ಡಿವೋರ್ಸ್ ಸುದ್ದಿ ನಡುವೆ ಮಗಳ ಬಗ್ಗೆ ಮಾತನಾಡುತ್ತಾ ಭಾವುಕರಾದ ಅಭಿಷೇಕ್ ಬಚ್ಛನ್‌!
ತಮ್ಮ ಹೊಸ ಸಿನಿಮಾ 'ಐ ವಾಂಟ್ ಟು ಟಾಕ್' ಪ್ರಚಾರದ ವೇಳೆ, ಅಭಿಷೇಕ್ ಬಚ್ಚನ್ ತಮ್ಮ ಮಗಳು ಆರಾಧ್ಯಾ ಅವರಿಗೆ ಜೀವನದ ಒಂದು ಮುಖ್ಯ ಪಾಠ ಹೇಳಿಕೊಟ್ಟಿದ್ದನ್ನ ನೆನಪಿಸಿಕೊಂಡರು. 'ಸಹಾಯ' ಕೇಳೋದು ದೌರ್ಬಲ್ಯ ಅಲ್ಲ, ಧೈರ್ಯ ಅಂತ ಆರಾಧ್ಯಾ ಹೇಳಿದ್ದರಂತೆ.
 )
Followಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ವಿಚ್ಛೇದನದ ಸುದ್ದಿಗಳು ಮಾಧ್ಯಮಗಳಲ್ಲಿ ಹರಿದಾಡುತ್ತಿವೆ. ಈ ನಡುವೆ ಅಭಿಷೇಕ್ ತಮ್ಮ ಮಗಳು ಆರಾಧ್ಯಾ ಬಗ್ಗೆ ಮಾತನಾಡುತ್ತಾ ಭಾವುಕರಾಗಿದ್ದಾರೆ. ಅಭಿಷೇಕ್ ಈಗ ತಮ್ಮ ಹೊಸ ಸಿನಿಮಾ 'ಐ ವಾಂಟ್ ಟು ಟಾಕ್' ಪ್ರಚಾರದಲ್ಲಿ ಬ್ಯುಸಿ ಇದ್ದಾರೆ. ಈ ಸಂದರ್ಭದಲ್ಲಿ, ತಮ್ಮ ಮಗಳು ಈ ಚಿತ್ರಕ್ಕೆ ಹೇಗೆ ಸ್ಫೂರ್ತಿ ನೀಡಿದ್ದಾಳೆ ಅನ್ನೋದನ್ನ ನೆನಪಿಸಿಕೊಂಡರು. ಚಿತ್ರದಲ್ಲಿನ ತಮ್ಮ ಪಾತ್ರ ಅರ್ಜುನ್ ಸಿಂಗ್ ಬಗ್ಗೆ ಮತ್ತು ಆ ಪಾತ್ರ ಎಷ್ಟು ಸವಾಲಿನದ್ದಾಗಿತ್ತು ಅಂತಲೂ ವಿವರಿಸಿದ್ದಾರೆ. ದೇಶದಲ್ಲಿ ಕೊರೊನಾ ಸಾಂಕ್ರಾಮಿಕ ಬಂದಾಗ ತಮ್ಮ ಮಗಳು ಕಲಿಸಿದ ಪಾಠದಿಂದ ಸ್ಫೂರ್ತಿ ಪಡೆದಿದ್ದಾಗಿ ಹೇಳಿದರು.
ಆರಾಧ್ಯಾ ಬಚ್ಚನ್ ಒಂದು ಪುಸ್ತಕದಿಂದ ಪಾಠ ಕಲಿತು ಅಭಿಷೇಕ್ ಬಚ್ಚನ್‌ಗೆ ಸ್ಫೂರ್ತಿಯಾದರು: ಇಂಡಿಯಾ ಟುಡೇ ವರದಿಯ ಪ್ರಕಾರ, ಆರಾಧ್ಯಾ ಚಿಕ್ಕವಳಿದ್ದಾಗ ಒಂದು ಮಕ್ಕಳ ಪುಸ್ತಕ ಓದುತ್ತಿದ್ದಾಗ ಅದರಲ್ಲಿನ ಒಂದು ಸಾಲು ಅವಳ ಮೇಲೆ ಪ್ರಭಾವ ಬೀರಿದ್ದನ್ನ ಅಭಿಷೇಕ್ ನೆನಪಿಸಿಕೊಂಡರು. ಪುಸ್ತಕದ ಪಾತ್ರವು 'ಸಹಾಯ' ಎಂಬ ಪದವನ್ನು ಜಗತ್ತಿನ ಅತ್ಯಂತ ಧೈರ್ಯಶಾಲಿ ಪದ ಎಂದು ಬಣ್ಣಿಸಿತ್ತು. ಏಕೆಂದರೆ ಸಹಾಯ ಕೇಳುವುದು ಮುಂದೆ ಸಾಗುವ ಮತ್ತು ಸವಾಲುಗಳನ್ನು ಎದುರಿಸುವ ಇಚ್ಛಾಶಕ್ತಿಯನ್ನು ತೋರಿಸುತ್ತದೆ. "ನಾನು ಸೋಲೊಪ್ಪಿಕೊಳ್ಳಲು ಸಿದ್ಧವಿಲ್ಲ. ಮುಂದೆ ಹೋಗಲು ಏನು ಬೇಕಾದರೂ ಮಾಡ್ತೇನೆ" ಅಂತ ಅಭಿಷೇಕ್ ಹೇಳಿದರು.
ಅಭಿಷೇಕ್ ಬಚ್ಚನ್ ತಮ್ಮ ಪಾತ್ರ ಅರ್ಜುನ್ ಸಿಂಗ್ ವಿಶೇಷತೆ ವಿವರಿಸಿದ್ದು ಹೀಗೆ: 'ಐ ವಾಂಟ್ ಟು ಟಾಕ್' ಚಿತ್ರದಲ್ಲಿನ ತಮ್ಮ ಪಾತ್ರ ಅರ್ಜುನ್ ಸಿಂಗ್ ವಿಶೇಷ ಪಾತ್ರ ಎಂದು ಅಭಿಷೇಕ್ ಹೇಳಿದ್ದಾರೆ. ಅರ್ಜುನ್ ದೃಢನಿಶ್ಚಯಿ, ಸಂಕಷ್ಟಗಳ ನಡುವೆಯೂ ಸೋಲೊಪ್ಪಿಕೊಳ್ಳಲು ಸಿದ್ಧರಿಲ್ಲ. "ಅವನು ಸಹಾಯ ಕೇಳಲು ಹೆದರುವುದಿಲ್ಲ. ಆಸ್ಪತ್ರೆಗೆ ಹೋಗಲು ಹೆದರುವುದಿಲ್ಲ. ಸೋಲೊಪ್ಪಿಕೊಳ್ಳುವುದಿಲ್ಲ." ಅಂತ ಅಭಿಷೇಕ್ ಹೇಳಿದರು. "ಯಾರಾದರೂ ಒಂದು ಸಮಸ್ಯೆಯಿಂದ ಬಳಲುತ್ತಿದ್ದರೆ, 31 ವರ್ಷಗಳ ನಂತರ ಸಾಕು ಅಂತ ಹೇಳುವುದು ಸುಲಭ. ಆದರೆ ಅವನು ಇನ್ನೂ ಹೋರಾಡುತ್ತಿದ್ದಾನೆ, ಪ್ರಯತ್ನಿಸುತ್ತಿದ್ದಾನೆ, ಅದೇ ಅವನನ್ನು ನಿಜವಾಗಿಯೂ ಧೈರ್ಯಶಾಲಿ ಮಾಡುತ್ತದೆ" ಅಂತ ಅಭಿಷೇಕ್ ಹೇಳಿದರು.
ಬಿಗ್ ಬಾಸ್ ವೇದಿಕೆಯಲ್ಲೇ ಭಾರತ್‌ ಪೇ ಫೌಂಡರ್‌ ಅಶ್ನೀರ್‌ ಗ್ರೋವರ್‌ ಚಳಿ ಬಿಡಿಸಿದ ಸಲ್ಮಾನ್‌ ಖಾನ್
ಅಭಿಷೇಕ್ ಬಚ್ಚನ್ ಅವರ 'ಐ ವಾಂಟ್ ಟು ಟಾಕ್' ಚಿತ್ರ ಯಾವಾಗ ಬಿಡುಗಡೆಯಾಗುತ್ತಿದೆ: ಶೂಜಿತ್ ಸರ್ಕಾರ್ ನಿರ್ದೇಶನದ 'ಐ ವಾಂಟ್ ಟು ಟಾಕ್' ಚಿತ್ರದಲ್ಲಿ ಜಾನಿ ಲಿವರ್ ಮತ್ತು ಅಹಲ್ಯಾ ಬಾಮ್ರು ಕೂಡ ನಟಿಸಿದ್ದಾರೆ. ಈ ಚಿತ್ರ ನವೆಂಬರ್ 22 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
Breaking: ಸಮುದ್ರದಲ್ಲಿ ಭಾರತ-ಪಾಕಿಸ್ತಾನ ಹಡಗಿನ ನಡುವೆ ಭಾರೀ ಫೈಟ್‌, 7 ಮಂದಿ ಮೀನುಗಾರರ ರಕ್ಷಣೆ!
