ಎಣ್ಣೆ ಮುಖ ಎಂದಾಕ್ಷಣ ಗ್ಲೂ ಮಾತ್ರ ಜ್ಞಾಪಕ ಬರುತ್ತದೆ. ಆದರೆ ಕೆಲವರಿಗೆ ಮುಖದ ತುಂಬಾ ಮೊಡವೆಯೂ ಮೂಡುತ್ತದೆ. ಇಂಥತೊಂದರೆಗಳನ್ನು ತಡೆಯೋಕೆ ಈ ಮಿಲ್ತಾನಿ ಮಿಟ್ಟಿ ಎಂಬ ದಿವ್ಯೌಷಧಿಯೊಂದು ಇದೆ ಗೊತ್ತಾ?

ಮುಲ್ತಾನಿ ಮಿಟ್ಟಿಯಿಂದ ಮುಖದಲ್ಲಿರುವ ಅಧಿಕ ತೈಲಾಂಶ ಹಾಗೂ ಮೃತ ಚರ್ಮ ನಶಿಸಿ ಹೋಗುತ್ತವೆ. ಇದು ಚರ್ಮವನ್ನು ಕ್ಲೀಯರ್ ಆ್ಯಂಡ್ ಗ್ಲೋ ಆಗುವಂತೆ ಮಾಡುವಲ್ಲಿ ಯಶಸ್ವಿಯಾಗುತ್ತದೆ. ಇಂಥ ಔಷಧಿಯನ್ನು ಬಳಸುವುದು ಹೇಗೆ?

  • ಮುಲ್ತಾನಿ ಮಿಟ್ಟಿಯೊಂದು ನೈಸರ್ಗಿಕ ಮಣ್ಣು. ಇದರಲ್ಲಿ ಜಿಂಕ್, ಸಿಲಿಕಾ, ಐರನ್ ಹಾಗೂ ಮೇಗ್ನೀಷಿಯಂ ಅಂಶಗಳಿದ್ದು, ಯಾವುದೇ ರೀತಿಯ ನೆಗೆಟಿವ್ ಎಫೆಕ್ಟ್ ಬೀರುವುದಿಲ್ಲ. ಅಷ್ಟೇ ಅಲ್ಲದೇ ಸುಕ್ಕಾಗಿರುವ ಚರ್ಮವನ್ನು ಬಿಗಿ ಮಾಡುತ್ತದೆ. 
  • ಮುಲ್ತಾನಿ ಮಿಟ್ಟಿಯನ್ನು ಟೋಮ್ಯಾಟೊ, ರೋಸ್ ವಾಟರ್, ಮೊಸರು, ಗಂಧದ ಪುಡಿ ಹಾಗೂ ಅರಿಶಿಣದೊಂದಿಗೆ ಬೆರಿಸಿ ಹಚ್ಚಿದರೆ ಮುಖದ ಕಾಂತಿ ಹೆಚ್ಚುತ್ತದೆ. 

ಚೆಂದ ಇಲ್ಲದಿದ್ದರೇನು? ಚೆಂದ ಕಾಣಲು ಇಲ್ಲಿವೆ ಟಿಪ್ಸ್...

ಹೇಗೆ ಹಚ್ಚಿಕೊಳ್ಳಬೇಕು?

  • ಟೊಮ್ಯಾಟೋ ಮುಲ್ತಾನಿ ಮಿಟ್ಟಿ: 2 ಚಮಚ ಮುಲ್ತಾನಿ ಮಿಟ್ಟಿ, 1 ಟೊಮ್ಯಾಟೊ (ಬೀಜಾ ತೆಗೆದು ಹಿಸುಕಿದ್ದು) ಹಾಗೂ 1 ಚಮಚ ನಿಂಬೆ ರಸವನ್ನು ಸೇರಿಸಿಕೊಂಡು ಪೇಸ್ಟ್ ಮಾಡಿಕೊಳ್ಳಬೇಕು. ಇದನ್ನು ಮುಖಕ್ಕೆ ಹಚ್ಚಿಕೊಂಡು 30-40 ನಿಮಿಷ ನಂತರ ಬೆಚ್ಚಗಿನ ನೀರಿನಲ್ಲಿ ತೊಳೆಯಬೇಕು. ಇದನ್ನು ವಾರಕ್ಕೊಂದೆರಡು ಸಲ ಮಾಡಿದರೆ ಎಫೆಕ್ಟ್ ಗೊತ್ತಾಗುತ್ತದೆ. 
  • 1 ಚಮಚ ಮುಲ್ತಾನಿ ಮಿಟ್ಟಿ, 2 ಚಮಚ ಗುಲಾಬಿ ವಾಟರ್ ಹಾಗೂ ನೀರು ಸೇರಿಸಿದ ಪೇಸ್ಟನ್ನು ಮುಖಕ್ಕೆ ಹಂಚಿಕೊಂಡು 30 ನಿಮಿಷಗಳ ನಂತರ ತೊಳೆಯಬೇಕು. ಇದನ್ನು ವಾರಕ್ಕೊಂದು ಸಲವಾದರೂ ಮಾಡಬೇಕು.
  • 1 ಚಮಚ ಮೊಸರು ಹಾಗು 1 ಚಮಚ ಮುಲ್ತಾನಿ ಮಿಟ್ಟಿ ಸೇರಿಸಿದ್ದನ್ನು ಮುಖಕ್ಕೆ ಹಚ್ಚಿ. 15-20 ನಿಮಿಷಗಳ ನಂತರ ತಣ್ಣಗಿರುವ ನೀರಿನಲ್ಲಿ ತೊಳೆಯಬೇಕು. ಇದನ್ನು ಮಾತ್ರ ವಾರದಲ್ಲಿ ಮೂರ್ನಾಲ್ಕು ಸಲ ಬಳಸಬಹುದು. 
  • 1 ಚಮಚ ಮುಲ್ತಾನಿ ಮಿಟ್ಟಿ, 1 ಚಮಚ ಗಂಧದ ಪುಡಿ ಹಾಗೂ ನೀರು ಸೇರಿಸಿದ ಪೇಸ್ಟನ್ನು ಮುಖಕ್ಕೆ ಹಂಚಿಕೊಳ್ಳಬೇಕು. ಇದನ್ನು 15-20 ನಿಮಿಷಗಳು ಮಾತ್ರ ಇಟ್ಟಿಕೊಳ್ಳಬೇಕು ಹಾಗೂ ವಾರದಲ್ಲಿ 2 ಸಲ ಬಳಸಿದರೆ ಮುಖ ಹೊಳೆಯುವುದು ಗ್ಯಾರಂಟಿ.
  • ಅರ್ಧ ಚಮಚ ಕಸ್ತೂರಿ ಅರಿಶಿಣ, 1 ಚಮಚ ಮುಲ್ತಾನಿ ಮಿಟ್ಟಿ ಹಾಗೂ ನೀರು. ಇದನ್ನು ವಾರಕ್ಕೆ ಮೂರು ಸಲ ಬಳಸಬಹುದಾದರೂ ಕೇವಲ 20-30 ನಿಮಿಷಗಳ ಮಾತ್ರ ಒಣಗಲು ಬಿಡಬೇಕು. ಇಲ್ಲದಿದ್ದರೆ ಮುಖ ಡ್ರೈ ಆಗುತ್ತದೆ.

ಚಂದ ಕಾಣಬೇಕು ಅಂತಿರೋರಿಗೆ ಮಾತ್ರ