ಮದುವೆಗೆ ಮೊದಲು ಮೊಮ್ಮಗಳು ಗರ್ಭಿಣಿ ಆದರೆ ಬೇಸರವಿಲ್ಲ ಎಂದ ಜಯಾ ಬಚ್ಚನ್
ಬಾಲಿವುಡ್ನ ಈ ಹಿರಿಯ ನಟಿ ತನ್ನ ಮೊಮ್ಮಗಳೇನಾದರೂ ಮದುವೆಗೆ ಮೊದಲು ಗರ್ಭಿಣಿಯಾದರೆ ನನಗೇನೂ ಅಭ್ಯಂತರವಿಲ್ಲ ಎಂದು ಹೇಳಿದ್ದಾರೆ. ಕೆಲ ವರ್ಷಗಳ ಹಿಂದೆ ಅವರು ನೀಡಿದ ಹೇಳಿಕೆ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಮದುವೆಯಾಗುವ ಮೊದಲು ಮನೆಯ ಮಕ್ಕಳು ಗರ್ಭಿಣಿಯಾಗುವಂತಿಲ್ಲ, ಅಪ್ಪಿತಪ್ಪಿ ಹೀಗೆಲ್ಲಾದರು ಆದರೂ ಇದನ್ನು ನಮ್ಮ ಸಮಾಜ ಅದನ್ನು ಸ್ವೀಕರಿಸುವುದಿಲ್ಲ, ಆಕೆ ದಾರಿ ತಪ್ಪಿದಳು ಎಂದು ತುಂಬಾ ನಿಕೃಷ್ಟವಾಗಿ ಆ ಹೆಣ್ಣು ಮಗಳನ್ನು ನಮ್ಮ ಸಮಾಜ ನೋಡುತ್ತದೆ. ಜನ ಕುಹಕವಾಡುತ್ತಾರೆ. ದೂಷಿಸಿ ನಿಂದಿಸಿ ತಲೆ ಎತ್ತಿ ಬದುಕಲಾಗದಂತೆ ಮಾಡುತ್ತದೆ. ಇದೇ ಕಾರಣಕ್ಕೆ ಮದುವೆಯಾಗುವವರೆಗೂ ಹೆಣ್ಣು ಮಕ್ಕಳು ದಾರಿ ತಪ್ಪದಂತೆ, ಅವರ ಮೇಲೆ ಬೇರೆಯವರು ಕಣ್ಣು ಹಾಕದಂತೆ ಒಂದು ಕಣ್ಣಿಟ್ಟು ಕಾಯುತ್ತಾರೆ ಮನೆಯ ಹಿರಿಯರು. ಆದರೆ ಬಾಲಿವುಡ್ನ ಈ ಹಿರಿಯ ನಟಿ ತನ್ನ ಮೊಮ್ಮಗಳೇನಾದರೂ ಮದುವೆಗೆ ಮೊದಲು ಗರ್ಭಿಣಿಯಾದರೆ ನನಗೇನೂ ಅಭ್ಯಂತರವಿಲ್ಲ ಎಂದು ಹೇಳಿದ್ದಾರೆ. ಕೆಲ ವರ್ಷಗಳ ಹಿಂದೆ ಅವರು ನೀಡಿದ ಹೇಳಿಕೆ ಇದಾಗಿದ್ದು, ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಜೊತೆಗೆ ಜನರ ತೀವ್ರ ಆಕ್ರೋಶಕ್ಕೆ ಕಾರಣವಾಗುತ್ತಿದೆ.
ಅಂದಹಾಗೆ ಈ ರೀತಿ ಹೇಳಿಕೆ ನೀಡಿದ್ದು, ಬಾಲಿವುಡ್ನ ಹಿರಿಯ ನಟಿ, ಅಮಿತಾಭ್ ಬಚ್ಚನ್ ಅವರ ಪತ್ನಿ ಜಯಾ ಬಚ್ಚನ್ ಅವರು, ತಮ್ಮ ಮೊಮ್ಮಗಳು ಅಂದರೆ ಮಗಳು ಶ್ವೇತಾ ಬಚ್ಚನ್ ಪುತ್ರಿ ನವ್ಯಾ ನವೇಲಿ, ಒಂದು ವೇಳೆ ಮದುವೆಗೂ ಮೊದಲೇ ಗರ್ಭಿಣಿಯಾದರೆ ಅದರಿಂದ ನನಗೇನು ಸಮಸ್ಯೆ ಇಲ್ಲ ಎಂದು ಹೇಳಿಕೆ ನೀಡಿದ್ದಾರೆ. ತನ್ನ ಮೊಮ್ಮಗಳು ನವ್ಯಾ ನವೇಲಿ ನಡೆಸಿಕೊಡುತ್ತಿದ್ದ, 'ವಾಟ್ ಹೆಲ್ ನವ್ಯಾ' ಎಂಬ ಪಾಡ್ಕಾಸ್ಟ್ನಲ್ಲಿ ಜಯಾ ಬಚ್ಚನ್ ಈ ಹೇಳಿಕೆ ನೀಡಿದ್ದಾರೆ. ಈ ಪಾಡ್ಕಾಸ್ಟ್ನಲ್ಲಿ ನವ್ಯಾ ನವೇಲಿ ನಂದಾ ತನ್ನ ಅಮ್ಮ ಶ್ವೇತಾ ಬಚ್ಚನ್ ಹಾಗೂ ಅಜ್ಜಿ ಜಯಾ ಬಚ್ಚನ್ ಅವರನ್ನು ಜೊತೆಗೆ ಕೂರಿಸಿ ಮಾತನಾಡಿಸಿದ್ದರು.
ಡಿವೋರ್ಸ್ ರೂಮರ್ಸ್ ಮಧ್ಯೆ ಅತ್ತೆ ಮಾವ ಇರುವ ಜಲ್ಸಾಗೆ ಮಗಳೊಂದಿಗೆ ಬಂದ ಐಶ್ವರ್ಯಾ ರೈ
ಈ ಕಾರ್ಯಕ್ರಮದಲ್ಲಿ ನಟಿ ಜಯಾ ಬಚ್ಚನ್ ಈ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಈ ವಿಚಾರವನ್ನು ಈಗ ಟ್ವಿಟ್ಟರ್ನಲ್ಲಿ ಪೋಸ್ಟ್ ಮಾಡಿರುವ ಒಬ್ಬರು, ಈ ಬಾಲಿವುಡ್ನ ಸೆಲೆಬ್ರಿಟಿಗಳು ದೇಶದ ಸಮಾಜದ ಅಧಃಪತನ ಮಾಡುವ ದೊಡ್ಡ ಪ್ರಚಾರಕರು, ಜನರು ಅವರಿಗೆ ಮರ್ಯಾದೆ ನೀಡುವುದನ್ನು ನಿಲ್ಲಿಸಬೇಕು ಎಂದು ಆಗ್ರಹಿಸಿದ್ದಾರೆ. ಈ ಪೋಸ್ಟನ್ನು 42 ಸಾವಿರಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದು, ಜನರು ಕೂಡ ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಚರ್ಚೆಯನ್ನೇ ಹುಟ್ಟು ಹಾಕಿದ್ದಾರೆ. ಈ ರೀತಿಯ ಸ್ತ್ರೀವಾದಿಗಳು ನಮ್ಮ ಸಂಸ್ಕೃತಿ, ಸಂಪ್ರದಾಯಗಳ ವಿನಾಶ ಮಾಡುತ್ತಿದ್ದಾರೆ. ಇದು ನಾನು ನೋಡಿದ ಅತ್ಯಂತ ಕೆಟ್ಟ ಹೇಳಿಕೆ ಎಂದು ಒಬ್ಬರು ಕಿಡಿಕಾರಿದ್ದಾರೆ. ಜನ ಇಂತಹ ಸೆಲೆಬ್ರಿಟಿಗಳನ್ನು ಫಾಲೋ ಮಾಡ್ತಿದ್ದಾರೆ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.
ಇದು ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಚರ್ಚೆ ಹುಟ್ಟು ಹಾಕಿದೆ. ಆದರೆ ಬಾಲಿವುಡ್ ಸೆಲೆಬ್ರಿಗಳ ಜೀವನದಲ್ಲಿ ಇದೆಲ್ಲಾ ಸಾಮಾನ್ಯ ವಿಚಾರವಾಗಿದೆ. ಏಕೆಂದರೆ ಅನೇಕ ನಟಿಯರು ಮದುವೆಗೆ ಮೊದಲೇ ಗರ್ಭಿಣಿಯಾಗಿ ಬಳಿಕ ಮದುವೆಯಾಗಿದ್ದಾರೆ. ಮದುವೆಗೂ ಮೊದಲು ಗರ್ಭಿಣಿಯಾಗಿ ನಂತರ ಮದುವೆಯಾದವ ದೊಡ್ಡ ಲಿಸ್ಟ್ ಇದೆ. ದಿಯಾ ಮಿರ್ಜಾ, ನೇಹಾ ಧೂಪಿಯಾ, ಕೊಂಕಣ್ ಸೇನ್ ಶರ್ಮಾ, ನತಾಶಾ ಸ್ಟಾಂಕೋವಿಕ್, ಇಲಿಯಾನಾ ಡೀ ಕ್ರೂಸ್, ಕಲ್ಕಿ ಕೊಚ್ಚಿನ್ , ಆಲಿಯಾ ಭಟ್, ಶ್ರೀದೇವಿ, ಇವರೆಲ್ಲರೂ ಮದುವೆಗೂ ಮೊದಲು ಗರ್ಭಿಣಿಆಯಾಗಿ ನಂತರ ಮದುವೆಯಾದವರಾಗಿದ್ದಾರೆ. ಬಾಲಿವುಡ್ ಮಂದಿಗೆ ಇದು ಸರಿ ಕಾಣಬಹುದೇನೋ ಆದರೆ ಇದು ಸಹಜ ಎಂದು ಒಪ್ಪಿಕೊಳ್ಳುವಷ್ಟು ನಮ್ಮ ಸಮಾಜ ಸಾಮಾನ್ಯವಾಗಿಲ್ಲ.
ಅಮಿತಾಭ್ ಬಚ್ಚನ್ ಪ್ರಶಸ್ತಿ ಗೆಲ್ಲುತ್ತಿದ್ದಂತೆ ಓಡಿ ಬಂದು ಜಯಾ ಬಚ್ಚನ್ ತಬ್ಬಿಕೊಂಡ ರೇಖಾ: ವೀಡಿಯೋ
ಇಷ್ಟ ಪಟ್ಟು ಇಷ್ಟಪಡದೆಯೋ ಕೆಲ ಕೆಟ್ಟ ಸಂದರ್ಭಕ್ಕೆ ಸಿಕ್ಕು ಸಾಮಾನ್ಯ ವರ್ಗದ ಹೆಣ್ಣೊಬ್ಬಳು ಅಪ್ಪಿ ತಪ್ಪಿ ಗರ್ಭಿಣಿಯಾದರೆ ಅವಳನ್ನು ಸಮಾಜ ನೋಡುವ ರೀತಿಯೇ ಬೇರೆಯದಾಗಿದೆ. ಅಶ್ಲೀಲ ಸಿನಿಮಾಗಳಲ್ಲಿ ನಟಿಸಿ ಸಾಕಷ್ಟು ದುಡ್ಡು ಮಾಡಿಕೊಂಡು ಮರ್ಯಾದಸ್ಥರಂತೆ ಬದುಕುವ ಪೋರ್ನ್ ಸ್ಟಾರ್ಗಳನ್ನು ಮೆಚ್ಚುವ ನಮ್ಮ ಸಮಾಜ ರೇಪ್ ಸಂತ್ರಸ್ತೆಯನ್ನು ನೋಡುವ ರೀತಿ ತುಂಬಾ ಕೆಟ್ಟದಾಗಿದೆ. ಹೀಗಿರುವಾಗ ಜಯಾ ಬಚ್ಚನ್ ಅವರ ಮಾತು ಹೈಕ್ಲಾಸ್ ಸೊಸೈಟಿಗೆ ಸಾಮಾನ್ಯ ಎನಿಸಬಹುದೇ ಹೊರತು ಸಾಮಾನ್ಯ ಮಾಧ್ಯಮ ವರ್ಗ ಒಪ್ಪಿಕೊಳ್ಳುವಂತಹದ್ದಲ್ಲ ಈ ಬಗ್ಗೆ ನಿಮ್ಮ ಅಭಿಪ್ರಾಯವೇನು ಕಾಮೆಂಟ್ ಮಾಡಿ.