ಮಗನೊಬ್ಬ Prank ವಿಡಿಯೋ ಮಾಡುವ ಭರದಲ್ಲಿ ಮಗನೊಬ್ಬ ತನ್ನ ಕೋಪಿಷ್ಟ ತಂದೆಯನ್ನು ಕೆರಳಿಸಿದ್ದು, ಇದಕ್ಕೆ ಉತ್ತರ ಎಂಬಂತೆ ಮಗನ ನಿರೀಕ್ಷೆಯನ್ನು ಮೀರಿಸಿ ತಂದೆ ರಿಯಾಕ್ಟ್ ಮಾಡಿದ್ದಾರೆ. ತಂದೆಯಿಂದ ಒದೆ ತಿಂದ ಮಗ ಕೋಪ ಕಂಡು ಬೆಚ್ಚಿ ಬಿದ್ದಿದ್ದಾನೆ.

ವಿಡಿಯೋದಲ್ಲಿ ಮಗ ತನ್ನ ತಂದೆಯ ಕೋಪವನ್ನು ಪರೀಕ್ಷಿಸಲು 'ನನ್ನ ಗರ್ಲ್ ಫ್ರೆಂಡ್ ಗರ್ಭಿಣಿಯಾಗಿದ್ದಾಳೆ, ದಯವಿಟ್ಟು ಈ ವಿಷಯವನ್ನು ಅಮ್ಮನಿಗೆ ತಿಳಿಸಬೇಡಿ' ಎನ್ನುತ್ತಾನೆ. ಇದನ್ನು ಕೇಳಿ ಕೆಂಡಾಮಂಡಲವಾದ ತಂದೆ ಹಿಂದೆ ಮುಂದೆ ಮಗನಿಗೆ ಹೊಡೆಯಲಾರಂಭಿಸುತ್ತಾರೆ.

ತಂದೆಯ ಕೋಪ ನೋಡಿದ್ದ ಮಗ ತನ್ನ ತಂದೆ ಹೀಗೆ ರಿಯಾಕ್ಟ್ ಮಾಡುತ್ತಾರೆ ಎಂಬ ಊಹೆ ಮಾಡಿರುವುದಿಲ್ಲ. ಕೊನೆಗೆ ತಂದೆಯ ಹೊಡೆತದ ನೋವು ತಡೆಯಲಾಗದೆ ಇದೆಲ್ಲಾ ಸುಳ್ಳು, Prank ವಿಡಿಯೋ ಮಾಡಲು ತಾನು ಹೀಗೆ ಹೇಳಿದೆ ಎಂದು ನಿಜ ವಿಷಯವನ್ನು ಬಾಯ್ಬಿಡುತ್ತಾನೆ. ಕೋಪಿಷ್ಟ ತಂದೆಗೆ ಮಗನ ಉದ್ಧಟತನದಿಂದ ಇನ್ನೂ ಕೋಪ ಕೆರಳಿ ಮತ್ತೆರಡು ಏಟು ಕೊಡುತ್ತಾರೆ. ಪಾಪ ಮಗ ತಮಾಷೆ ಮಾಡುವ ಭರಾಟೆಯಲ್ಲಿ ತಂದೆಯ ರಿಯಾಕ್ಷನ್ ಕಂಡು ತಾನೇ ಶಾಕ್ ಆಗುತ್ತಾನೆ.