ನಿಮಗೆ ಭಯಾನಕ ತಾಣಗಳು ಎಂದರೆ ಇಷ್ಟ ಹಾಗೂ ಐಲ್ಯಾಂಡ್ ಅಂದ್ರೆ ತುಂಬಾನೇ ಇಷ್ಟ ಎಂದಾದರೆ ದೂರದ ಇಟೆಲಿಯಲ್ಲೊಂದು ದ್ವೀಪವಿದೆ. ಅಲ್ಲಿಗೆ ಹೋಗಬಹುದು. ವಿಷ್ಯ ಏನಂದ್ರೆ ಆ ತಾಣ ಒಂದು ನಿಗೂಢ, ರಹಸ್ಯದಿಂದ ಕೂಡಿದೆ. ಅಲ್ಲಿ ಹೋಗಲು ಜನ ಭಯ ಪಡುತ್ತಾರೆ. ಕಾರಣ ಅಲ್ಲಿಗೆ ಹೋದವರು ಹಿಂದಿರುಗಿ ಬಂದ ಉದಾಹರಣೆಗಳೇ ಇಲ್ಲವಂತೆ. ಅಷ್ಟಕ್ಕೂ ಈ ದ್ವೀಪ ಎಲ್ಲಿದೆ? ಅದರ ಕತೆ ಏನು ನೋಡೋಣ... 

ಇಟಲಿಯ ಈ ಭಯಾನಕ ದ್ವೀಪದ ಹೆಸರು ಪೊವೆಗಲಿಯಾ.  ಈ ಐಲ್ಯಾಂಡ್‌ ಸದ್ಯ ಜನರ ಸಂಪರ್ಕವೇ ಇಲ್ಲದೆ ಕೇವಲ ಭಯಾನಕ ತಾಣವಾಗಿ ಉಳಿದಿದೆ. ಈ ಐಲ್ಯಾಂಡ್‌ನಲ್ಲಿ ಜನರು ಕಿರುಚಾಡುವ ಶಬ್ಧ ಕೇಳಿಸುತ್ತದೆ. ಕೆಲವು ವರ್ಷಗಳ ಹಿಂದಿನವರೆಗೂ ಈ ತಾಣಕ್ಕೆ ಜನರು ರಜೆ ಮಜಾ ಅನುಭವಿಸಲು ಬರುತ್ತಿದ್ದರು. ಆದರೆ ಇಂದು ಅದೆಲ್ಲಾ ಬದಲಾಗಿದೆ. ಇಂದು ಅಲ್ಲಿ ಕೇವಲ ನಿಶ್ಯಬ್ಧ, ಭಯಾನಕ ನೀರವತೆ ತಾಂಡವವಾಡುತ್ತಿದೆ.

ಅಮಾವಾಸ್ಯೆಯಂದು ಈ ಕೋಟೆಯಿಂದ ಕೇಳಿ ಬರುತ್ತೆ ವಿಚಿತ್ರ ಕೂಗು!

ಈ ಐಲ್ಯಾಂಡ್‌ನ ಇತಿಹಾಸವನ್ನು ಕೆದಕಿದಾಗ ಈ ಸುಂದರ ತಾಣ ಭಯಾನಕದ ಹಿಂದಿನ ಕಹಿ ಸತ್ಯದ ಬಗ್ಗೆ ಮಾಹಿತಿ ಸಿಗುತ್ತದೆ. ಹಿಂದೆ ಈ ದ್ವೀಪದಲ್ಲಿ ಸಾವಿರಾರು ಜನರನ್ನು ಜೀವಂತವಾಗಿ ಸುಡಲಾಗಿತ್ತು. ಆ ಸಮಯದಲ್ಲಿ ಈ ಐಲ್ಯಾಂಡ್‌ಗೆ ಪ್ರವಾಸಕ್ಕೆ ತೆರಳುತ್ತಿದ್ದ ಜನರು ಮತ್ತೆ ಹಿಂದಿರುಗಿ ಬಂದ ವರದಿಯೇ ಇಲ್ಲ. ಈ ಭಯಾನಕ ಐಲ್ಯಾಂಡ್‌ಗೆ ತೆರಳಲು ಪ್ರತಿಯೊಬ್ಬರೂ ಹೆದರುತ್ತಾರೆ. 

ದೊಡ್ಡ ಕಾಯಿಲೆಯಂದೇ ಪರಿಗಣಿಸಲಾಗುತ್ತಿದ್ದ ಪ್ಲೇಗಿಗೆ ಔಷಧಿಯೇ ಇಲ್ಲದ ಕಾಲದಲ್ಲಿ ರೋಗ ಪೀಡಿತರನ್ನು ಈ ದ್ವೀಪಕ್ಕೆ ತಂದು ಬಿಡುತ್ತಿದ್ದರಂತೆ. ರೋಗದಿಂದ ಅಸುನೀಗುತ್ತಿದ್ದವರನ್ನು ಇಲ್ಲಿಯೇ ಸುಡಲಾಗುತ್ತಿತ್ತು. ಇಲ್ಲಿ ಹಲವು ಹೆಣಗಳು ತುಂಬಿಕೊಂಡ ಕಾರಣ ಅಲ್ಲಿನ ಜನರಿಗೆ ಲೀಶ್ಮೇನಿಯಾಸಿಸ್ ಎಂಬ ಜ್ವರ ಹರಡಿತ್ತು. ಈ ರೋಗ ಮುಂದೆ ಯಾರಿಗೂ ಹರಡಬಾರದು ಎಂಬ ಕಾರಣದಿಂದಾಗಿ ಒಂದು ಲಕ್ಷದ 60 ಸಾವಿರ ರೋಗಿಗಳನ್ನು ಜೀವಂತವಾಗಿ ಸುಡಲಾಯಿತಂತೆ ಇಲ್ಲಿ! ಆ ದ್ವೀಪಕ್ಕೆ ಜನರು ಹೋಗುವುದನ್ನೇ ಕಡಿಮೆ ಮಾಡಿದ್ದು, ನಂತರ ದ್ವೀಪ ಖಾಲಿಯಾಗಿಯೇ ಉಳಿದಿದೆ. 

ನರಕ ಹೇಗಿರುತ್ತೆ? ಇಲ್ಲಿಗೆ ವಿಸಿಟ್ ಮಾಡಿದ್ರೆ ಗೊತ್ತಾಗುತ್ತೆ....

ಕೆಲವು ಸಮಯದ ನಂತರ ಈ ಐಲ್ಯಾಂಡ್‌ಗೆ ಹೋಗುವ ಜನರಿಗೆ ಭೂತ ಕಾಣಲು ಆರಂಭವಾಯಿತು. ಆದರೆ ಇದು ಅವರ ಭ್ರಮೆ ಎಂದು ಹೇಳಲಾಗುತ್ತದೆ. ಈ ಕಾರಣದಿಂದಾಗಿ 1922ರಲ್ಲಿ ಅಲ್ಲಿ ಮೆಂಟಲ್‌ ಆಸ್ಪತ್ರೆಯೊಂದನ್ನು ತೆರೆಯಲಾಯಿತು. ಆದರೆ ಈ ಆಸ್ಪತ್ರೆಯಲ್ಲಿ ದಾಖಲಾದ ರೋಗಿಗಳಿಗೂ ಮೃತರ ಭೂತ ಕಾಣಿಸತೊಡಗಿತು. ಅಷ್ಟೇ ಅಲ್ಲ, ಅಲ್ಲಿ ನರ್ಸ್‌ ಮತ್ತು ವೈದ್ಯರಿಗೂ ಹಲವು  ಚಿತ್ರ ವಿಚಿತ್ರ ಅನುಭವವಾಗತೊಡಗಿತು. ಇದರಿಂದ  ಹಲವು ವರ್ಷಗಳ ನಂತರ ಆ ಆಸ್ಪತ್ರೆಯನ್ನೇ ಮುಚ್ಚಲಾಯಿತು. ಅಂದಿನಿಂದ ಈ ದ್ವೀಪಕ್ಕೆ ಯಾರೂ ಹೋಗೋದೇ ಇಲ್ಲ.