Abusive Relationship ನಿಂದ ಹೊರ ಬಂದು ಆತ್ಮಗೌರವ ಹೆಚ್ಚಿಸಿಕೊಳ್ಳಿ..
ಪ್ರತಿದಿನ ಯಾರೋ ಒಬ್ಬರು ನಿಮ್ಮನ್ನು ನಿಂದಿಸುತ್ತಾರೆ ಅಂದರೆ ಅದನ್ನು ಎದುರಿಸುವುದು ಅಷ್ಟು ಸುಲಭವಲ್ಲ. ಕೆಲವೊಮ್ಮೆ ಇಂತಹ ನಿಂದನೆಗಳಿಂದ ಛಲ ಹೆಚ್ಚುತ್ತದೆ. ಆದರೆ, ಹೆಚ್ಚಿನ ಸಂದರ್ಭದಲ್ಲಿ ನಿಂದನೆ ನಮ್ಮ ಆತ್ಮಗೌರವಕ್ಕೆ ಧಕ್ಕೆ ಉಂಟುಮಾಡುತ್ತದೆ. ಇಂತಹ ಸಂದರ್ಭದಲ್ಲಿ ಎದುರಿಸುವುದು ಹೇಗೆ?
Followನಿಮ್ಮ ಪ್ರೇಮಿ, ಜೀವನ ಸಂಗಾತಿ (Life partner) ನಿಮ್ಮನ್ನು ಪ್ರೀತಿಸುವುದಕ್ಕಿಂತ ಹೆಚ್ಚು ನಿಂದಿಸುತ್ತಾರೆ, ನಿಮಗೆ ಕೆಡಕು ಬಯಸುತ್ತಾರೆ ಅಂದರೆ ಅಂಥವರಿಂದ ದೂರವಿರುವುದು ಒಳ್ಳೆಯದು. ಯಾವುದೇ ಒಬ್ಬ ವ್ಯಕ್ತಿಗಿಂತಲೂ ನಿಮ್ಮ ಆತ್ಮಗೌರವವೇ ಹೆಚ್ಚು ಮುಖ್ಯ. ಇಂಥ ಜನರಿಂದ ದೂರ ಸರಿದು ಏನೂ ನಡೆದೇ ಇಲ್ಲ ಎಂಬಂತೆ ಬದುಕುವುದು ಸುಲಭವಲ್ಲ (Not easy). ಆದರೆ, ಅಸಾಧ್ಯವೂ ಅಲ್ಲ. ನೀವೂ ಇಂಥ ಸಂಬಂಧದಿಂದ ದೂರ ಬಂದಿದ್ದರೆ ಮೊದಲು ನಿಮಗೆ ನೀವೇ ಬೆನ್ನು ತಟ್ಟಿಕೊಳ್ಳಿ. ನಿಮ್ಮ ಹಳೆ ಪ್ರೇಮಿ (Ex lover) ನಿಮ್ಮನ್ನು ಸದಾ ಕಾಲ ಮಾನಸಿಕ ನಿಂದನೆಗೆ (Emotional abuse) ಒಳಪಡಿಸಿರಬಹುದು, ದೈಹಿಕ ಹಿಂಸಾಚಾರ (Physical violence) ಮಾಡಿರಬಹುದು, ಸದಾಕಾಲ ನಿಮ್ಮನ್ನು ಉಪಯೋಗಿಸಿಕೊಂಡಿರಬಹುದು. ಆದರೆ, ನೀವು ಇದನ್ನು ಮನಸ್ಸಿನಲ್ಲಿಟ್ಟುಕೊಂಡು ಕೊರಗಬೇಡಿ. ನೀವೂ ಒಳ್ಳೆಯ ಸಂಗಾತಿಯನ್ನು ಪಡೆಯಲು ಅರ್ಹರಿದ್ದೀರಿ, ನೆನಪಿನಲ್ಲಿಡಿ..
ಇಂಥ ಸನ್ನಿವೇಶದಿಂದ (Situation) ಹೊರಬಂದು ನೀವು ನಿಮ್ಮ ಆತ್ಮಗೌರವವನ್ನು ಹೆಚ್ಚಿಸಿಕೊಳ್ಳಬೇಕು. ಅದಕ್ಕಾಗಿ ಸ್ವಲ್ಪ ದಿನಗಳು ಬೇಕಾಗಬಹುದು. ಆದರೆ ನಿಧಾನವಾಗಿಯಾದರೂ ನೀವು ಇದರಿಂದ ಹೊರಬರುತ್ತೀರಿ. ನಿಮ್ಮ ಮೇಲೆ ನೀವು ನಂಬಿಕೆ ಇಟ್ಟುಕೊಳ್ಳಿ ಹಾಗೂ ಈ ಕೆಲವು ಅಂಶಗಳನ್ನು ಪಾಲಿಸಿ..
Parenting Tips: ಹದಿಹರೆಯದವರು ನಿಮ್ಮ ಮಾತು ಕೇಳಬೇಕು ಅಂದರೆ ಹೀಗೆ ಮಾಡಿ..
- ಒಂದು ಸತ್ಯವನ್ನು (Truth) ಅರ್ಥ ಮಾಡಿಕೊಳ್ಳಿ, ಇದರಲ್ಲಿ ನಿಮ್ಮ ತಪ್ಪಿಲ್ಲ. ನೀವು ನಿಮ್ಮ ಸಂಬಂಧದ ಬಗ್ಗೆ ನಂಬಿಕೆಯಿಟ್ಟು ಮೋಸ ಹೋದಿರಿ. ಅದಕ್ಕಾಗಿ ನಿಮ್ಮನ್ನು ನೀವು ಕ್ಷಮಿಸಿಕೊಳ್ಳಿ.
- ಹೊಸ ಹವ್ಯಾಸಗಳನ್ನು (Hobbies) ರೂಢಿಸಿಕೊಳ್ಳಿ. ಕ್ರಾಫ್ಟ್ ಮಾಡುವುದು, ಪುಸ್ತಕ ಓದುವುದು, ಸಿನಿಮಾ ನೋಡುವುದು. ಇದು ಯಾವುದಾದರೂ ಒಂದು ಕೆಲಸದಲ್ಲಿ ನಿಮ್ಮನ್ನು ನೀವು ಅತಿ ಹೆಚ್ಚು ತೊಡಗಿಸಿಕೊಳ್ಳಿ. ನಿಮ್ಮ ಬಗ್ಗೆ ನಿಮಗೆ ಯಾವಾಗ ವಿಶ್ವಾಸ (Confidence) ಹೆಚ್ಚುತ್ತದೆಯೋ ಆಗ ಆತ್ಮಗೌರವ ವೃದ್ಧಿಯಾಗುತ್ತದೆ.
- ನಿಮ್ಮ ಹಳೆಯ ಗೆಳೆತನದ ಗುಂಪನ್ನು ಮರು ಸೇರಿಕೊಳ್ಳಿ (Rejoin). ಅವರೊಂದಿಗೆ ಹೆಚ್ಚು ಸಮಯ ಕಳೆಯಿರಿ. ಮೊದಲಿನಿಂದಲೂ ನಿಮ್ಮ ಜೊತೆಗಿದ್ದವರು ನಿಮ್ಮ ಬಗ್ಗೆ ಹೆಚ್ಚಿನ ವಿಷಯಗಳನ್ನು ತಿಳಿದುಕೊಂಡಿರುತ್ತಾರೆ. ಅದರಿಂದಾಗಿ, ನಿಮ್ಮ ಉತ್ತಮ ಗುಣಗಳನ್ನು ಅವರು ಹೊರತರಲು ನಿಮಗೆ ಸಹಾಯ ಮಾಡುತ್ತಾರೆ.
- ನಿಮಗಿಂತ ಸಣ್ಣ ಹಂತದಲ್ಲಿರುವ ವ್ಯಕ್ತಿಗಳಿಗೆ ಮುಂದೆ ಬರಲು ಸಹಾಯ ಮಾಡಿ. ಅಂದರೆ, ನಿಮ್ಮ ಜೊತೆ ಕೆಲಸದಲ್ಲಿ, ನಿಮಗಿಂತ ಕೆಳಗಿನ ವರ್ಗದಲ್ಲಿ ಅಥವಾ ಹೊಸದಾಗಿ ಕೆಲಸಕ್ಕೆ ಸೇರಿಕೊಂಡಿರುವ ಜನರಿಗೆ ಮಾರ್ಗದರ್ಶನ ನೀಡಿ. ಇದರಿಂದಾಗಿ ನೀವು ಸ್ವಲ್ಪ ತಿಳಿದುಕೊಂಡಿದ್ದೀರಿ ನೀವು ಇತರರಿಗಿಂತ ಭಿನ್ನರಾಗಿದ್ದೀರಿ ಎಂಬ ವಿಷಯ ನಿಮ್ಮ ಆತ್ಮಗೌರವ ಹೆಚ್ಚಿಸುತ್ತದೆ.
- ಸಣ್ಣ ಮಕ್ಕಳಿಗೆ ಪಾಠ (Teache) ಹೇಳಿಕೊಡುವುದು, ಇಲ್ಲವೇ ನೀವು ಹೆಚ್ಚು ತಿಳಿದುಕೊಂಡಿರುವ ವಿಷಯಗಳನ್ನು ಇತರರಿಗೆ ತಿಳಿಸುವುದು. ಇಂಥ ಕೆಲಸಗಳನ್ನು ಹೆಚ್ಚು ಮಾಡಿ.
Relationshipi Status: ನೀವು ಸಿಂಗಲ್ ಆಗಿರೋದು ಇದೇ ಕಾರಣಕ್ಕೆ !
- ನೀವು ಸಣ್ಣವಯಸ್ಸಿನಲ್ಲಿ ಇರುವಾಗ ಮಾಡುತ್ತಿದ್ದ ಚಟುವಟಿಕೆಗಳನ್ನು (Activities) ನೆನಪಿಸಿಕೊಂಡು ಅದನ್ನು ಪುನಾ ಪ್ರಾರಂಭಿಸಿ. ಉದಾಹರಣೆಗೆ ಸೈಕ್ಲಿಂಗ್, ಪೇಂಟಿಂಗ್ ಮಾಡುವುದು, ಪೇಪರ್ ಕ್ರಾಫ್ಟ್ ತಯಾರಿಸುವುದು ಹೀಗೆ ನಿಮಗಿಷ್ಟವಾದ ಚಟುವಟಿಕೆಗಳನ್ನು ಪ್ರಾರಂಭಿಸಿ.
- ನಿಮ್ಮ ಮೇಲಿನ ನಂಬಿಕೆಯನ್ನು ದೃಢವಾಗಿಸಿಕೊಳ್ಳಿ. ನೀವು ಖಂಡಿತವಾಗಿಯೂ ಇತರರಿಗಿಂತ ಡಿಫರೆಂಟ್ ಆಗಿದ್ದೀರಿ. ನಿಮ್ಮ ಗುಣಗಳು ಬೇರೆಯವರಿಗೆ ನಿಮ್ಮ ಬಗ್ಗೆ ಆಸಕ್ತಿ ಹುಟ್ಟುವಂತೆ ಮಾಡಬಹುದು ಎಂಬ ವಿಷಯವನ್ನು ಅರ್ಥ ಮಾಡಿಕೊಳ್ಳಿ.
- ಕಳೆದ ಬಾರಿ ಆದ ಕೆಟ್ಟ ಘಟನೆಯಿಂದಾಗಿ ಕಲಿತ ಪಾಠವನ್ನು ಜೀವನಪರ್ಯಂತ ಮರೆಯಬೇಡಿ. ಆದರೆ, ಪದೇ ಪದೇ ಆ ಸನ್ನಿವೇಶವನ್ನು ನೆನಪಿಸಿಕೊಳ್ಳಬೇಡಿ.
ಯಾವ ವಿಷಯವೂ ಒಂದೇ ದಿನದಲ್ಲಿ ಸರಿ ಹೋಗುವುದಿಲ್ಲ. ನಿಮ್ಮ ಮನಸ್ಸು ಸರಿ ಹೋಗಲು ನಿಮ್ಮ ಮೇಲೆ ಒತ್ತಡ ಹೇರಿಕೊಳ್ಳಬೇಡಿ. ನಿಮಗೆ ಬೇಕಾದಷ್ಟು ಸಮಯ ತೆಗೆದುಕೊಂಡು ನಿಧಾನವಾಗಿ ಅದರಿಂದ ಹೊರಬನ್ನಿ. ನಿಮ್ಮ ಆತ್ಮಗೌರವವನ್ನು (Self-esteem) ಹೆಚ್ಚಿಸಿಕೊಳ್ಳುವ ಜವಾಬ್ದಾರಿ ನಿಮ್ಮದೇ ಆಗಿರುತ್ತದೆ.
