ಸೋಂಕಿತೆಯ ಶವದಲ್ಲಿದ್ದ ಮಾಂಗಲ್ಯ ಮಂಗಮಾಯ!
ಕೊರೋನಾ ಸೋಂಕಿನಿಂದ ಮೃತಪಟ್ಟ ಮಹಿಳೆಯೋರ್ವಳ ಶವದಲ್ಲಿದ್ದ ಚಿನ್ನದ ಸರ ಮಾಯವಾಗಿದ್ದು, ಈ ಸಂಬಂಧ ಕುಟುಂಬಸ್ಥರು ದೂರು ನೀಡಿದ್ದರು. ಬಳಿ ಈ ಬಗ್ಗೆ ತನಿಖೆಯನ್ನು ನಡೆಸಲಾಗಿದೆ.
ಚಿಕ್ಕಮಗಳೂರು (ಆ.25): ಕೋರೋನಾ ಸೋಂಕಿತೆಯ ಶವದಿಂದ 50 ಗ್ರಾಂ ತೂಕದ ಮಾಂಗಲ್ಯ ನಾಪತ್ತೆಯಾಗಿದ್ದು, ಕುಟುಂಬದವರ ದೂರಿನ ಮೇರೆಗೆ ತನಿಖೆ ನಡೆಸಿದ ವೇಳೆ ಶೌಚಾಲಯದಲ್ಲಿ ಪತ್ತೆಯಾದ ಘಟನೆ ಇಲ್ಲಿನ ಜಿಲ್ಲಾಸ್ಪತ್ರೆಯಲ್ಲಿ ನಡೆದಿದೆ.
ತೇಗೂರು ಗ್ರಾಮದ ಪ್ರೇಮಕುಮಾರಿ ಆ.11ರ ರಾತ್ರಿ ಕೊರೋನಾಗೆ ಬಲಿಯಾಗಿದ್ದರು. ಅವರ ಕತ್ತಿನಲ್ಲಿದ್ದ 2 ಲಕ್ಷ ಮೌಲ್ಯದ ಮಾಂಗಲ್ಯ ಸರ ನಾಪತ್ತೆಯಾಗಿದೆ ಎಂದು ಕುಟುಂಬಸ್ಥರು ಲಿಖಿತ ದೂರು ನೀಡಿ, ಆಕೆಯ ಭಾವಚಿತ್ರಗಳನ್ನೂ ಸಲ್ಲಿಸಿದ್ದರು.
ಸಿಬ್ಬಂದಿಯ ತನಿಖೆ ನಡೆಸಿದ್ದರೂ ಸರ ಪತ್ತೆಯಾಗಿರಲಿಲ್ಲ. ಆ.24ರ ಸೋಮವಾರ ಈ ವಿಷಯ ಮಾಧ್ಯಮಗಳಲ್ಲಿ ಬರುತ್ತಿದ್ದಂತೆ ಸರವನ್ನು ಕದ್ದವರು ಆಸ್ಪತ್ರೆಯ ಶೌಚಾಲಯದ ಚೇಂಬರ್‌ ಮೇಲೆ ಇರಿಸಿದ್ದಾರೆ.
ಗುಡ್ ನ್ಯೂಸ್: ಸೋಮವಾರ ಕೊರೋನಾ ಸೋಂಕಿತರಿಗಿಂತ ಗುಣಮುಖರಾದವರ ಸಂಖ್ಯೆ ಹೆಚ್ಚು..!..
ಈ ಮೂಲಕ ಮಾಂಗಲ್ಯ ಸರ ಪತ್ತೆಯಾಗಿದೆ. ಆದರೆ, ಕದ್ದವರಾರು ಎಂಬುದು ಇನ್ನೂ ಗೊತ್ತಾಗಿಲ್ಲ.
ಈ ರೀತಿಯ ಪ್ರಕರಣಗಳು ಈ ಹಿಂದೆಯೂ ಅನೇಕ ಬಾರಿ ನಡೆದಿವೆ. ಮೃತದೇಹದ ಮೇಲಿನ ಚಿನ್ನವನ್ನು ಕದ್ದ ಪ್ರಕರಣಗಳು ವರದಿಯಾಗವೆ. ಇದೀಗ ಸೋಂಕಿತೆ ಚಿನ್ನವೂ ಕಳುವಾಗಿ ಬಳಿಕ ಪತ್ತೆ ಮಾಡಲಾಗಿದೆ.
ಕಲಬುರಗಿ: ಸಂಸದ ಡಾ.ಜಾಧವ್‌ ಕುಟುಂಬದ ಬಹುತೇಕರಿಗೆ ಕೊರೋನಾ ಸೋಂಕು...
ಇನ್ನು ಚಿಕ್ಕಮಗಳೂರು ಜಿಲ್ಲೆಯಲ್ಲಿಯೂ ಕೊರೋನಾ ಸೋಂಕಿತರ ಸಂಖ್ಯೆ ದಿನದಿನಕ್ಕೂ ಏರಿಕೆಯಾಗುತ್ತಿದೆ. ಜಿಲ್ಲೆಯಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ 3 ಸಾವಿರದ ಗಡಿ ದಾಟಿದೆ.
