ಮುಟ್ಟಾದಾಗ ಮಹಿಳೆಯರು ಸ್ವಿಮ್ ಮಾಡ್ಬಹುದಾ?
ಮುಟ್ಟು ಹೆಣ್ತನದ ಪ್ರತೀಕ. ಕೆಲವೊಮ್ಮೆ ಅಲ್ಲಿ ಇಲ್ಲಿ ನೋವು ಕಾಣಿಸಿಕೊಳ್ಳುವುದು ಹೌದಾದರೂ, ಇದು ಮಹಿಳೆಗೆ ನಿಸರ್ಗ ಕರುಣಿಸಿದ ವರ. ಈ ಸಂದರ್ಭದಲ್ಲಿ ಯಾವ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು?
ಮಹಿಳೆಯರಿಗೆ ಪ್ರತಿ ತಿಂಗಳು ಉಂಟಾಗುವ ಋತುಸ್ರಾವದ ಸಂದರ್ಭದಲ್ಲಿ ಹೊಟ್ಟೆ ನೋವು, ಇನ್ಫೆಕ್ಷನ್, ಬೆನ್ನು ನೋವು ಮೊದಲಾದ ಸಮಸ್ಯೆಗಳು ಕಾಡುತ್ತವೆ. ಈ ಸಂದರ್ಭದಲ್ಲಿ ಮಹಿಳೆಯರ ತುಂಬಾ ಹೈಜಿನ್ ಆಗಿರುವುದು ಮುಖ್ಯ. ಈ ಕೆಳಗಿನ ವಿಷಯಗಳ ಬಗ್ಗೆ ಗಮನ ಹರಿಸಿದರೆ ಉತ್ತಮ...
- ಋತುಸ್ರಾವದ ಸ೦ದರ್ಭದಲ್ಲಿ ಸ್ವಿಮ್ಮಿಂಗ್ ಮಾಡಿದರೆ ಓಕೆ. ಆದರೆ, ಟ್ಯಾಂಪೂನ್ ಬಳಸಿದ್ದರೆ ಸೇಫ್.
- ಋತುಸ್ರಾವದ ಸಂದರ್ಭದಲ್ಲಿ ಮೂಡ್ ಸ್ವಿಂಗ್ ಆಗುವುದು ಸಾಮಾನ್ಯ. ಈ ಸಮಯದಲ್ಲಿ ಸ್ಟ್ರೆಸ್, ಖಿನ್ನತೆ, ಮೊದಲಾದ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಹಾರ್ಮೋನ್ ಬದಲಾವಣೆಯಿಂದಾಗು ಈ ಸಮಸ್ಯೆಯನ್ನು ಪ್ರಿ ಮೆನ್ಸ್ಟ್ರುಯಲ್ ಸಿಂಡ್ರೋಮ್ ಎನ್ನುತ್ತಾರೆ. ಇದರೆಡೆಗೆ ಗಮನವಿರಲಿ.
- ಪಿರಿಯಡ್ಸ್ ಆಗುವ ಮುನ್ನ ಹಾಗೂ ನ೦ತರ ಬಿಳಿ ದ್ರವ ಸ್ರವಿಸುವುದೂ ಕಾಮನ್. ಓವುಲೇಶನ್ ಸ೦ದರ್ಭದಲ್ಲಿ ಹೀಗಾಗುತ್ತದೆ. ಸುಖಾ ಸುಮ್ನೆ ಭಯ ಬೇಡ.
- ಕೆಲವೊಮ್ಮೆ ಪಿರಿಯಡ್ಸ್ ಬೇಗ ಆಗುತ್ತದೆ, ಇನ್ನು ಕೆಲವೊಮ್ಮೆ ಒತ್ತಡ, ಬದಲಾದ ಜೀವನ ಶೈಲಿಯಿಂದ ತಡವಾಗುತ್ತದೆ. ಅದಕ್ಕಾಗಿ ಟೆನ್ಶನ್ ಬೇಡ.
- ಕೆಲವರಿಗೆ ಈ ಸಮಯದಲ್ಲಿ ವಿಪರೀತ ಹೊಟ್ಟೆ, ಬೆನ್ನು ನೋವಿನೊಂದಿಗೆ ವಾಂತಿಯಾಗುತ್ತದೆ. ಒಂದೆರಡು ದಿನದಲ್ಲಿ ಇದು ಕಡಿಮೆಯಾಗುತ್ತದೆ. ಒಂದು ವೇಳೆ ವಿಪರೀತವಾಗಿದೆ ಎಂದೆನಿಸಿದರೆ ವೈದ್ಯರನ್ನು ನೋಡಿ.
ಮಗಳಿಗೆ ಮಾತ್ರವಲ್ಲ, ಮಗನಿಗೂ ಗೊತ್ತಿರಲಿ ಮುಟ್ಟಿನ ಗುಟ್ಟು!
ಯಾವ ಆಹಾರ ಬೇಡ?
- ಚಾಕೋಲೇಟ್‌, ಕೆಫೆನೇಟೆಡ್‌ ಸೋಡಾ, ಟೀ ಮತ್ತು ಕಾಫಿಯಂತಹ ಕೆಫೆನ್‌ಯುಕ್ತ ಆಹಾರಗಳಿಂದ ದೂರವಿರಿ.
- ಹೆಚ್ಚು ಮಸಾಲೆ ಪದಾರ್ಥಗಳ ಸೇವನೆಯಿಂದ ಸಮಸ್ಯೆ ಹೆಚ್ಚುತ್ತದೆ.
- ಕೊಬ್ಬಿನಾಂಶ ಹೊಂದಿರುವ ಆಹಾರ ಹಾಗೂ ಎಣ್ಣೆಯಲ್ಲಿ ಕರಿದ ಪದಾರ್ಥ ಬೇಡ.
- ರೆಡ್ ಮೀಟ್ ಸೇವಿಸಬೇಡಿ.
- ಫಾಸ್ಟ್ ಫುಡ್ ಸೇವನೆಗೆ ಕಡಿವಾಣ ಹಾಕಿ.
- ಚೀಸ್, ಕ್ರೀಮ್ ಮೊದಲಾದ ಡೈರಿ ಉತ್ಪನ್ನಗಳನ್ನು ಅವಾಯ್ಡ್ ಮಾಡಿ.
ಪಿರಿಯಡ್ಸ್ ಬಗ್ಗೆ ಹೆಣ್ಣಿಗಿರಲಿ ಹೆಮ್ಮೆ
ಯಾವ ಆಹಾರ ಸೇವನೆ ಉತ್ತಮ :
- ಹೆಚ್ಚು ಹೆಚ್ಚು ನೀರು ಕುಡಿಯಿರಿ. ಇದರಿಂದ ದೇಹ ಹೈಡ್ರೇಟ್ ಆಗಿರುತ್ತದೆ.
- ಒಮೇಗಾ 3 ಫ್ಯಾಟಿ ಆ್ಯಸಿಡ್ ಹೊಂದಿರುವ ಆಹಾರಗಳಾದ ಸಲ್ಮಾನ್‌ ಫಿಶ್‌, ಟುನಾ, ವಾಲ್‌ನಟ್‌ ಮತ್ತು ಫ್ಲ್ಯಾಕ್ಸ್‌ ಸೀಡ್ಸ್‌ ಸೇವಿಸಿ.
- ತಾಜಾ ಹಣ್ಣುಗಳ ಜ್ಯೂಸ್ ಕುಡಿಯಿರಿ.
- ಕ್ಯಾಲ್ಸಿಯಂ ಮತ್ತು ಮೆಗ್ನೀಷಿಯಂ ಹೊಂದಿರುವ ಆಹಾರಗಳೂ ಡಯಟ್ಟಲ್ಲಿರಲಿ.
- ಸಾಧ್ಯವಾದಷ್ಟು ಹೆಲ್ದಿ ಆಹಾರಗಳನ್ನು ಸೇವಿಸಿ.
- ವಿಟಾಮಿನ್‌ ಸಿ ಹೆಚ್ಚಾಗಿರುವ ಹಸಿರು ತರಕಾರಿಗಳು, ಟೊಮ್ಯಾಟೊ, ಕಿತ್ತಳೆ ಹಣ್ಣು, ನಿಂಬೆ ಹಣ್ಣು, ಸ್ಟ್ರಾಬೆರಿ ತಿನ್ನಿ.
