Mumbai Marathon ಕೋವಿಡ್‍‌ನಿಂದ ಸ್ಥಗಿತಗೊಂಡಿದ್ದ ಮುಂಬೈ ಹಾಫ್ ಮ್ಯಾರಾಥಾನ್ ಮತ್ತೆ ಆರಂಭ, ಶುಭಹಾರೈಸಿದ ಸಚಿನ್!
- ಎರಡು ವರ್ಷಗಳ ಬಳಿಕ ಮುಂಬೈ ಹಾಫ್ ಮ್ಯಾರಾಥಾನ್ ಆರಂಭ
- ಮ್ಯಾರಾಥಾನ್‌ಗೆ ಶುಭಹಾರೈಸಿದ ರಾಯಭಾರಿ ಸಚಿನ್ ತೆಂಡುಲ್ಕರ್
- 21.1 ಕಿ.ಮೀ ಮ್ಯಾರಾಥಾನ್‌ಗೆ ಸಜ್ಜಾದ ಮುಂಬೈ, ಡಿ.19ಕ್ಕೆ ಮ್ಯಾರಾಥಾನ್
- ನೋಂದಣಿ ಮಾಡಲು ಡಿಸೆಂಬರ್ 4ರ ವರೆಗೆ ಅವಕಾಶ
 )
Followಮುಂಬೈ(ನ.25): ಕೊರೋನಾ ವೈರಸ್(Coronavirus), ಲಾಕ್‌ಡೌನ್, ಸಾರ್ವಜನಿಕ ಸಭೆ ಸಮಾರಂಭ, ಕ್ರೀಡಾ ಚಟುವಟಿಕೆಗಳ ನಿಷೇಧ ಕಾರಣದಿಂದ ಭಾರತದಲ್ಲಿ ಹಲವು ಕಾರ್ಯಕ್ರಮಗಳು ಸ್ಥಗಿತಗೊಂಡಿತ್ತು. ಇದೀಗ ಎರಡನೇ ಅಲೆಯಿಂದ ಚೇತರಿಸಿಕೊಂಡಿರುವ ಭಾರತ(India), ಮತ್ತೆ ಪುಟಿದೇಳುತ್ತಿದೆ. ಇದರ ನಡುವೆ ಎರಡು ವರ್ಷಗಳ ಬಳಿಕ ಏಜೀಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ ಮುಂಬೈ ಹಾಫ್ ಮ್ಯಾರಾಥಾನ್(Mumbai half marathon) ಮತ್ತೆ ಬಂದಿದ್ದು, ಡಿಸೆಂಬರ್ 19ರಂದು ನಡೆಯಲಿದೆ.
ದೇಶಾದ್ಯಂತ ವಿವಿಧ ಮ್ಯಾರಥಾನ್ಗಳನ್ನು ಸಂಘಟಿಸುವ ನಿಟ್ಟಿನಲ್ಲಿ ಎಲ್ಲಾ ರೀತಿಯ ಅನುಮತಿಗಳು ಸದ್ಯದಲ್ಲೇ ಸಿಗಲಿದೆ ಎಂದು ಜನಪ್ರಿಯ ಕ್ರೀಡಾ ಕಾರ್ಯಕ್ರಮದ ಸಂಘಟಕ ಎನ್ಇಬಿ ಸ್ಪೋರ್ಟ್ಸ್ ಸ್ಪಷ್ಟಪಡಿಸಿದೆ. "ಎಲ್ಲರ ಸುರಕ್ಷತೆಯ ದೃಷ್ಟಿಯಿಂದ ಕಡ್ಡಾಯ ಕೋವಿಡ್ ವ್ಯಾಕ್ಸಿನೇಷನ್(Covid vaccination) ಅಥವಾ RT-PCR ನೆಗೆಟಿವ್ ಪರೀಕ್ಷೆ, ಪ್ಯಾಕಿಂಗ್ ಮಾಡಲಾಗಿರುವ ಶುದ್ಧ ಉಪಾಹಾರ, ಸ್ಯಾನಿಟೈಸರ್ ಮತ್ತು ಬಳಸಿ ಎಸೆಯಬಹುದಾದ ಮಾಸ್ಕ್ ಸಹಿತ ಹಲವಾರು ಹೊಸ ಶಿಷ್ಟಾಚಾರಗಳು, ಸುರಕ್ಷತಾ ಕ್ರಮಗಳು ಈ ವರ್ಷ ರೇಸ್‌ಗಾಗಿ ಜಾರಿಯಲ್ಲಿರುತ್ತವೆ," ಎಂದು ರೇಸ್ ಡೈರೆಕ್ಟರ್ ನಾಗರಾಜ್ ಅಡಿಗ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ನಡೆಯುತ್ತಾ ಓಡುತ್ತಾ ನಾಡು ಸುತ್ತುವ ಮ್ಯಾರಥಾನ್ ರನ್ನರ್!
ಮುಂಬೈ ಹಾಫ್ ಮ್ಯಾರಾಥಾನ್ ಮತ್ತೆ ಆರಂಭವಾಗುತ್ತಿರುವುದಕ್ಕೆ ರಾಯಭಾರಿ, ಮಾಜಿ ಕ್ರಿಕೆಟಿಗ ಸಚಿನ್ ತೆಂಡುಲ್ಕರ್(Sachin Tednulkar) ಶುಭ ಹಾರೈಸಿದ್ದಾರೆ "ಓಟ, ವ್ಯಾಯಾಮದ ಒಂದು ರೂಪ. ದೈಹಿಕ ಹಾಗೂ ಮಾನಸಿಕ ಫಿಟ್ನೆಸ್(physical and mental fitness) ಸಹಿತ ಇದರಿಂದ ಹಲವಾರು ಪ್ರಯೋಜನಗಳಿವೆ. ಏಜೀಸ್ ಪೆಡರಲ್ ಲೈಫ್ ಇನ್ಶೂರೆನ್ಸ್ ಮ್ಯಾರಥಾನ್ಗಳು ಮುಂಬೈ ಮತ್ತು ಭಾರತದಾದ್ಯಂತ ಹಲವಾರು ವರ್ಷಗಳಿಂದ ನಿಧಾನವಾಗಿ ಮತ್ತು ಖಚಿತವಾಗಿ ಫಿಟ್ನೆಸ್ ಆಂದೋಲನಗಳನ್ನು ನಡೆಸುತ್ತಿದೆ. ಕೋವಿಡ್ ಮಹಾಮಾರಿಯ ನಂತರ ಫಿಟ್ನೆಸ್ ಕುರಿತಾದ ಆಸಕ್ತಿ, ಗಮನ ಹೆಚ್ಚಾಗಿದೆ. ಸಕ್ರಿಯ ಮತ್ತು ಆರೋಗ್ಯಕರ ಜೀವನಶೈಲಿಯ ಮಹತ್ವವನ್ನು ಜನರು ಅರಿತುಕೊಂಡಿದ್ದಾರೆ. ಮುಂಬೈ ಹಾಫ್ ಮ್ಯಾರಥಾನ್‌ನಲ್ಲಿ ಭಾಗವಹಿಸುವವರಿಗೆ ನಾನು ಶುಭಹಾರೈಸುತ್ತೇನೆ ಮತ್ತು ಅಗತ್ಯ ಸುರಕ್ಷತಾ ಕ್ರಮಗಳನ್ನು ಅನುಸರಿಸುವಂತೆ ಅವರಲ್ಲಿ ಮನವಿ ಮಾಡುತ್ತೇನೆ. ಎಲ್ಲಾ ಸ್ಪರ್ಧಿಗಳು ತಮ್ಮ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರು ಮ್ಯಾರಥಾನ್‌ನಲ್ಲಿ ಭಾಗವಹಿಸುವಂತೆ ಮಾಡುತ್ತಾರೆ ಎಂದು ನಾನು ಭಾವಿಸುತ್ತೇನೆ," ಎಂದು ಏಜೀಸ್ ಫೆಡರಲ್ ಇನ್ಶೂರೆನ್ಸ್'ನ ಬ್ರಾಂಡ್ ಅಂಬಾಸಿಡರ್ ಕೂಡ ಆಗಿರುವ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ತಿಳಿಸಿದ್ದಾರೆ.
"ಏಜೀಸ್ ಫೆಡರಲ್ ಲೈಫ್ ಇನ್ಶೂರೆನ್ಸ್ ಮುಂಬೈ ಹಾಫ್ ಮ್ಯಾರಾಥಾನ್'ಗೆ ಜನ ಈಗಾಗಲೇ ಅಪಾರ ಆಸಕ್ತಿಯನ್ನು ತೋರಿಸಿದ್ದಾರೆ. 200ಕ್ಕೂ ಹೆಚ್ಚು ನಗರಗಳಿಂದ ಪ್ರವೇಶ ಅರ್ಜಿಗಳು ಬಂದಿವೆ. ಜನರನ್ನು ದೈಹಿತ ಚಟುವಟಿಕೆಗಳಲ್ಲಿ(physical activity) ತೊಡಗಿಸಿಕೊಳ್ಳುವಂತೆ ಮಾಡುವ ನಿಟ್ಟಿನಲ್ಲಿ ಇದು ಮೊದಲ ಹಾಗೂ ದೊಡ್ಡ ಮ್ಯಾರಥಾನ್ ಆಗಲಿದೆ," ಎಂದು ಏಜೀಸ್ ಫೆಡರಲ್ ಇನ್ಶೂರೆನ್ಸ್'ನ ಚೀಫ್ ಮಾರ್ಕೆಟಿಂಗ ಆಫೀಸರ್ ಆಗಿರುವ ಕಾರ್ತಿಕ್ ರಾಮನ್ ಅಭಿಪ್ರಾಯಪಟ್ಟಿದ್ದಾರೆ.
ಇಥೋಪಿಯಾದ ಅನ್ದಮ್ಲಾಕ್- ಕೀನ್ಯಾದ ಆ್ಯಗ್ನೆಸ್‌ಗೆ ಮಡಿಲಿಗೆ ಬೆಂಗಳೂರು 10K!
"ಕೋವಿಡ್ ಪರಿಸ್ಥಿತಿ ಸುಧಾರಿಸಿದಂತೆ, ಹೆಚ್ಚಿನ ಜನರು ದೈಹಿಕ ಓಟಗಳತ್ತ ಗಮನ ಹರಿಸುತ್ತಿದ್ದಾರೆ ಮತ್ತು ಓಟದ ಉತ್ಸಾಹಿಗಳಿಂದ ನಾವು ನಗರದಲ್ಲಿ ಹೆಚ್ಚಿನ ಭಾಗವಹಿಸುವಿಕೆಯನ್ನು ನಿರೀಕ್ಷಿಸುತ್ತೇವೆ," ಎಂದು ಕಾರ್ತಿಕ್ ರಾಮನ್ ಹೇಳಿದ್ದಾರೆ.
ಏಜೆಸ್ ಫೆಡರಲ್ ಲೈಫ್ ಇನ್ಶುರೆನ್ಸ್ ಮುಂಬೈ ಹಾಫ್ ಮ್ಯಾರಥಾನ್ ಈ ವರ್ಷ ನಗರದಲ್ಲಿ ವಿಂಗ್ಸ್ ಸ್ಪೋರ್ಟ್ಸ್ ಸೆಂಟರ್ (ಬಾಂದ್ರಾ ಪಶ್ಚಿಮದಲ್ಲಿ ಮರುಸ್ಥಾಪನೆ) ರೂಪದಲ್ಲಿ ಹೊಸ ಮನೆಯನ್ನು ಹೊಂದಿದೆ. ಎಂದಿನಂತೆ ಈ ಬಾರಿಯ ರೇಸ್ ದೊಡ್ಡ ಮ್ಯಾರಥಾನ್, ಹಾಫ್ ಮ್ಯಾರಥಾನ್ (21.1 ಕಿ.ಮೀ.), 10ಕೆ ಮ್ಯಾರಥಾನ್ ಮತ್ತು 5ಕೆ ಮ್ಯಾರಥಾನ್'ಗಳನ್ನು ಹೊಂದಿದೆ.
"ಸರ್ಕಾರದಿಂದ ಅನುಮತಿಗಳನ್ನು ಆಧರಿಸಿ ಭಾಗವಹಿಸುವವರ ಸಂಖ್ಯೆಗಳನ್ನು ಮಿತಿಗೊಳಿಸಲು ಸಂಘಟಕರು ಉದ್ದೇಶಿಸಿದ್ದಾರೆ. ನಾವು ಈಗಾಗಲೇ ನಮ್ಮ ಗುರಿಯನ್ನು ತಲುಪಲು ತುಂಬಾ ಹತ್ತಿರದಲ್ಲಿದ್ದೇವೆ. ಆದಾಗ್ಯೂ, ನೋಂದಣಿಗಳು ಡಿಸೆಂಬರ್ 4 ರವರೆಗೆ ತೆರೆದಿರುತ್ತವೆ," ಎಂದು ರೇಸ್ ಡೈರೆಕ್ಟರ್ ನಾಗರಾಜ್ ಅಡಿಗ ತಿಳಿಸಿದ್ದಾರೆ.
