ದೇಶದಲ್ಲಿ ವಾಸಿಸೋಕೆ ಕಾಸ್ಟ್ಲಿಯೆಸ್ಟ್ ಸಿಟಿ ಮುಂಬೈ, ಬೆಂಗಳೂರಿಗೆ ಎಷ್ಟನೇ ಸ್ಥಾನ?
ಶಿಕ್ಷಣ, ಉದ್ಯೋಗದ ನಿಮಿತ್ತ ಜನರು ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ಶಿಫ್ಟ್ ಆಗೋದು ಸಾಮಾನ್ಯವಾಗಿದೆ. ಆದರೆ ಇದರಲ್ಲಿ ಕೆಲವು ಸಿಕ್ಕಾಪಟ್ಟೆ ಕಾಸ್ಟ್ಲೀಯಾದ್ರೆ ಇನ್ನು ಕೆಲವು ತುಂಬಾ ಚೀಪ್ ಸಿಟಿಗಳು. ಈ ಲಿಸ್ಟ್‌ನಲ್ಲಿ ಬೆಂಗಳೂರಿಗೆ ಎಷ್ಟನೇ ಸ್ಥಾನ?
ನವದೆಹಲಿ: ಭಾರತದಲ್ಲಿ ಹಲವಾರು ಸುಂದರ ನಗರಗಳಿವೆ. ವೆದರ್‌, ನೇಚರ್‌, ಐಟಿ-ಬಿಟಿ ಕಂಪೆನಿ, ಫುಡ್‌, ಟೂರಿಸ್ಟ್ ಪ್ಲೇಸ್, ಹೆಚ್ಚು ಉದ್ಯೋಗವಕಾಶಗಳಿರುವ ನಗರ ಹೀಗೆ ಮೊದಲಾದ ವಿಚಾರಗಳಿಂದ ಹೆಸರುವಾಸಿಯಾಗಿವೆ. ಆದರೆ ಕಂಪೇರ್ ಮಾಡಿದಾಗ ಕೆಲವೊಂದು ಸಿಟಿಗಳು ಹೆಚ್ಚು ಕಾಸ್ಟ್ಲೀ ಆಗಿದ್ದರೆ, ಇನ್ನು ಕೆಲವು ನಗರಗಳಲ್ಲಿ ವಾಸಿಸಲು ಕಡಿಮೆ ಆದಾಯವಿದ್ದರೆ ಸಾಕಾಗುತ್ತದೆ. ನೈಟ್ ಫ್ರಾಂಕ್ ಅಫರ್ಡಬಿಲಿಟಿ ಇಂಡೆಕ್ಸ್ ಬಿಡುಗಡೆ ಮಾಡಿರುವ ಹೊಸ ವರದಿ ಪ್ರಕಾರ, ಇದರಲ್ಲಿ ಜನವಾಸಕ್ಕೆ ಯಾವುದು ಕಾಸ್ಟ್ಲೀಯೆಸ್ಟ್ ನಗರ ಮತ್ತು ಯಾವುದು ವಾಸಿಸಲು ಯೋಗ್ಯವಾದ ಚೀಪ್ ಸಿಟಿ ಎಂಬುದುನ್ನು ತಿಳಿಸಿದೆ.
ನೈಟ್ ಫ್ರಾಂಕ್ ಬಿಡುಗಡೆ ಮಾಡಿದ ವರದಿಯು, ಆ ನಗರದ ನಿವಾಸಿಗಳು ಮನೆ ಸಾಲದೊಂದಿಗೆ (Home loan) ಮನೆಯನ್ನು ಪಡೆದರೆ ಆ ನಗರದಲ್ಲಿನ ಸರಾಸರಿ ಮನೆಯ ಒಟ್ಟು ಆದಾಯ (Salary)ದಿಂದ ಭಾಗಿಸಿದರೆ ಪಾವತಿಸಬೇಕಾದ EMIಗಳನ್ನು ಆಧರಿಸಿ ವಾಸಿಸಲು ಯಾವುದು ಕಾಸ್ಟ್ಲೀಯೆಸ್ಟ್ ಮತ್ತು ಯಾವುದು ಚೀಪೆಸ್ಟ್‌ ನಗರ ಎಂದು ಪಟ್ಟಿ ಮಾಡಿದೆ. ನೈಟ್ ಫ್ರಾಂಕ್ ಅಫರ್ಡಬಿಲಿಟಿ ಇಂಡೆಕ್ಸ್ ಒಂದು ನಿರ್ದಿಷ್ಟ ನಗರದಲ್ಲಿನ ವಸತಿ ಘಟಕದ ಮಾಸಿಕ ಕಂತುಗಳಿಗೆ (ಇಎಂಐ) ನಿಧಿಗೆ ಅಗತ್ಯವಿರುವ ಆದಾಯದ ಅನುಪಾತವನ್ನು ಸೂಚಿಸುತ್ತದೆ. ಆದ್ದರಿಂದ, ನಗರವೊಂದಕ್ಕೆ ನೈಟ್ ಫ್ರಾಂಕ್ ಅಫರ್ಡೆಬಿಲಿಟಿ ಇಂಡೆಕ್ಸ್ ಮಟ್ಟವು 40%, ಸರಾಸರಿಯಾಗಿ, ಆ ನಗರದ ಕುಟುಂಬಗಳು (Family) ಆ ಘಟಕಕ್ಕೆ ವಸತಿ ಸಾಲದ EMI ಗೆ ಹಣ ನೀಡಲು ತಮ್ಮ ಆದಾಯದ 40% ಅನ್ನು ಖರ್ಚು (Expense) ಮಾಡಬೇಕಾಗುತ್ತದೆ ಎಂದು ಸೂಚಿಸುತ್ತದೆ.
ಉದ್ಯೋಗ, ವಾಸಕ್ಕಷ್ಟೇ ಅಲ್ಲ, ವ್ಯಾಸಂಗಕ್ಕೂ ಬೆಂಗಳೂರೇ ನಂಬರ್‌ 1: ಸಮೀಕ್ಷೆ
ದೇಶದಲ್ಲಿ ಅತ್ಯಂತ ದುಬಾರಿ ಸಿಟಿ ಯಾವುದು?
ಮುಂಬೈ ದೇಶದಲ್ಲೇ ಅತ್ಯಂತ ದುಬಾರಿ ನಗರವೆಂದು ಪರಿಗಣಿಸಲ್ಪಟ್ಟಿದೆ. ಮುಂಬೈಗೆ, ಗೃಹ ಸಾಲದ EMI ಗೆ ಆದಾಯದ ಅನುಪಾತವು 55% ಆಗಿದೆ. ಅಂದರೆ ಸರಾಸರಿ ಕುಟುಂಬವು ಸಾಲದ ಮೇಲೆ ಮನೆಯನ್ನು ಪಡೆಯಬೇಕಾದರೆ ಗೃಹ ಸಾಲ EMI ಗಳಲ್ಲಿ ತನ್ನ ಆದಾಯದ ಅರ್ಧಕ್ಕಿಂತ ಹೆಚ್ಚಿನದನ್ನು ಪಾವತಿಸಬೇಕಾಗುತ್ತದೆ. ಮುಂದೆ, ಹೈದರಾಬಾದ್ 31% ರ EMI ಟು ಆದಾಯ ಅನುಪಾತದೊಂದಿಗೆ 2ನೇ ಅತ್ಯಂತ ದುಬಾರಿ ನಗರ (Costly City)ವಾಗಿದೆ.
ಮೂರನೇ ಸ್ಥಾನದಲ್ಲಿ ದೆಹಲಿಯಿದೆ. ದೆಹಲಿ ರಾಷ್ಟ್ರೀಯ ರಾಜಧಾನಿಯಾಗಿದ್ದು, ಇಲ್ಲಿ ನಿಮ್ಮ ಆದಾಯದ 30%ನ್ನು ಹೋಮ್ ಲೋನ್ EMIಗಳಿಗಾಗಿ ಬಳಸಬೇಕಾಗಿ ಬರುತ್ತದೆ ಎಂದು ತಿಳಿಸಲಾಗಿದೆ. ತಮಿಳುನಾಡಿನ ಚೆನ್ನೈ 28% ರ EMI-ಟು-ಆದಾಯ ಅನುಪಾತದೊಂದಿಗೆ ನಂತರದ ಸ್ಥಾನದಲ್ಲಿದೆ. ಮುಂದೆ, 5ನೇ ಸ್ಥಾನದಲ್ಲಿ, ಮಹಾರಾಷ್ಟ್ರದ ಪುಣೆ, ಅಲ್ಲಿ ಸರಾಸರಿ ಕುಟುಂಬವು ತಮ್ಮ ಆದಾಯದ 26% ಅನ್ನು ಹೋಮ್ ಲೋನ್ EMI ಗಳಲ್ಲಿ ಪಾವತಿಸಬೇಕಾಗುತ್ತದೆ. ಪಶ್ಚಿಮಬಂಗಾಳ ನಂತರದ ಸ್ಥಾನದಲ್ಲಿದೆ.
ಕಡಿಮೆ ಕೆಲಸ, ಲಕ್ಷಾಂತರ ರೂಪಾಯಿ ಸಂಬಳ ಬೇಕೆ? ಇಲ್ಲಿದೆ ಅಂತಹ ಕೆಲಸ
ವಾಸಿಸಲು ಯೋಗ್ಯವಾದ ನಗರ ಯಾವುದು?
ಇದರಲ್ಲಿ ಪ್ರಮುಖ ಆಸ್ತಿ ಸಲಹೆಗಾರರಾದ ನೈಟ್ ಫ್ರಾಂಕ್ ಇಂಡಿಯಾ ಬಿಡುಗಡೆ ಮಾಡಿರುವ ಹೊಸ ವರದಿಯ ಪ್ರಕಾರ ಅಹಮದಾಬಾದ್ ವಾಸಿಸಲು ಅತ್ಯಂತ ಕೈಗೆಟುಕುವ ಭಾರತೀಯ ನಗರವಾಗಿದೆ. ಗುಜರಾತ್‌ನ ಅಹಮದಾಬಾದ್‌ನಲ್ಲಿ ವಾಸಿಸಲು ಅತ್ಯಂತ ಒಳ್ಳೆ ಭಾರತೀಯ ನಗರವಾಗಿದ್ದು, ಅಲ್ಲಿ ಸರಾಸರಿ ಕುಟುಂಬವು ತನ್ನ ಆದಾಯದ 23% ಅನ್ನು ಗೃಹ ಸಾಲ EMIಗಳಿಗೆ ಪಾವತಿಸಬೇಕಾಗುತ್ತದೆ. ಈ ಸೂಚ್ಯಂಕವು 20 ವರ್ಷಗಳ ಸಾಲದ ಅವಧಿಯನ್ನು ಊಹಿಸಿದೆ, ಸಾಲದ ಮೌಲ್ಯದ ಅನುಪಾತವು 80% ಮತ್ತು ನಗರಗಳಾದ್ಯಂತ ಸ್ಥಿರವಾದ ಮನೆ ಗಾತ್ರವನ್ನು ಹೊಂದಿದೆ.
ಬೆಂಗಳೂರಿಗೆ ಎಷ್ಟನೇ ಸ್ಥಾನ
ಅಹಮದಾಬಾದ್ ನಂತರ ಪುಣೆ ಮತ್ತು ಕೋಲ್ಕತ್ತಾವು 26% ರ ಅನುಪಾತವನ್ನು ಹೊಂದಿದೆ. ಆ ನಂತರ ಚೆನ್ನೈ, ಬೆಂಗಳೂರು, ಎನ್‌ಸಿಆರ್ ಮತ್ತು ಹೈದರಾಬಾದ್ ಸ್ಥಾನವನ್ನು ಪಡೆದುಕೊಂಡಿದೆ.
