'ಮಗಳು ಜಾನಕಿ' ಫೋಟೋ ರಿವೀಲ್, ಹೀಗ್ ಕಾಣಿಸ್ತಾರೆ ಜೂ. ಶ್ರುತಿ!
ಸ್ಯಾಂಡಲ್ವುಡ್ನ ಮೂಗುತಿ ಸುಂದರಿ ಶ್ರುತಿ ಹರಿಹರನ್ ಮಗಳು ಜಾನಕಿ ಫೋಟೋ ಶೂಟ್ ಮಾಡಿಸಿದ್ದಾರೆ. ಇದೀಗ ಇನ್ಸ್ಟಾಗ್ರಾಂನಲ್ಲಿ ಮುದ್ದು ಮಗಳ ಫೋಟೋ ರಿವೀಲ್ ಮಾಡಿದ್ದಾರೆ. ಹೀಗಿದ್ದಾಳೆ ನೋಡಿ ಶ್ರುತಿ ಮಗಳು ಜಾನಕಿ...
'ಲೂಸಿಯಾ' ಚಿತ್ರದ ಮೂಲಕ ಕನ್ನಡ ಚಿತ್ರ ಜಗತ್ತಿಗೆ ಕಾಲಿಟ್ಟ ಮೂಗುತಿ ಸುಂದರಿ ಶ್ರುತಿ ಹರಿಹರನ್ ಅವರನ್ನು ಸ್ಯಾಂಡಲ್ವುಡ್ ಬಹು ಬೇಗ ಒಪ್ಪಿಕೊಂಡಿತು. ಇದೀಗ ಮಗುವಿನ ತಾಯಿಯಾಗಿ, ಫುಲ್ ಬ್ಯುಸಿಯಾಗಿದ್ದಾರೆ ಈ ನಟಿ. ಅಮ್ಮನಾಗಿ ತಿಂಗಳುಗಳಾದ ಮೇಲೆ ಮುದ್ದು ಮಗಳ ಫೋಟೋವನ್ನು ತಮ್ಮ ಅಧಿಕೃತ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಸೀರಿಸ್ ಆಗಿ ಶೇರ್ ಮಾಡಿಕೊಂಡಿದ್ದಾರೆ.
ನಟ ಅರ್ಜುನ್ ಸರ್ಜಾ ವಿರುದ್ಧ ಮೀಟೂ ಆರೋಪ ಮಾಡಿದ್ದರು ಈ ನಟಿ. ಈ ಗಲಾಟೆಯಲ್ಲಿ ಆರೋಪ, ಪ್ರತ್ಯಾರೋಪಗಳು ನಡೆದು, ದೂರು, ಪ್ರತಿ ದೂರು ದಾಖಲಾಗಿದ್ದವು. ಈ ವೇಳೆ ಪತ್ರವೊಂದಕ್ಕೆ ಸಹಿ ಹಾಕುವಾಗ ಲೇ ಶ್ರುತಿ ಹರಿಹರನ್ಗೆ ಮದುವೆ ಆಗಿರುವ ವಿಚಾರ ಬಹಿರಂಗಗೊಂಡಿತ್ತು. ಅಲ್ಲೀವರೆಗೂ ಈ 'ನಾತಿಚರಾಮಿ' ಬೆಡಗಿ, ತಾವು 'ಅರ್ಥೈಚ, ಧರ್ಮೇಚ, ಕಾಮೇಚ' ಸಪ್ತಪದಿ ತುಳಿದ ವಿಷಯವನ್ನು ಎಲ್ಲಿಯೂ ಬಹಿರಂಗಪಡಿಸಿರಲಿಲ್ಲ.
ಶೃತಿ ಹರಿಹರನ್ ಬೇಬಿ ಬಂಪ್ ಆಯ್ತು, ಈಗ ಸೀಮಂತ ವಿಡಿಯೋನೂ ರಿವೀಲ್ !
ಸ್ಯಾಂಡಲ್ವುಡ್ನಲ್ಲಿ ಬಿರುಗಾಳಿ ಎಬ್ಬಿಸಿದ ಶ್ರುತಿ ಅವರನ್ನು ತಣ್ಣಗಾಗಿಸಲು ರೆಬೆಲ್ ಸ್ಟಾರ್ ಅಂಬರೀಷ್ ಸೇರಿ ಚಿತ್ರರಂಗದ ಗಣ್ಯರು ಬಹಳವಾಗಿ ಯತ್ನಿಸಿದ್ದರು. ಆದರೆ, ಸರ್ಜಾ ಅವರಾಗಲಿ, ಶ್ರುತಿ ಅವರಾಗಲಿ ಈ ವಿಷಯವಾಗಿ ಕಾಂಪ್ರೋಮೈಸ್ ಆಗಲು ಒಪ್ಪಲೇ ಇಲ್ಲ. ವಿವಾದ ಕೋರ್ಟ್ ಮೆಟ್ಟಿಲೇರಿದ್ದು, ಇನ್ನೂ ತಾರ್ಕಿಕ ಅಂತ್ಯ ಕಂಡಿಲ್ಲ.
#MeToo ವಿವಾದದ ಬೆನ್ನಲ್ಲೇ ಈ ಮಲೆಯಾಳಿ ನಟಿಯನ್ನು ಸ್ಯಾಂಡಲ್ವುಡ್ ತುಸು ನಿರ್ಲಕ್ಷಿಸಲು ಆರಂಭಿಸಿತು. ಆ ನಂತರ ಬಿಡುಗಡೆಯಾದ ಅದ್ಭುತ ಚಿತ್ರ 'ನಾತಿಚರಾಮಿ'ಯನ್ನೂ ಕನ್ನಡ ಚಿತ್ರಾಭಿಮಾನಿಗಳು ಕಲೆ ಹಾಗೂ ವೈಯಕ್ತಿಕ ಜೀವನವೇ ಬೇರೆ ಬೇರೆ ಎಂಬುದನ್ನೂ ಮರೆತು ತಿರಸ್ಕರಿಸಿದರು. ಇಷ್ಟೆಲ್ಲಾ ಆಗುವಾಗಲೇ 'ಬ್ಯುಟಿಫುಲ್ ಮನಸ್ಸಿ'ನ ಈ ಸುಂದರಿ ತಾಯಿಯಾಗುತ್ತಿರುವ ವಿಷಯವನ್ನು ರಿವೀಲ್ ಮಾಡಿದರು. 2019ರಲ್ಲಿ ತಾಯಿಯಾದ ಈ ಅದ್ಭುತ ಕಲಾವಿದೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದನ್ನು ಸೋಷಿಯಲ್ ಮೀಡಿಯಾ ಮೂಲಕವೇ ಹೇಳಿ ಕೊಂಡಿದ್ದರು. ಮಗಳಿಗೆ 'ಜಾನಕಿ' ಎಂದು ಹೆಸರಿಟ್ಟದ್ದನ್ನು ಅಭಿಮಾನಿಗಳೊಂದಿಗೆ ಶೇರ್ ಮಾಡಿ ಕೊಂಡಿದ್ದರು.
ಶೃತಿ ಹರಿಹರನ್ ಮಗಳಿಗೆ ನಾಮಕರಣ ಸಂಭ್ರಮ; ಮಗಳಿಗಿಟ್ರು ಪೌರಾಣಿಕ ಹೆಸರು!
ಈಗ ತಮ್ಮ ಮಗಳ ಫೋಟೋ ಶೂಟ್ ಮಾಡಿಸಿರುವುದನ್ನು ಶೇರ್ ಮಾಡಿಕೊಂಡಿದ್ದಾರೆ. ಜಾನಕಿಗೆ 16 ದಿನಗಳಿದ್ದಾಗ ಈ ಶೂಟ್ ಮಾಡಿಸಲಾಗಿದೆ. Tiny Yours ಕ್ಲಿಕ್ ಮಾಡಿರುವ ಫೋಟೋಗೆ 'ಮಕ್ಕಳು ಮಲಗುವುದನ್ನು ನೋಡುವುದಕ್ಕೇ ಖುಷಿ. ಮಿಸ್ J ಅನ್ನು ಬಟ್ಟೆಯಲ್ಲಿ ಸುತ್ತಿ ಹೆಡ್ಬ್ಯಾಂಡ್ ಹಾಕಿರುವುದನ್ನು ನೋಡುವುದೇ ಆನಂದ. ಅದರಲ್ಲೂ ಜಾನಕಿ ನೆಮ್ಮದಿಯಾಗಿ ನಿದ್ರಿಸಿದಳು' ಎಂದು ಬರೆದುಕೊಂಡಿದ್ದಾರೆ.