Asianet Suvarna News Asianet Suvarna News

US ಓಪನ್ 2019: ನಡಾಲ್‌ಗೆ ಸುಲಭ ಜಯ!

ನಿರೀಕ್ಷೆಯಂತೆ 18 ಗ್ರ್ಯಾಂಡ್‌ಸ್ಲಾಂ ಒಡೆಯ ರಾಫೆಲ್‌ ನಡಾಲ್‌ ಯುಎಸ್ ಓಪನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ. ಅದರಂತೆ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕೆಲ ಅಚ್ಚರಿಯ ಫಲಿತಾಂಶಗಳು ಹೊರಬಿದ್ದಿವೆ. ಈ ಕುರಿತಾದ ವರದಿ ಇಲ್ಲಿದೆ ನೊಡಿ... 

Rafael Nadal Prevents Another Millman Upset At US Open 2019
Author
New York, First Published Aug 29, 2019, 11:33 AM IST

ನ್ಯೂಯಾರ್ಕ್[ಆ.29]: 18 ಗ್ರ್ಯಾಂಡ್‌ಸ್ಲಾಂಗಳ ಒಡೆಯ ಸ್ಪೇನ್‌ನ ರಾಫೆಲ್‌ ನಡಾಲ್‌, ಯುಎಸ್‌ ಓಪನ್‌ ಗ್ರ್ಯಾಂಡ್‌ಸ್ಲಾಂ ಟೆನಿಸ್‌ ಟೂರ್ನಿ​ಯಲ್ಲಿ ಶುಭಾ​ರಂಭ ಮಾಡಿ​ದ್ದಾರೆ. 

ಟೆನಿಸ್ ದಿಗ್ಗಜ ಫೆಡರರ್ ಹೃದಯ ನಿಲ್ಲಿಸಿದ್ದ ಭಾರತದ ನಗಾಲ್!

4ನೇ ಯುಎಸ್‌ ಓಪನ್‌ ಪ್ರಶಸ್ತಿ ಮೇಲೆ ಕಣ್ಣಿ​ಟ್ಟಿ​ರುವ ನಡಾಲ್‌, ಪುರು​ಷರ ಸಿಂಗಲ್ಸ್‌ನ ಮೊದಲ ಸುತ್ತಿನ ಪಂದ್ಯ​ದಲ್ಲಿ ಆಸ್ಪ್ರೇ​ಲಿ​ಯಾದ ಜಾನ್‌ ಮಿಲ್ಮನ್‌ ವಿರುದ್ಧ 6-3, 6-2, 6-2 ನೇರ ಸೆಟ್‌ಗಳಲ್ಲಿ ಸುಲಭ ಗೆಲುವು ಸಾಧಿ​ಸಿ​ದರು. 2ನೇ ಸುತ್ತಿನಲ್ಲಿ ನಡಾಲ್‌ಗೆ ಆಸ್ಪ್ರೇ​ಲಿ​ಯಾದ ಥಾನಾಸಿ ಕೊಕ್ಕಿ​ನಾಕಿಸ್‌ ಎದು​ರಾ​ಗ​ಲಿ​ದ್ದಾರೆ.

ಅಗ್ರ 10ರಲ್ಲಿ ನಾಲ್ವರು ಔಟ್‌: ಇದೇ ವೇಳೆ ಪುರು​ಷರ ಸಿಂಗಲ್ಸ್‌ನಲ್ಲಿ ಅಗ್ರ 10 ಶ್ರೇಯಾಂಕ ಪಡೆದ ಆಟ​ಗಾ​ರರ ಪೈಕಿ ನಾಲ್ವರು ಮೊದಲ ಸುತ್ತಿ​ನಲ್ಲೇ ಆಘಾತ ಅನು​ಭ​ವಿ​ಸಿ​ದರು. 4ನೇ ಶ್ರೇಯಾಂಕಿತ ಡೊಮಿ​ನಿಕ್‌ ಥೀಮ್‌, 8ನೇ ಶ್ರೇಯಾಂಕಿತ ಸ್ಟೆಫಾನೋ ಸಿಟ್ಸಿ​ಪಾಸ್‌, 9ನೇ ಶ್ರೇಯಾಂಕಿತ ಕರೆನ್‌ ಖಚ​ನೊವ್‌ ಹಾಗೂ 10ನೇ ಶ್ರೇಯಾಂಕಿತ ರೊಬೆರ್ಟೊ ಬಟಿಸ್ಟಾಅಗುಟ್‌ ಸೋಲುಂಡು ಟೂರ್ನಿ​ಯಿಂದ ಹೊರ​ಬಿ​ದ್ದರು.

US ಓಪನ್ 2019: 2ನೇ ಸುತ್ತಿಗೆ ಪ್ಲಿಸ್ಕೋವಾ

ಸ್ಟೀಫನ್ಸ್‌ಗೆ ಸೋಲು: 2017ರ ಯುಎಸ್‌ ಓಪನ್‌ ಮಹಿಳಾ ಸಿಂಗಲ್ಸ್‌ ಚಾಂಪಿ​ಯನ್‌ ಸ್ಲೋನ್‌ ಸ್ಟೀಫನ್ಸ್‌, ಮೊದಲ ಸುತ್ತಿ​ನಲ್ಲೇ ಆಘಾತ ಅನು​ಭ​ವಿ​ಸಿ​ದರು. ರಷ್ಯಾದ ಶ್ರೇಯಾಂಕ ರಹಿತ ಆಟ​ಗಾರ್ತಿ ಅನ್ನಾ ಕಲಿ​ಸ್ಕಾಯಾ ವಿರುದ್ಧ 3-6, 4-6 ನೇರ ಸೆಟ್‌ಗಳಲ್ಲಿ ಪರಾ​ಭ​ವ​ಗೊಂಡು ಹೊರ​ಬಿ​ದ್ದರು. 

ಇದೇ ವೇಳೆ 5ನೇ ಶ್ರೇಯಾಂಕಿ​ತೆ ಉಕ್ರೇನ್‌ನ ಎಲೆನಾ ಸ್ವಿಟೋ​ಲಿನಾ ಹಾಗೂ 6ನೇ ಶ್ರೇಯಾಂಕಿತೆ ಚೆಕ್‌ ಗಣ​ರಾ​ಜ್ಯದ ಪೆಟ್ರಾ ಕ್ವಿಟೋವಾ ಮೊದಲ ಸುತ್ತಿ​ನಲ್ಲಿ ಸುಲಭ ಗೆಲುವು ಸಾಧಿಸಿ, 2ನೇ ಸುತ್ತಿ​ಗೇ​ರಿ​ದರು.

Follow Us:
Download App:
  • android
  • ios