ಮತ್ತೆ ಪಿಒಕೆ ನುಗ್ಗಿದ್ದ ಭಾರತೀಯ ಸೇನೆ: 50 ಉಗ್ರರು ಮಟಾಷ್!
ಮತ್ತೆ ಪಿಒಕೆ ನುಗ್ಗಿದ್ದ ಭಾರತೀಯ ಸೇನೆ| ಶೆಲ್ ದಾಳಿಗೆ ಪಾಕ್’ನ 50 ಉಗ್ರರು ಮಟಾಷ್| ಏಳು ಉಗ್ರರ ಕ್ಯಾಂಪ್’ಗಳನ್ನು ಧ್ವಂಸಗೊಳಿಸಿರುವ ಭಾರತೀಯ ಸೇನೆ| 3 ಸಾವಿರಕ್ಕೂ ಅಧಿಕ ಶೆಲ್’ಗಳನ್ನು ಉಡಾಯಿಸಿ ಪಿಒಕೆ ಮೇಲೆ ದಾಳಿ| ಪಾಕ್’ನ ನೋಸೆರಾ ಆಣೆಕಟ್ಟಿಗೆ ತೀವ್ರ ಹಾನಿ| ಪಾಕ್ ಸೇನೆಯ ಏಳು ಕಮಾಂಡೋಗಳು ಮಟಾಷ್| ಇಸ್ಲಾಮಾಬಾದ್’ನಲ್ಲಿ ತುರ್ತು ಸಭೆ ಕರೆದ ಪಾಕ್ ಸೇನಾಧಿಕಾರಿಗಳು|
ನವದೆಹಲಿ(ಅ.22): ಮೊನ್ನೆಯಷ್ಟೇ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಫಿರಂಗಿ ದಾಳಿ ನಡೆಸಿ 35 ಉಗ್ರರನ್ನು ಕೊಂದು ಹಾಕಿದ್ದ ಭಾರತೀಯ ಸೇನೆ, ಇಂದು ಮತ್ತೊಮ್ಮೆ ಪಿಒಕೆ ಒಳಗೆ ಶೆಲ್ ದಾಳಿ ನಡೆಸಿದೆ.
ಗಡಿಯಲ್ಲಿ ಭಾರತೀಯ ಸೇನೆ ಕಾರ್ಯಾಚರಣೆ: PoKಯಲ್ಲಿದ್ದ ಉಗ್ರರ 4 ಕ್ಯಾಂಪ್ ಉಡೀಸ್!
ಪಿಒಕೆಯಲ್ಲಿದ್ದ ಏಳು ಉಗ್ರರ ಕ್ಯಾಂಪ್’ಗಳನ್ನು ಧ್ವಂಸಗೊಳಿಸಿರುವ ಭಾರತೀಯ ಸೇನೆ, ಸುಮಾರು 50ಕ್ಕೂ ಹೆಚ್ಚು ಉಗ್ರರನ್ನು ಕೊಂದು ಹಾಕಿದೆ ಎಂದು ಮೂಲಗಳು ತಿಳಿಸಿವೆ.
ಸುಮಾರು 3 ಸಾವಿರಕ್ಕೂ ಅಧಿಕ ಶೆಲ್’ಗಳನ್ನು ಉಡಾಯಿಸಿ ಪಿಒಕೆ ಮೇಲೆ ಭಾರತೀಯ ಸೇನೆ ದಾಳಿ ಮಾಡಿದೆ. ಈ ವೇಳೆ ನೋಸೆರಾ ಆಣೆಕಟ್ಟಿಗೂ ತೀವ್ರ ಹಾನಿಯಾಗಿದೆ ಎನ್ನಲಾಗಿದೆ.
ಇದೇ ವೇಳೆ ಪಾಕಿಸ್ತಾನದ ಶಸ್ತ್ರಾಗಾರದ ಮೇಲೆ ದಾಳಿ ಮಾಡಲಾಗಿದ್ದು, ಪಾಕ್ ಸೇನೆಯ ಏಳು ಕಮಾಂಡೋಗಳನ್ನು ಹೊಡೆದುರುಳಿಸಲಾಗಿದೆ.
ಇನ್ನು ಭಾರತದ ಆಘಾತಕಾರಿ ದಾಳಿಗೆ ಬೆಚ್ಚಿರುವ ಪಾಕಿಸ್ತಾನ, ಗಡಿಯಿಂದ ಉಗ್ರ ಶಿಬಿರಗಳನ್ನು ಸ್ಥಳಾಂತರಿಸುವತ್ತ ಚಿತ್ತ ಹರಿಸಿದೆ. ಈ ಕುರಿತು ಇಸ್ಲಾಮಾಬಾದ್’ನಲ್ಲಿ ಸೇನಾಧಿಕಾರಿಗಳು ತುರ್ತು ಸಭೆ ಕರೆದಿದ್ದಾರೆ.
"