಿಗೆ ಬ್ರ್ಯಾಂಡ್ ಮತ್ತು ಮಾರುಕಟ್ಟೆಗೆ ಹೊಸ ಉಪಕ್ರಮ ನೀಡುವ ಬಗ್ಗೆ ಪ್ರಸ್ತಾಪಿಸಿದ್ದರು. ಆದರೆ, ಇಂತಹ ಉಪಕ್ರಮವು ಸಮಸ್ಯೆಯನ್ನು ನಿಭಾಯಿಸಲು ಸಾಕಾಗುವುದಿಲ್ಲ ಎಂದು ರೈತರು ಮತ್ತು ತಜ್ಞರು ಆತಂಕ ಪಟ್ಟಿದ್ದಾರೆ. ಬೆಳೆ ರೋಗ ಮತ್ತು ಬದಲಾದ ಹವಾಮಾನದ ದುರ್ಬಲತೆಯಿಂದಾಗಿ ರೈತರಲ್ಲಿ ಅಂತಹ ಪ್ರಭೇದಗಳ ಜನಪ್ರಿಯತೆ ತೀವ್ರ ಕಡಿತವಾಗಿದೆ ಎಂದು ತಿಳಿದುಬಂದಿದೆ.
ರಾಜ್ಯವು ಇಲ್ಲಿಯವರೆಗೆ ಪಡೆದುಕೊಂಡಿರುವ 46 GI ಟ್ಯಾಗ್‌ಗಳಲ್ಲಿ 22 ಕೃಷಿ ಸರಕುಗಳಾಗಿವೆ. ಇಲ್ಲಿಯವರೆಗೆ ಜಿಐ ಟ್ಯಾಗ್ ಈ ತಳಿಗಳನ್ನು ಅನಧಿಕೃತ ಬಳಕೆಯಿಂದ ರಕ್ಷಿಸಲು ಮಾತ್ರ ಕಾರ್ಯನಿರ್ವಹಿಸುತ್ತಿದೆ. ಆದರೆ, ಉತ್ಪನ್ನದ ಆರ್ಥಿಕ ಕಾರ್ಯಸಾಧ್ಯತೆಯನ್ನು ಹೆಚ್ಚಿಸಲು ಇದು ಸ್ವಲ್ಪಮಟ್ಟಿಗೆ ಮಾತ್ರ ಮಾಡಿದೆ ಎಂದು ತೋಟಗಾರಿಕಾ ಮಾಜಿ ಹೆಚ್ಚುವರಿ ನಿರ್ದೇಶಕ ಎಸ್ ವಿ ಹಿತ್ತಲಮನಿ ವಿವರಿಸುತ್ತಾರೆ.
ಇದನ್ನೂ ಓದಿ: ರೇಷ್ಮೆ ಬೆಳೆಗಾರರ ಸಮಸ್ಯೆಗೆ ಸ್ಪಂದಿಸಿ: ಶಾಸಕ
ಇನ್ನು, “ಬೆಳೆಯನ್ನು ಉಳಿಸಲು ಮತ್ತು ಹೆಚ್ಚಿಸಲು ಸಂಶೋಧಕರ ತಕ್ಷಣದ ಅವಶ್ಯಕತೆಯಿದೆ. ಬೆಳೆ ರೋಗಗಳನ್ನು ತಡೆದುಕೊಳ್ಳಲು ರೈತರಿಗೆ ಸಂಶೋಧನಾ ಬೆಂಬಲವನ್ನು ಖಚಿತಪಡಿಸಿಕೊಳ್ಳುವುದು ಎರಡನೇ ಹಂತವಾಗಿದೆ’’ ಎಂದೂ ಅವರು ಹೇಳುತ್ತಾರೆ.
ಉದಾಹರಣೆಗೆ ರಸಬಾಳೆ ಪನಾಮ ವಿಲ್ಟ್ ಫಂಗಸ್‌ಗೆ ಹೆಚ್ಚು ಗುರಿಯಾಗುತ್ತದೆ. ನಂಜನಗೂಡು ತಾಲೂಕಿನ ಚಿನಂಬಳ್ಳಿ ಗ್ರಾಮದ ಪರಶಿವಮೂರ್ತಿ ಎಂಬುವರು ಈ ರೋಗದಿಂದಾಗಿ ತಳಿಯ ಬೇಸಾಯವನ್ನೇ ನಿಲ್ಲಿಸಿದ್ದಾರೆ. ಅವರ ಹೊಲಗಳಲ್ಲಿ ಈಗ ಏಲಕ್ಕಿ ಬಾಳೆ ಸಸಿಗಳು ರಾರಾಜಿಸುತ್ತಿವೆ.
‘ಹತ್ತರಿಂದ 15 ವರ್ಷಗಳ ಹಿಂದೆ ನಮ್ಮ ಹೊಲಗಳಲ್ಲಿ ಕನಿಷ್ಠ ಒಂದು ಎಕರೆಯಲ್ಲಿ ನಂಜನಗೂಡಿನ ರಸಬಾಳೆ ಬೆಳೆದಿತ್ತು’ ಎನ್ನುತ್ತಾರೆ ಪರಶಿವಮೂರ್ತಿ.. ಆದರೀಗ, ಸಂಶೋಧನೆಯಲ್ಲಿ ಮುನ್ನಡೆಯಿಲ್ಲದೆ, "ರಸಬಾಳೆ ಬೆಳೆಯುವುದು ಅಸಾಧ್ಯ’’ ಎಂದು ಪರಶಿವಮೂರ್ತಿ ಹೇಳುತ್ತಾರೆ.
ಇದನ್ನೂ ಓದಿ: 'ಕೆರೆಗೆ ನೀರು ತುಂಬಿಸುವುದು ವ್ಯರ್ಥ', ಡಿಸಿಎಂ ಡಿಕೆ ಶಿವಕುಮಾರ ಹೇಳಿಕೆಗೆ ರೈತ ಸಂಘ ಆಕ್ರೋಶ
ಇನ್ನೊಂದೆಡೆ, ಮೈಸೂರಿನ ತೋಟಗಾರಿಕಾ ಮಹಾವಿದ್ಯಾಲಯದ ಡೀನ್ ಡಾ ವಿಷ್ಣುವರ್ಧನ್ ಅವರ ಪ್ರಕಾರ, 30 ವರ್ಷಗಳ ಹಿಂದೆ ಸುಮಾರು 30,000 ಹೆಕ್ಟೇರ್‌ಗಳಲ್ಲಿ ರಸಬಾಳೆ ಬೆಳೆಯುತ್ತಿದ್ದರು. ಆದರೆ ಫಂಗಸ್‌ನಿಂದ ಮತ್ತು ಹೆಚ್ಚಿದ ಸಾಗುವಳಿ ವೆಚ್ಚಗಳು ರಸಬಾಳೆ ಕೊನೆಗೊಳ್ಳುವ ಸೂಚನೆ ನೀಡಿದ್ದು, ಸುಮಾರು 10 ಎಕರೆಯಲ್ಲಿ ಮಾತ್ರ ಬೆಳೆ ಬೆಳೆಯಲಾಗ್ತಿದೆ ಎಂದು ಅವರು ಹೇಳುತ್ತಾರೆ.
ಮೈಸೂರು ಮಲ್ಲಿಗೆ ಮತ್ತು ವೀಳ್ಯೆದೆಲೆ
ಸಾಗುವಳಿ ವೆಚ್ಚ ಮತ್ತು ದೀರ್ಘ ಇಳುವರಿ ಸಮಯ ಮೈಸೂರು ಮಲ್ಲಿಗೆ ಕೃಷಿ ಮಾಡುವ ರೈತರ ಯೋಜನೆಗಳನ್ನು ಸ್ಥಗಿತಗೊಳಿಸಿದೆ. ಐದು ವರ್ಷಗಳ ನಂತರವೇ ಗಿಡಗಳು ಹೆಚ್ಚು ಹೂ ಬಿಡುತ್ತವೆ. ಮೊದಲ ಎರಡರಿಂದ ಮೂರು ವರ್ಷ ಕಡಿಮೆ ಇಳುವರಿ ಬರುತ್ತದೆ ಎನ್ನುತ್ತಾರೆ ಮೈಸೂರು ಮಲ್ಲಿಗೆ ರೈತ ಟಿ. ಕೃಷ್ಣಪ್ಪ. ಈ ಹಿನ್ನೆಲೆ, ಉತ್ತಮ ಲಾಭ ಪಡೆಯಲು, ಹೂವನ್ನು ದೊಡ್ಡ ಪ್ರಮಾಣದಲ್ಲಿ ಬೆಳೆಯಬೇಕು, ಆದರೆ ಕ್ಷೀಣಿಸುತ್ತಿರುವ ಭೂಹಿಡುವಳಿಗಳು ಇದನ್ನು ಅನುಮತಿಸುವುದಿಲ್ಲ.
ಇದನ್ನೂ ಓದಿ: ಪ್ರತಿ ವರ್ಷ ಪ್ರತಿ ರೈತನಿಗೆ 50 ಸಾವಿರ, ಇದುವೇ ಮೋದಿ ಗ್ಯಾರಂಟಿ: ಕಾಂಗ್ರೆಸ್ ಗ್ಯಾರಂಟಿಗೆ ಪ್ರಧಾನಿ ಮೋದಿ ಟಾಂಗ್‌
ಮೈಸೂರಿನ ತೋಟಗಾರಿಕಾ ಇಲಾಖೆಯು ಸಸ್ಯ ಪ್ರಭೇದಗಳ ಗುಣಾಕಾರ ಮತ್ತು ಒಂದು ಹೆಕ್ಟೇರ್ GI ಬೆಳೆ ಬೆಳೆಯುವ ರೈತರಿಗೆ 99,000 ರೂ. ಸಹಾಯಧನ ಸೇರಿದಂತೆ ಹಲವಾರು ಕ್ರಮಗಳನ್ನು ಕೈಗೊಂಡಿದೆ. ಈ ಸಸಿಗಳನ್ನು ವಿವಿಧ ರೈತರಿಗೆ ನೀಡಿ ಕೃಷಿ ಮುಂದುವರಿಸಲು ಪ್ರೋತ್ಸಾಹಿಸಿದ್ದೇವೆ ಎನ್ನುತ್ತಾರೆ ತೋಟಗಾರಿಕೆ ಇಲಾಖೆ ಮೈಸೂರು ಜಿಲ್ಲೆ ಉಪನಿರ್ದೇಶಕ ರುದ್ರೇಶ್.
ಮುಖ್ಯಮಂತ್ರಿಗಳ ಬಜೆಟ್ ಭಾಷಣದ ನಂತರ ಇಲಾಖೆಯು ಈ ಪ್ರಭೇದಗಳ ಸಮೀಕ್ಷೆ ಮತ್ತು ಅಧ್ಯಯನದ ಕೆಲಸವನ್ನು ಈಗಾಗಲೇ ಪ್ರಾರಂಭಿಸಿದೆ ಎಂದೂ ಅವರು ಹೇಳುತ್ತಾರೆ. ನವೀಕರಿಸಿದ ಮಾಹಿತಿಯ ಕೊರತೆಯು GI ಟ್ಯಾಗ್‌ಗಳನ್ನು ಹೊಂದಿದ್ದರೂ ಬೆಳೆಗಳ ಸ್ಥಿತಿಯನ್ನು ಖಚಿತಪಡಿಸಿಕೊಳ್ಳುವುದು ಕಷ್ಟಕರವಾಗಿದೆ. ಕೃಷಿ ಉತ್ಪನ್ನಗಳ ವಿಷಯದಲ್ಲಿ, ಯಾರು, ಎಲ್ಲಿ ಮತ್ತು ಎಷ್ಟು ಬೆಳೆಯನ್ನು ಬೆಳೆಸಲಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಮಯೋಚಿತ ಸಮೀಕ್ಷೆಗಳು ಅತ್ಯಗತ್ಯ. ಆದ್ದರಿಂದ ಅಗತ್ಯ ಮಧ್ಯಸ್ಥಿಕೆಗಳನ್ನು ಯೋಜಿಸಬಹುದು ಎಂದು ಹಿತ್ತಲಮನಿ ವಿವರಿಸುತ್ತಾರೆ.
