ಹೆಲಿಕಾಪ್ಟರ್ ಮೇಲೆ ದಾಳಿ ನಡೆಸಿದ ಶಾರ್ಕ್: ವಿಡಿಯೋ ಶೇರ್ ಮಾಡಿ ಟ್ರೋಲ್ ಆದ ಕಿರಣ್ ಬೇಡಿ!
* ಮತ್ತೆ ಟ್ರೋಲ್ ಆದ ಮಾಜಿ ಐಪಿಎಸ್ ಅಧಿಕಾರಿ ಕಿರಣ್ ಬೇಡಿ
* ಹೆಲಿಕಾಪ್ಟರ್ ಮೇಲೆ ದಾಳಿ ನಡೆಸಿದ ಶಾರ್ಕ್ ವಿಡಿಯೋದ್ದೇ ಸದ್ದು
* ಕಿರಣ್ ಬೇಡಿ ಐಕ್ಯೂ ಲೆವೆಲ್ ಬಗ್ಗೆ ನೆಟ್ಟಿಗರಿಂದ ಲೇವಡಿ
ನವದೆಹಲಿ(ಮೇ.12): ಮತ್ತೊಮ್ಮೆ ಕಿರಣ್ ಬೇಡಿ ವಾಟ್ಸಾಪ್ ಫಾರ್ವರ್ಡ್ ಸಂದೇಶದಿಂದಾದಿ ಟ್ರೋಲ್ ಆಗಿದ್ದಾರೆ. ಹೌದು ತಪ್ಪು ಮಾಹಿತಿ ಇರುವ ವಿಡಿಯೋವನ್ನು ಅವರು ಟ್ವೀಟ್ ಮಾಡಿದ್ದಾರೆ. ಇದಕ್ಕೂ ಮೊದಲು, ಅವರ ಕೆಲವು ಟ್ವೀಟ್‌ಗಳು ಸಾಕಷ್ಟು ವಿವಾದ ಸೃಷ್ಟಿಸಿವೆ. ಅವುಗಳು ವಾಸ್ತವಿಕವಾಗಿ ತಪ್ಪಾಗಿವೆ ಎಂದು ಕಂಡುಬಂದಿದೆ. ಕಿರಣ್ ಬೇಡಿ ಮಂಗಳವಾರ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ವೀಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ, ಇದರಲ್ಲಿ ಹಾರುವ ಹೆಲಿಕಾಪ್ಟರ್ ಮೇಲೆ ಶಾರ್ಕ್ ದಾಳಿ ಮಾಡಿದೆ. ಈ ವೀಡಿಯೋ ಮೇಲಿರುವ ವಿವರಣೆಯಲ್ಲಿ ತಪ್ಪು ಮಾಹಿತಿಯನ್ನು ಬರೆಯಲಾಗಿದೆ.
PM Security Breach: ಮೋದಿ ಭದ್ರತೆ ಲೋಪ ಯೋಜಿತ ಪಿತೂರಿ: ಕಿರಣ್ ಬೇಡಿ
ಭಾರತದ ಮೊದಲ ಮಹಿಳಾ ಐಪಿಎಸ್ ಅಧಿಕಾರಿ ಕಿರಣ್ ಬೇಡಿ ಅವರು ಹಂಚಿಕೊಂಡಿರುವ ವಿಡಿಯೋದಲ್ಲಿ 'ನ್ಯಾಷನಲ್ ಜಿಯೋಗ್ರಾಫಿಕ್ ಚಾನೆಲ್ ಈ ವೀಡಿಯೊದ ಹಕ್ಕುಗಳನ್ನು 1 ಮಿಲಿಯನ್ ರೂಪಾಯಿ ಖರ್ಚು ಮಾಡಿ ಖರೀದಿಸಿದೆ. ಇದು ಬಹಳ ಅಪರೂಪದ ವಿಡಿಯೋ' ಎಂಬ ವಿವರಣೆ ನೀಡಲಾಗಿದೆ. ಈ ವಿಡಿಯೋದಿಂದಾಗಿ ಕಿರಣ್ ಬೇಡಿ ವಿರುದ್ಧವೂ ತೀವ್ರ ಟೀಕೆ ವ್ಯಕ್ತವಾಗುತ್ತಿದೆ.
ವಾಸ್ತವವಾಗಿ ಈ ವೀಡಿಯೊ 2017 ರಲ್ಲಿ '5 ಹೆಡೆಡ್ ಶಾರ್ಕ್ ಅಟ್ಯಾಕ್' ಚಿತ್ರದ ದೃಶ್ಯವಾಗಿದೆ, ಇದನ್ನು ಯಾರೋ ತಪ್ಪು ಮಾಹಿತಿಯೊಂದಿಗೆ ವೈರಲ್ ಮಾಡಿದ್ದಾರೆ. ನ್ಯಾಷನಲ್ ಜಿಯೋಗ್ರಾಫಿಕ್ ಚಾನೆಲ್ ಕುರಿತು ಈ ವಿಡಿಯೋದಲ್ಲಿ ಮಾಡಿರುವ ಹಕ್ಕು ಕೂಡ ತಪ್ಪಾಗಿದೆ. ವೀಡಿಯೋ ನಂತರ ಕಿರಣ್ ಬೇಡಿ ಅವರ ವಿರುದ್ಧವೂ ಸಾಕಷ್ಟು ಟೀಕೆಗಳು ವ್ಯಕ್ತವಾಗುತ್ತಿವೆ. ಕಿರಣ್ ಬೇಡಿ ಅವರ ಈ ಟ್ವೀಟ್‌ನ ಕೆಳಗೆ ಕಾಮೆಂಟ್ ಮಾಡಿದ ಬಳಕೆದಾರರು, ಅವರು ತಪ್ಪು ಮಾಹಿತಿಯನ್ನು ಹಂಚಿಕೊಂಡಿರುವ ಎರಡು ಹಳೆಯ ಟ್ವೀಟ್‌ಗಳನ್ನು ಸಹ ನೆನಪಿಸಿದ್ದಾರೆ.
ಈ ವೀಡಿಯೊವನ್ನು ಕಿರಣ್ ಬೇಡಿ ಪೋಸ್ಟ್ ಮಾಡಿದ ನಂತರ, ವಾಟ್ಸಾಪ್ ವಿಶ್ವವಿದ್ಯಾಲಯವು ಟ್ವಿಟರ್‌ನಲ್ಲಿ ಟ್ರೆಂಡಿಂಗ್ ಪ್ರಾರಂಭಿಸಿತು ಮತ್ತು ಬಳಕೆದಾರರು ಕಿರಣ್ ಬೇಡಿ ಅವರನ್ನು ತೀವ್ರವಾಗಿ ಟ್ರೋಲ್ ಮಾಡಿದ್ದಾರೆ.
ಕಿರಣ್ ಬೇಡಿ ಗೋಬ್ಯಾಕ್: ಗವರ್ನರ್‌ ವಿರುದ್ಧವೇ ಮುಖ್ಯಮಂತ್ರಿ ಧರಣಿ!
ಈ ಹಿಂದೆ ಕಿರಣ್ ಬೇಡಿ ಟ್ವಿಟರ್‌ನಲ್ಲಿ ಮತ್ತೊಂದು ವಿಡಿಯೋವನ್ನು ಪೋಸ್ಟ್ ಮಾಡಿದ್ದು, ಅದರಲ್ಲಿ ಬಾಹ್ಯಾಕಾಶ ಸಂಸ್ಥೆ ನಾಸಾ 'ಓಂ' ಶಬ್ದದೊಂದಿಗೆ ಸೂರ್ಯನ ಧ್ವನಿಯನ್ನು ರೆಕಾರ್ಡ್ ಮಾಡಿದೆ ಎಂದು ಹೇಳಿಕೊಂಡಿದೆ. ಈ ವಿಡಿಯೋದ ನಂತರವೂ ಕಿರಣ್ ಬೇಡಿ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಟ್ರೋಲ್ ಆಗಿದ್ದರು.
ಕಿರಣ್ ಬೇಡಿ ಮತ್ತೊಂದು ವಿಡಿಯೋಗಾಗಿ ಟ್ರೋಲ್ ಆಗಿದ್ದಾರೆ. ವಾಸ್ತವವಾಗಿ, ಅವರು ವಯಸ್ಸಾದ ಮಹಿಳೆ ನೃತ್ಯ ಮಾಡುವ ವೀಡಿಯೊವನ್ನು ಪೋಸ್ಟ್ ಮಾಡಿದ್ದರು, ಆದರೂ ಅವರು ನಂತರ ತಮ್ಮ ತಪ್ಪನ್ನು ಸರಿಪಡಿಸಿದರು.
