Cause For Cardiac Arrest: ಡ್ಯಾನ್ಸ್ ಮಾಡೋದ್ರಿಂದ ಹೃದಯ ಸ್ತಂಭನವಾಗುತ್ತಾ ?
ಡ್ಯಾನ್ಸ್, ಮನಸ್ಸು ಹಾಗೂ ದೇಹವನ್ನು ರಿಫ್ರೆಶ್‌ಗೊಳಿಸುವ ಒಂದು ಆರ್ಟ್‌. ಡ್ಯಾನ್ಸ್ ಮಾಡೋದ್ರಿಂದ ಹೆಚ್ಚು ಹೆಲ್ದೀಯಾಗಿರಬಹುದು ಅಂತಾರೆ. ಆದ್ರೆ ಡ್ಯಾನ್ಸ್ ಮಾಡೋ ಅಭ್ಯಾಸ ಹೃದಯ ಸ್ತಂಭನಕ್ಕೂ ಕಾರಣವಾಗುತ್ತೆ ಅನ್ನೋದು ನಿಮ್ಗೆ ಗೊತ್ತಿದ್ಯಾ ? ಅರೆ, ಅದ್ಹೇಗೆ ಸಾಧ್ಯ ಅನ್ಬೇಡಿ. ಇಲ್ಲಿದೆ ಹೆಚ್ಚಿನ ಮಾಹಿತಿ.
40ರ ಹರೆಯದ ವ್ಯಕ್ತಿಯೊಬ್ಬನ ವಿಡಿಯೋ ಆನ್‌ಲೈನ್‌ನಲ್ಲಿ ಟ್ರೆಂಡಿಂಗ್ ಆಗಿದೆ. ವೈರಲ್ ವಿಡಿಯೋದಲ್ಲಿರುವ ವ್ಯಕ್ತಿ ಮದುವೆ ಸಮಾರಂಭದಲ್ಲಿ ಉತ್ಸಾಹದಿಂದ ನೃತ್ಯ (Dance) ಮಾಡುತ್ತಿರುವುದು ಕಂಡು ಬಂದಿದೆ. ಹೀಗೆ ನೃತ್ಯ ಮಾಡುವಾಗಲೇ ವ್ಯಕ್ತಿ ಕುಸಿದು ಬಿದ್ದು ಮೃತಪಟ್ಟಿದ್ದಾನೆ. ಹೃದಯ ಸ್ತಂಭನದಿಂದ (Cardiac Arrest) ವ್ಯಕ್ತಿ ಸಾವನ್ನಪ್ಪಿದ್ದಾನೆ ಎಂದು ವರದಿಯಾಗಿದೆ. ಇದೇ ರೀತಿಯ ಘಟನೆ ಸೆಪ್ಟೆಂಬರ್‌ನಲ್ಲಿ ವರದಿಯಾಗಿದ್ದು, ಗಣೇಶೋತ್ಸವದ ಸಂದರ್ಭದಲ್ಲಿ ನೃತ್ಯ ಪ್ರದರ್ಶನದ ಮಧ್ಯದಲ್ಲಿದ್ದಾಗ 20 ವರ್ಷದ ಯುವಕ ಹೃದಯ ಸ್ತಂಭನಕ್ಕೆ ಒಳಗಾಗಿ ಮೃತಪಟ್ಟಿದ್ದ (Death). ಹೀಗಾಗಿ ನೃತ್ಯವು ಹೃದಯ ಸ್ತಂಭನವನ್ನು ಉಂಟುಮಾಡಬಹುದೇ ಎಂಬ ಪ್ರಶ್ನೆ ಹಲವರಲ್ಲಿ ಮೂಡಿದೆ.
ನೃತ್ಯ ಮತ್ತು ಹೃದಯ ಸ್ತಂಭನದ ನಡುವೆ ಲಿಂಕ್ ಇದ್ಯಾ ?
ನೃತ್ಯ ಮತ್ತು ಹೃದಯ ಸ್ತಂಭನದ ನಡುವೆ ನೇರ ಸಂಬಂಧವಿಲ್ಲ ಎಂದು ತಜ್ಞರು ಹೇಳುತ್ತಾರೆ. ಆದರೆ ವ್ಯಾಯಾಮ (Exercise) ಮಾಡುವ ಅಭ್ಯಾಸವಿಲ್ಲದ ವ್ಯಕ್ತಿಗೆ ಹೃದಯ ಸ್ತಂಭನದ ಅಪಾಯ ಹೆಚ್ಚಿದೆ. ದೈಹಿಕವಾಗಿ ಚಟುವಟಿಕೆಯಿಂದ ಇರದ ವ್ಯಕ್ತಿ ಇದ್ದಕ್ಕಿದ್ದಂತೆ ನೃತ್ಯ ಮಾಡಲು ಪ್ರಾರಂಭಿಸಿದರೆ ಅಥವಾ ಟ್ರೆಡ್‌ಮಿಲ್ ಬಳಸಿದರೆ ಅಥವಾ ಕ್ರೀಡೆಗಳಲ್ಲಿ ಭಾಗವಹಿಸಿದರೆ, ಆ ವ್ಯಕ್ತಿಯು ಹೃದಯ ಸ್ತಂಭನದ ಅಪಾಯಕ್ಕೆ ಒಳಗಾಗಬಹುದು ಎಂದು ತಜ್ಞರು ಹೇಳುತ್ತಾರೆ.
ಭಾರತದಲ್ಲಿ ಹೆಚ್ಚುತ್ತಿದೆ ಹೃದಯಸ್ತಂಭನ, ಒತ್ತಡ ನಿರ್ವಹಣೆ ಅತೀ ಅಗತ್ಯವೆಂದ ತಜ್ಞರು
ನೀವು ಮದುವೆ ಸಮಾರಂಭದಲ್ಲಿದ್ದಾಗ ಅಥವಾ ನಿಮ್ಮ ಸ್ನೇಹಿತರೊಂದಿಗೆ ಆನಂದಿಸುತ್ತಿರುವಾಗ, ಡ್ರಿಂಕ್ಸ್ ಮಾಡುತ್ತೀರಿ. ಇಂಥಾ ಸಂದರ್ಭದಲ್ಲಿ ಬಹಳಷ್ಟು ಜನರು ಅಲ್ಕೋಹಾಲ್‌ ಯುಕ್ತ ಪಾನೀಯಗಳನ್ನು ಸೇವಿಸುತ್ತಾರೆ. ಕೆಲವರು ಅಂತಹ ಸಮಾರಂಭಗಳಲ್ಲಿ ಪಾರ್ಟಿ ಡ್ರಗ್ಸ್ ಅನ್ನು ಸಹ ಪ್ರಯತ್ನಿಸುತ್ತಾರೆ. ಇಂಥವರು ಡ್ಯಾನ್ಸ್ ಮಾಡಿದರೆ ಹೃದಯ ಸ್ತಂಭನದ ಅಪಾಯ ಹೆಚ್ಚಾಗುತ್ತದೆ.
ಅನುವಂಶಿಕವಾಗಿ ಕಾಣಿಸಿಕೊಳ್ಳುತ್ತೆ ಹೃದಯ ಸ್ತಂಭನ
ಸಾಮಾನ್ಯವಾಗಿ, ನಮ್ಮ ತಂದೆ ಅಥವಾ ತಾಯಿಯ ಕುಟುಂಬದಲ್ಲಿ (Family) ಯಾರಿಗಾದರೂ ಹೃದಯ ಕಾಯಿಲೆ ಇದ್ದರೆ ಸುಲಭವಾಗಿ ಹೃದಯ ಸ್ತಂಭನವಾಗಬಹುದು. ಕೆಲವು ಅನುವಂಶಿಕ (Heriditary)ವೈಪರೀತ್ಯಗಳು ವ್ಯಕ್ತಿಯ ಹೃದಯ ಸ್ತಂಭನಕ್ಕೆ ಕಾರಣವಾಗಬಹುದು. ಅವು ಯಾವುವು ತಿಳಿಯೋಣ.
1. ಲಾಂಗ್ ಕ್ಯೂಟಿ ಸಿಂಡ್ರೋಮ್: ಇದು ನಿಮ್ಮ ಹೃದಯ ಬಡಿತದ ಮೇಲೆ ಪರಿಣಾಮ ಬೀರುವ ಅನುವಂಶಿಕ ಹೃದಯ ಸಮಸ್ಯೆಯಾಗಿದೆ ಮತ್ತು ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಪ್ರಕಾರ, ಯುವಜನರಲ್ಲಿ, ಇಲ್ಲದಿದ್ದರೆ ಆರೋಗ್ಯವಂತ ಜನರಲ್ಲಿ ಹಠಾತ್ ಹೃದಯದ ಸಾವಿಗೆ ಇದು ಒಂದು ಕಾರಣವಾಗುತ್ತದೆ
2. ಬ್ರುಗಾಡಾ ಸಿಂಡ್ರೋಮ್: ಇದು ಅಪರೂಪದ ಆದರೆ ಗಂಭೀರವಾದ ಸ್ಥಿತಿಯಾಗಿದ್ದು, ಆರೋಗ್ಯ ಸಂಸ್ಥೆಯ ಪ್ರಕಾರ ಹೃದಯವು (Heart) ಅಪಾಯಕಾರಿಯಾಗಿ ವೇಗವಾಗಿ ಬಡಿಯುವಂತೆ ಮಾಡುತ್ತದೆ. ಇದು ಸಾಮಾನ್ಯವಾಗಿ ಪೋಷಕರಿಂದ ಅನುವಂಶಿಕವಾಗಿ ಪಡೆದ ದೋಷಯುಕ್ತ ಜೀನ್‌ನಿಂದ ಉಂಟಾಗುತ್ತದೆ.
ಹಾರ್ಟ್ ಅಟ್ಯಾಕ್ ಆದಾಗ ಪ್ರಾಣ ಉಳಿಸುವ CPR, ಆದ್ರೆ ಇಂಥಾ ತಪ್ಪು ಮಾಡ್ಬಾರ್ದು
3. ಹೈಪರ್ಟ್ರೋಫಿಕ್ ಕಾರ್ಡಿಯೊಮಿಯೊಪತಿ: ಇದು ಹೆಚ್ಚಾಗಿ ಹೃದಯ ಸ್ನಾಯುಗಳಲ್ಲಿನ ಅಸಹಜ ಜೀನ್‌ಗಳಿಂದ ಉಂಟಾಗುತ್ತದೆ. ಹೈಪರ್ಟ್ರೋಫಿಕ್ ಕಾರ್ಡಿಯೊಮಿಯೊಪತಿ ಮುಂದುವರೆದಂತೆ, ಇದು ಆರೋಗ್ಯ ಸಮಸ್ಯೆಗಳನ್ನು (Health problem) ಉಂಟುಮಾಡಬಹುದು. ಇದು ಅಂತಿಮವಾಗಿ ಹೃದಯ ವೈಫಲ್ಯಕ್ಕೆ ಕಾರಣವಾಗಬಹುದು ಮತ್ತು ಅಮೇರಿಕನ್ ಹಾರ್ಟ್ ಅಸೋಸಿಯೇಷನ್ ಪ್ರಕಾರ ಹಠಾತ್ ಹೃದಯ ಸ್ತಂಭನವಾಗುವ ಸಾಧ್ಯತೆಯೂ ಇದೆ.
ಮಧುಮೇಹ ಇರುವವರು ಡ್ಯಾನ್ಸ್ ಮಾಡಿದರೆ ಡೇಂಜರ್‌
ಮಧುಮೇಹ ಹೊಂದಿರುವವರು ಆಹಾರ (Food) ಮತ್ತು ಔಷಧಿಗಳ (Medicine) ಬಗ್ಗೆ ಮಾತ್ರ ಗಮನ ಹರಿಸಿದರೆ ಸಾಕಾಗುವುದಿಲ್ಲ. ಮಧುಮೇಹವು ಧೂಮಪಾನದ ಜೊತೆಗೆ ಹೃದಯ ಸಮಸ್ಯೆಗಳ ಪ್ರಮುಖ ಅಪಾಯಕಾರಿ ಅಂಶಗಳಲ್ಲಿ ಒಂದಾಗಿದೆ ಎಂದು ಹೃದ್ರೋಗ ತಜ್ಞರು ಹಂಚಿಕೊಂಡಿದ್ದಾರೆ. ಇದು ರೋಗಿಗೆ ಹೃದಯಾಘಾತದ (Heartattack) ಅಪಾಯವನ್ನುಂಟುಮಾಡುತ್ತದೆ ಮತ್ತು ಹೃದಯಾಘಾತವು ಹೃದಯ ಸ್ತಂಭನಕ್ಕೆ ಕಾರಣವಾಗುತ್ತದೆ. ಆದ್ದರಿಂದ, ಮಧುಮೇಹ (Diabetes) ಮತ್ತು ಹುರುಪಿನ ನೃತ್ಯವು ನಿಮ್ಮ ಆರೋಗ್ಯಕ್ಕೆ ಹೆಚ್ಚು ಒಳ್ಳೆಯದನ್ನು ಮಾಡುವುದಿಲ್ಲ.
ಜಡ ಜೀವನಶೈಲಿ ನಡೆಸುವವರು ಡ್ಯಾನ್ಸ್ ಬಗ್ಗೆ ಜಾಗರೂಕರಾಗಿರಬೇಕು
ನಿಯಮಿತವಾಗಿ ವ್ಯಾಯಾಮ ಮಾಡುತ್ತಿಲ್ಲವಾಗಿದ್ದು ದಿಢೀರ್ ನೃತ್ಯ ಮಾಡಿದರೆ ಇದು ಆರೋಗ್ಯ ಸಮಸ್ಯೆಯನ್ನುಂಟು ಮಾಡಬಹುದು. ಯಾವುದೇ ಚಟುವಟಿಕೆಯಲ್ಲಿ ಭಾಗವಹಿಸದೇ ಇದ್ದು, ಇದ್ದಕ್ಕಿದ್ದಂತೆ ನೃತ್ಯ ಮಾಡಲು ಅಥವಾ ವ್ಯಾಯಾಮ ಮಾಡಲು ಪ್ರಾರಂಭಿಸಿದರೆ ಅದು ಹೃದಯ ಸ್ತಂಭನಕ್ಕೆ ಕಾರಣವಾಗಬಹುದು ಎಂದು ವೈದ್ಯರು ಎಚ್ಚರಿಸಿದ್ದಾರೆ.
