Relationshipನಲ್ಲಿ ಹೆಚ್ಚಾಗ್ತಿದೆ 'ಪಾಕೆಟಿಂಗ್', ನಿಮ್‌ ಪಾರ್ಟ್ನರ್ ಹೀಗೆ ಮಾಡ್ತಿದ್ದಾರಾ ?
ಸಂಬಂಧಗಳು ತುಂಬಾ ಸೂಕ್ಷ್ಯವಾದುದು. ಸುಲಭವಾಗಿ ಶುರುವಾಗುತ್ತದೆ ಮತ್ತು ಅಷ್ಟೇ ಸುಲಭವಾಗಿ ಮುಗಿದುಹೋಗುತ್ತದೆ. ಹೀಗಾಗಬಾರದು ಅಂದ್ರೆ ಪಾರ್ಟ್ನರ್ ಬಗ್ಗೆ ಎಲ್ಲಾ ವಿಚಾರಗಳನ್ನು ತಿಳಿದುಕೊಂಡಿರಬೇಕು. ಆದ್ರೆ ಇತ್ತೀಚಿಗೆ ಸಂಬಂಧಗಳಲ್ಲಿ ಪಾಕೆಟಿಂಗ್ ಹೆಚ್ಚಾಗ್ತಿದೆ. ಹಾಗಂದ್ರೇನು ? ಇದರಿಂದ ಸಂಬಂಧಕ್ಕೇನು ತೊಂದ್ರೆ ತಿಳಿದುಕೊಳ್ಳೋಣ.
ಪ್ರೀತಿ ಮಾಡುವುದು ತುಂಬಾ ಸುಲಭ. ಆದ್ರೆ ಆ ಪ್ರೀತಿಯನ್ನು ಉಳಿಸಿಕೊಳ್ಳಲು ಗೊತ್ತಿರಬೇಕು. ಪ್ರೀತಿ ಅಸಲಿಯಾ ನಕಲಿಯಾ ತಿಳಿದುಕೊಳ್ಳಬೇಕು. ಪ್ರೀತಿಯ ಸೋಗಿನಲ್ಲಿ ನಡೆಯೋ ವಂಚನೆಗಳೇ ಇತ್ತೀಚಿಗೆ ಹೆಚ್ಚಾಗುತ್ತಿದೆ. ಬೇಕಾಬಿಟ್ಟಿ ಸುತ್ತಿ, ಹಣ ಖರ್ಚು ಮಾಡಿದ ಬಳಿಕ ಬೋರೆಂದು ಬೇರೆಯಾಗುವ ಮಂದಿ ಈಗ ಹೆಚ್ಚಾಗಿದ್ದಾರೆ.ನಿಮ್ಮ ಪಾಲುದಾರರು ನಿಮ್ಮಿಂದ ಹಲವು ವಿಚಾರಗಳನ್ನು ಮುಚ್ಚಿಡುತ್ತಿದ್ದಾರಾ ? ಹೆಸರಿಗಷ್ಟೇ ರಿಲೇಶನ್‌ಶಿಪ್‌ನಲ್ಲಿದ್ದು, ನಿಮ್ಮನ್ನು ಇತರರಿಗೆ ಪರಿಚಯಿಸಲು ಹಿಂಜರಿಯುತ್ತಾರಾ ? ಇದನ್ನೇ ರಿಲೇಶನ್‌ ಶಿಪ್ ಪಾಕೆಟಿಂಗ್ ಎನ್ನುತ್ತಾರೆ. ನಿಮ್ಮ ಸಂಬಂಧದಲ್ಲೂ ಪಾಕೆಂಟಿಗ್‌ ಆಗುತ್ತಿದೆ ಅನ್ನೋದನ್ನು ತಿಳಿದುಕೊಳ್ಳೋದು ಹೇಗೆ ಅನ್ನೋ ಮಾಹಿತಿ ಇಲ್ಲಿದೆ.
ಯಾವಾಗಲೂ ರಹಸ್ಯವಾಗಿ ಭೇಟಿಯಾಗುತ್ತೀರಿ: ನೀವಿಬ್ಬರೂ ಯಾವಾಗಲೂ ರಹಸ್ಯ (Secret)ವಾಗಿ ಭೇಟಿಯಾಗುತ್ತಿದ್ದರೆ ಮತ್ತು ಯಾರೂ ನಿಮ್ಮನ್ನು ನೋಡಬಾರದು ಎಂದು ಹೊರಗಿನ ಸ್ಥಳಗಳಲ್ಲಿ ಭೇಟಿಯಾಗುತ್ತಿದ್ದರೆ, ನಿಮ್ಮ ಸಂಗಾತಿಯು (Partner) ಏನನ್ನೋ ಗುಟ್ಟು ಮಾಡುತ್ತಿದ್ದಾನೆ ಎಂಬುದನ್ನು ತಿಳಿದುಕೊಳ್ಳಿ. ಏಕೆಂದರೆ ಅವರು ಈ ಸಂಬಂಧ (Relatinship)ವನ್ನು ಸಾರ್ವಜನಿಕವಾಗಿ ಎಲ್ಲರಿಗೂ ತಿಳಿಸಲು ಬಯಸುವುದಿಲ್ಲ ಎಂದರ್ಥ.
ಗಂಡನನ್ನು ಗೆಲ್ಲೋದು ಸುಲಭವಲ್ಲ, ಕೆಲವೊಂದು ಟ್ಯಾಕ್ಟಿಕ್ಸ್ ಬಳಸೋದು ಅನಿವಾರ್ಯ
ನೀವು ಅವರ ಸ್ನೇಹಿತರನ್ನು ಭೇಟಿಯಾಗಲು ಅವಕಾಶ ಕೊಡುವುದಿಲ್ಲ: ಸಂಬಂಧ ಖಚಿತವಾಗಿದ್ದಾಗ ಹೆಚ್ಚಿನವರು ಹುಡುಗ ಅಥವಾ ಹುಡುಗಿಯನ್ನು ತಮ್ಮ ಸ್ನೇಹಿತರಿಗೆ (Friends) ಪರಿಚಯ ಮಾಡಿಕೊಡುತ್ತಾರೆ. ಆದರೆ ನಿಮ್ಮ ಸಂಗಾತಿ ಇದನ್ನು ಇಷ್ಟಪಡುತ್ತಿಲ್ಲವೆಂದಾದರೆ ಎಲ್ಲಾ ತಪ್ಪಾಗುತ್ತಿದೆ. ನೀವು ಅವರ ಸ್ನೇಹಿತರನ್ನು ಭೇಟಿಯಾಗುವುದನ್ನು ಅವರು ಖಂಡಿತವಾಗಿ ಬಯಸುವುದಿಲ್ಲ. ನೀವು ಅವರ ಸ್ನೇಹಿತರನ್ನು ಭೇಟಿಯಾಗಬಹುದಾದ ಸಂದರ್ಭಗಳನ್ನು ಅವರು ತಪ್ಪಿಸುತ್ತಾರೆ. ಅವರಿಗೆ ಸ್ನೇಹಿತರಿಲ್ಲದಂತಹ ಕಾರಣಗಳೊಂದಿಗೆ ಅವರು ಬರಬಹುದು ಆದರೆ ಹೆಚ್ಚಿನ ಸಂದರ್ಭಗಳಲ್ಲಿ ಇದು ಅಸಂಭವವಾಗಿದೆ. ಇಂಥಾ ಸಂದರ್ಭದಲ್ಲಿ ನೀವು ಸಂಗಾತಿಯ ಹಿನ್ನಲೆಯ ಬಗ್ಗೆ ಹೆಚ್ಚು ತಿಳಿದುಕೊಳ್ಳಬೇಕು.
ಸಂಬಂಧದ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡುವುದಿಲ್ಲ: ಇತ್ತೀಚಿಗೆ ಜನರು ತಮ್ಮ ಜೀವನದ ಎಲ್ಲಾ ಘಟನೆಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ (Social media) ಪೋಸ್ಟ್ ಮಾಡಿಕೊಳ್ಳುತ್ತಾರೆ. ಸಾಮಾಜಿಕ ಮಾಧ್ಯಮವು ನಿಮ್ಮ ಜೀವನದ ವಿವರಗಳನ್ನು ಅತ್ಯಂತ ಮೋಜಿನ ಮತ್ತು ಉತ್ತೇಜಕ ರೀತಿಯಲ್ಲಿ ಹಂಚಿಕೊಳ್ಳುವ ಸ್ಥಳವಾಗಿದೆ. ಆದರೆ ನಿಮ್ಮ ಸಂಗಾತಿ ಹಾಗೆ ಮಾಡಲು ನಿರಾಕರಿಸಿದರೆ ಮತ್ತು ನಿಮ್ಮ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಎಂದಿಗೂ ಪೋಸ್ಟ್ ಮಾಡದಿದ್ದರೆ, ಖಂಡಿತವಾಗಿಯೂ ಅವರು ಸಂಬಂಧವನ್ನು ಮುಂದುವರೆಸಲು ಆಸಕ್ತಿ (Interest) ಹೊಂದಿಲ್ಲ ಎಂದು ತಿಳಿದುಕೊಳ್ಳಬಹುದು.
ಮಾಜಿ ಗರ್ಲ್‌ಫ್ರೆಂಡ್ ಜೊತೆಗಿನ ಇಂಟಿಮೇಟ್‌ ಪೋಟೋ ಗಂಡ ಇನ್ನೂ ಇಟ್ಕೊಂಡಿದ್ದಾನೆ, ಏನ್ಮಾಡ್ಮಿ ?
ಕುಟುಂಬದ ಬಗ್ಗೆ ಯಾವುದೇ ವಿಚಾರ ಹೇಳುವುದಿಲ್ಲ: ನಿಮ್ಮ ಸಂಗಾತಿಯು ತಮ್ಮ ಕುಟುಂಬದ (Family) ಬಗ್ಗೆ ಏನನ್ನೂ ಬಹಿರಂಗಪಡಿಸದಿದ್ದರೆ, ನೀವು ಅವರ ವ್ಯವಹಾರಗಳಲ್ಲಿ ನೀವು ಮಧ್ಯಪ್ರವೇಶಿಸಬೇಕೆಂದು ಅವರು ಖಂಡಿತವಾಗಿಯೂ ಬಯಸುವುದಿಲ್ಲ. ಕುಟುಂಬವು ಪ್ರತಿಯೊಬ್ಬರ ಜೀವನದಲ್ಲಿ ಬಹಳ ಮುಖ್ಯವಾದ ಅಂಶವಾಗಿದೆ ಆದ್ದರಿಂದ ನಿಮ್ಮ ಸಂಗಾತಿಯ ಕುಟುಂಬದ ಬಗ್ಗೆ ನಿಮಗೆ ತಿಳಿದಿರುವುದು ನ್ಯಾಯಯುತವಾಗಿದೆ. ಆದರೆ ಅದನ್ನು ಹೇಳಲು ಅವರು ಹಿಂಜರಿಯುತ್ತಿದ್ದಾರೆ ಅವರು ವಿಚಾರವನ್ನು ರಹಸ್ಯವಾಗಿಡುತ್ತಿದ್ದಾರೆ ಎಂಬುದನ್ನು ತಿಳಿದುಕೊಳ್ಳಬಹುದು.
ಎಲ್ಲಿ ವಾಸಿಸುತ್ತಿದ್ದಾರೆ ಎಂಬುದು ತಿಳಿದಿಲ್ಲ: ನೀವು ಸಂಬಂಧದಲ್ಲಿರುವ ವ್ಯಕ್ತಿಯ ಮನೆ ಅಥವಾ ಅಪಾರ್ಟ್‌ಮೆಂಟ್‌ಗೆ ಎಂದಿಗೂ ಹೋಗಿಲ್ಲದಿದ್ದರೆ, ಅವರು ನಿಮ್ಮ ಜೊತೆ ಜಸ್ಟ್‌ ಟೈಂ ಮಾಡುತ್ತಿದ್ದಾರೆ ಎಂದರ್ಥ. ಯಾವಾಗ, ಎಲ್ಲಿ ಮತ್ತು ಯಾರನ್ನು ಭೇಟಿಯಾಗಬೇಕೆಂದು ಅವರು ನಿರ್ಧರಿಸುತ್ತಾರೆ. ಈ ವಿಷಯದಲ್ಲಿ ನೀವು ಯಾವುದೇ ಹೇಳಿಕೆಯನ್ನು ಪಡೆಯುವುದಿಲ್ಲ ಎಂದಾದರೆ ಅವರೇನೋ ಗುಟ್ಟು ಮಾಡುತ್ತಿದ್ದಾರೆ.
