ಎಲ್ಲಡೆ ಆಕ್ಸಿಜನ್ ಸಿಲಿಂಡರ್, ವೆಂಟಿಲೇಟರ್ಗಳ ಕೊರತೆ ಇದೆ. ತಮ್ಮವರನ್ನು ಉಳಿಸಲು ಜನ ಪರದಾಡುತ್ತಿದ್ದಾರೆ. ಜೀವವಾಯುವಿಗಾಗಿ ಜನ ಕ್ಯೂನಲ್ಲಿ ನಿಂತು ಕಾಯುತ್ತಿದ್ದರೆ ಇದ್ದ ಸಿಲಿಂಡರ್ ಕಾರಿಗೆ ತುಂಬಿ ಕೊಂಡೊಯ್ದ ಬಿಜೆಪಿ ಶಾಸಕ
ಲಕ್ನೋ(ಮೇ.01): ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಕಳೆದ ವಾರ ವರ್ಚುವಲ್ ಸಂವಾದದಲ್ಲಿ ಆಮ್ಲಜನಕದ ಕೊರತೆಯಿಲ್ಲ ಎಂದು ಹೇಳಿದ್ದರು. ಅದಕ್ಕೆ ಕಾರಣವೆಂದರೆ ಬ್ಲಾಕ್ ಮಾರ್ಕೆಟ್ ಸಂಗ್ರಹ ನಮ್ಮಲ್ಲಿಲ್ಲ ಎಂದಿದ್ದರು. ಆದರೆ ಅಲ್ಲಿನ ನಿಜವಾದ ಪರಿಸ್ಥಿತಿ ಭಿನ್ನವಾಗಿದೆ.
ರಾಮ್ನಗರದ ಬಿಜೆಪಿ ಶಾಸಕರಾದ ಶರದ್ ಅವಸ್ಥಿ ಅವರು ತಮ್ಮ ಎಸ್ಯುವಿ (ಯುಪಿ 41 ಎಇ 0111) ಗೆ ಆಮ್ಲಜನಕ ತುಂಬಿದ ಸಿಲಿಂಡರ್ಗಳನ್ನು ಲೋಡ್ ಮಾಡಿ ಒಯ್ಯುವುದು ಕಂಡು ಬಂದಿದೆ. ಆದರೆ ಜನಸಾಮಾನ್ಯರು ಒಂದು ಸಿಲಿಂಡರ್ಗಾಗಿ ಗಂಟೆಗಟ್ಟಲೆ ಕ್ಯೂನಲ್ಲಿ ನಿಂತು ಕಾಯುತ್ತಿದ್ದರು.
ಗುರು ತೇಜ್ ಬಹದ್ದೂರ್ ಜನ್ಮ ಜಯಂತಿ: ಭದ್ರತೆ ಬದಿಗಿಟ್ಟು ಗುರುದ್ವಾರಕ್ಕೆ ಮೋದಿ ಭೇಟಿ!
ಆದರೆ ಈ ನಿಯಮವು ಬಿಜೆಪಿ ಶಾಸಕರಿಗೆ ಅನ್ವಯಿಸುವುದಿಲ್ಲ ಎಂದು ತೋರಿಸುತ್ತದೆ ಗ್ರೌಂಡ್ ರಿಯಾಲಿಟಿ. ಇಲ್ಲಿಯದ್ದು ವಿಭಿನ್ನ ಚಿತ್ರಣ.. ಅಲ್ಲದೆ, ಸ್ಥಳದಲ್ಲಿದ್ದ ಕೆಲವು ಪತ್ರಕರ್ತರು ಘಟನೆಯ ಫೋಟೋಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದಾಗ, ಶಾಸಕರ ಚಾಲಕ ಮತ್ತು ಪರಿಚಾರಕರು ಅವರಿಗೆ ಬೆದರಿಕೆ ಹಾಕಿದ್ದಾರೆ.
ಒಂದು ಕಡೆ, ಸಿಎಂ ಆದಿತ್ಯನಾಥ್ ಅವರ ಆಮ್ಲಜನಕದ ಕೊರತೆಯಿಲ್ಲ ಎನ್ನುತ್ತಿದ್ದರೆ ಮತ್ತೊಂದೆಡೆ, ನಮ್ಮಲ್ಲಿ ಮಂತ್ರಿಗಳು, ಶಾಸಕರು ಮತ್ತು ಅವರ ಸ್ವಂತ ಪಕ್ಷದ (ಬಿಜೆಪಿ) ಸಂಸದರು ರಾಜ್ಯದಲ್ಲಿ ವೈದ್ಯಕೀಯ ಆಮ್ಲಜನಕ ಸರಬರಾಜು ಇಲ್ಲ ಎಂದು ಆರೋಪಿಸಿದ್ದಾರೆ.
ಆಡಳಿತ ಪಕ್ಷದ ಈ ರಾಜಕೀಯ ನಾಯಕರು ಆಮ್ಲಜನಕ ಮತ್ತು ರೆಮ್ಡೆಸಿವಿರ್ ವ್ಯವಸ್ಥೆ ಮಾಡಲು ಉನ್ನತ ಸರ್ಕಾರಿ ಅಧಿಕಾರಿಗಳಿಗೆ ಪತ್ರಗಳನ್ನು ಬರೆಯುತ್ತಿದ್ದಾರೆ. ಲಖಿಂಪುರದ ಶಾಸಕ ಅರವಿಂದ್ ಗಿರಿ ಅವರು ಆಮ್ಲಜನಕದ ತೀವ್ರ ಕೊರತೆ ಮತ್ತು ಇತರ ವೈದ್ಯಕೀಯ ಸಾಮಗ್ರಿಗಳ ಕುರಿತು ಸಿಎಂಗೆ ಪತ್ರ ಬರೆದಿದ್ದಾರೆ. ಹತ್ತು ದಿನಗಳಲ್ಲಿ ಸುಮಾರು 100 ಜನರು ಅವರ ಕ್ಷೇತ್ರದಿಂದ COVID-19 ಗೆ ಬಲಿಯಾಗಿದ್ದಾರೆ, ಅದರಲ್ಲಿ ಹತ್ತು ಜನರು ಅವರ ಆಪ್ತರಾಗಿದ್ದಾರೆ.
ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್ ನ್ಯೂಸ್ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona
