ವಿಶ್ವಕಪ್ 2019: ಆಸಿಸ್‌ಗೆ ಸ್ಫರ್ಧಾತ್ಮಕ ಗುರಿ ನೀಡಿದ ಆಫ್ಘನ್
ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ಎದುರು ದಿಟ್ಟ ಪ್ರದರ್ಶನ ತೋರಿದ ಆಫ್ಘಾನಿಸ್ತಾನ ಸವಾಲಿನ ಮೊತ್ತ ಕಲೆಹಾಕಿದೆ. ಇದೀಗ ಸ್ಪಿನ್ ವಿಭಾಗದಲ್ಲಿ ಬಲಿಷ್ಠವಾಗಿರುವ ಆಫ್ಘನ್ ತಂಡವು ಆಸಿಸ್‌ಗೆ ಶಾಕ್ ನೀಡುತ್ತಾ..? ಇಲ್ಲವೇ ಹಾಲಿ ಚಾಂಪಿಯನ್ ತನ್ನ ಘನತೆಗೆ ತಕ್ಕಂತೆ ಆಡಿ ಮ್ಯಾಚ್ ಗೆಲ್ಲುತ್ತಾ ಎನ್ನೋದು ಸದ್ಯದ ಕುತೂಹಲವಾಗಿದೆ.
ಬ್ರಿಸ್ಟಾಲ್[ಜೂ.01]: ಆರಂಭಿಕ ಆಘಾತದ ಹೊರತಾಗಿಯೂ ರೆಹಮತ್ ಶಾ[43] ಸಮಯೋಚಿತ ಬ್ಯಾಟಿಂಗ್ ಹಾಗೂ ನಜೀಬುಲ್ಲಾ ಜರ್ದಾನ್[51] ಆಕರ್ಷಕ ಅರ್ಧಶತಕದ ನೆರವಿನಿಂದ ಆಫ್ಘಾನಿಸ್ತಾನ 207 ರನ್ ಬಾರಿಸಿದ್ದು, ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾಗೆ ಸ್ಫರ್ಧಾತ್ಮಕ ಗುರಿ ನೀಡಿದೆ.
ಈ ವೇಳೆ ಮೂರನೇ ವಿಕೆಟ್‌ಗೆ ಜತೆಯಾದ ರೆಹಮತ್ ಶಾ-ಹಸ್ಮತುಲ್ಲಾ ಶಾಹಿದಿ 51 ರನ್’ಗಳ ಜತೆಯಾಟವಾಡುವ ಮೂಲಕ ತಂಡಕ್ಕೆ ಆಸರೆಯಾದರು. ಉತ್ತಮ ಇನ್ನಿಂಗ್ಸ್ ಕಟ್ಟುವ ಸೂಚನೆ ನೀಡಿದ್ದ ಶಾಹಿದಿ[18] ಮುನ್ನುಗ್ಗಿ ಬಾರಿಸುವ ಯತ್ನದಲ್ಲಿ ಜಂಪಾ ಬೌಲಿಂಗ್‌ನಲ್ಲಿ ಸ್ಟಂಪೌಟ್ ಆದರು. ಇನ್ನು ಆಲ್ರೌಂಡರ್ ನಬೀ ಇಲ್ಲದ ರನ್ ಕದಿಯಲು ಹೋಗಿ ರನೌಟ್ ಆದರು. ಉತ್ತಮವಾಗಿ ಆಡುತ್ತಿದ್ದ ರೆಹಮತ್ ಶಾ 43 ರನ್ ಬಾರಿಸಿ ಜಂಪಾಗೆ ಎರಡನೇ ಬಲಿ ಆದರು. ಈ ವೇಳೆ ಆಫ್ಘಾನಿಸ್ತಾನ 20.2 ಓವರ್’ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 77 ರನ್ ಬಾರಿಸಿ ಮತ್ತೆ ಸಂಕಷ್ಟಕ್ಕೆ ಸಿಲುಕಿತ್ತು.
ಆಸರೆಯಾದ ಜರ್ದಾನ್-ನೈಬ್: 6ನೇ ವಿಕೆಟ್‌ಗೆ ನಾಯಕ ಗುಲ್ಬದ್ದೀನ್ ನೈಬ್ ಹಾಗೂ ನಜೀಬುಲ್ಲಾ ಜರ್ದಾನ್ ಜೋಡಿ ಆಸಿಸ್ ಬೌಲರ್’ಗಳನ್ನು ದಿಟ್ಟವಾಗಿ ಎದುರಿಸುವುದರ ಮೂಲಕ 83 ರನ್ ಗಳ ಜತೆಯಾಟವಾಡಿತು. ನಾಯಕ ನೈಬ್ 33 ಎಸೆತಗಳಲ್ಲಿ 31 ರನ್ ಬಾರಿಸಿದರೆ, ನಜೀಬುಲ್ಲಾ ಜರ್ದಾನ್ ಕೇವಲ 49 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 2 ಆಕರ್ಷಕ ಸಿಕ್ಸರ್ ಸಹಿತ 51 ರನ್ ಬಾರಿಸಿದರು. ಈ ಇಬ್ಬರು ಅಂತಿಮವಾಗಿ ಮಾರ್ಕಸ್ ಸ್ಟೋನಿಸ್‌ಗೆ ವಿಕೆಟ್ ಒಪ್ಪಿಸಿದರು. ಕೊನೆಯಲ್ಲಿ ಅಬ್ಬರಿಸಿದ ರಶೀದ್ ಖಾನ್[27], ಮುಜೀಬ್ ಉರ್ ರೆಹಮಾನ್ ತಂಡದ ಮೊತ್ತವನ್ನು ಇನ್ನೂರರ ಗಡಿ ಡಾಟಿಸುವಲ್ಲಿ ಯಶಸ್ವಿಯಾದರು.
ಆಸ್ಟ್ರೇಲಿಯಾ ಪರ ಆ್ಯಡಂ ಜಂಪಾ ಹಾಗೂ ಪ್ಯಾಟ್ ಕಮ್ಮಿನ್ಸ್ ತಲಾ 3 ವಿಕೆಟ್ ಪಡೆದರೆ, ಮಾರ್ಕಸ್ ಸ್ಟೋನಿಸ್ 2 ಹಾಗೂ ಮಿಚೆಲ್ ಸ್ಟಾರ್ಕ್ 1 ವಿಕೆಟ್ ಪಡೆದರು.
ಸಂಕ್ಷಿಪ್ತ ಸ್ಕೋರ್:
ಆಫ್ಘಾನಿಸ್ತಾನ: 207/10
ನಜೀಬುಲ್ಲಾ ಜರ್ದಾನ್: 51
ಪ್ಯಾಟ್ ಕಮ್ಮಿನ್ಸ್: 40/3
[* ವಿವರ ಅಪೂರ್ಣ]
