ಮತದಾನ ಹೆಚ್ಚಿಸಲು ತಂತ್ರ: ಚುನಾವಣಾ ಕಚೇರಿಗೆ ವರ್ಣರಂಜಿತ ಮೇಕ್ ಓವರ್ ನೀಡಿದ ಮಂಗಳಮುಖಿಯರು
ಟ್ರಾನ್ಸ್‌ಜೆಂಡರ್ ಸಮುದಾಯದ ಸದಸ್ಯರನ್ನು ಒಳಗೊಂಡಿರುವ ಅರವಾಣಿ ಆರ್ಟ್ ಪ್ರಾಜೆಕ್ಟ್‌ನ ಕಲಾವಿದರು ಅಂತರ್ಗತ ಪ್ರಜಾಪ್ರಭುತ್ವ, ರೋಮಾಂಚಕ ಯುವ ಜನಸಂಖ್ಯೆ, ಚುನಾವಣಾ ಹಬ್ಬ ಮತ್ತು ಸಾಂವಿಧಾನಿಕ ಹಕ್ಕುಗಳ ವಿಷಯಗಳ ಆಧಾರದ ಮೇಲೆ ಕಟ್ಟಡಕ್ಕೆ ಬಣ್ಣ ಬಳಿದಿದ್ದಾರೆ. ಅವರು ಈಗ ಬೆಂಗಳೂರಲ್ಲಿ ಮೆಟ್ರೋ ಪಿಲ್ಲರ್‌ಗಳು, ಸರ್ಕಾರಿ ಕಚೇರಿ ಕಟ್ಟಡಗಳ ಗೋಡೆಗಳು ಮತ್ತು ಇತರ ಸಾರ್ವಜನಿಕ ಸ್ಥಳಗಳಿಗೆ ಬಣ್ಣ ಬಳಿಯುತ್ತಿದ್ದಾರೆ ಎಂದು ರಾಜ್ಯದ ಮುಖ್ಯ ಚುನಾವಣಾಧಿಕಾರಿ ಮನೋಜ್ ಕುಮಾರ್ ಮೀನಾ ಹೇಳಿದರು.
Followಬೆಂಗಳೂರು (ಏಪ್ರಿಲ್ 20, 2023): ಕರ್ನಾಟಕ ವಿಧಾನಸಭೆ ಚುನಾವಣೆ ಹತ್ತಿರ ಆಗ್ತಿದ್ದು, ಮತದಾನಕ್ಕೆ ಸುಮಾರು 20 ದಿನ ಬಾಕಿ ಇದೆ. ಈ ಹಿನ್ನೆಲೆ ರಾಜ್ಯ ರಾಜಧಾನಿ ಬೆಂಗಳೂರು ಮತ್ತು ಕರ್ನಾಟಕದ ಇತರ ನಗರಗಳಲ್ಲಿ ಮತದಾನದ ಶೇಕಡಾವಾರು ಪ್ರಮಾಣವನ್ನು ಹೆಚ್ಚಿಸಲು ಭಾರತೀಯ ಚುನಾವಣಾ ಆಯೋಗವು (ಇಸಿಐ) ನಾನಾ ಕಸರತ್ತುಗಳನ್ನು ಮಾಡ್ತಿದೆ.
ಮೊದಲ ಬಾರಿಗೆ ಮತ ಹಾಕಲು ಅರ್ಹತೆ ಪಡೆದಿರೋ ಮತದಾರರು ಮತ್ತು ಯುವಕರೊಂದಿಗೆ ಭಾರತೀಯ ಚುನಾವಣಾ ಆಯೋಗ ಸಂಪರ್ಕ ಸಾಧಿಸಿದೆ. ECI ಮತ್ತು ಅದರ ಅಂಗಸಂಸ್ಥೆಗಳು ಸ್ಯಾಂಡಲ್‌ವುಡ್‌ನ ಕಲಾವಿದರು, ನಟರು, ಸಂಗೀತಗಾರರು ಮತ್ತು ಟೆಕ್ಕಿಗಳ ಮೂಲಕ ಮತದಾನದ ಪ್ರಮಾಣ ಹೆಚ್ಚು ಮಾಡಲು ಯತ್ನ ನಡೆಸಲಾಗ್ತಿದೆ. ಈ ಮೂಲಕ ಚುನಾವಣಾ ಆಯೋಗ ತಮ್ಮ ಪ್ರಯತ್ನಗಳಿಗೆ ವರ್ಣರಂಜಿತ ಸ್ಪರ್ಶವನ್ನು ನೀಡಿವೆ.
ಇದನ್ನು ಓದಿ: ಮೇ 10 ರಂದು ಕರ್ನಾಟಕ ವಿಧಾನಸಭೆ ಚುನಾವಣೆಗೆ ಮತದಾನ, 13ಕ್ಕೆ ಮತ ಎಣಿಕೆ: ಚುನಾವಣಾ ಆಯೋಗ ಘೋಷಣೆ
"ತಂತ್ರಜ್ಞಾನದಿಂದ ಕಲೆ ಮತ್ತು ಮನರಂಜನೆಯವರೆಗೆ, ನಾವು (ECI) ಮೊದಲ ಬಾರಿಗೆ ಮತದಾರರು ಮತ್ತು ಮತದಾರರ ಪ್ರಮುಖ ಭಾಗವಾಗಿರುವ ಆಧುನಿಕ ಯುವಕರೊಂದಿಗೆ ಸಂಪರ್ಕ ಸಾಧಿಸಲು ಸಾಧ್ಯವಿರುವ ಎಲ್ಲ ಮಾರ್ಗಗಳನ್ನು ಅನ್ವೇಷಿಸುತ್ತಿದ್ದೇವೆ" ಎಂದು ರಾಜ್ಯ ಚುನಾವಣಾ ಆಯೋಗ ವಿಭಾಗದ ಐಟಿ, ಮಾಧ್ಯಮ ಮತ್ತು SVEEP ನ ವಿಶೇಷ ಅಧಿಕಾರಿ ಸೂರ್ಯ ಸೇನ್ ಹೇಳಿದರು.
ಮತದಾರರ ಗರಿಷ್ಠ ಮತ್ತು ತೊಂದರೆ-ಮುಕ್ತ ನೋಂದಣಿಯನ್ನು ಸಾಧಿಸುವ ಚುನಾವಣಾ ಆಯೋಗದ ಮಾರ್ಗದಲ್ಲಿ ಬಂದಿರುವ ಕೆಲವು ಸಮಸ್ಯೆಗಳನ್ನು ಪರಿಹರಿಸಲು ತಮ್ಮ ಆಲೋಚನೆಗಳು ಮತ್ತು ಪರಿಹಾರಗಳನ್ನು ಪ್ರಸ್ತಾಪಿಸಲು ಟೆಕ್-ಚಾಲಿತ ಯುವಕರಿಗೆ ಪರಿಪೂರ್ಣ ವೇದಿಕೆಯೊಂದನ್ನೂ ನೀಡಿದೆ. ಈ ಹಿನ್ನೆಲೆ Electhon-23 ಎಂಬ 2 ದಿನಗಳ ಕಾಲ ನಡೆದ ಆಫ್‌ಲೈನ್ ಹ್ಯಾಕಥಾನ್ ನಡೆಸಿತ್ತು.
ಇದನ್ನೂ ಓದಿ: ಬೆಂಗಳೂರಲ್ಲಿ ಮತದಾನ ಪ್ರಮಾಣ ಹೆಚ್ಚಿಸಲು ಚುನಾವಣಾ ಆಯೋಗ ಪ್ಲ್ಯಾನ್‌ ಹೀಗಿದೆ ನೋಡಿ..
ಅಂತೆಯೇ, ಹೊಸ ಕಟ್ಟಡಕ್ಕೆ ಸ್ಥಳಾಂತರಗೊಳ್ಳುವ ಮೂಲಕ, ಸಿಇಒ ಕಚೇರಿಯು ಸಂಪೂರ್ಣವಾಗಿ ಹೊಸ ರೂಪವನ್ನು ಪಡೆದುಕೊಂಡಿದೆ. ಈ ಕಟ್ಟಡಕ್ಕೆ ಟ್ರಾನ್ಸ್‌ಜೆಂಡರ್ ಸಮುದಾಯದ ಕಲಾವಿದರು ಅಥವಾ ಮಂಗಳಮುಖಿಯರು ಗೋಡೆಗಳು ಮತ್ತು ಕಾರಿಡಾರ್‌ಗಳಿಗೆ ವಿಶಿಷ್ಟವಾಗಿ ಬಣ್ಣ ಬಳಿದಿದ್ದಾರೆ.
"ಟ್ರಾನ್ಸ್‌ಜೆಂಡರ್ ಸಮುದಾಯದ ಸದಸ್ಯರನ್ನು ಒಳಗೊಂಡಿರುವ ಅರವಾಣಿ ಆರ್ಟ್ ಪ್ರಾಜೆಕ್ಟ್‌ನ ಕಲಾವಿದರು ಅಂತರ್ಗತ ಪ್ರಜಾಪ್ರಭುತ್ವ, ರೋಮಾಂಚಕ ಯುವ ಜನಸಂಖ್ಯೆ, ಚುನಾವಣಾ ಹಬ್ಬ ಮತ್ತು ಸಾಂವಿಧಾನಿಕ ಹಕ್ಕುಗಳ ವಿಷಯಗಳ ಆಧಾರದ ಮೇಲೆ ಕಟ್ಟಡಕ್ಕೆ ಬಣ್ಣ ಬಳಿದಿದ್ದಾರೆ. ಅವರು ಈಗ ಬೆಂಗಳೂರಲ್ಲಿ ಮೆಟ್ರೋ ಪಿಲ್ಲರ್‌ಗಳು, ಸರ್ಕಾರಿ ಕಚೇರಿ ಕಟ್ಟಡಗಳ ಗೋಡೆಗಳು ಮತ್ತು ಇತರ ಸಾರ್ವಜನಿಕ ಸ್ಥಳಗಳಿಗೆ ಬಣ್ಣ ಬಳಿಯುತ್ತಿದ್ದಾರೆ’’ ಎಂದೂ ರಾಜ್ಯದ ಮುಖ್ಯ ಚುನಾವಣಾಧಿಕಾರಿ ಮನೋಜ್ ಕುಮಾರ್ ಮೀನಾ ಹೇಳಿದರು.
ಚುನಾವಣಾ ಅಕ್ರಮ ನಡೀತಿದ್ಯಾ? ಸಿ - ವಿಜಿಲ್ ಮೂಲಕ ದೂರು ನೀಡಿ
ಈ ಸಂಬಂಧ ಮಾಹಿತಿ ನೀಡಿದ ಕಲಾವಿದರಲ್ಲಿ ಒಬ್ಬರಾದ ಶಾಂತಿ ಎಂ. "ನಾವು ನಮ್ಮ ಚಿತ್ರಕಲೆಯಲ್ಲಿಯೂ ವಿಶಿಷ್ಟವಾಗಿರಲು ಬಯಸುತ್ತೇವೆ ಮತ್ತು ವಿಭಿನ್ನ ವಿಧಾನಗಳನ್ನು ಅಳವಡಿಸಿಕೊಂಡಿದ್ದೇವೆ. ನಮ್ಮ ಎಲ್ಲಾ ಥೀಮ್‌ಗಳು ಬೋಲ್ಡ್‌ ಕಲರ್‌ಗಳ ಹಿನ್ನೆಲೆಯಲ್ಲಿ ಜಾಮಿಟ್ರಿ ಚಿಹ್ನೆಗಳನ್ನು ಹೊಂದಿವೆ. ನಾವು ಚಿತ್ರಿಸುವ ಎಲ್ಲಾ ಪಾತ್ರಗಳು ನಿಜ ಜೀವನದ ಪಾತ್ರಗಳಾಗಿದೆ. ಆದರೆ ಅವರ ಗುರುತುಗಳನ್ನು ಬಹಿರಂಗಪಡಿಸದಂತೆ ನಾವು ಕಾಳಜಿ ವಹಿಸುತ್ತೇವೆ. ನಾವು ಈಗಾಗಲೇ ಏಳು ಗೋಡೆಗಳನ್ನು ಪೂರ್ಣಗೊಳಿಸಿದ್ದೇವೆ ಮತ್ತು ಈಗ ಕಟ್ಟಡದ ಮಧ್ಯಭಾಗದಲ್ಲಿರುವ ಬೃಹತ್ ಗೋಡೆಗೆ ಬಣ್ಣ ಬಳಿಯುತ್ತಿದ್ದೇವೆ’’ ಎಂದು ಮಾಹಿತಿ ನೀಡಿದ್ದಾರೆ.
ಕರ್ನಾಟಕದಲ್ಲಿ ಒಂದೇ ಹಂತದಲ್ಲಿ ಮೇ 10ರಂದು ಮತದಾನ ನಡೆಯಲಿದ್ದು, ಮೇ 13ಕ್ಕೆ ಮತ ಎಣಿಕೆ ನಡೆಯಲಿದೆ. ಏಪ್ರಿಲ್ 13ಕ್ಕೆ ಚುನಾವಣೆ ಅಧಿಸೂಚನೆ ಹೊರಡಿಸಲಿದ್ದು, ಏಪ್ರಿಲ್ 13ರಿಂದ ನಾಮಪತ್ರ ಸಲ್ಲಿಕೆ ಆರಂಭವಾಗಲಿದೆ. ನಾಮಪತ್ರ ಹಿಂಪಡೆಯಲು ಏಪ್ರಿಲ್ 24 ಕಡೆಯ ದಿನಾಂಕವಾಗಿದೆ.
