ಇ-ತ್ಯಾಜ್ಯದಿಂದ ಸಿದ್ಧಗೊಳ್ಳುತ್ತಿದೆ ಟೋಕಿಯೋ ಒಲಿಂಪಿಕ್ಸ್ ಪದಕ!

https://static.asianetnews.com/images/authors/56bf5dcb-7868-50e0-b2d0-38391a34809d.jpg
First Published 10, Feb 2019, 1:19 PM IST
Tokyo 2020 Medals to be made from recycled waste
Highlights

ಇ-ತ್ಯಾಜ್ಯದಿಂದ ಸಿದ್ಧಗೊಳ್ಳುತ್ತಿದೆ ಟೋಕಿಯೋ ಒಲಿಂಪಿಕ್ಸ್ ಪದಕ!| ವಿಜೇತರಿಗೆ ನೀಡುವ ಪದಕಗಳೆಲ್ಲವೂ ಮರುಬಳಕೆಯಾದ ಇ-ತ್ಯಾಜ್ಯ ದಿಂದ ಸಿದ್ಧಪಡಿಸಿದ್ದಾಗಿರಲಿವೆ

ಟೋಕಿಯೋ[ಫೆ.10]: 2020ರ ಟೋಕಿಯೋ ಒಲಿಂಪಿಕ್ಸ್ ಹಾಗೂ ಪ್ಯಾರಾಲಿಂಪಿಕ್ಸ್‌ನಲ್ಲಿ ವಿಜೇತರಿಗೆ ನೀಡುವ ಪದಕಗಳೆಲ್ಲವೂ ಮರುಬಳಕೆಯಾದ ಇ-ತ್ಯಾಜ್ಯ ದಿಂದ ಸಿದ್ಧಪಡಿಸಿದ್ದಾಗಿರಲಿವೆ ಎಂದು ಆಯೋಜಕರು ತಿಳಿಸಿದ್ದಾರೆ. ಟೋಕಿಯೋ ಒಲಿಂಪಿಕ್ಸ್ ಆಯೋಜನಾ ಸಮಿತಿ 2017ರಲ್ಲಿ ಸಾರ್ವಜನಿಕರಿಂದ ಇ-ತ್ಯಾಜ್ಯ ಸಂಗ್ರಹ ಮಾಡುವ ಯೋಜನೆಗೆ ಚಾಲನೆ ನೀಡಿತ್ತು. ಹಳೆಯ ಸ್ಮಾರ್ಟ್‌ಫೋನ್‌ಗಳು ಹಾಗೂ ಲ್ಯಾಪ್ ಟಾಪ್‌ಗಳೂ ಸಹ ಇದರಲ್ಲಿ ಸೇರಿವೆ. ಇದೇ ವೇಳೆ ಜಪಾನ್‌ನ ಉದ್ಯಮಿಗಳು ಹಾಗೂ ಕಾರ್ಖಾನೆಗಳಿಂದ ಲೋಹವನ್ನು ಸಂಗ್ರಹಿಸಲಾಗಿದೆ.

ಈ ವರೆಗೂ 47,488 ಟನ್ ಹಳೆ ವಸ್ತುಗಳನ್ನು ಸಂಗ್ರಹಿಸಲಾಗಿದ್ದು, ಇನ್ನೂ 50 ಲಕ್ಷ ಬಳಕೆಯಾದ ಮೊಬೈಲ್‌ಗಳನ್ನು ಸಾರ್ವಜನಿಕರಿಂದ ಸಂಗ್ರಹಿಸುವ ಗುರಿ ಇದೆ. ಮುಂದಿನ ತಿಂಗಳ ಕೊನೆ ವೇಳೆಗೆ ಅಗತ್ಯವಿರುವಷ್ಟು ಇ-ತ್ಯಾಜ್ಯ ಸಂಗ್ರಹಿಸುವುದಾಗಿ ಆಯೋಜಕರು ಹೇಳಿದ್ದಾರೆ. ಒಟ್ಟು 2700 ಕಂಚು, 30.3 ಕೆ.ಜಿ ಚಿನ್ನ ಹಾಗೂ 4100 ಕೆ.ಜಿ ಬೆಳ್ಳಿಯನ್ನು ಸಿದ್ಧಪಡಿಸುವ ಗುರಿ ಹೊಂದಿದ್ದಾರೆ.

ಸಂಗ್ರಹ ಹೇಗೆ?:

ದೇಶಾದ್ಯಂತ 2400 ಎನ್‌ಟಿಟಿ ಡೊಕೊಮೊ ಟೆಲಿಕಾಮ್ ಅಂಗಡಿಗಳಲ್ಲಿ ಇರಿಸಿದ ಬುಟ್ಟಿಗಳಲ್ಲಿ ಹಳೆ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಹಾಕುವಂತೆ ಸಾರ್ವಜನಿಕರಲ್ಲಿ ಮನವಿ ಮಾಡಲಾಗಿತ್ತು.

ಪದಕಗಳು ಹೇಗೆ ಸಿದ್ಧಗೊಳ್ಳಲಿ

ಮೊಬೈಲ್ ಹಾಗೂ ಇನ್ನಿತರ ಉಪಕರಣಗಳಿಂದ ಚಿನ್ನ, ಬೆಳ್ಳಿ ಹಾಗೂ ಕಂಚನ್ನು ಹೊರತೆಗೆದು, ವಿಜೇತರಿಗೆ ನೀಡಲು ಬೇಕಿರುವ ೫೦೦೦ ಪದಕಗಳನ್ನು ಸಿದ್ಧಪಡಿಸಲಾಗು ವುದು. 2016ರ ರಿಯೋ ಒಲಿಂಪಿಕ್ಸ್ ನಲ್ಲಿ ನೀಡಿದ ಶೇ.30ರಷ್ಟು ಪದಕಗಳನ್ನು ಇದೇ ರೀತಿ ಇ-ತ್ಯಾಜ್ಯಗಳಿಂದ ಸಿದ್ಧಪಡಿಸಲಾ ಗಿತ್ತು. ಕನ್ನಡಿ, ಎಕ್ಸ್-ರೇ ಪ್ಲೇಟ್ ಗಳಿಂದ ಬೆಳ್ಳಿ ಹೊರತೆಗೆಯಲಾಗಿತ್ತು. ಇದೇ ರೀತಿ ವಿವಿಧ ಹಳೆ ಉಪಕರಣಗಳಿಂದ ಚಿನ್ನ, ಕಂಚು ಸಹ ಸಂಸ್ಕರಣೆ ಮಾಡಲಾಗಿತ್ತು.

loader