ಟಾಕ್ಸಿಕ್ ಶೂಟಿಂಗ್ ಶುರುವಾಯ್ತು: ಬೆಳಗಿನ ಜಾವ ಬ್ರಾಹ್ಮಿ ಮುಹೂರ್ತದಲ್ಲಿ ಯಶ್ ಚಿತ್ರಕ್ಕೆ ಕ್ಲ್ಯಾಪ್ ಮಾಡಿದ್ದೇಕೆ?
ರಾಕಿಂಗ್ ಸ್ಟಾರ್ ಯಶ್ ಮತ್ತೆ ಮುಖಕ್ಕೆ ಬಣ್ಣ ಹಚ್ಚೋದು ಯಾವಾಗ ಅನ್ನೋ ಕುತೂಹಲಕ್ಕೆ ತೆರೆ ಬಿದ್ದಿದೆ. ಎರಡುವರೆ ವರ್ಷದ ಬಳಿಕ ಅಂತೂ ಇಂತೂ ಯಶ್ ಟಾಕ್ಸಿಕ್ಗಾಗಿ ಮತ್ತೆ ಕ್ಯಾಮೆರಾ ಮುಂದೆ ನಿಂತಿದ್ದಾರೆ.
 )
Followರಾಕಿಂಗ್ ಸ್ಟಾರ್ ಯಶ್ ಲಕ್ಕಿ ನಂಬರ್ 8. ಟಾಕ್ಸಿಕ್ ಗುಟ್ಟು ಎಂಟರಲ್ಲಿ ಉಂಟು ಅಂತ ನಾವೇ ನಿಮ್ಗೆ ಹೇಳಿದ್ವಿ. ಯಶ್ ಹುಟ್ಟಿದ ದಿನಾಂಕ 8. ಈಗ ಟಾಕ್ಸಿಕ್ ಸಿನಿಮಾ ಮಹೂರ್ತ ಕೂಡ ಎಂಟನೇ ತಾರೀಖಿನಂದೇ ಆಗಿದೆ. ಈ ಮಹೂರ್ತಕ್ಕೆ ಯಶ್ ಸ್ಪೆಷಲ್ ಗೆಸ್ಟ್ ಒಬ್ಬರನ್ನ ಕರೆಸಿ ಅವರಿಂದಲೇ ಟಾಕ್ಸಿಕ್ ಫಸ್ಟ್ ಶಾಟ್ಗೆ ಕ್ಲ್ಯಾಪ್ ಮಾಡಿಸಿದ್ದಾರೆ. ಹಾಗಾದ್ರೆ ಟಾಕ್ಸಿಕ್ ಬಿಗ್ ಎಕ್ಸ್ಕ್ಲ್ಯೂಸೀವ್ ವಿಚಾರ ಏನು..? ನೋಡೋಣ ಬನ್ನಿ. ರಾಕಿಂಗ್ ಸ್ಟಾರ್ ಯಶ್ ಮತ್ತೆ ಮುಖಕ್ಕೆ ಬಣ್ಣ ಹಚ್ಚೋದು ಯಾವಾಗ ಅನ್ನೋ ಕುತೂಹಲಕ್ಕೆ ತೆರೆ ಬಿದ್ದಿದೆ. ಎರಡುವರೆ ವರ್ಷದ ಬಳಿಕ ಅಂತೂ ಇಂತೂ ಯಶ್ ಟಾಕ್ಸಿಕ್ಗಾಗಿ ಮತ್ತೆ ಕ್ಯಾಮೆರಾ ಮುಂದೆ ನಿಂತಿದ್ದಾರೆ.
ಆಗಸ್ಟ್ 8 ರಿಂದ ಟಾಕ್ಸಿಕ್ ಚಿತ್ರೀಕರಣ ಆರಂಭ ಆಗುತ್ತೆ ಅಂತ ಸಿನಿಮಾ ಹಂಗಾಮದಲ್ಲಿ ಎಕ್ಸ್ಕ್ಲ್ಯೂಸೀವ್ ಸುದ್ದಿ ಬ್ರೇಕ್ ಮಾಡಿದ್ವಿ. ಈಗ ರಾಕಿಂಗ್ ಸ್ಟಾರ್ ಸಿನಿಮಾದ ಚಿತ್ರೀಕರಣ ಆರಂಭ ಆಗಿದೆ. ಕೆಜಿಎಫ್ ಕಿಂಗ್ ರಾಕಿ ಭಾಯ್ ಟಾಕ್ಸಿಕ್ ಶೂಟಿಂಗ್ ಶುರು ಮಾಡಿ ತಿಂಗಳು ಕಳೆದಿದೆ ಅಂತ ಅಂತೆ ಕಂತೆಗಳ ಸುದ್ದಿ ವೈರಲ್ ಆಗಿತ್ತು. ಆದ್ರೆ ಅದೆಲ್ಲಾ ಸುಳ್ಳು ಅಂತ ನಾವೇ ಹೇಳಿದ್ವಿ. ಈಗ ಯಶ್ ಟಾಕ್ಸಿಕ್ ಶೂಟಿಂಗ್ ಅಧಿಕೃತವಾಗಿದೆ ಆರಂಭ ಆಗಿದೆ. ಇಂದು ಬೆಳಗಿನ ಜಾವ ಬ್ರಾಹ್ಮಿ ಮಹೂರ್ಥದಲ್ಲಿ ಟಾಕ್ಸಿಕ್ಗೆ ಮಹೂರ್ಥ ಮಾಡಲಾಗಿದೆ. ಯಶ್ ಸಿನಿಮಾ ಮಹೂರ್ಥ ಅಂದ್ರೆ ಸುಮ್ಮನೆ ಅಲ್ಲ. ಸ್ಪೆಷಲ್ ಗೆಸ್ಟ್ ಅಲ್ಲಿರಲೇ ಬೇಕು.
ಪ್ರಭಾಸ್ರ ಸಲಾರ್ ಮಹೂರ್ಥಕ್ಕೆ ಯಶ್ ಹೋಗಿದ್ರು. ಅದೇ ತೀರಿ ಟಾಕ್ಸಿಕ್ ಮಹೂರ್ತಕ್ಕೆ ದೊಡ್ಡ ಗೆಸ್ಟ್ ಅನ್ನ ಯಶ್ ಕರೆಸುತ್ತಾರೆ ಅನ್ನೋ ನಿರೀಕ್ಷೆ ಇತ್ತು. ಯಶ್ ನಿಜಕ್ಕು ಸ್ಪೆಷಲ್ ಗೆಸ್ಟ್ಅನ್ನೇ ತನ್ನ ಸಿನಿಮಾ ಶೂಟಿಂಗ್ನ ಮೊದಲ ದೃಶ್ಯದ ಕ್ಲ್ಯಾಪ್ಗೆ ಕರೆಸಿದ್ರು. ಅವರೇ ಯಶ್ರ ನೆಚ್ಚಿನ ಸೆಟ್ಬಾಯ್. ರಾಕಿಯ ಹಲವು ಚಿತ್ರಗಳಿಗೆ ಕೆಲಸ ಮಾಡಿರೋ ಸೆಟ್ ಬಾಯ್ ಕೈಯಲ್ಲಿ ಯಶ್ ಇಂದು ತಮ್ಮ ಪ್ಯಾನ್ ವರ್ಲ್ಡ್ ಚಿತ್ರ ಟಾಕ್ಸಿಕ್ ಚಿತ್ರದ ಮುಹೂರ್ತಕ್ಕೆ ಕ್ಲ್ಯಾಪ್ ಮಾಡಿಸಿದ್ದಾರೆ. ಈ ಮೂಲಕ ಸಿನಿ ಕಾರ್ಮಿಕರ ಮೇಲೆ ತಮಗಿರೋ ಗೌರವ ಮತ್ತು ಕಾಳಜಿಯನ್ನ ತೋರಿಸಿದ್ದಾರೆ.
ಸೆಂಟ್ರಲ್ ಜೈಲ್ ಸೆಲೆಬ್ರಿಟಿ ದರ್ಶನ್ಗೆ ಶಾಕ್ ಮೇಲೆ ಶಾಕ್: ಮನೆ ಊಟ ಮಾಡುವ ನಟನ ಆಸೆಗೆ ತಣ್ಣೀರು!
ವರಮಹಾಲಕ್ಷ್ಮಿ ಹಬ್ಬಕ್ಕೆ ಇನ್ನು ವಾರ ಭಾಕಿ ಇದೆ. ಯಶ್ ಫ್ಯಾನ್ಸ್ ಟಾಕ್ಸಿಕ್ ಮಹೂರ್ಥ ಶೂಟಿಂಗ್ ಶುರುವಾದ ಸುದ್ದಿ ಕೇಳಿ ಹಬ್ಬ ಮಾಡುತ್ತಿದ್ದಾರೆ. ಬೆಂಗಳೂರಿನ ಎಚ್ ಎಮ್ ಟಿ ಫ್ಯಾಕ್ಟರಿಯಲ್ಲಿ ಸಿದ್ದವಾಗಿರುವ ಟಾಕ್ಸಿಕ್ ಸೆಟ್ ನಲ್ಲೇ ಮುಹೂರ್ತ ಆಗಿದ್ದು ಚಿತ್ರೀಕರಣ ಆರಂಭ ಆಗಿದೆ. ಇಂದಿನಿಂದಲೇ ಯಶ್ ಚಿತ್ರೀಕರಣಕ್ಕೆ ಹಾಜರ್ ಆಗಿದ್ದಾರೆ. ಗೀತು ಮೋಹಮ್ ದಾಸ್ ನಿರ್ದೇಶನದಲ್ಲಿ KVN Productionsನ ಕೆ. ವೆಂಕಟ್ ನಾರಾಯಣ ಹಾಗು ಯಶ್ ಜಂಟಿಯಾಗಿ ಟಾಕ್ಸಿಕ್ ಆರಂಭಿಸುತ್ತಿದ್ದಾರೆ. ಬ್ರೇಕ್ ಇಲ್ಲದೇ ಚಿತ್ರೀಕರಣ ನಡೆಯಲಿದ್ದು, ಮುಂದಿನ ವರ್ಷ ಟಾಕ್ಸಿಕ್ ರಿಲೀಸ್ ಕನ್ಫರ್ಮ್ ಎನ್ನಲಾಗುತ್ತಿದೆ.
