ಫೇಸ್ಬುಕ್, ಇನ್ಸ್ಟಾ, ಜಿ-ಮೇಲ್... ಹೀಗೆ ಯಾವುದಾದ್ರೂ ಪಾಸ್ವರ್ಡ್ ಮರೆತುಹೋಗಿದ್ಯಾ? ಇಲ್ಲೇ ಇರತ್ತೆ ನೋಡಿ!
ಸ್ಮಾರ್ಟ್ಫೋನ್ನಲ್ಲಿ ಸ್ಟೋರ್ ಆಗಿರೋ ಆ್ಯಪ್ಗಳ ಪಾಸ್ವರ್ಡ್ ಮರೆತು ಪೇಚಿಗೆ ಸಿಲುಕಿದ್ದೀರಾ? ಇನ್ಮುಂದೆ ವರಿ ಮಾಡೋ ಅಗತ್ಯವಿಲ್ಲ. ಎಲ್ಲಾ ಇಲ್ಲೇ ಸಿಗತ್ತೆ ನೋಡಿ...
 )
Followಸ್ಮಾರ್ಟ್ಫೋನ್ ಬಂದ ಮೇಲೆ ಪಾಸ್ವರ್ಡ್ ಹೆಚ್ಚಾಗಿ ಬಿಟ್ಟಿದೆ. ಒಂದೊಂದಕ್ಕೆ ಒಂದೊಂದು ಪಾಸ್ವರ್ಡ್ ಇಟ್ಟೋ, ಇಲ್ಲವೇ ಯಾವ ಆ್ಯಪ್ಗೆ ಯಾವ ಪಾಸ್ವರ್ಡ್ ಎಂದು ಮರೆತುಹೋಗಿಯೋ ಪೇಚಾಡುವವರೇ ಹೆಚ್ಚು. ಫಾರ್ಗಾಟ್ ಪಾಸ್ವರ್ಡ್ ಕೊಟ್ಟು, ಅದು ಕೇಳುವ ಒಂದಿಷ್ಟು ಪ್ರಶ್ನೆಗಳಿಗೆ ಉತ್ತರಿಸೋದು, ಈ ಹಿಂದೆ ಯಾವ ಪ್ರಶ್ನೆಗೆ ಏನು ಉತ್ತರ ಕೊಟ್ಟಿದ್ದು ಗೊತ್ತಾಗದೇ ಪೇಚಿಗೆ ಸಿಲುಕುವುದು... ಅಬ್ಬಬ್ಬಾ ಈ ಪಾಸ್ವರ್ಡ್ಗಳ ಉಸಾಬರಿಯೇ ಬೇಡ ಎನ್ನಿಸುತ್ತದೆ. ಇನ್ಸ್ಟಾಗ್ರಾಮ್, ಫೇಸ್ಬುಕ್, ಇ-ಮೇಲ್, ಫೋನ್ ಪೇ, ಗೂಗಲ್ ಪೇ... ಸೇರಿದಂತೆ ನಿಮ್ಮ ಮೊಬೈಲ್ನಲ್ಲಿ ಸ್ಟೋರ್ ಆಗಿರುವ ಎಲ್ಲಾ ಆ್ಯಪ್ಗಳ ಎಲ್ಲಾ ಪಾಸ್ವರ್ಡ್ಗಳೂ ಒಂದೇ ಕಡೆ ಸ್ಟೋರ್ ಆಗಿರುತ್ತೆ ಎನ್ನುವುದು ನಿಮಗೆ ಗೊತ್ತಾ?
ಹೌದು. ಕೆಲವೊಮ್ಮೆ ತಿಂಗಳಿಗೋ, ಎರಡು ತಿಂಗಳಿಗೊಮ್ಮೆಯೋ ಕೆಲವು ಆ್ಯಪ್ಗಳು ಅದರಲ್ಲಿಯೂ ಹೆಚ್ಚಾಗಿ ಬ್ಯಾಂಕಿಂಗ್ಗಳ ಆ್ಯಪ್ಗಳು ಪಾಸ್ವರ್ಡ್ ಬದಲಾಯಿಸುವಂತೆ ಕೇಳುತ್ತವೆ. ಹಿಂದೆ ಮೂರು ಬಾರಿ ಕೊಟ್ಟಿರುವ ಪಾಸ್ವರ್ಡ್ ಮತ್ತೆ ಕೊಡುವಂತಿರುವುದಿಲ್ಲ. ಇದಕ್ಕಾಗಿಯೇ ಯಾವ ಪಾಸ್ವರ್ಡ್ ಕೊಟ್ಟೆನೆಂದು ತಿಳಿಯದೇ ತಲೆ ಕೆಡಿಸಿಕೊಳ್ಳುವ ಅಗತ್ಯವಿಲ್ಲ. ಮೊಬೈಲ್ನಲ್ಲಿ ಇರುವ ನಿಮ್ಮ ಎಲ್ಲಾ ಆ್ಯಪ್ಗಳ ಪಾಸ್ವರ್ಡ್ಗಳು ಒಂದು ಕಡೆ ಸ್ಟೋರ್ ಆಗಿರುತ್ತದೆ. ಅದು ಎಲ್ಲಿ ಇರುತ್ತೆ, ಹೇಗೆ ಇರುತ್ತೆ ಎನ್ನುವ ಡಿಟೇಲ್ಸ್ ಇಲ್ಲಿದೆ ನೋಡಿ...
ಒಂದು ಲಕ್ಷ ಠೇವಣಿಗೆ 50 ಸಾವಿರ ರೂ. ಬಡ್ಡಿ: ಎಲ್ಲಕ್ಕಿಂತ ಬೆಸ್ಟ್‌ ಅಂಚೆ ಇಲಾಖೆಯ ಎಫ್‌ಡಿ!
ಮೊಬೈಲ್ ಸೆಟ್ಟಿಂಗ್ನಲ್ಲಿ ಗೂಗಲ್ (Goole) ಮೇಲೆ ಕ್ಲಿಕ್ ಮಾಡಿ. ನಂತರ ಆಟೋಫಿಲ್ (autofill) ಮೇಲೆ ಕ್ಲಿಕ್ ಮಾಡಿ. ನಂತರ ಆಟೋಫಿಲ್ ವಿತ್ ಗೂಗಲ್ (Autofill with Google) ಮೇಲೆ ಕ್ಲಿಕ್ ಮಾಡಿ. ಯೂಸ್ ಆಟೊಫಿಲ್ ವಿತ್ ಗೂಗಲ್ (Use Autofill with Google) ಆಫ್ ಇದ್ದರೆ ಆನ್ ಮಾಡಿಕೊಳ್ಳಿ. ನಂತರ ಗೂಗಲ್ ಪಾಸ್ವರ್ಡ್ ಮ್ಯಾನೇಜರ್ (Google Password Manager) ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ನಿಮಗೆ ಯಾವ ಪಾಸ್ವರ್ಡ್ ಬೇಕೋ ಎಲ್ಲವೂ ಸಿಗುತ್ತದೆ. ಅಲ್ಲಿ ಸ್ಟಾರ್ ಬಂದಿರುತ್ತದೆ. ಪಕ್ಕದಲ್ಲಿರುವ ಕಣ್ಣಿನ ಮೇಲೆ ಕ್ಲಿಕ್ ಮಾಡಿದರೆ ಪಾಸ್ವರ್ಡ್ ಕಾಣಿಸುತ್ತದೆ. ಆದರೆ ಒಂದು ಮಾತು ನೆನಪಿಡಿ. ನೀವು ಮೊಬೈಲ್ನಲ್ಲಿ ಇವೆಲ್ಲವನ್ನೂ ಒಮ್ಮೆಯಾದರೂ ಬಳಸಿರಲೇಬೇಕು. ಅಂದ್ರೆ ಜಿ-ಮೇಲ್, ಫೇಸ್ಬುಕ್, ಫೋನ್ಪೇ... ಹೀಗೆ ಯಾವುದಾದರೂ ಆ್ಯಪ್ಗಳ ಪಾಸ್ವರ್ಡ್ ನೀವು ಈ ಟ್ರಿಕ್ಸ್ ಮೂಲಕ ಗೊತ್ತುಮಾಡಿಕೊಳ್ಳಬೇಕು ಎಂದರೆ, ನಿಮ್ಮ ಆ ಫೋನ್ನಿಂದ ಒಮ್ಮೆಯಾದರೂ ಈ ಆ್ಯಪ್ಗಳನ್ನು ನೀವು ಓಪನ್ ಮಾಡಿರಬೇಕು.
ಹಾಗಿದ್ದರೆ ಯಾರಿಗೆ ಬೇಕಾದ್ರೂ ಯಾವ ಪಾಸ್ವರ್ಡ್ ಕೂಡ ಸಿಕ್ಕಿಬಿಡತ್ತಲ್ಲ ಎನ್ನುವ ಭಯ ಬೇಡ. ಏಕೆಂದ್ರೆ ಪ್ರತಿಯೊಂದು ಪಾಸ್ವರ್ಡ್ ನೋಡಬೇಕಿದ್ದರೂ ನಿಮ್ಮ ಸ್ಕ್ರೀನ್ ಪಾಸ್ವರ್ಡ್ ಅನ್ನು ಅದು ಕೇಳುತ್ತದೆ. ಒಂದು ವೇಳೆ ಮೊಬೈಲ್ ಆನ್ ಮಾಡುವ ಸಂದರ್ಭದಲ್ಲಿ ನೀವು ಯಾವುದೇ ರೀತಿಯ ಪಾಸ್ವರ್ಡ್ ಇಟ್ಟುಕೊಳ್ಳದಿದ್ದರೆ, ನೀವು ಈ ಟ್ರಿಕ್ಸ್ ಉಪಯೋಗಿಸಿ ಯಾವುದೇ ಪಾಸ್ವರ್ಡ್ ನೋಡಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಮೊಬೈಲ್ ಲಾಕ್ಸ್ಕ್ರೀನ್ ಪಾಸ್ವರ್ಡ್ ಕಡ್ಡಾಯವಾಗಿ ಬೇಕೇ ಬೇಕು. ಅದು ನಂಬರ್ ಮೂಲಕ ಆಗಿರ್ಬೋದು ಅಥವಾ ಪಾಟರ್ನ್ ಮೂಲಕ ಆಗಿರಬಹುದು. ಪ್ರತಿಯೊಂದು ಪಾಸ್ವರ್ಡ್ ನೋಡುವಾಗಲೂ ನೀವು ಮೊದಲು ಸ್ಕ್ರೀನ್ಲಾಕ್ ಪಾಸ್ವರ್ಡ್ ಎಂಟರ್ ಮಾಡಿಯೇ ನೋಡಬೇಕಾಗುತ್ತಿದೆ. ಎಷ್ಟು ಸಿಂಪಲ್ ಅಲ್ವಾ?
ಮೊದ್ಲು ಬರೋದು ಮೂನಾ? ಸನ್ನಾ? ಸೀತಾರಾಮ ಪ್ರಿಯಾಳ ಉತ್ರ ಕೇಳಿ ನಾಚಿಕೊಂಡ ಶಿವಣ್ಣ, ಅನುಶ್ರೀ!
