ಧನ್ಯಾ ರಾಮ್ಕುಮಾರ್ ಚೊಚ್ಛಲ ಸಿನಿಮಾ ಬಿಡುಗಡೆಗೆ ದಿನಗಣನೆ
- ಧನ್ಯಾ ರಾಮ್ಕುಮಾರ್ ಚೊಚ್ಛಲ ಸಿನಿಮಾ ಬಿಡುಗಡೆಗೆ ದಿನಗಣನೆ
- ನಿನ್ನ ಸನಿಹಕೆ ಸಿನಿಮಾ ಆ.20ರಂದು ರಿಲೀಸ್
ಡಾ. ರಾಜ್ ಕುಟುಂಬದ ಕುಡಿ ಧನ್ಯಾ ರಾಮ್ಕುಮಾರ್ ನಟನೆಯ ‘ನಿನ್ನ ಸನಿಹಕೆ’ ಸಿನಿಮಾ ಆ. 20ರಂದು ರಿಲೀಸ್ ಆಗಲಿದೆ. ಸೂರಜ್ ಗೌಡ ನಿರ್ದೇಶನ, ನಟನೆಯ ಈ ಸಿನಿಮಾದ ನಿರ್ಮಾಪಕರು ಅಕ್ಷಯ್ ರಾಜಶೇಖರ್, ರಂಗನಾಥ್ ಕೂಡ್ಲಿ. ಮೊದಲ ಸಿನಿಮಾ ಬಿಡುಗಡೆ ಸಂದರ್ಭದಲ್ಲಿ ಧನ್ಯಾ ಮಾತನಾಡಿದ್ದಾರೆ.
ಪ್ರಿಯಾ ಕೆರ್ವಾಶೆ
- ನನ್ನ ಮೊದಲ ಸಿನಿಮಾ ಬಿಡುಗಡೆಗೆ ಕ್ಷಣಗಣನೆ ಶುರುವಾಗಿದೆ. ನಿರೀಕ್ಷೆ, ಆತಂಕ, ಸಂಭ್ರಮ ಎಲ್ಲವನ್ನೂ ಒಟ್ಟೊಟ್ಟಿಗೇ ಅನುಭವಿಸುತ್ತಿದ್ದೇನೆ. ದೊಡ್ಡ ಎಕ್ಸೈಟ್ಮೆಂಟ್ ಇದೆ.
- ಈ ಸಿನಿಮಾದಲ್ಲಿ ಉದ್ಯೋಗದಲ್ಲಿರುವ ಹುಡುಗಿಯ ಪಾತ್ರ. ಮೂಗಿನ ತುದೀಲಿ ಕೋಪ. ಆದರೂ ಅದೊಂಥರಾ ಕ್ಯೂಟ್ ಕೋಪ. ಉಳಿದಂತೆ ಗಂಭೀರ ನಡೆಯ ಹೆಣ್ಣುಮಗಳು. ಪಾತ್ರಕ್ಕೆ ತಕ್ಕ ಹಾಗೆ ಸಿನಿಮಾದಲ್ಲಿ ಡೀಸೆಂಟ್ ಉಡುಗೆಯಲ್ಲೇ ಕಾಣಿಸಿಕೊಂಡಿದ್ದೇನೆ. ಈ ಚಿತ್ರ ನೋಡ್ತಿದ್ರೆ ಟೀನೇಜ್, 20ರಿಂದ 30ರ ಹರೆಯದವರಿಗೆ ತಮ್ಮದೇ ಕತೆ ಅನಿಸಬಹುದು. 30 ರಿಂದ 40ರ ವಯೋಮಾನದವರಿಗೆ ನಾವು ಈ ಹಂತವನ್ನು ದಾಟಿ ಬಂದಿದ್ದೀವಿ ಅನಿಸಬಹುದು. ಎಲ್ಲಾ ವಯೋಮಾನದವರಿಗೂ ಕನೆಕ್ಟ್ ಆಗೋ ಕಥೆ.
- ಡಾ. ರಾಜ್ ಕುಟುಂಬದ ಕುಡಿ ಅಂದಾಗ ನನ್ನ ನಟನೆ ಬಗ್ಗೆ ಜನರಿಗೆ ನಿರೀಕ್ಷೆ ಹೆಚ್ಚೇ ಇರುತ್ತೆ. ಆದರೆ ಇದು ನನಗೆ ಪಾಸಿಟಿವ್ ಆಗಿದೆ. ಅವರ ನಿರೀಕ್ಷೆ ಮುಟ್ಟುವ ಭರವಸೆ ಇದೆ.
- ನಿನ್ನ ಸನಿಹಕೆ ಸಿನಿಮಾದ ಹಾಡುಗಳು ಲಕ್ಷಾಂತರ ವೀಕ್ಷಣೆ ದಾಖಲಿಸಿರೋದು ಬಹಳ ಖುಷಿ. ಹಾಡುಗಳನ್ನೇ ಈ ರೇಂಜ್ಗೆ ಇಷ್ಟಪಟ್ಟಜನ ಸಿನಿಮಾವನ್ನು ಖಂಡಿತಾ ಗೆಲ್ಲಿಸುತ್ತಾರೆ ಅನ್ನೋದು ನನ್ನ ಈ ಕ್ಷಣದ ಭರವಸೆ.
- ಲಾಕ್ಡೌನ್ನಲ್ಲಿ ಹಾಗೂ ನಂತರ ಒಂದಿಷ್ಟುಜನ ಬಂದು ಕತೆ ಹೇಳಿದ್ದಾರೆ. ಅವೆಲ್ಲ ಇನ್ನೂ ಮಾತುಕತೆಯ ಹಂತದಲ್ಲಿವೆ. ವಿಭಿನ್ನ ಪಾತ್ರಗಳಲ್ಲಿ ನಟಿಸೋ ನನ್ನ ಕನಸಿಗೆ ನೀರೆರೆಯುವಂಥಾ ಪಾತ್ರಗಳೂ ಬಂದಿವೆ ಅನ್ನೋದು ತೃಪ್ತಿ ಕೊಟ್ಟಸಂಗತಿ.