Shyam Benegal Dies: ಅನಂತ್‌ನಾಗ್‌ರನ್ನು ಹಿಂದಿ ಚಿತ್ರರಂಗಕ್ಕೆ ಪರಿಚಯಿಸಿದ್ದ ನಿರ್ದೇಶಕ ಶ್ಯಾಮ್ ಬೆನಗಲ್ ಇನ್ನಿಲ್ಲ!
ಖ್ಯಾತ ಚಲನಚಿತ್ರ ನಿರ್ಮಾಪಕ, ನಿರ್ದೇಶಕ ಹಾಗೂ ಚಿತ್ರಕಥೆಗಾರ ಶ್ಯಾಮ್ ಬೆನಗಲ್ ಡಿಸೆಂಬರ್ 23 ರಂದು ಸಂಜೆ 6:30 ಕ್ಕೆ ನಿಧನರಾದರು. ಈ ಸುದ್ದಿಯನ್ನು ಅವರ ಪುತ್ರಿ ಪಿಯಾ ಬೆನಗಲ್ ಖಚಿತಪಡಿಸಿದ್ದಾರೆ.
Followಮುಂಬೈ (ಡಿ.23): ಸ್ಯಾಂಡಲ್‌ವುಡ್‌ನ ಹಿರಿಯ ನಟ ಅನಂತ್‌ನಾಗ್‌ ಅವರನ್ನು 1974ರಲ್ಲಿ ತೆರೆಕಂಡ ಅಂಕುರ್ ಸಿನಿಮಾದ ಮೂಲಕ ಬಾಲಿವುಡ್‌ಗೆ ಪರಿಚಯಿಸಿದ್ದ ಹಿರಿಯ ನಿರ್ಮಾಪಕ, ನಿರ್ದೇಶಕ ಹಾಗೂ ಚಿತ್ರಕಥೆಗಾರ ಶ್ಯಾಮ್ ಬೆನಗಲ್ ಸೋಮವಾರ ನಿಧನರಾದರು. ದೀರ್ಘಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ತಮ್ಮ 90ನೇ ವಯಸ್ಸಿನಲ್ಲಿ ಡಿಸೆಂಬರ್ 23ರ ಸಂಜೆ 6.30ಕ್ಕೆ ನಿಧನರಾಗಿದ್ದಾಗಿ ಅವರ ಪುತ್ರಿ ಪಿಯಾ ಬೆನಗಲ್ ಖಚಿತಪಡಿಸಿದ್ದಾರೆ. ಕ್ರಾನಿಕ್‌ ಕಿಡ್ನಿ ಕಾಯಿಲೆಯಿಂದ ಬಳಲುತ್ತಿದ್ದ ಶ್ಯಾಮ್ ಬೆನಗಲ್ ಕೆಲ ದಿನಗಳ ಹಿಂದೆ ಮುಂಬೈನ ವೊಕಾರ್ಡ್‌ ಆಸ್ಪತ್ರೆಗೆ ದಾಖಲಾಗಿದ್ದರು. ಶ್ಯಾಮ್ ಬೆನಗಲ್ ಅವರು ಅಂಕುರ್, ಮಂಡಿ, ಮಂಥನ್ ಮತ್ತು ಹೆಚ್ಚಿನ ಚಿತ್ರಗಳಿಗೆ ಹೆಸರುವಾಸಿಯಾಗಿದ್ದರು, ಅವುಗಳಲ್ಲಿ ಹೆಚ್ಚಿನವು 70 ಅಥವಾ 80 ರ ದಶಕದ ಮಧ್ಯಭಾಗದಲ್ಲಿ ಬಿಡುಗಡೆಯಾಗಿದ್ದವು. ಡಿಸೆಂಬರ್ 14 ರಂದು ತಮ್ಮ 90ನೇ ವರ್ಷದ ಜನ್ಮದಿನವನ್ನು ಸ್ನೇಹಿತರು ಹಾಗೂ ಕುಟುಂಬದವರೊಂದಿಗೆ ಆಚರಿಸಿಕೊಂಡಿದ್ದರು. ನಟರಾದ ಕುಲಭೂಷಣ್ ಖರ್ಬಂದಾ, ನಾಸಿರುದ್ದೀನ್ ಶಾ, ದಿವ್ಯಾ ದತ್ತಾ, ಶಬಾನಾ ಅಜ್ಮಿ, ರಜಿತ್ ಕಪೂರ್, ಅತುಲ್ ತಿವಾರಿ, ಚಲನಚಿತ್ರ ನಿರ್ಮಾಪಕ-ನಟ ಮತ್ತು ಶಶಿ ಕಪೂರ್ ಅವರ ಪುತ್ರ ಕುನಾಲ್ ಕಪೂರ್ ಮತ್ತು ಇತರರು ಅದ್ಧೂರಿ ಆಚರಣೆಯ ಭಾಗವಾಗಿದ್ದರು.
ಶ್ಯಾಮ್ ಬೆನಗಲ್ ಅವರಿಗೆ ಭಾರತ ಸರ್ಕಾರವು 1976 ರಲ್ಲಿ ಪದ್ಮಶ್ರೀ ಮತ್ತು 1991 ರಲ್ಲಿ ಪದ್ಮಭೂಷಣ ನೀಡಿ ಗೌರವಿಸಿತ್ತು. ಅವರ ಯಶಸ್ವಿ ಚಲನಚಿತ್ರಗಳಲ್ಲಿ ಮಂಥನ್, ಜುಬೇದಾ ಮತ್ತು ಸರ್ದಾರಿ ಬೇಗಂ ಸೇರಿವೆ.
Digital Arrest: 18 ದಿನದ ಅಂತರದಲ್ಲಿ 11.8 ಕೋಟಿ ರೂಪಾಯಿ ಕಳೆದುಕೊಂಡ ಬೆಂಗಳೂರು ಟೆಕ್ಕಿ!
1934 ಡಿಸೆಂಬರ್ 14 ರಂದು ಹೈದರಾಬಾದ್‌ನಲ್ಲಿ ಜನಿಸಿದ್ದ ಶ್ಯಾಮ್ ಬೆನಗಲ್, ಕೊಂಕಣಿ ಮಾತನಾಡುವ ಚಿತ್ರಾಪುರ ಸಾರಸ್ವತ ಬ್ರಾಹ್ಮಣ ಕುಟುಂಬದಿಂದ ಬಂದವರು. ಅವರ ತಂದೆ, ಶ್ರೀಧರ್ ಬಿ.ಬೆನಗಲ್, ಮೂಲತಃ ಕರ್ನಾಟಕದವರು, ಛಾಯಾಗ್ರಾಹಕರಾಗಿದ್ದರು, ಅವರು ಚಲನಚಿತ್ರ ನಿರ್ಮಾಣದಲ್ಲಿ ಶ್ಯಾಮ್ ಅವರ ಆರಂಭಿಕ ಆಸಕ್ತಿಯನ್ನು ಪ್ರೇರೇಪಿಸಿತ್ತು. ಕೇವಲ 12 ವರ್ಷ ವಯಸ್ಸಿನವನಾಗಿದ್ದಾಗ, ಶ್ಯಾಮ್ ತನ್ನ ತಂದೆ ಉಡುಗೊರೆಯಾಗಿ ನೀಡಿದ ಕ್ಯಾಮೆರಾವನ್ನು ಬಳಸಿಕೊಂಡು ತಮ್ಮ ಮೊದಲ ಚಲನಚಿತ್ರವನ್ನು ರೂಪಿಸಿದ್ದರು. ಅವರು ಹೈದರಾಬಾದ್‌ನ ಉಸ್ಮಾನಿಯಾ ವಿಶ್ವವಿದ್ಯಾನಿಲಯದಿಂದ ಅರ್ಥಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಗಳಿಸಿದರು, ಅಲ್ಲಿ ಅವರು ಹೈದರಾಬಾದ್ ಫಿಲ್ಮ್ ಸೊಸೈಟಿಯನ್ನು ಸ್ಥಾಪಿಸಿದರು, ಆ ಮೂಲಕ ಚಿತ್ರರಂಗದಲ್ಲಿ ಅವರ ಪ್ರಸಿದ್ಧ ಪ್ರಯಾಣ ಆರಂಭವಾಗಿತ್ತು. ಅವರ ಗಮನಾರ್ಹ ಸಿನಿಮಾಗಳಲ್ಲಿ ಅಂಕುರ್, ಮಂಥನ್, ಮಂಡಿ, ನೇತಾಜಿ ಸುಭಾಸ್ ಚಂದ್ರ ಬೋಸ್: ದಿ ಫಾರ್ಗಾಟನ್ ಹೀರೋ, ಜುಬೇದಾ, ವೆಲ್ ಡನ್ ಅಬ್ಬಾ ಸೇರಿದಂತೆ ಹಲವು ಸಿನಿಮಾಗಳಿವೆ.
Mysuru: ಕೋಚನಹಳ್ಳಿಯಲ್ಲಿ 3425 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದೆ Silectric Semiconductor
