ಟೈಟ್ ಜೀನ್ಸ್, ಫಿಟ್ಟಿಂಗ್ ಟಾಪ್ ಹಾಕೋ ಮುನ್ನ....
ಫ್ಯಾಷನ್ ಹೆಸರಲ್ಲಿ ಇಂದಿನ ಯುವ ಜನಾಂಗ ಹೇಗೇಗೋ ಡ್ರೆಸ್ ಮಾಡಿಕೊಳ್ಳುತ್ತೆ. ಆದರೆ, ಕೆಲವೊಮ್ಮೆ ಹೀಗೋ ಟೈಟ್, ಟೈಟಾಗಿ ಹಾಕಿ ಕೊಳ್ಳುವ ಡ್ರೆಸ್ ಅನಾರೋಗ್ಯಕ್ಕೂ ದಾರಿ ಮಾಡಿಕೊಳ್ಳಬಹುದು. ಏನಾಗುತ್ತೆ?
 )
Followತುಂಬಾ ಟೈಟ್ ಆದ ಅಥವಾ ಫಿಟ್ಟಿಂಗ್ ಡ್ರೆಸ್ ಧರಿಸುವುದು ಈಗ ಟ್ರೆಂಡ್. ಆದರೆ ಈ ರೀತಿ ಡ್ರೆಸ್ ಧರಿಸುವುದು ಆರೋಗ್ಯಕ್ಕೆ ಒಳ್ಳೇಯದಲ್ಲ. ಬಾಡಿ ಫಿಟ್ಟಿಂಗ್ ಡ್ರೆಸ್ ಧರಿಸೋದಕ್ಕೂ, ಆರೋಗ್ಯಕ್ಕೂ ಏನು ಸಂಬಂಧ ಎಂದು ಕೇಳಬಹುದು. ಸಂಬಂಧ ಇದೆ. ಟೈಟ್ ಜೀನ್ಸ್ ಅಥವಾ ಡ್ರೆಸ್ ಧರಿಸಿದರೆ ಜೀವ ಹೋಗುವಂತಹ ಸಮಸ್ಯೆ ಕೂಡ ಕಾಡಬಹುದು.
- ಟೈಟ್ ಆಗಿರುವ ಜೀನ್ಸ್ ಧರಿಸುವುದರಿಂದ ತೊಡೆಗಳಲ್ಲಿ ಬ್ಲಡ್ ಸರ್ಕ್ಯುಲೇಷನ್ ಸಮರ್ಪಕವಾಗಿ ಆಗುವುದಿಲ್ಲ. ಜೊತೆಗೆ ಕಾಲಿನ ಹಿಂಭಾಗದಲ್ಲಿ ಊತ ಕಾಣಿಸಿಕೊಳ್ಳುತ್ತದೆ. ಹೀಗೆ ಆದರೆ ಮನುಷ್ಯ ಮೂರ್ಛೆ ಹೋಗುತ್ತಾನೆ.
- ಹುಡುಗರು ಟೈಟ್ ಜೀನ್ಸ್ ತೊಟ್ಟರೆ ವೀರ್ಯಗಳ ಸಂಖ್ಯೆಯೂ ಕುಂದುತ್ತದೆ.
- ಅಷ್ಟೇ ಅಲ್ಲ ಲೋ ವೆಸ್ಟ್ ಅಥವಾ ಟೈಟ್ ಜೀನ್ಸ್ ಧರಿಸುವುದರಿಂದ ಹೊಟ್ಟೆ ಕೆಳಭಾಗದಲ್ಲಿರುವ ನರದ ಮೇಲೂ ಪರಿಣಾಮ ಬೀರುತ್ತದೆ. ಇದರಿಂದ ಮೊಣಕಾಲು ಮತ್ತು ತೊಡೆಗಳಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಇದಕ್ಕೆ ಟೈಟ್ ಜೀನ್ಸ್ ಸಿಂಡ್ರೋಮ್ ಎನ್ನುತ್ತಾರೆ.
ಮದುವೇನಾ? ಹಾಗಾದ್ರೆ ಚರ್ಮವನ್ನು ಹೀಗೆ ರಕ್ಷಿಸಿಕೊಳ್ಳಿ
- ಸ್ಕಿನ್ ಟೈಟ್ ಜೀನ್ಸ್ ಧರಿಸುವುದರಿಂದ ತೊಡೆಯ ಮಾಂಸ ಖಂಡಗಳ ಮೇಲೆ ಒತ್ತಡ ಬೀರುತ್ತದೆ. ಇದರಿಂದ ಕಾಲಿನಲ್ಲಿ ರಕ್ತ ಸಂಚಾರ ನಿಧಾನವಾಗುತ್ತದೆ. ದಿನ ಪೂರ್ತಿ ಟೈಟ್ ಜೀನ್ಸ್‌ನಲ್ಲಿದ್ದರೆ ಅಪಾಯ ಖಂಡಿತ.
2018ರಲ್ಲಿ ಟ್ರೆಂಡ್ ಸೃಷ್ಟಿಸಿದ ಹೇಲ್ ಸ್ಟೈಲ್
- ಜೀನ್ಸ್ ಧರಿಸೋದು ಕೆಟ್ಟದ್ದಲ್ಲ, ಆದರೆ ಹಿಂಬದಿ ತುಂಬಾ ಟೈಟ್ ಆಗಿರುವ ಜೀನ್ಸ್ ಧರಿಸುವುದು ಹಾಗೂ ಟೈಟ್ ಬೆಲ್ಟ್ ಕೂಡ ಆರೋಗ್ಯಕ್ಕೆ ಹಾನಿಯನ್ನುಂಟು ಮಾಡುತ್ತದೆ. ಯಾವಾಗಲಾದರೂ ಒಂದು ಬಾರಿ ಇದನ್ನು ಧರಿಸಿದರೆ ಸಮಸ್ಯೆ ಇಲ್ಲ, ಪ್ರತಿದಿನ ಧರಿಸುವುದರಿಂದ ಸಮಸ್ಯೆ ಕಾಡುತ್ತದೆ.
- ಟೈಟ್ ಡ್ರೆಸ್‌ನಿಂದ ಉಸಿರಾಟದ ಸಮಸ್ಯೆ ಕಾಡುವುದು ಕಟ್ಟಿಟ್ಟ ಬುತ್ತಿ.
- ದೇಹಕ್ಕೆ ಅಂಟಿಕೊಂಡಿರುವ ಡ್ರೆಸ್ ಧರಿಸುವುದರಿಂದ ರಕ್ತ ಪರಿಚಲನೆ ಆಗುವುದಿಲ್ಲ, ಜೊತೆಗೆ ಬೆನ್ನಿನ ಮಾಂಸಗಳ ಮೇಲೆ ಪರಿಣಾಮ ಬೀರುತ್ತದೆ.
