Strict Parenting Style: ಮಕ್ಕಳಲ್ಲಿ ಖಿನ್ನತೆಗೂ ಕಾರಣವಾಗ್ಬೋದು !
ಮಕ್ಕಳ ಲಾಲನೆ-ಪಾಲನೆ ಅಷ್ಟು ಸುಲಭವಾದ ಕೆಲಸವಲ್ಲ. ಮಕ್ಕಳ ಮೊಂಡು ಹಠ, ವಾದ, ಸೋಮಾರಿತನ ಮೊದಲಾದವುಗಳನ್ನು ಸಹಿಸಿಕೊಂಡು ಸರಿ ಮಾಡುತ್ತಾ ಹೋಗಬೇಕಾಗುತ್ತದೆ. ಹೀಗೆ ಮಕ್ಕಳ ವ್ಯಕ್ತಿತ್ವ ಸರಿ ಮಾಡೋ ಭರದಲ್ಲಿ ವಿಪರೀತ ಸ್ಟ್ರಿಕ್ಟ್ ಕೂಡಾ ಆಗುವ ಹಾಗಿಲ್ಲ. ಸ್ಟ್ರಿಕ್ಟ್ ಪೇರೆಟಿಂಗ್ ಸ್ಟೈಲ್‌ ಮಕ್ಕಳಲ್ಲಿ ಖಿನ್ನತೆಗೂ ಕಾರಣವಾಗ್ಬೋದಂತೆ.
ಪ್ರತಿಯೊಬ್ಬ ಪೋಷಕರು ಸಹ ತಮ್ಮ ಮಕ್ಕಳ ವ್ಯಕ್ತಿತ್ವ ಉತ್ತಮವಾಗಿ ರೂಪೀಕರಣವಾಗಬೇಕೆಂದು ಬಯಸುತ್ತಾರೆ. ಹೀಗಾಗಿ ಮಕ್ಕಳು ತಪ್ಪು ಮಾಡುವಾಗ ಸಹನೆಯಿಂದ ತಿದ್ದಿ ಬುದ್ಧಿ ಹೇಳುತ್ತಾರೆ. ಆದರೆ ಕೆಲವೊಬ್ಬ ಪೋಷಕರು ಹಾಗಲ್ಲ ಮಕ್ಕಳನ್ನು ಅತಿ ಶಿಸ್ತಿನಿಂದ ಬೆಳೆಸುತ್ತಾರೆ. ಪ್ರತಿಯೊಂದು ವಿಷಯಕ್ಕೂ ಪರ್ಮಿಶನ್ ಕೇಳಬೇಕು, ಬರೀ ಪಾಠವನ್ನೇ ಓದಬೇಕು, ಪಠ್ಯೇತರ ಚಟುವಟಿಕೆಯಲ್ಲಿ ಭಾಗವಹಿಸಬಾರದು. ಏಳಲು ನಿರ್ಧಿಷ್ಟ ಸಮಯ, ಮಲಗಲು ನಿರ್ಧಿಷ್ಟ ಸಮಯ ನಿಗದಿಪಡಿಸುತ್ತಾರೆ. ಹೀಗೆ ಮಾಡುವುದರಿಂದ ಮಕ್ಕಳು ಬರೀ ಪುಸ್ತಕದ ಬದನೇಕಾಯಿ ಆಗುತ್ತಾರಷ್ಟೇ. ಉಳಿದ ಎಲ್ಲಾ ವಿಷಯಗಳಲ್ಲೂ ಡಲ್ ಆಗಿರುತ್ತಾರೆ.
Strict Parenting Styleನಲ್ಲಿ ಪೋಷಕರು (Parents), ಮಕ್ಕಳ ಶಿಸ್ತು ಮತ್ತು ವಿಧೇಯತೆಯ ಮೇಲೆ ಹೆಚ್ಚು ಗಮನ ಹರಿಸುತ್ತಾರೆ. ತಮ್ಮ ಮಗುವಿನ ಜೀವನದ ಮೇಲೆ ಹಿಡಿತ ಸಾಧಿಸುವ ಮೂಲಕ ಮತ್ತು ಮಗುವಿಗೆ (Children) ಅತ್ಯಂತ ಕಡಿಮೆ ಸ್ವಾತಂತ್ರ್ಯವನ್ನು ಅನುಮತಿಸುವ ಮೂಲಕ ಇದನ್ನು ಹೆಚ್ಚಾಗಿ ಸಾಧಿಸಲಾಗುತ್ತದೆ. ಮಕ್ಕಳು ತಪ್ಪು (Mistake) ಮಾಡಿದಾಗ ಸರ್ವಾಧಿಕಾರಿಯಂತೆ ವರ್ತಿಸಿ ಮಕ್ಕಳಿಗೆ ಕಠಿಣ ಶಿಕ್ಷೆ ನೀಡುತ್ತಾರೆ. ಬದಲಿಗೆ ಮಕ್ಕಳು ತಪ್ಪು ಮಾಡುವುದು ಸಾಮಾನ್ಯ ಎಂಬ ವಿಷಯವನ್ನು ಅರಿತುಕೊಳ್ಳುವುದಿಲ್ಲ. ಲೆವೆನ್ ವಿಶ್ವವಿದ್ಯಾನಿಲಯದ ಹೊಸ ಅಧ್ಯಯನವು ಕಟ್ಟುನಿಟ್ಟಾದ ಪೋಷಕರ ಶೈಲಿಯು ಖಿನ್ನತೆ (Anxiety) ಮತ್ತು ಇತರ ಮಾನಸಿಕ ಅಸ್ವಸ್ಥತೆಗಳಿಗೆ ಕಾರಣವಾಗಬಹುದು ಎಂದು ಸೂಚಿಸುತ್ತದೆ.
Parenting Tips: ಮಕ್ಕಳ ಐಕ್ಯೂ ಮಟ್ಟ ಹೆಚ್ಚಿಸೋದು ಹೇಗೆ? ಇಲ್ಲಿವೆ ಸರಳ ಉಪಾಯಗಳು
ಅಧ್ಯಯನದಲ್ಲಿ ಹೇಳಿರುವುದೇನು ?
ಅಧ್ಯಯನದಲ್ಲಿ 21 ಹದಿಹರೆಯದವರನ್ನು ಒಳಪಡಿಸಲಾಯಿತು. ಇವರೆಲ್ಲರೂ 12ರಿಂದ 16 ವರ್ಷ ವಯಸ್ಸಿನವರಾಗಿದ್ದರು. ಇವರೆಲ್ಲರ ಜೊತೆ ಪೋಷಕರ ಪೇರೆಟಿಂಗ್ ಸ್ಟೈಲ್‌ನ್ನು ಪ್ರಶ್ನಿಸಲಾಯಿತು. ಈ ಮೂಲಕ ಪೋಷಕರು ಮಕ್ಕಳ ಜೊತೆ ಹೇಗಿದ್ದಾರೆ ಎಂಬುದನ್ನು ತಿಳಿದುಕೊಳ್ಳಲು ಯತ್ನಿಸಲಾಯಿತು. ಮಾತ್ರವಲ್ಲ ಸ್ಟ್ರಿಕ್ಟ್ ಪೇರೆಟಿಂಗ್ ಸ್ಟ್ರೈಲ್‌ನಿಂದ ಮಕ್ಕಳು ಹೇಗೆ ತೊಂದರೆಗೊಳಗಾಗುತ್ತಾರೆ ಎಂಬುದನ್ನು ತಿಳಿದುಕೊಳ್ಳಲಾಯಿತು.
ಸಂಶೋಧಕರು ಕಂಡುಕೊಂಡಿದ್ದೇನು ?
ಜೀನೋಮ್ ಮ್ಯಾಪಿಂಗ್ ಅನ್ನು ಬಳಸುವ ಮೂಲಕ, ಕಟ್ಟುನಿಟ್ಟಾದ ಪೋಷಕರನ್ನು ವರದಿ ಮಾಡಿದ 23 ಹದಿಹರೆಯದವರು ಮಾನಸಿಕ ಸ್ಥಿತಿಯಲ್ಲಿ ಹೆಚ್ಚು ವ್ಯತ್ಯಾಸವನ್ನು ಹೊಂದಿದ್ದಾರೆ ಎಂದು ಸಂಶೋಧಕರು ಕಂಡುಹಿಡಿದರು. ಅಧ್ಯಯನದಲ್ಲಿ ಸ್ಟ್ರಿಕ್ಟ್ ಪೇರೆಟಿಂಗ್ ಹೊಂದಿದ ಮಕ್ಕಳಲ್ಲಿ ಮೆತಿಲೀಕರಣದ ವ್ಯತ್ಯಾಸವಿರುವುದು (Difference) ಕಂಡು ಬಂತು. ಮೆತಿಲೀಕರಣವು ಕೆಲವು ಜೀನ್‌ಗಳನ್ನು ಆನ್ ಮತ್ತು ಆಫ್ ಮಾಡಲು ಪ್ರಮುಖವಾಗಿದೆ. ನಿರಂಕುಶ ಪಾಲನೆಯು ಅವರ ಖಿನ್ನತೆ ಮತ್ತು ಇತರ ಮಾನಸಿಕ ಕಾಯಿಲೆಗಳ ಅಪಾಯದ ಹಿಂದೆ ಇರಬಹುದೆಂದು ಇದು ಸೂಚಿಸುತ್ತದೆ.
ದೈಹಿಕ ಶಿಕ್ಷೆ ಮತ್ತು ಮಾನಸಿಕ ಕುಶಲತೆಯೊಂದಿಗೆ ಕಠಿಣ ಪೋಷಕರನ್ನು ಗ್ರಹಿಸುವುದು, ಡಿಎನ್ಎಗೆ ಹಾರ್ಡ್-ವೈರ್ಡ್ ಆಗಲು ಜೀನ್ ಅನ್ನು ಹೇಗೆ ಓದಲಾಗುತ್ತದೆ ಎಂಬುದರ ಕುರಿತು ಹೆಚ್ಚುವರಿ ಸೂಚನೆಗಳನ್ನು ಪರಿಚಯಿಸಬಹುದು ಎಂದು ನಾವು ಕಂಡುಹಿಡಿದಿದ್ದೇವೆ. ಈ ಬದಲಾವಣೆಗಳು ಸ್ವತಃ ಬೆಳೆಯುತ್ತಿರುವ ಮಗುವನ್ನು ಖಿನ್ನತೆಗೆ ಒಳಪಡಿಸಬಹುದು ಎಂಬುದಕ್ಕೆ ನಮ್ಮಲ್ಲಿ ಕೆಲವು ಸೂಚನೆಗಳಿವೆ. ಮಕ್ಕಳು ಪೋಷಕ ಪೋಷಣೆಯನ್ನು ಹೊಂದಿದ್ದರೆ ಅದೇ ಪ್ರಮಾಣದಲ್ಲಿ ಇದು ಸಂಭವಿಸುವುದಿಲ್ಲ ಎಂದು ಅಧ್ಯಯನದಲ್ಲಿ ತಿಳಿಸಲಾಗಿದೆ.
Parenting Tips: ಮಕ್ಕಳ ಕೆಟ್ಟ ಅಭ್ಯಾಸಗಳನ್ನು ಸುಧಾರಿಸೋದು ಹೇಗೆ? ಇಲ್ಲಿವೆ ಸಿಂಪಲ್‌ ಟಿಪ್ಸ್‌
ಕಟ್ಟುನಿಟ್ಟಾದ ಪೋಷಕರ ಕಾರಣದಿಂದಾಗಿ ಪ್ರತಿಕ್ರಿಯೆ ಮತ್ತು ಪ್ರಭಾವದ ಹೊರತಾಗಿ, ಸಾಮಾನ್ಯವಾಗಿ ಒತ್ತಡವು (Pressure) ಹೆಚ್ಚಿನ ಮಟ್ಟದ ಮೆತಿಲೀಕರಣದ ಹಿಂದೆ ಒಂದು ಅಂಶವಾಗಿದೆ ಎಂದು ಸಂಶೋಧಕರು ಗಮನಿಸಿದ್ದಾರೆ. ಸ್ಟ್ರಿಕ್ಟ್ ಪೇರೆಟಿಂಗ್ ಮತ್ತು ಖಿನ್ನತೆಯ ನಡುವಿನನಿಖರವಾದ ಲಿಂಕ್ ಅನ್ನು ಕಂಡುಹಿಡಿಯಲು ದೊಡ್ಡ ಅಧ್ಯಯನಗಳನ್ನು ನಡೆಸಬೇಕಾಗಿದೆ. ಯಾವುದೇ ಸಂದರ್ಭದಲ್ಲಿ, ಹೊಸ ಸಂಶೋಧನೆಯು ವಿಶೇಷವಾಗಿ ಮಕ್ಕಳು ಮತ್ತು ಹದಿಹರೆಯದವರಲ್ಲಿ ಮಾನಸಿಕ ಅಸ್ವಸ್ಥತೆಯನ್ನು ಪರೀಕ್ಷಿಸಲು ಹೊಸ ಮಾರ್ಗಕ್ಕೆ ಕಾರಣವಾಗಬಹುದು.
ಮಕ್ಕಳ ಮೇಲೆ ನಿರಂಕುಶ ಪಾಲನೆಯ ಇತರ ಪ್ರಭಾವ
ಮಾನಸಿಕ ಆರೋಗ್ಯ ಸಮಸ್ಯೆಗಳ (Mental health problem) ಹೊರತಾಗಿ, ಕಟ್ಟುನಿಟ್ಟಾದ ಪೋಷಕರ ಶೈಲಿಯು ನಿಮ್ಮ ಮಗುವಿನ ಮೇಲೆ ಇತರ ಋಣಾತ್ಮಕ ಪರಿಣಾಮಗಳಿಗೆ ಕಾರಣವಾಗಬಹುದು. ಕಡಿಮೆ ಸ್ವಾಭಿಮಾನ, ಸಾಮಾಜಿಕ ಸಾಮರ್ಥ್ಯಗಳ ಕೊರತೆಯಿಂದಾಗಿ ಸಾಮಾಜಿಕ ಸಂದರ್ಭಗಳಲ್ಲಿ ತೊಂದರೆ, ಮನೆಯ ಹೊರಗೆ ಆಕ್ರಮಣಕಾರಿ ವರ್ತನೆ, ವೈಫಲ್ಯವನ್ನು ಒಪ್ಪಿಕೊಳ್ಳಲು ಅಸಮರ್ಥತೆ ಮೊದಲಾದ ಸಮಸ್ಯೆ ಕಾಣಿಸಿಕೊಳ್ಳಬಹುದು.
