Asianet Suvarna News Asianet Suvarna News

ಬುಕ್‌ಮೈಶೋ ಎಟಿಟಿಯಲ್ಲಿ ರಿವೈಂಡ್ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ!

ಸಿನಿಮಾ ಬುಕ್ಕಿಂಗ್ ವೆಬ್‌ಸೈಟ್ ಬುಕ್ ಮೈ ಶೋ ಇದೀಗ ಆನ್‌ಲೈನ್ ಸಿನಿಮಾ ವೀಕ್ಷಣೆಗಾಗಿ ಎಟಿಟಿ ಪ್ಲಾಟ್‌ಫಾರ್ಮ್ ಒದಗಿಸಿದೆ. ಅದರಲ್ಲಿ ನಟಿ ಪ್ರಮೀಳಾ ಜೋಷಾಯ್ ತಮ್ಮನ ಮಗ ತೇಜ್ ನಟನೆಯ ‘ರಿವೈಂಡ್’ ಸಿನಿಮಾ ತೆರೆಕಂಡು ಉತ್ತಮ ಪ್ರತಿಕ್ರಿಯೆ ಪಡೆಯುತ್ತಿದೆ.
 

Kannada movie Rewind gets good review in Bookmyshow ATT vcs
Author
Bangalore, First Published Jul 17, 2021, 4:15 PM IST

ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ತೇಜ್, ‘ಬುಕ್‌ಮೈ ಶೋ ಎಟಿಟಿಯಲ್ಲಿ ತೆರೆ ಕಂಡ ಮೊದಲ ಕನ್ನಡ ಸಿನಿಮಾ ರಿವೈಂಡ್. ಇದರಲ್ಲಿ ಸಿನಿಮಾನೋಡಿದವರು ಕೊಟ್ಟ ಅತ್ಯುತ್ತಮ ರೇಟಿಂಗ್‌ನಿಂದಾಗಿ ಚಿತ್ರ ಐಎಂಡಿಬಿಯಲ್ಲಿ 9.5 ರೇಟಿಂಗ್‌ಪಡೆದುಕೊಂಡಿದೆ. ಈ ಸಿನಿಮಾ ಮಲಯಾಳಂ, ಹಿಂದಿಗೆ ಡಬ್ಬಿಂಗ್ ಆಗಿದ್ದು, ಮಲಯಾಳಂ ಡಬ್ಬಿಂಗ್ ರೈಟ್‌ಸ್ ಮಾರಾಟ ಆಗಿದೆ. ಸ್ಟಾರ್ ಸುವರ್ಣ ವಾಹಿನಿಗೆ ಸ್ಯಾಟಲೈಟ್ ರೈಟ್‌ಸ್ ಮಾರಾಟವಾಗಿದೆ. ಅರಬ್‌ರಾಷ್ಟ್ರದಿಂದ ಬೇಡಿಕೆ ಬಂದಿದ್ದು, ಸೌದಿಯಲ್ಲಿ ತೆರೆ ಕಾಣುತ್ತಿರುವ ಮೊದಲ ಕನ್ನಡ ಚಿತ್ರ ಎಂಬ ಹೆಗ್ಗಳಿಕೆಗೂ ಇದು ಪಾತ್ರವಾಗಿದೆ’ ಎಂದರು.

ಸೈನ್ಸು, ಕಲ್ಪನೆ ಮತ್ತು ಕನಸುಗಳಿಗೆ ಕನ್ನ

ತೇಜ್ ಅವರು ರಾಮಾಚಾರಿ 2.1 ಎಂಬ ಸಿನಿಮಾವನ್ನೂಮಾಡುತ್ತಿದ್ದಾರೆ. ಆ ಚಿತ್ರವನ್ನು ಕನ್ನಡದ ಜೊತೆಗೆ ಸ್ಪಾನಿಶ್, ಫ್ರೆಂಚ್ ಸೇರಿ ಆರೇಳು ಭಾಷೆಗಳಲ್ಲಿ ಹೊರ ತರುತ್ತಿದ್ದಾರೆ. ನಟ ಧರ್ಮ, ನಾಯಕಿ ಚಂದನಾ, ನಟ ಧರ್ಮಮತ್ತಿತರರು ಸುದ್ದಿಗೋಷ್ಠಿಯಲ್ಲಿದ್ದರು.

Kannada movie Rewind gets good review in Bookmyshow ATT vcs

ಮೈ ಶೋ ಎಟಿಟಿ ಸೇವೆ

ಬುಕ್ ಮೈ ಶೋನ ಹೊಸ ಎಟಿಟಿ ವೇದಿಕೆಲ್ಲಿ ಒಂದು ಸಿನಿಮಾಗೆ ಇಷ್ಟು ಅಂತ ರೇಟ್ ನಿಗದಿ ಆಗಿರುತ್ತೆ. ಎರಡು ದಿನಗಳಿಗೆ 49 ರು. ನೀಡಿ ರಿವೈಂಡ್ ಸಿನಿಮಾನೋಡಬಹುದು. ಈ ಸಿನಿಮಾವನ್ನು ಒಂದು ತಿಂಗಳವರೆಗೆ ಇಟ್ಟುಕೊಳ್ಳಬೇಕಿದ್ದರೆ 100 ರು.ಪಾವತಿಸಿದರೆ ಆಯ್ತು. ಎಲ್ಲ ಸಿನಿಮಾಗಳಿಗೂ ಇದೇ ಥರ ಭಿನ್ನವಾದ ಬೆಲೆ ಇರುತ್ತದೆ.

Follow Us:
Download App:
  • android
  • ios