IT Employees Discrimination: ಐಟಿ ಕ್ಷೇತ್ರದಲ್ಲಿ ಮದುವೆಯಾದ ಮಹಿಳೆಯರಿಗೆ ಬೇಡಿಕೆ ಇಲ್ಲ, ಗರ್ಭಿಣಿಯರನ್ನು ವಜಾ ಮಾಡ್ತಾರೆ! ಬಹಿರಂಗ ಹೇಳಿಕೆ

ಗರ್ಭಿಣಿಯರಾದ ನೌಕರರನ್ನು ವಜಾ ಮಾಡುವ ಪಟ್ಟಿಯಲ್ಲಿ ಸೇರಿಸುವ ಪದ್ಧತಿ ಇದೆ ಎಂದು ಐಟಿ ಕ್ಷೇತ್ರದ ಮಹಿಳಾ ನೌಕರರು ಹೇಳಿದ್ದಾರೆ.

ಮದುವೆಯಾದ್ರೆ ಐಟಿ ಕ್ಷೇತ್ರದಲ್ಲಿ ಪ್ರಮೋಷನ್ ಸೇರಿದಂತೆ ಹಲವು ವಿಷಯಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ ಅಂತ ನೌಕರರು ಬಹಿರಂಗವಾಗಿ ಹೇಳಿದ್ದಾರೆ. ಗರ್ಭಿಣಿಯರಾದ ನೌಕರರನ್ನು ವಜಾ ಮಾಡುವ ಪಟ್ಟಿಯಲ್ಲಿ ಸೇರಿಸುವ ಪದ್ಧತಿ ಇದೆ ಅಂತಲೂ ಹೇಳಿದ್ದಾರೆ. ರಾಜ್ಯ ಮಹಿಳಾ ಆಯೋಗ ಕೋಝಿಕ್ಕೋಡ್‌ನಲ್ಲಿ ಆಯೋಜಿಸಿದ್ದ ಸಾರ್ವಜನಿಕ ವಿಚಾರಣೆಯಲ್ಲಿ ನೌಕರರು ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ.

ಐಟಿ ಕ್ಷೇತ್ರದಲ್ಲಿನ ಶೋಷಣೆ

ವಿವಿಧ ಕ್ಷೇತ್ರಗಳಲ್ಲಿ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳ ಕುರಿತು ರಾಜ್ಯ ಮಹಿಳಾ ಆಯೋಗ ಆಯೋಜಿಸಿದ್ದ ವಿಚಾರಣೆಯ ಭಾಗವಾಗಿ ಕೋಝಿಕ್ಕೋಡ್ ಸೈಬರ್ ಪಾರ್ಕ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಐಟಿ ಕ್ಷೇತ್ರದಲ್ಲಿನ ಶೋಷಣೆಯ ಬಗ್ಗೆ ನೌಕರರು ಬಹಿರಂಗವಾಗಿ ಮಾತನಾಡಿದರು. 

ರಜೆ ತಗೊಂಡ್ರೆ ಗೌರವ ಸಿಗೋದಿಲ್ಲ! 

“ಐಟಿ ಕ್ಷೇತ್ರದಲ್ಲಿ ನೌಕರರಿಗೆ ಪ್ರಸೂತಿ ರಜೆ ಸಿಗೋದು ತುಂಬಾ ಕಷ್ಟ, ರಜೆ ತಗೊಂಡು ವಾಪಸ್ ಬಂದ್ರೆ ಮೊದಲಿನಷ್ಟು ಗೌರವ ಸಿಗಲ್ಲ ಅಂತ ನೌಕರರು ಹೇಳಿದ್ದಾರೆ. ಗರ್ಭಿಣಿಯರಾದವರನ್ನ ಕೆಲವು ಕಂಪನಿಗಳು ವಜಾ ಮಾಡುವ ಪಟ್ಟಿಯಲ್ಲಿ ಸೇರಿಸ್ತವೆ. ಪ್ರಸೂತಿ ರಜೆಯ ಸಮಯದ ಆರ್ಥಿಕ ಹೊರೆಯನ್ನ ಕೆಲವು ಕಂಪನಿಗಳು ಹೊರೋಕೆ ತಯಾರಿಲ್ಲ” ಎಂದು ಹೇಳಿದ್ದಾರೆ.

ಮದುವೆಯಾದ್ರೆ ಪ್ರಮೋಶನ್‌ ಇಲ್ಲ! 

“ಮದುವೆಯಾದ್ರೆ ಪ್ರಮೋಷನ್ ಸಿಗೋದು ಕಷ್ಟ ಅಂತ ಹಲವರು ಹೇಳ್ತಾರೆ. ಮಹಿಳಾ ನೌಕರರು ಎದುರಿಸುತ್ತಿರುವ ಈ ರೀತಿಯ ಶೋಷಣೆಯನ್ನ ಪರಿಹರಿಸೋಕೆ ಬಹುತೇಕ ಕಂಪನಿಗಳಲ್ಲಿ ಆಂತರಿಕ ಸಮಿತಿಗಳಿದ್ರೂ, ಅವು ಸರಿಯಾಗಿ ಕೆಲಸ ಮಾಡಲ್ಲ, ಮಹಿಳಾ ನೌಕರರಿಗೆ ಈ ಬಗ್ಗೆ ಮಾಹಿತಿಯೂ ಸಿಗಲ್ಲ” ಅಂತ ನೌಕರರು ಹೇಳಿದ್ದಾರೆ.

ಸಮಸ್ಯೆಗೆ ಪರಿಹಾರ ಯಾವಾಗ?

ಕೋಝಿಕ್ಕೋಡ್ ಸೈಬರ್ ಪಾರ್ಕ್‌ನಲ್ಲಿ ಹಾಸ್ಟೆಲ್ ವ್ಯವಸ್ಥೆ ಇಲ್ಲ, ರಾತ್ರಿ ಕೆಲಸ ಮುಗಿಸಿ ಹೋಗುವಾಗ ರಸ್ತೆಯಲ್ಲಿ ಬೀದಿ ದೀಪಗಳಿಲ್ಲ, ಬೀದಿ ನಾಯಿಗಳ ಕಾಟ ಜಾಸ್ತಿ ಅಂತ ನೌಕರರು ದೂರಿದ್ದಾರೆ. ಈ ಬಗ್ಗೆ ಕಾರ್ಪೊರೇಷನ್ ಜೊತೆ ಮಾತನಾಡಿ ಪರಿಹಾರ ಕಂಡುಹಿಡಿಯುವುದಾಗಿ ಮಹಿಳಾ ಆಯೋಗದ ಅಧ್ಯಕ್ಷೆ ಅಡ್ವೊಕೇಟ್ ಪಿ. ಸತೀದೇವಿ ಭರವಸೆ ನೀಡಿದ್ದಾರೆ. ಕೆಲಸದ ಒತ್ತಡ ತಡೆಯೋಕೆ ಆಗಲ್ಲ, ಹಾಗಾಗಿ ಮನೋವಿಜ್ಞಾನಿ/ಸಮಾಜ ಸೇವಕರ ಸಹಾಯ ಸಿಗಬೇಕು ಅಂತ ನೌಕರರು ಮನವಿ ಮಾಡಿದ್ದಾರೆ. ಈ ವ್ಯವಸ್ಥೆ ಮಾಡುವುದಾಗಿ ಯುಎಲ್ ಸೈಬರ್ ಪಾರ್ಕ್ ಸಿಒಒ ಟಿ.ಕೆ. ಕಿಶೋರ್ ಕುಮಾರ್ ಭರವಸೆ ನೀಡಿದ್ದಾರೆ.