ಅಲ್ಲಿ ಪ್ರತಿಪಕ್ಷಗಳ ಚುನಾವಣಾ ನಗಾರಿ: ಇಲ್ಲಿ ಮೋದಿ ಏಕಾಂಗಿ ಟ್ಯಾಂಕರ್ ಸವಾರಿ!
ಹೀಗಿತ್ತು ಪ್ರಧಾನಿ ಮೋದಿ ಟ್ಯಾಂಕರ್ ಸವಾರಿ| ಗುಜರಾತ್‌ನ ಹಝಿರಾದಲ್ಲಿ ಮೋದಿ ಟ್ಯಾಂಕರ್ ಸವಾರಿ| ಎಲ್ & ಟಿ ಕಂಪನಿ ನಿರ್ಮಿಸಿದ ಕೆ-9 ವಜ್ರ ಟ್ಯಾಂಕರ್‌ನಲ್ಲಿ ಸಂಚಾರ| ಸ್ವಯಂಚಾಲಿತ ಫಿರಂಗಿಗಳನ್ನು ಹೊಂದಿರುವ ಕೆ-9 ವಜ್ರ ಟ್ಯಾಂಕರ್| ಮೇಕ್ ಇನ್ ಇಂಡಿಯಾದ ಯಶಸ್ಸನ್ನು ಪ್ರದರ್ಶಿಸಿದ ಮೋದಿ|
ಗಾಂಧಿನಗರ(ಜ.19): ಅತ್ತ ಪ.ಬಂಗಾಳ ರಾಜಧಾನಿ ಕೋಲ್ಕತ್ತಾದಲ್ಲಿ ವಿಪಕ್ಷಗಳು ಮೆಗಾ ರ್ಯಾಲಿ ನಡೆಸಿ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಗುಡುಗುತ್ತಿದ್ದಾರೆ. ಇತ್ತ ಪ್ರಧಾನಿ ಮೋದಿ ಏಕಾಂಗಿಯಾಗಿ ಸೇನಾ ಟ್ಯಾಂಕರ್ ಮೇಲೆ ಸವಾರಿ ಮಾಡುತ್ತಿದ್ದಾರೆ.
ಗುಜರಾತ್‌ನ ಹಝಿರಾದಲ್ಲಿ ಎಲ್ & ಟಿ ಕಂಪನಿ ನಿರ್ಮಿಸಿದ ಸ್ವಯಂಚಾಲಿತ ಫಿರಂಗಿಗಳನ್ನು ಹೊಂದಿರುವ ಕೆ-9 ವಜ್ರ ಟ್ಯಾಂಕರ್‌ನಲ್ಲಿ ಪ್ರಧಾನಿ ಮೋದಿ ಸವಾರಿ ಮಾಡಿದರು. ಈ ಮೂಲಕ ರಕ್ಷಣಾ ಕ್ಷೇತ್ರದಲ್ಲಿ ಮೇಕ್ ಇನ್ ಇಂಡಿಯಾದ ಯಶಸ್ಸನ್ನು ಪ್ರಧಾನಿ ತೆರೆದಿಟ್ಟರು.
Checking out the tanks at L&T’s Armoured Systems Complex in Hazira. pic.twitter.com/zf7wRrbX7Y
— Narendra Modi (@narendramodi) January 19, 2019
ಕೆ-9 ವಜ್ರ ಟ್ಯಾಂಕರ್ ಪರಿಶೀಲಿಸಿ ಸವಾರಿ ಮಾಡಿದ ಬಳಿಕ ಪ್ರಧಾನಿ ಮೋದಿ 10 ಸೆಕೆಂಡ್‌ಗಳ ವಿಡಿಯೋವೊಂದನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ.
ಭಾರತೀಯ ಸೇನೆ ಸುಮಾರು 30 ವರ್ಷಗಳ ನಂತರ ಇತ್ತೀಚಿಗಷ್ಟೇ ಕೆ-9 ವಜ್ರ ಟ್ಯಾಂಕರ್ ಸೇರಿದಂತೆ ಎರಡು ಹೊಸ ಫಿರಂಗಿಗಳನ್ನು ಸೇನೆಗೆ ಸೇರ್ಪಡೆ ಮಾಡಿಕೊಂಡಿದೆ. ಇವೆರಡೂ ಮೊದಲ ಬಾರಿಗೆ ಈ ಬಾರಿಯ ಗಣರಾಜ್ಯೋತ್ಸವ ಪರೇಡ್‌ನಲ್ಲಿ ಭಾಗವಹಿಸಲಿವೆ.
ಹೊರಗೊಂದು ಕೂಗು 'ದೇಶ್ ಬಚಾವೋ': ಒಳಗೊಂದು ಕೂಗು 'ಮೋದಿ ಹಠಾವೋ'!
