ವಾಷಿಂಗ್ಟನ್(ಸೆ.24): 9/11 ಪೆಂಟಗನ್ ದಾಳಿಯ ಬಳಿಕ ಭಯೋತ್ಪಾದನೆ ವಿರುದ್ಧದ ಜಾಗತಿಕ ಸಮರದಲ್ಲಿ ಅಮೆರಿಕದೊಂದಿಗೆ ಕೈಜೋಡಿಸಿದ್ದು ಪಾಕಿಸ್ತಾನದ ಐತಿಹಾಸಿಕ ತಪ್ಪು ಎಂದು ಇಮ್ರಾನ್ ಖಾನ್ ಅಭಿಪ್ರಾಯಪಟ್ಟಿದ್ದಾರೆ.

ಅಮೆರಿಕ ಪ್ರವಾಸದಲ್ಲಿರುವ ಇಮ್ರಾನ್ ಖಾನ್,  ಭಯೋತ್ಪಾದನೆ ವಿರುದ್ಧದ ಜಾಗತಿಕ ಸಮರದಲ್ಲಿ ಆ ದೇಶದೊಂದಿಗೆ ಕೈ ಜೋಡಿಸಿದ್ದು ತಪ್ಪು ಎನ್ನುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.

ಭಯೋತ್ಪಾದನೆ ವಿರುದ್ಧದ ಜಾಗತಿಕ ಸಮರಕ್ಕೆ ಅಮೆರಿಕ ಕೊಟ್ಟಾಗ, ಅದರಲ್ಲಿ ಭಾಗಿಯಾಗುವ ಸಾಮರ್ಥ್ಯವಿದೆಯೇ ಇಲ್ಲವೇ ಎಂಬುದನ್ನೂ ಯೋಚಿಸದೇ  ಈ ಹಿಂದಿನ ಪಾಕ್ ನಾಯಕರು ಐತಿಹಾಸಿಕ ಪ್ರಮಾದವೆಸಗಿದ್ದಾರೆ ಎಂದು ಇಮ್ರಾನ್ ಹೇಳಿದ್ದಾರೆ.

ಅಫ್ಘಾನಿಸ್ತಾನದಲ್ಲಿ ಭಯೋತ್ಪಾದನೆ ವಿರುದ್ಧ ಅಮೆರಿಕ ಹೂಡಿದ ಯುದ್ಧದ ವೇಳೆ ಪಾಕ್ ಬಹಳಷ್ಟು ಕಳೆದುಕೊಂಡಿತು ಎಂದಿರುವ ಇಮ್ರಾನ್, ಈ ಹಿಂದಿನ ಸರ್ಕಾರಗಳಿಗೆ ತಮ್ಮ ಸಾಮರ್ಥ್ಯದ  ಅರಿವಿರದ ಪರಿಣಾಮ ನಾವು ಇಂದು ಹಲವು ಸಮಸ್ಯೆ ಎದುರಿಸಬೇಕಾಗಿದೆ ಎಂದು ಗುಡುಗಿದ್ದಾರೆ.