ಇಂಚಾನ್‌(ಸೆ.26): ಭಾರತದ ತಾರಾ ಶಟ್ಲರ್‌ಗಳಾದ ಪಿ.ವಿ.ಸಿಂಧು, ಸೈನಾ ನೆಹ್ವಾಲ್‌ ಹಾಗೂ ಬಿ.ಸಾಯಿ ಪ್ರಣೀತ್‌, ಇಲ್ಲಿ ಬುಧ​ವಾರದಿಂದ ಆರಂಭ​ಗೊಂಡ ಕೊರಿಯಾ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿಯ ಮೊದಲ ಸುತ್ತಿ​ನಲ್ಲೇ ಸೋಲುಂಡು ಆಘಾತ ಅನು​ಭ​ವಿ​ಸಿ​ದರು.

PV ಸಿಂಧು ಕೋಚ್ ರಾಜೀನಾಮೆ..!

ವಿಶ್ವ ಚಾಂಪಿ​ಯನ್‌ಶಿಪ್‌ ಗೆದ್ದ ಬಳಿಕ ಸಿಂಧು ಸತತ 2ನೇ ಟೂರ್ನಿ​ಯಲ್ಲಿ ಆರಂಭಿಕ ಆಘಾತ ಕಾಣು​ತ್ತಿ​ದ್ದಾ​ರೆ. ಕಳೆದ ವಾರ ನಡೆ​ದಿದ್ದ ಚೀನಾ ಓಪನ್‌ನ ಮೊದಲ ಸುತ್ತಿ​ನಲ್ಲೂ ಸಿಂಧು ಪರಾಭವಗೊಂಡಿ​ದ್ದರು. ಬುಧ​ವಾ​ರ ನಡೆದ ಮಹಿಳಾ ಸಿಂಗಲ್ಸ್‌ ಮೊದಲ ಸುತ್ತಿನ ಪಂದ್ಯ​ದಲ್ಲಿ ಸಿಂಧು, ಅಮೆ​ರಿ​ಕದ ಬೀವೆನ್‌ ಜಾಂಗ್‌ ವಿರುದ್ಧ 7-21, 24-22, 15-21 ಗೇಮ್‌ಗಳಲ್ಲಿ ಸೋಲುಂಡರು. 

ವಿಜಯ್‌ ಹಜಾರೆ ಟ್ರೋಫಿ: ರಾಜ್ಯಕ್ಕೆ ಮೊದಲ ಜಯದ ತವ​ಕ!

ಸೈನಾ, ದ.ಕೊ​ರಿ​ಯಾದ ಕಿಮ್‌ ಗಾ ಯುನ್‌ ವಿರುದ್ಧ 21-19, 18-21, 1-8ರಲ್ಲಿ ಹಿನ್ನಡೆ ಅನು​ಭ​ವಿ​ಸಿ​ದ್ದಾಗ ಉದರ ಬೇನೆಯಿಂದಾಗಿ ನಿವೃತ್ತಿ ಪಡೆ​ದರು. ಡೆನ್ಮಾರ್ಕ್’ನ ಆ್ಯಂಡರ್ಸ್ ಆ್ಯಂಟೋ​ನ್ಸೆನ್‌ ವಿರುದ್ಧ ಪುರುಷರ ಸಿಂಗಲ್ಸ್‌ ಮೊದಲ ಸುತ್ತಿನಲ್ಲಿ 9-21, 7-11ರಲ್ಲಿ ಹಿಂದಿದ್ದ ಸಾಯಿ ಪ್ರಣೀತ್‌, ಮೊಣ​ಕಾಲು ಗಾಯ​ದಿಂದಾಗಿ ಹೊರ​ನ​ಡೆ​ದರು.

ಕಶ್ಯಪ್‌ಗೆ ಜಯ: ಪಾರು​ಪಳ್ಳಿ ಕಶ್ಯಪ್‌ ಪುರು​ಷರ ಸಿಂಗಲ್ಸ್‌ ಮೊದಲ ಸುತ್ತಿನಲ್ಲಿ ಚೈನೀಸ್‌ ತೈಪೆಯ ಲು ಛಿಯಾ ಹುಂಗ್‌ ವಿರುದ್ಧ 21-16, 21-16 ಗೇಮ್‌ಗಳಲ್ಲಿ ಜಯ​ಗ​ಳಿಸಿ 2ನೇ ಸುತ್ತಿಗೆ ಪ್ರವೇ​ಶಿ​ಸಿ​ದರು.