ಭಾರೀ ನಿರೀಕ್ಷೆಯ ಗೂಗಲ್ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ಯಾವಾಗ ರಿಲೀಸ್?
ಇಂಟರ್ನೆಟ್ ದೈತ್ಯ ಕಂಪನಿ ಗೂಗಲ್ ತನ್ನ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ಯಾವಾ ಬಿಡುಗಡೆ ಮಾಡಲಿದೆ ಎಂಬ ಚರ್ಚೆಗಳು ಶುರುವಾಗಿವೆ. ಇತ್ತೀಚಿನ ಕೆಲವು ವರದಿಗಳ ಪ್ರಕಾರ ಕಂಪನಿ ಶೀಘ್ರವೇ ಪಿಕ್ಸೆಲ್ 6 ಬಿಡುಗಡೆ ಮಾಡುವ ಸಾಧ್ಯತೆ ಇದೆ. ಪಿಕ್ಸೆಲ್ 6 ಕ್ಯಾಮೆರಾ ದೃಷ್ಟಿಯಿಂದಲೂ ವಿಶಿಷ್ಟ ಸ್ಮಾರ್ಟ್‌ಫೋನ್ ಆಗಿರಬಹುದಾಗಿದೆ.
 ){kind=tracking}
Followಇಂಟರ್ನೆಟ್ ದೈತ್ಯ ಮತ್ತು ಆಂಡ್ರಾಯ್ಡ್ ಆಪರೇಟಿಂಗ್ ಸಾಫ್ಟವೇರ್ ಅಭಿವೃದಾತ ಕಂಪನಿ ಗೂಗಲ್, ಪಿಕ್ಸೆಲ್ ಸೀರೀಸ್ ಮೂಲಕ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡುತ್ತ ಬಂದಿದೆ. ಆದರೆ, ಗೂಗಲ್ ಪಿಕ್ಸೆಲ್ 5 ಬಳಿಕ ಕಂಪನಿ ಪಿಕ್ಸೆಲ್ 6 ಬಿಡುಗಡೆ ಸಾಕಷ್ಟು ಸಮಯವನ್ನು ತೆಗೆದುಕೊಂಡಿದೆ. ಪಿಕ್ಸೆಲ್ 6 ಬಗ್ಗೆ ಆಗಾಗ ಮಾಧ್ಯಮಗಳಲ್ಲಿ ಒಂದಿಷ್ಟು ಮಾಹಿತಿ ಸೋರಿಕೆಯಾದದ್ದು ಬಿಟ್ಟರೆ ಹೆಚ್ಚೆನೂ ಮಾಹಿತಿ ಇಲ್ಲ.
ವಿದ್ಯಾರ್ಥಿಗಳಿಗೆ ಎಚ್‌ಪಿ ಕ್ರೋಮ್‌ಬುಕ್ ಲ್ಯಾಪ್‌ಟ್ಯಾಪ್; 21,999 ರೂ.ನಿಂದ ಬೆಲೆ ಆರಂಭ
ಈಗ ವರದಿಯಾಗಿರುವ ಪ್ರಕಾರ ಗೂಗಲ್ ಪಿಕ್ಸೆಲ್ ಜೂನ್‌ ತಿಂಗಳಲ್ಲಿ ಜಾಗತಿಕವಾಗಿ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಸುಮಾರು ವರ್ಷಗಳಿಂದ ಗೂಗಲ್ ಪಿಕ್ಸೆಲ್ ಸ್ಮಾರ್ಟ್‌ಪೋನ್‌ಗಳನ್ನು ತಯಾರು ಮಾಡುತ್ತಿದೆ. ಅತ್ಯುತ್ತಮ ಕ್ಯಾಮೆರಾ, ಆವರೇಜ್ ಹಾರ್ಡ್‌ವೇರ್ ಮತ್ತು ದುಬಾರಿ ಬೆಲೆಯನ್ನು ಈ ಸ್ಮಾರ್ಟ್‌ಫೋನ್ ಹೊಂದಿದ್ದವು. ಇದೇ ಕಾರಣದಿಂದಾಗಿ ಗ್ರಾಹಕರು ಅಷ್ಟೇನೂ ಗಾಢವಾಗಿ ಈ ಪಿಕ್ಸೆಲ್ ಸ್ಮಾರ್ಟ್‌ಫೋನ್‌ಗಳ ಮೋಡಿಗೆ ಒಳಗಾಗಿರಲಿಲ್ಲ.
ಈ ಹಿನ್ನೆಲೆಯಲ್ಲಿ ಗೂಗಲ್ ತನ್ನ ಕಾರ್ಯತಂತ್ರದಲ್ಲಿ ಬದಲಾವಣೆ ಮಾಡಿಕೊಂಡು, ಕೈಗೆಟುಕುವ ದರ, ಅತ್ಯುತ್ತಮ ಕ್ಯಾಮೆರಾಗಳಿರುವ ಮಧ್ಯಮ ವ್ಯಾಪ್ತಿಯ ಪಿಕ್ಸೆಲ್ 3ಎ ಸ್ಮಾರ್ಟ್‌ಪೋನ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದನ್ನು ನಾವು ಸ್ಮರಿಸಿಕೊಳ್ಳಬಹುದು.
ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್‌ನಲ್ಲಿ ಕಂಪನಿ ಅತ್ಯುತ್ತಮ ಹಾರ್ಡ್‌ವೇರ್ ಬಳಸಬಹುದು ಎಂಬುದು ಎಲ್ಲರ ನಿರೀಕ್ಷೆಯಾಗಿದೆ. ಇತ್ತೀಚಿನ ಕೆಲವು ವರದಿಗಳ ಪ್ರಕಾರ, ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ಹಲವು ಬದಲಾವಣೆಗಳೊಂದಿಗೆ ಬರಲಿದೆ. ಈ ಹಿನ್ನೆಲೆಯಲ್ಲಿ ಗೂಗಲ್ ತನ್ನದೇ ಸ್ವಂತ ಚಿಪ್‌ಸೆಟ್ ಅನ್ನು ಪರೀಕ್ಷಿಸುತ್ತಿದೆ. ಇದೇ ಚಿಪ್‌ಸೆಟ್ ಅನ್ನು ಕಂಪನಿ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್‌ನಲ್ಲಿ ಬಳಸಲಿದೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ವರದಿ ಮಾಡಿರುವ 9to5Google, ಗೂಗಲ್ ಟೆಸ್ಟ್ ಮಾಡುತ್ತಿರುವ ಈ ಚಿಪ್‌ಸೆಟ್‌ಗೆ ವೈಟ್ ಚಾಪೆಲ್ ಎಂಬ ಕೋಡ್ ನೇಮ್ ಕೊಡಲಾಗಿದೆ.
ಇನ್ನು ಎಲ್‌ಜಿ ಸ್ಮಾರ್ಟ್‌ಫೋನ್ ಸಿಗಲ್ಲ; ಉತ್ಪಾದನೆ ಸ್ಥಗಿತ ಮಾಡಿದ ಕಂಪನಿ
ಇದೇ ವರದಿಯ ಪ್ರಕಾರ, ಈ ಚಿಪ್‌ಸೆಟ್ ಪಿಕ್ಸೆಲ್‌ಗೆ ಪವರ್ ನೀಡುವುದು ಮಾತ್ರವಲ್ಲದೇ ಕ್ರೋಮ್‌ಬುಕ್‌ಗೂ ಇದರ ಲಾಭ ತಂದುಕೊಡಲಿದೆ. ವಿಶೇಷ ಎಂದರೆ, ಈ ಚಿಪ್‌ಸೆಟ್ ಅನ್ನು ಗೂಗಲ್ ಸ್ಯಾಮ್ಸಂಗ್ ಜಂಟಿ ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸುತ್ತಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.
ಮುಂಬರುವ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ರೇವೆನ್, ಒರಿಯಲ್ ಮತ್ತ ಪಾಸ್‌ಪೋರ್ಟ್ ಕೋಡ್‌ನೇಮ್‌ಗಳಡಿ ನಾನಾ ಮಾಡೆಲ್‌ಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ರವೇನ್ ಮತ್ತು ಒರಿಯಾಲ್ ಕೋಡ್‌ನೇಮ್‌ನ ಸ್ಮಾರ್ಟ್‌ಫೋನ್‌ಗಳು ಪಿಕ್ಸೆಲ್ 6 ಮಾಡೆಲ್‌ಗಳಾಗಿರುವ ಸಾಧ್ಯತೆ ಇದೆ ಮತ್ತು ಪಾಸ್‌ಪೋರ್ಟ್ ಬಹುಶಃ ಕಂಪನಿಯ ಪಿಕ್ಸೆಲ್ ಪೋಲ್ಡೇಬಲ್ ಸ್ಮಾರ್ಟ್‌ಫೋನ್ ಆಗಿರಬಹುದು ಎಂದು ಸೋರಿಕೆಯಾದ ಮಾಹಿತಿಯಿಂದ ಗೊತ್ತಾಗಿದೆ. ಆದರೆ, ಈ ಬಗ್ಗೆ ಕಂಪನಿ ಯಾವುದೇ ಅಧಿಕೃತ ಮಾಹಿತಿಯನ್ನು ಇನ್ನೂ ಹೊರ ಹಾಕಿಲ್ಲ.
ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್, 4ಕೆ ವಿಡಿಯೋ ರೆಕಾರ್ಡಿಂಗ್ ಸಪೋರ್ಟ್ ಮಾಡುವ ಪಂಚ್ ಹೋಲ್ ಫ್ರಂಟ್ ಕ್ಯಾಮೆರಾ ಒಳಗೊಂಡಿರುವ ಸಾಧ್ಯತೆಯೂ ಇದೆ.
ಭಾರೀ ಸದ್ದು ಮಾಡುತ್ತಿರುವ ಈ ಗೂಗಲ್ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ಭಾರತದ ಮಾರುಕಟ್ಟೆಗೆ ಯಾವಾಗ ಬಿಡಗುಡೆಯಾಗಲಿದೆ ಎಂಬ ಬಗ್ಗೆ ಖಚಿತ ಮಾಹಿತಿಗಳಿಲ್ಲ. ಆದರೆ, ಕೆಲವು ಮೂಲಗಳ ಪ್ರಕಾರ ಈ ವರ್ಷದ ಸೆಪ್ಟೆಂಬರ್‌ ತಿಂಗಳಲ್ಲಿ ಗೂಗಲ್ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ಭಾರತೀಯ ಮಾರುಕಟ್ಟೆಗೆ ರಿಲೀಸ್ ಆಗೋ ಸಾಧ್ಯತೆ ಇದೆ. ವಿಶೇಷ ಎಂದರೆ, ಈ ಹಿಂದೆ ಗೂಗಲ್ ರಿಲೀಸ್ ಮಾಡಿದ್ದ, ಗೂಗಲ್ ಪಿಕ್ಸೆಲ್ 4 ಮತ್ತು ಗೂಗಲ್ ಪಿಕ್ಸೆಲ್ 5 ಸ್ಮಾರ್ಟ್‌ಫೋನ್ ಭಾರತದಲ್ಲಿ ನೆಲೆ ಕಂಡಿರಲಿಲ್ಲ. ಹಾಗಾಗಿ, ಗೂಗಲ್ ಪಿಕ್ಸೆಲ್ 6 ಬಗ್ಗೆ ಹೆಚ್ಚಿನ ನಿರೀಕ್ಷೆ ಮೂಡಿದೆ.
ಲಾವಾದಿಂದ ವಿದ್ಯಾರ್ಥಿಗಳಿಗೆ ಕಡಿಮೆ ಬೆಲೆಯ ಟ್ಯಾಬ್‌ ಬಿಡುಗಡೆ
ಗೂಗಲ್ ಪಿಕ್ಸೆಲ್ 6 ಸ್ಮಾರ್ಟ್‌ಫೋನ್ ಭಾರತೀಯ ಮಾರುಕಟ್ಟೆಗೆ ಯಾವಾಗ ಲಾಂಚ್ ಆಗಲಿದೆ ಎಂಬ ಬಗ್ಗೆ ಮಾಹಿತಿ ಇಲ್ಲವೋ ಅದೇ ರೀತಿ, ಅದರ ಬೆಲೆಯ ಬಗ್ಗೆಯೂ ಯಾವುದೇ ಮಾಹಿತಿ ಇಲ್ಲ. ಗೂಗಲ್ ಪಿಕ್ಸೆಲ್ 5 ಬಿಡುಗಡೆಯಾದಾಗ ಅದರ ಬೆಲೆ 699 ಅಮೆರಿಕನ್ ಡಾಲರ್ ಇತ್ತು. ಹಾಗಾಗಿ, ಈ ಪಿಕ್ಸೆಲ್ 6 ಬೆಲೆಯಲ್ಲಿ ಸ್ವಲ್ಪ ಕಡಿತವನ್ನು ನಿರೀಕ್ಷಿಸಬಹುದು ಎನ್ನುತ್ತಿದೆ ಮಾರುಕಟ್ಟೆ.
