ಕೋವಿಡ್‌ ಶವಗಳು ನಾಯಿಗೆ ಆಹಾರ: ಶ್ವಾನಗಳ ವಿಡಿಯೋ ವೈರಲ್!
* ಕೋವಿಡ್‌ಗೆ ಬಲಿಯಾದವರು ನಾಯಿಗೆ ಆಹಾರ!
* ಉತ್ತರಾಖಂಡದ ಉತ್ತರಕಾಶಿಯಲ್ಲಿ ದಾರುಣ ಘಟನೆ
* ಶವಗಳನನ್ನು ನಾಯಿ ಎಳೆದು ತಿನ್ನುತ್ತಿರುವ ದೃಶ್ಯ ವೈರಲ್
ಉತ್ತರಕಾಶಿ (ಜೂ.02)): ಉತ್ತರ ಪ್ರದೇಶ ಮತ್ತು ಬಿಹಾರದ ನದಿಗಳಲ್ಲಿ ಕೋವಿಡ್‌ಗೆ ಬಲಿಯಾದವರ ಶವಗಳು ತೇಲಿಬಂದ ಕೆಲ ದಿನಗಳ ಬೆನ್ನಲ್ಲೇ, ಇದೀಗ ಉತ್ತರಾಖಂಡದಲ್ಲಿ ಅದಕ್ಕಿಂತ ದಾರುಣ ಘಟನೆ ನಡೆದಿದೆ. ಉತ್ತರಕಾಶಿಯ ಕೇದಾರಘಾಟ್‌ ಬಳಿಯ ನದಿಯ ದಂಡೆಯ ಬಳಿ ಕೊರೋನಾಕ್ಕೆ ಬಲಿಯಾಗಿರಬಹುದಾದ ಶವಗಳನ್ನು ಶ್ವಾನಗಳು ಎಳೆದಾಡಿ ತಿನ್ನುತ್ತಿರುವ ಅಮಾನವೀಯ ಮತ್ತು ಮನಕಲಕುವ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಚೀನಾ ಲ್ಯಾಬ್‌ನಲ್ಲೇ ಕೊರೋನಾ ಹುಟ್ಟು, ಅಮೆರಿಕಾದ ಫಂಡಿಂಗ್: ಮೋಸ ಮಾಡಿದ್ದ ಡ್ರ್ಯಾಗನ್!
ಇದರಲ್ಲಿ ಕೆಲವು ಶವಗಳು ಅರೆಬೆಂದ ಸ್ಥಿತಿಯಲ್ಲಿದ್ದು, ಮತ್ತೆ ಕೆಲ ಶವಗಳು ನದಿಗೆ ಎಸೆದಿರಬಹುದಾದ ಸ್ಥಿತಿಯಲ್ಲಿವೆ. ಇತ್ತೀಚೆಗಿನ ಮಳೆಯಿಂದಾಗಿ ನದಿಗಳು ಉಕ್ಕಿ ಹರಿದಿದ್ದರಿಂದ ಶವಗಳು ನದಿಯ ದಡಕ್ಕೆ ತೇಲಿ ಬಂದಿವೆ. ಈ ಮೃತದೇಹಗಳನ್ನು ನಾಯಿಗಳು ಎಳೆದಾಡಿ ತಿನ್ನುತ್ತಿವೆ.
ಈ ಬಗ್ಗೆ ಹಲವು ಬಾರಿ ದೂರು ನೀಡಿದ್ದಾಗ್ಯೂ, ಪೌರಾಡಳಿತ ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ. ಕೊರೋನಾ ಸೋಂಕಿತರ ಗೌರವಯುತ ಅಂತ್ಯಕ್ರಿಯೆಗೆ ವ್ಯವಸ್ಥೆ ಮಾಡಬೇಕು ಎಂದು ಸ್ಥಳೀಯರು ಆಕ್ರೋಶಭರಿತ ಆಗ್ರಹ ಮಾಡಿದ್ದಾರೆ.
ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್‌ ನ್ಯೂಸ್‌ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona
