Chanakya Niti: ಬುದ್ಧಿವಂತ ಹಾಗೂ ಸದ್ಗುಣಶೀಲ ಮಹಿಳೆ ಕುಟುಂಬವನ್ನು ಮಾತ್ರ ಸಂತೋಷವಾಗಿಡುವುದಲ್ಲದೆ, ತನ್ನ ಗಂಡನನ್ನು ಎತ್ತರಕ್ಕೆ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ ಎಂದು ಚಾಣಕ್ಯ ಹೇಳಿದರು.
Chanakya teachings on marriage:ಚಾಣಕ್ಯ ನೀತಿ ಕೇವಲ ರಾಜಕೀಯ ಮತ್ತು ಯುದ್ಧ ತಂತ್ರಕ್ಕೆ ಸೀಮಿತವಾಗಿಲ್ಲ. ಫ್ಯಾಮಿಲಿ ಲೈಫ್, ಸಂಬಂಧಗಳು ಮತ್ತು ಸಮಾಜದ ಸುಧಾರಣೆಗೆ ಹಲವು ಆಳವಾದ ವಿಷಯಗಳನ್ನು ಒಳಗೊಂಡಿದೆ. ಆಚಾರ್ಯ ಚಾಣಕ್ಯ ಯಾವಾಗಲೂ ಮಹಿಳೆಯರ ಮಹತ್ವವನ್ನು ಗೌರವದಿಂದ ನೋಡುತ್ತಿದ್ದರು ಮತ್ತು ಬುದ್ಧಿವಂತ ಹಾಗೂ ಸದ್ಗುಣಶೀಲ ಮಹಿಳೆ ಕುಟುಂಬವನ್ನು ಮಾತ್ರ ಸಂತೋಷವಾಗಿಡುವುದಲ್ಲದೆ, ತನ್ನ ಗಂಡನನ್ನು ಎತ್ತರಕ್ಕೆ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ ಎಂದು ಹೇಳಿದರು. ಒಬ್ಬ ಮಹಿಳೆ ತನ್ನ ಜೀವನದಲ್ಲಿ ಕೆಲವು ವಿಷಯಗಳನ್ನು ಅಳವಡಿಸಿಕೊಂಡರೆ, ಅವಳು ತನ್ನ ಗಂಡನಿಗೆ ಅದೃಷ್ಟ ಮತ್ತು ಯಶಸ್ಸಿನ ದೇವತೆಯಾಗಬಹುದು. ಇಂದು ಈ ಲೇಖನದಲ್ಲಿ, ಮಹಿಳೆಯ ಕೆಲವು ಗುಣಗಳ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ. ಅವಳು ನಿಜಕ್ಕೂ ಆ ಗುಣ ಹೊಂದಿದ್ದರೆ ತನ್ನ ಗಂಡನನ್ನು ರಾಜನಂತೆ ನೋಡಿಕೊಳ್ಳುತ್ತಾಳೆ. ಹಾಗಾದರೆ ಬನ್ನಿ, ಈ ಗುಣಗಳು ಮತ್ತು ಅಭ್ಯಾಸಗಳ ಬಗ್ಗೆ ತಿಳಿದುಕೊಳ್ಳೋಣ.
ಸಕಾಲಿಕ ಸಲಹೆ ನೀಡಿ (Timely Advice)
ಆಚಾರ್ಯ ಚಾಣಕ್ಯ ಹೇಳುವಂತೆ ಬುದ್ಧಿವಂತ ಮಹಿಳೆ ಎಂದರೆ ಸರಿಯಾದ ಸಮಯದಲ್ಲಿ ತನ್ನ ಗಂಡನಿಗೆ ಸರಿಯಾದ ಸಲಹೆ ನೀಡುವವಳು. ಅವಳು ತನ್ನ ಗಂಡನ ದೌರ್ಬಲ್ಯ ಅಥವಾ ತಪ್ಪನ್ನು ಬ್ಲೈಂಡ್ ಆಗಿ ಸಪೋರ್ಟ್ ಮಾಡಲ್ಲ. ಆದರೆ ಸರಿ ಮತ್ತು ತಪ್ಪುಗಳ ನಡುವೆ ವ್ಯತ್ಯಾಸವನ್ನು ಹೇಗೆ ಗುರುತಿಸಬೇಕೆಂದು ತಿಳಿದಿದ್ದಾಳೆ. ಸರಿಯಾದ ಸಮಯದಲ್ಲಿ ನೀಡಿದ ಒಳ್ಳೆಯ ಸಲಹೆಯು ಗಂಡನ ಇಡೀ ಜೀವನದ ದಿಕ್ಕನ್ನು ಬದಲಾಯಿಸಬಹುದು.
ಗೌರವ ಮತ್ತು ವಿಶ್ವಾಸ ಬೆಳೆಸುವುದು (Building Respect and Trust)
ಆಚಾರ್ಯ ಚಾಣಕ್ಯ ಹೇಳುವಂತೆ ಪ್ರತಿಯೊಬ್ಬ ಪುರುಷನು ತನ್ನ ಹೆಂಡತಿ ತನ್ನನ್ನು ಗೌರವಿಸಬೇಕು ಮತ್ತು ನಂಬಬೇಕು ಎಂದು ಬಯಸುತ್ತಾನೆ. ಒಬ್ಬ ಮಹಿಳೆ ತನ್ನ ಗಂಡನನ್ನು ಗೌರವಿಸಿದಾಗ, ಅವನು ಹೆಚ್ಚು ಜವಾಬ್ದಾರಿಯುತ ಮತ್ತು ಪ್ರೇರಿತನಾಗಿರುತ್ತಾನೆ. ಈ ಸಮಯದಲ್ಲಿ ಅವನ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ ಮತ್ತು ಅವನು ಯಶಸ್ಸಿನತ್ತ ವೇಗವಾಗಿ ಚಲಿಸುತ್ತಾನೆ.
ಹಣಕಾಸು ಮತ್ತು ಮನೆ ಬ್ಯಾಲೆನ್ಸ್ ಮಾಡೋದು (Finance and home balance)
ಚಾಣಕ್ಯ ನೀತಿಯಲ್ಲಿ, ಗೃಹಸ್ಥ ಜೀವನವನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ. ನಿಜವಾದ ಹೆಂಡತಿ ಎಂದರೆ ಮನೆಯ ಖರ್ಚುಗಳನ್ನು ಬುದ್ಧಿವಂತಿಕೆಯಿಂದ ನಿರ್ವಹಿಸುವವಳು. ವ್ಯರ್ಥ ಖರ್ಚುಗಳನ್ನು ತಪ್ಪಿಸುವವಳು ಮತ್ತು ಅಗತ್ಯ ಸಮಯಕ್ಕೆ ಏನನ್ನಾದರೂ ಉಳಿಸುವವಳು. ಈ ರೀತಿಯ ಸಮತೋಲನವು ಪತಿಗೆ ಮಾನಸಿಕ ಶಾಂತಿಯನ್ನು ನೀಡುತ್ತದೆ ಮತ್ತು ಅವನು ತನ್ನ ಕೆಲಸದ ಮೇಲೆ ಉತ್ತಮವಾಗಿ ಗಮನಹರಿಸಲು ಸಾಧ್ಯವಾಗುತ್ತದೆ.
ಕಷ್ಟದ ಸಮಯದಲ್ಲಿ ಕೈಬಿಡಬೇಡಿ (Don't give up in difficult times)
ಆಚಾರ್ಯ ಚಾಣಕ್ಯರ ಪ್ರಕಾರ, ನಿಜವಾದ ಹೆಂಡತಿ ಎಂದರೆ ಒಳ್ಳೆಯ ಮತ್ತು ಕೆಟ್ಟ ಸಮಯಗಳಲ್ಲಿ ತನ್ನ ಗಂಡನೊಂದಿಗೆ ಹೆಗಲಿಗೆ ಹೆಗಲು ಕೊಟ್ಟು ನಿಲ್ಲುವವಳು. ಕಷ್ಟದ ಸಮಯದಲ್ಲಿ ಮಹಿಳೆ ತನ್ನ ಗಂಡನನ್ನು ಒಂಟಿಯಾಗಿ ಬಿಡದಿದ್ದರೆ, ಅವಳು ಅವನ ದೊಡ್ಡ ಬೆಂಬಲವಾಗುತ್ತಾಳೆ ಮತ್ತು ಈ ಒಡನಾಟವು ಅವಳ ಗಂಡನನ್ನು "ರಾಜ"ನನ್ನಾಗಿ ಮಾಡುತ್ತದೆ.
ಮೌನ ಮತ್ತು ತಾಳ್ಮೆಯ ಸದ್ಗುಣ (Silence, Patience, and Presence)
ಬುದ್ಧಿವಂತ ಹೆಂಡತಿ ಅನಗತ್ಯ ಜಗಳಗಳಿಂದ ದೂರವಿರುತ್ತಾಳೆ. ಅವಳು ಎಲ್ಲದಕ್ಕೂ ಪ್ರತಿಕ್ರಿಯಿಸುವುದಿಲ್ಲ, ಆದರೆ ಯೋಚಿಸಿದ ನಂತರ ಮಾತನಾಡುತ್ತಾಳೆ. ತಾಳ್ಮೆ ಮತ್ತು ಮೌನದ ಗುಣಗಳನ್ನು ಹೊಂದಿರುವ ಮಹಿಳೆ ಮನೆಯಲ್ಲಿ ಶಾಂತಿಯನ್ನು ಕಾಪಾಡಿಕೊಳ್ಳುತ್ತಾಳೆ ಮತ್ತು ಅಂತಹ ಮನೆ ಸ್ವರ್ಗದಂತೆ ಎಂದು ಚಾಣಕ್ಯ ಹೇಳುತ್ತಾನೆ.