ಒಂದಲ್ಲ ಎರಡಲ್ಲ, ಮಹಿಳೆಯ ಹೊಟ್ಟೆಯಲ್ಲಿದ್ದ ಬರೋಬ್ಬರಿ 15 ಕೆಜಿ ಗಡ್ಡೆ ಹೊರತೆಗೆದ ವೈದ್ಯರು
ಮಹಿಳೆಯ ಹೊಟ್ಟೆಯಲ್ಲಿದ್ದ ಬರೋಬ್ಬರಿ 15 ಕೆಜಿ ಗಡ್ಡೆಯನ್ನು ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿ ಹೊರತೆಗೆದಿದ್ದಾರೆ. ಮಧ್ಯಪ್ರದೇಶದ ಇಂದೋರ್‌ನ ಆಸ್ಪತ್ರೆಯೊಂದರಲ್ಲಿ ಈ ವಿಶೇಷ ಶಸ್ತ್ರಚಿಕಿತ್ಸೆ ನಡೆದಿದೆ.
ಇಂದೋರ್: ಮಹಿಳೆಯ ಹೊಟ್ಟೆಯಲ್ಲಿದ್ದ ಬರೋಬ್ಬರಿ 15 ಕೆಜಿ ಗಡ್ಡೆಯನ್ನು ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿ ಹೊರತೆಗೆದಿದ್ದಾರೆ. ಮಧ್ಯಪ್ರದೇಶದ ಇಂದೋರ್‌ನ ಆಸ್ಪತ್ರೆಯೊಂದರಲ್ಲಿ ಈ ವಿಶೇಷ ಶಸ್ತ್ರಚಿಕಿತ್ಸೆ ನಡೆದಿದೆ. ಹಲವು ದಿನಗಳಿಂದ ಈ ಮಹಿಳೆ ಹೊಟ್ಟೆಯಲ್ಲಿ ನೋವು ಹಾಗೂ ಸುಸ್ತಾಗುತ್ತಿರುವ ಬಗ್ಗೆ ಮನೆಯವರಿಗೆ ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಮನೆಯವರು ಮಹಿಳೆಯನ್ನು ಆಸ್ಪತ್ರೆಗೆ ಕರೆತಂದು ತಪಾಸಣೆ ನಡೆಸಿದಾಗ ಹೊಟ್ಟೆಯಲ್ಲಿ ಭಾರೀ ಗಾತ್ರದ ಗಡ್ಡೆ ಕಾಣಿಸಿಕೊಂಡಿದೆ. ಮಧ್ಯಪ್ರದೇಶದ (Madhya Pradesh) ಇಂಡೆಕ್ಸ್ ಆಸ್ಪತ್ರೆಯಲ್ಲಿ (Index Hospital) ಈ ವಿಶೇಷ ಶಸ್ತ್ರಚಿಕಿತ್ಸೆ ನಡೆದಿದೆ.
41 ವರ್ಷದ ಮಹಿಳೆಯ ಹೊಟ್ಟೆ ದಿನದಿಂದ ದಿನಕ್ಕೆ ಗಾತ್ರದಲ್ಲೂ ದೊಡ್ಡದಾಗಿತ್ತು. ಜೊತೆಗೆ ಮಹಿಳೆಗೆ ಆಗಾಗ ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತಿತ್ತು. ಈ ಹಿನ್ನೆಲೆಯಲ್ಲಿ ತಪಾಸಣೆ ಮಾಡಿದ್ದ ವೈದ್ಯರು ಬೃಹತ್ ಗಾತ್ರದ ಗೆಡ್ಡೆಯನ್ನು (tumour) ಹೊರತೆಗೆದಿದ್ದಾರೆ. ಈ ಗಡ್ಡೆ ತೆಗೆಯಲು ಎರಡು ಗಂಟೆಗಳ ಕಾಲ ಈ ಆಪರೇಷನ್ ನಡೆದಿದೆ. ಈ ಶಸ್ತ್ರಚಿಕಿತ್ಸೆಯಲ್ಲಿ 12 ಜನ ವೈದ್ಯರು ಭಾಗಿಯಾಗಿದ್ದರು. ಈ ಶಸ್ತ್ರಚಿಕಿತ್ಸೆಯ ನೇತೃತ್ವ ವಹಿಸಿದ್ದ ವೈದ್ಯ ಡಾ. ಅತುಲ್ ವ್ಯಾಸ್ (Dr. Atul vyas) ಮಾತನಾಡಿ, ಹೊಟ್ಟೆಯಲ್ಲಿ ಈ ಗಡ್ಡೆಯ ಬೆಳವಣಿಗೆಯಿಂದಾಗಿ ಮಹಿಳೆಗೆ ಆಹಾರ ಸೇವಿಸುವುದಕ್ಕೂ ಕಷ್ಟವಾಗುತ್ತಿತ್ತು. ಜೊತೆಗೆ ನಡೆದಾಡುವುದಕ್ಕೂ ಕಷ್ಟವಾಗುತ್ತಿತ್ತು. ಹೀಗಾಗಿ ಶಸ್ತ್ರಚಿಕಿತ್ಸೆ ಮಾಡಲು ನಿರ್ಧರಿಸಿದೆವು.
ಮಹಿಳೆಯ ಹೊಟ್ಟೆ ಸ್ಕ್ಯಾನ್ ಮಾಡಿದಾಗ ಕಾದಿತ್ತು ಅಚ್ಚರಿ: 11 ಕೆ.ಜಿ ತೂಕದ ಗೆಡ್ಡೆ ಹೊರ ತೆಗೆದ ವೈದ್ಯರು
ಈ ಗಡ್ಡೆಯೂ ದೇಹದ ಹಲವು ನರಗಳಿಗೆ ಅಂಟಿಕೊಂಡಿದ್ದ ಕಾರಣ ಈ ಶಸ್ತ್ರಚಿಕಿತ್ಸೆ (Surgery) ಬಹಳ ಕ್ಲಿಷ್ಟಕರವಾಗಿತ್ತು. ಬಹಳ ನಾಜೂಕಿನಿಂದ ಈ ಶಸ್ತ್ರಚಿಕಿತ್ಸೆಯನ್ನು ನಿಭಾಯಿಸಬೇಕಿತ್ತು. ಇನ್ನು ಈ ಬೃಹತ್ ಗಾತ್ರದ ಗಡ್ಡೆ ಹೊಂದಿದ್ದ ಮಹಿಳೆ ಮಾತ್ರ ಕೇವಲ 49 ಕೇಜಿ ತೂಕವನ್ನು ಹೊಂದಿದ್ದರು. ಇದರ ಜೊತೆಗೆ ಈ ಗೆಡ್ಡೆ ಭಾರಿ ತೂಕವಿದ್ದುದ್ದರಿಂದ ಅವರಿಗೆ ಆಹಾರ ಸೇವಿಸಲು ಸಾಧ್ಯವಾಗುತ್ತಿರಲಿಲ್ಲ, ಇದು ಹೊಟ್ಟೆಯಲ್ಲಿ ಊರಿಯೂತಕ್ಕೆ ಕಾರಣವಾಗಿತ್ತು. ಅಲ್ಲದೇ ಈ ಗಡ್ಡೆ ಇನ್ನೇನು ಒಡೆದು ಹೋಗುವುದರಲ್ಲಿದ್ದು, ಇದು ಮತ್ತಷ್ಟು ಜೀವಾಪಾಯಕ್ಕೆ ಕಾರಣವಾಗುವುದರಲ್ಲಿತ್ತು. ಹೀಗಾಗಿ ಕೊನೆಗೂ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ನಡೆಸಲಾಗಿದ್ದು, ಮಹಿಳೆ ಆರೋಗ್ಯವಾಗಿದ್ದು, ಗುಣಮುಖರಾಗುತ್ತಿದ್ದಾರೆ ಎಂದು ವೈದ್ಯರು ಮಾಹಿತಿ ನೀಡಿದರು.
Uttar Kannada: ಜೊಯಿಡಾದಲ್ಲಿ ಆಕರ್ಷಕ ಗೆಡ್ಡೆ, ಗೆಣಸು ಮೇಳ: 5 ಕೆ.ಜಿ.ಗಿಂತ ಅಧಿಕ ತೂಕ..!
