ಇತ್ತೀಚೆಗೆ ದೆವ್ವದ ಸ್ಥಳಗಳು ಪ್ರವಾಸಿಗರ ಮನಸ್ಸನ್ನು ಸೆಳೆಯುತ್ತಿವೆ. ಜನರು ದೈವಿಕತೆ, ಕುತೂಹಲದಿಂದಲೇ ಅಲ್ಲಿಗೆ ಭೇಟಿ ನೀಡಲು ಆರಂಭಿಸಿದ್ದಾರೆ.

ಕೋಟೆಗಳೇ ಆಗಲಿ, ಬಂಗಲೆಗಳೇ ಆಗಲಿ ಅಥವಾ ಉದ್ಯಾನವನಗಳೇ ಆಗಲಿ – ದೆವ್ವದ ಕಥೆಗಳು ಎಲ್ಲೆಡೆ ಜನಪ್ರಿಯ. ಇಂತಹ ಕಥೆಗಳು ಕೇಳಿದಾಗ, “ಇದು ನಿಜವಾಗಿತ್ತಾ?” ಎನ್ನುವ ಪ್ರಶ್ನೆ ಕೇಳದವರಿಲ್ಲ. ಇತ್ತೀಚೆಗೆ ಈ ದೆವ್ವದ ಸ್ಥಳಗಳು ಪ್ರವಾಸಿಗರ ಮನಸ್ಸನ್ನು ಸೆಳೆಯುತ್ತಿವೆ. ಜನರು ದೈವಿಕತೆ, ಕುತೂಹಲದಿಂದಲೇ ಅಲ್ಲಿಗೆ ಭೇಟಿ ನೀಡಲು ಆರಂಭಿಸಿದ್ದಾರೆ. ಈ ಲೇಖನದಲ್ಲಿ, ಭಾರತದ ಕೆಲವು ಪ್ರಸಿದ್ಧ ದೆವ್ವದ ಸ್ಥಳಗಳ ಕುರಿತು ನೋಡೋಣ.

ರಾಜಸ್ಥಾನದ ಕುಲ್ಧಾರಾ ಗ್ರಾಮ: ಜೈಸಲ್ಮೇರ್‌ ಹತ್ತಿರವಿರುವ ಕುಲ್ಧಾರಾ ಒಂದು ಕಾಲದಲ್ಲಿ ಸಮೃದ್ಧ ಪಾಲಿವಾಲ್ ಬ್ರಾಹ್ಮಣರ ಹಳ್ಳಿ. ಆದರೆ 1800ರ ದಶಕದಲ್ಲಿ ಈ ಹಳ್ಳಿ ರಾತ್ರೋರಾತ್ರಿ ಖಾಲಿಯಾದುದು. ಗ್ರಾಮದವರು ಹಳ್ಳಿಯನ್ನು ಬಿಟ್ಟುಹೋದಾಗ, “ಇಲ್ಲಿಯೇನು ನೆಲೆಸಲಾಗದು” ಎಂಬ ಶಾಪವನ್ನಿಟ್ಟುಹೋದರು ಎನ್ನುವ ನಂಬಿಕೆ ಇದೆ. ಇಂದು, ಪ್ರವಾಸೋದ್ಯಮದ ಹಿತಕ್ಕಾಗಿ ಈ ಕಥೆಗಳನ್ನು ಹೇಳಲಾಗುತ್ತಿದೆ. ಆದರೆ ಕೆಲವರು, ಅಲ್ಲಿನ ಆ ತೀವ್ರ ಶಕ್ತಿಯು ಇನ್ನೂ ಬದುಕಿದೆ ಎಂಬುದನ್ನು ನಂಬುತ್ತಾರೆ.

ಜಿಪಿ ಬ್ಲಾಕ್, ಮೀರತ್ (ಯುಪಿ): ಜಿಪಿ ಬ್ಲಾಕ್ ಎಂದಷ್ಟೂ ದೆವ್ವಗಳಿಂದ ತುಂಬಿರುವ ಸ್ಥಳ ಎನ್ನಲಾಗುತ್ತದೆ. ಇಲ್ಲಿ ಒಂದು ಶಿಥಿಲ ಬಂಗಲೆ ಇದೆ. ಜನರು ನಾಲ್ವರು ಪುರುಷರು ಮದ್ಯಪಾನ ಮಾಡುತ್ತಿರುವ ದೃಶ್ಯವನ್ನು ನೋಡಿದ್ದಾರೆ, ಜೊತೆಗೆ ಕೆಂಪು ಬಟ್ಟೆ ಧರಿಸಿದ ಮಹಿಳೆಯ ಆತ್ಮವೂ ಕಾಣಿಸಿಕೊಳ್ಳುತ್ತಾಳೆ ಎನ್ನುತ್ತಾರೆ. ಈ ವಿಚಿತ್ರ ಘಟನೆಗಳಿಂದಾಗಿ ಹೆಚ್ಚಿನವರು ಈ ಸ್ಥಳದ ಬಳಿ ಹೋಗುವುದೇ ಬೇಡ ಎಂದು ತೀರ್ಮಾನಿಸುತ್ತಾರೆ.

ಲೋಹಘಾಟ್: ಮುಕ್ತಿ ಕೋತಿ ಉತ್ತರಾಖಂಡ: ಉತ್ತರಾಖಂಡದ ಚಂಪಾವತ್ ಜಿಲ್ಲೆಯಲ್ಲಿರುವ ಲೋಹಘಾಟ್ ಅತ್ಯಂತ ಭಯಾನಕ ಸ್ಥಳವೆಂದು ಹೆಸರುವಾಸಿಯಾಗಿದೆ. ಅಬಾಟ್ ಬೆಟ್ಟದ ಮೇಲೆ ಎಬಿ ಬಂಗಲೆ ಎಂಬ ಹಳೆಯ ಬಂಗಲೆ ಇದೆ ಮತ್ತು ಇದು ಉತ್ತರಾಖಂಡದ ಅತ್ಯಂತ ಭಯಾನಕ ಸ್ಥಳಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಹತ್ತಿರದಲ್ಲಿ ವಾಸಿಸುವ ಜನರು ಅಲ್ಲಿಂದ ವಿಚಿತ್ರ ಮತ್ತು ಭಯಾನಕ ಶಬ್ದಗಳನ್ನು ಕೇಳಿದ್ದೇವೆ ಮತ್ತು ಆ ಬಂಗಲೆಗೆ ಹೋಗಲು ಯಾರೂ ಹೆದರುವುದಿಲ್ಲ ಎಂದು ಹೇಳುತ್ತಾರೆ. ಈ ಬಂಗಲೆ ಮೊದಲು ಬ್ರಿಟಿಷ್ ಕುಟುಂಬಕ್ಕೆ ಸೇರಿತ್ತು. ಆದರೆ ನಂತರ ಅವರು ಅದನ್ನು ಆಸ್ಪತ್ರೆಗೆ ದಾನ ಮಾಡಿದರು, ಇಲ್ಲಿ ಒಬ್ಬ ವೈದ್ಯರು ಜನರ ಸಾವಿನ ದಿನಾಂಕ ಮತ್ತು ಸಮಯವನ್ನು ಮುಂಚಿತವಾಗಿ ಊಹಿಸುತ್ತಿದ್ದರು. ವಾಸ್ತವವಾಗಿ ಆ ವೈದ್ಯರು ಆ ರೋಗಿಗಳನ್ನು 'ಮುಕ್ತಿ ಕೊಠಾರಿ' ಎಂಬ ಕೋಣೆಗೆ ಕರೆದೊಯ್ದು ಅವರ ಭವಿಷ್ಯವಾಣಿ ನಿಜವಾಗುವಂತೆ ಕೊಲ್ಲುತ್ತಿದ್ದರು.

ಅಶೋಕ್ ವಿಹಾರ್ ಫ್ಲೈಓವರ್, ಗುರುಗ್ರಾಮ್: ಅಶೋಕ್ ವಿಹಾರ್ ಫ್ಲೈಓವರ್ ದೆವ್ವದ ಕಥೆಗಳಿಗೆ ಹೆಸರುವಾಸಿಯಾಗಿದೆ. ಅನೇಕ ಚಾಲಕರು ಇಲ್ಲಿ ಬಿಳಿ ಸೀರೆ ಹೋದ ಮಹಿಳೆಯೊಬ್ಬಳು ಸಹಾಯ ಕೇಳುತ್ತಿರುವ ದೃಶ್ಯವನ್ನು ನೋಡಿದ್ದಾರೆ. ಆದರೆ ವಾಹನ ನಿಲ್ಲಿಸುತ್ತಿದ್ದಂತೆಯೇ, ಆಕೆ ಕಣ್ಮರೆಯಾಗುತ್ತಾರೆ! ಕೆಲವರು ಹಠಾತ್ ಚಳಿಗೆ ಒಳಗಾಗುತ್ತೇವೆ, ಮನಸ್ಸು ಗಾಬರಿಯಾಗುತ್ತದೆ ಎಂದು ಹೇಳಿದ್ದಾರೆ. ಈ ಮಹಿಳೆ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದವಳು ಎಂದು ಸ್ಥಳೀಯರು ನಂಬಿದ್ದಾರೆ.

ಹಾಂಟೆಡ್ ಬ್ರಿಡ್ಜ್ ಸೆಕ್ಟರ್ 16, ಚಂಡೀಗಢ: ಪ್ರೇತ ಕಥೆಗಳಿಗೂ ಹಲವು ರೂಪಗಳಿವೆ. ಚಂಡೀಗಢದ ಸೆಕ್ಟರ್ 16 ರಲ್ಲಿ ನಿರ್ಮಿಸಲಾದ ಸೇತುವೆಯೂ ಸಹ ಅಂತಹ ಕಥೆಗಳಿಗೆ ಹೆಸರುವಾಸಿಯಾಗಿದೆ. ಈ ಸೇತುವೆಯ ಮೇಲೆ ಒಬ್ಬ ಮಹಿಳೆಯನ್ನು ನೋಡಿದ್ದೇವೆ ಎಂದು ಅನೇಕ ಸ್ಥಳೀಯರು ಹೇಳಿಕೊಂಡಿದ್ದಾರೆ. ಈ ಮಹಿಳೆ ಬಿಳಿ ಸೀರೆಯಲ್ಲಿ ಕಾಣಿಸಿಕೊಂಡಿದ್ದಾಳೆ ಮತ್ತು ಸೇತುವೆಯ ಕೆಳಗೆ ನಿರ್ಮಿಸಲಾದ ಕೊಳದಲ್ಲಿ ಮುಳುಗಿ ಸಾವನ್ನಪ್ಪಿದ್ದಾಳೆ ಎಂದು ಹೇಳಲಾಗುತ್ತದೆ.ಕೆಲವರು ಹೇಳುವಂತೆ ಅವರು ಬಿಳಿ ನರ್ಸ್ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು ಮೊದಲು ಚಂಡೀಗಢ ಜನರಲ್ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದರು. ಅವರು ಈ ಸೇತುವೆಯಲ್ಲಿ ರಸ್ತೆ ಅಪಘಾತದಲ್ಲಿ ನಿಧನರಾದರು. ಸತ್ಯ ಏನೇ ಇರಲಿ, ಒಂದು ವಿಷಯ ಖಚಿತ - ಈ ಸೇತುವೆಯನ್ನು ಇನ್ನೂ ದೆವ್ವ ಎಂದು ಪರಿಗಣಿಸಲಾಗುತ್ತದೆ ಮತ್ತು ಜನರು ಅಲ್ಲಿಗೆ ಹೋಗುವುದನ್ನು ತಪ್ಪಿಸುತ್ತಾರೆ.