ನೋಟ್ರೆ-ಡೇಮ್‌ ಕ್ಯಾಥೆಡ್ರಲ್‌ ದುರಂತ: ಬೆಂಕಿಯ ಕೆನ್ನಾಲಿಗೆಯಲ್ಲಿ ಏಸು ಕ್ರಿಸ್ತ?
ಬೆಂಕಿ ಅವಘಡಕ್ಕೆ ಸುಟ್ಟು ಕರಕಲಾಗಿರುವ ಪ್ಯಾರಿಸ್‌ನ ನೋಟ್ರೆ-ಡೇಮ್‌ ಕ್ಯಾಥೆಡ್ರಲ್‌ ಚರ್ಚ್| ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಭಗವಾನ್ ಏಸು ಕ್ರಿಸ್ತನ ಪ್ರತಿರೂಪ?| ಲೆಸ್ಲಿ ರೋವನ್ ಎಂಬುವವರು ಶೇರ್ ಮಾಡಿರುವ ಫೋಟೋ| ಭಾರೀ ಚರ್ಚೆಗೆ ಗ್ರಾಸವಾದ ಏಸು ಕ್ರಿಸ್ತನ ಪ್ರತಿರೂಪದ ಫೋಟೋ|
ಪ್ಯಾರಿಸ್(ಏ.18): ಭಾರೀ ಬೆಂಕಿ ಅವಘಡಕ್ಕೆ ಸುಟ್ಟು ಕರಕಲಾಗಿರುವ ಪ್ಯಾರಿಸ್‌ನ 850 ವರ್ಷಗಳ ಐತಿಹಾಸಿಕ ನೋಟ್ರೆ-ಡೇಮ್‌ ಕ್ಯಾಥೆಡ್ರಲ್‌ ಚರ್ಚ್‌ಗೆ ಸಂಬಂಧಿಸಿದಂತೆ ವಿಚಿತ್ರ ವಾದವೊಂದು ಹರಿದಾಡುತ್ತಿದೆ.
ಚರ್ಚ್‌ಗೆ ಬೆಂಕಿ ಬಿದ್ದ ಸಮಯದಲ್ಲಿ ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಭಗವಾನ್ ಏಸು ಕ್ರಿಸ್ತನ ಪ್ರತಿರೂಪದ ದರ್ಶನವಾಗಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.
ಸ್ಕಾಟ್‌ಲ್ಯಾಂಡ್‌ನ ಅಲೆಕ್ಸಾಂಡ್ರಿಯಾದ ಲೆಸ್ಲಿ ರೋವನ್ ಎಂಬುವವರು ಈ ಕುರಿತಾದ ಫೋಟೋವೊಂದನ್ನು ಫೇಸ್‌ಬುಕ್‌ನಲ್ಲಿ ಶೇರ್ ಮಾಡಿದ್ದು, ಚಿತ್ರದಲ್ಲಿ ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಏಸು ಕ್ರಿಸ್ತನ ಪ್ರತಿರೂಪ ಕಾಣಿಸಿದೆ.
ಈ ಚಿತ್ರ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ಕೆಲವರು ನಿಜಕ್ಕೂ ಅಲ್ಲಿರುವುದು ಏಸು ಕ್ರಿಸ್ತನೇ ಎಂದು ವಾದಿಸಿದರೆ ಮತ್ತೆ ಕೆಲವರು ಈ ವಾದವನ್ನು ಟೀಕಿಸಿದ್ದಾರೆ.
ಸದ್ಯ ಲೆಸ್ಲಿ ರೋವನ್ ಈ ಫೋಟೋವನ್ನು ಡಿಲೀಟ್ ಮಾಡಿದ್ದು, ಬೆಂಕಿಯ ಕೆನ್ನಾಲಿಗೆ ಮಧ್ಯೆ ಏಸು ಕ್ರಿಸ್ತ ನಿಜಕ್ಕೂ ಕಾಣಿಸಿಕೊಂಡನೇ ಎಂಬುದು ಭಾರೀ ಚರ್ಚೆಯ ವಿಷಯವಾಗಿದೆ.
