ರೈಲಿನ ಟಾಯ್ಲೆಟ್‌ನಲ್ಲಿ ಸಿಕ್ಕಿಬಿದ್ದ ಕುಂಭಮೇಳಕ್ಕೆ ಹೊರಟ ಹುಡುಗಿಯರು; ವಿಡಿಯೋ ವೈರಲ್
ಮಹಾಕುಂಭ ಮೇಳಕ್ಕೆ ಹೋಗುತ್ತಿದ್ದ ಹುಡುಗಿಯರು ರೈಲಿನ ಟಾಯ್ಲೆಟ್‌ನಲ್ಲಿ ಪ್ರಯಾಣ ಮಾಡಿ, ವಿಡಿಯೋ ಮಾಡಿಕೊಂಡಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಟಾಯ್ಲೆಟ್‌ನಲ್ಲಿ ಪ್ರಯಾಣ ಮಾಡಿದ್ದಕ್ಕೆ ಹುಡುಗಿಯರನ್ನು ಹಲವರು ಟೀಕಿಸಿದ್ದಾರೆ. ಹುಡುಗಿಯರು ತಮ್ಮನ್ನು ಸಮರ್ಥಿಸಿಕೊಂಡಿದ್ದಾರೆ.
Followಮಹಾಕುಂಭ ಮೇಳಕ್ಕೆ ಹೋಗೋ ಜನರಿಂದ ರೈಲುಗಳು ಫುಲ್ ಆಗಿರುತ್ತೆ ಅನ್ನೋದು ನಮಗೆಲ್ಲ ಗೊತ್ತು. ಆದರೆ, ರೈಲಿನ ಜನದಟ್ಟಣೆಯಿಂದಾಗಿ ಟಾಯ್ಲೆಟ್‌ನಲ್ಲಿ ಪ್ರಯಾಣ ಮಾಡ್ತಿರೋ ಹುಡುಗಿಯರ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
mammam5645 ಅನ್ನೋ ಯೂಸರ್ ಈ ವಿಡಿಯೋ ಶೇರ್ ಮಾಡಿದ್ದಾರೆ. ವಿಡಿಯೋದಲ್ಲಿ ಮೂರು ಹುಡುಗಿಯರು ರೈಲಿನ ಟಾಯ್ಲೆಟ್‌ನಲ್ಲಿ ಪ್ರಯಾಣ ಮಾಡ್ತಿದ್ದಾರೆ. ಮಹಾಕುಂಭ ಮೇಳಕ್ಕೆ ಹೋಗ್ತಿದ್ದೀವಿ, ಟಾಯ್ಲೆಟ್‌ನಲ್ಲಿ ಪ್ರಯಾಣ ಮಾಡ್ತಿದ್ದೀವಿ ಅಂತ ವಿಡಿಯೋ ಮಾಡ್ತಿರೋ ಹುಡುಗಿ ಹೇಳ್ತಾಳೆ.
ಟಾಯ್ಲೆಟ್ ಮೇಲೆ ನಿಂತಿದ್ದ ಹುಡುಗಿಯನ್ನೂ ವಿಡಿಯೋದಲ್ಲಿ ನೋಡಬಹುದು. ಅವಳ ಫ್ರೆಂಡ್ಸ್ ಕೂಡ ವಿಡಿಯೋದಲ್ಲಿದ್ದಾರೆ. ರೈಲಿನಲ್ಲಿ ತುಂಬಾ ಜನದಟ್ಟಣೆ ಇತ್ತು. ಕಾಲು ಇಡೋಕೂ ಜಾಗ ಇರಲಿಲ್ಲ, ಅದಕ್ಕೆ ಟಾಯ್ಲೆಟ್‌ನಲ್ಲಿ ಪ್ರಯಾಣ ಮಾಡಿದೆವು ಅಂತ ಹುಡುಗಿ ಹೇಳ್ತಾಳೆ.
ಇದನ್ನೂ ಓದಿ: ಬೆಂಗಳೂರಿನಲ್ಲಿ 6x3 ಅಡಿ ಜಾಗದಷ್ಟು ಮನೆಗೆ 25,000 ರೂ. ಬಾಡಿಗೆ! ಯುವಕನ ವಿಡಿಯೋ ವೈರಲ್
ಹೊರಗೆ ನಿಂತಿದ್ದವರನ್ನ ತೋರಿಸಿ, ಟಾಯ್ಲೆಟ್ ಬಾಗಿಲು ತೆರೆಯಬೇಡ ಅಂತ ಫ್ರೆಂಡ್ಸ್‌ಗೆ ತಮಾಷೆ ಮಾಡ್ತಿರೋದನ್ನೂ ವಿಡಿಯೋದಲ್ಲಿ ನೋಡಬಹುದು. ಸುಮಾರು 7 ಲಕ್ಷಕ್ಕೂ ಹೆಚ್ಚು ಜನ ವಿಡಿಯೋ ನೋಡಿದ್ದಾರೆ. ತುಂಬಾ ಜನ ಕಮೆಂಟ್ಸ್ ಮಾಡಿದ್ದಾರೆ. ಹೆಚ್ಚಿನವರು ಹುಡುಗಿಯರನ್ನ ಟೀಕಿಸಿದ್ದಾರೆ.
ನಿಮಗೆಲ್ಲಾ ನಾಗರೀಕ ಪ್ರಜ್ಞೆ ಇಲ್ಲ ಅಂತ ಜನ ಕಮೆಂಟ್ ಮಾಡಿದ್ದಾರೆ. ಟಿಕೆಟ್ ಇಲ್ಲದ್ದರಿಂದ ಟಾಯ್ಲೆಟ್‌ನಲ್ಲಿ ಕೂತಿದ್ದಾರೆ ಅಂತಲೂ ಕೆಲವರು ಹೇಳಿದ್ದಾರೆ. ಆದರೆ, ಈ ಟೀಕೆಗಳನ್ನೆಲ್ಲ ಬದಿಗಿಟ್ಟು, ವೈರಲ್ ಆದದ್ದನ್ನ ಹುಡುಗಿಯರು ಸೆಲೆಬ್ರೇಟ್ ಮಾಡ್ತಿದ್ದಾರೆ. ಟಿಕೆಟ್ ಇಲ್ಲದ್ದರಿಂದ ಅಥವಾ ಟಿಟಿಇಗೆ ಹೆದರಿ ಟಾಯ್ಲೆಟ್‌ನಲ್ಲಿ ಕೂತಿಲ್ಲ. ರೈಲಿನಲ್ಲಿ ತುಂಬಾ ಜನದಟ್ಟಣೆ ಇತ್ತು, ಬೇರೆ ದಾರಿ ಇರಲಿಲ್ಲ ಅಂತ ಹೇಳಿದ್ದಾರೆ.
ಇದನ್ನೂ ಓದಿ: ಬೆಂಗಳೂರಿನ ಶ್ರೀಮಂತರಿಗೆ ಮಾತ್ರವೇ ಇನ್ನು ಮೆಟ್ರೋ, ಬಡವ, ಮಧ್ಯಮವರ್ಗಕ್ಕೆ ಸರ್ಕಾರಗಳೇ ಶತ್ರು!
