Hign BP and Pregnancy: ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡ ನಿರ್ವಹಿಸುವುದು ಹೇಗೆ ?
ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡವು ತಾಯಿಯ ರಕ್ತನಾಳಗಳನ್ನು ಬಿಗಿಗೊಳಿಸಬಹುದು. ಇದರಿಂದ ಶಿಶುವಿಗೆ ಆಮ್ಲಜನಕ ಮತ್ತು ಪೋಷಕಾಂಶಗಳ ಕೊರತೆಯಾಗಬಹುದು. ಹಾಗಿದ್ದರೆ, ಪ್ರಗ್ನೆನ್ಸಿಯಲ್ಲಿ ಹೈ ಬಿಪಿ ಎದುರಾದರೆ ಹೇಗೆ ನಿಭಾಯಿಸಬೇಕು?
ಗರ್ಭಧಾರಣೆಯು(pregnancy) ಯಾವುದೇ ಮಹಿಳೆಗೆ ಸೂಕ್ಷ್ಮ ಸಮಯವಾಗಿದೆ. ಪೂರ್ವಕಲ್ಪನೆಯಿಂದ ಹಾಲುಣಿಸುವವರೆಗೆ ತಾಯಿಯ ಪೋಷಣೆಯು ಮಕ್ಕಳ ಬೆಳವಣಿಗೆ, ಅಭಿವೃದ್ಧಿ ಮತ್ತು ದೀರ್ಘಕಾಲೀನ ಆರೋಗ್ಯ(health)ದ ಮೇಲೆ ಪ್ರಭಾವ ಬೀರಬಹುದು. ಗರ್ಭಾವಸ್ಥೆಯಲ್ಲಿ ಅನೇಕ ಬದಲಾವಣೆಗಳು(changes) ಸಂಭವಿಸುತ್ತವೆ. ದೈಹಿಕ ಬದಲಾವಣೆಗಳು, ಆಯಾಸ, ಹಾರ್ಮೋನ್ ಏರಿಳಿತಗಳಿಂದಾಗಿ ಮನಸ್ಥಿತಿ ಬದಲಾವಣೆಗಳು, ನಿರ್ದಿಷ್ಟ ಆಹಾರಗಳ ಬಯಕೆ(cravings)ಗೆ ಕಾರಣವಾಗುತ್ತವೆ. ಎಲ್ಲವೂ ಸಾಮಾನ್ಯ, ತಾತ್ಕಾಲಿಕ ಮತ್ತು ನಿರುಪದ್ರವಿ ಬದಲಾವಣೆಗಳು. ಇದರ ಹೊರತಾಗಿ ತಾಯಂದಿರ ಆರೋಗ್ಯದಲ್ಲಿ ಮಧುಮೇಹ, ರಕ್ತದೊತ್ತಡ ಹೆಚ್ಚುವಂಥ ಬದಲಾವಣೆಗಳಾದರೆ ಅದಕ್ಕೆ ಹೆಚ್ಚಿನ ಗಮನ ಅಗತ್ಯ. ಹಾಗಾಗಿ, ಆಗಾಗ ತಾಯಿ ಮತ್ತು ಭ್ರೂಣದ ಆರೋಗ್ಯ ಸ್ಥಿತಿಯನ್ನು ಪರೀಕ್ಷಿಸುತ್ತಿರುವುದು ಮುಖ್ಯ.
ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡ
ಅಧಿಕ ರಕ್ತದೊತ್ತಡ(High BP)ವು 10 ಗರ್ಭಧಾರಣೆಗಳಲ್ಲಿ ಒಂದನ್ನು ಸಂಕೀರ್ಣಗೊಳಿಸುತ್ತದೆ. ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡವು ತಾಯಿಯ ರಕ್ತನಾಳಗಳನ್ನು(ಹೊಕ್ಕುಳ ಬಳ್ಳಿಯಲ್ಲಿರುವವುಗಳನ್ನು ಒಳಗೊಂಡಂತೆ) ಬಿಗಿಗೊಳಿಸಬಹುದು. ಇದರಿಂದ ಶಿಶುವಿಗೆ ಆಮ್ಲಜನಕ ಮತ್ತು ಪೋಷಕಾಂಶಗಳ ಕೊರತೆಯಾಗಬಹುದು. ಹೀಗಾದಾಗ ಪೂರ್ವಪ್ರಬುದ್ಧತೆ, ಕಡಿಮೆ ಜನನ ತೂಕ(birth weight) ಮತ್ತು ಭ್ರೂಣದ ಬೆಳವಣಿಗೆಯ ನಿರ್ಬಂಧಕ್ಕೆ ಕಾರಣವಾಗಬಹುದು.
ಗರ್ಭಾವಸ್ಥೆಯಲ್ಲಿ ಕಾಣಿಸಿಕೊಳ್ಳುವ ಅಧಿಕ ರಕ್ತದೊತ್ತಡದಲ್ಲಿ ನಾಲ್ಕು ವಿಧಗಳಿವೆ.
ದೀರ್ಘಕಾಲದ ಅಧಿಕ ರಕ್ತದೊತ್ತಡ - ದೀರ್ಘಕಾಲದ ಅಧಿಕ ರಕ್ತದೊತ್ತಡವನ್ನು ಗರ್ಭಧಾರಣೆಗೆ ಮೊದಲೇ ಆರಂಭವಾದ ಅಧಿಕ ರಕ್ತದೊತ್ತಡ ಎಂದು ವ್ಯಾಖ್ಯಾನಿಸಲಾಗಿದೆ.
Managing Psoriasis: ಸೋರಿಯಾಸಿಸ್‌ ನಿಭಾಯಿಸುವುದು ಹೇಗೆ?
ಕ್ಷಣಿಕ ಅಧಿಕ ರಕ್ತದೊತ್ತಡ - ಗರ್ಭಧಾರಣೆಯ 20 ವಾರಗಳ ನಂತರ ಗರ್ಭಾವಸ್ಥೆಯಲ್ಲಿ ಮೊದಲ ಬಾರಿಗೆ ಅಧಿಕ ರಕ್ತದೊತ್ತಡವನ್ನು ಗುರುತಿಸಲಾಗುತ್ತದೆ. ಮೂತ್ರದಲ್ಲಿ ಪ್ರೋಟೀನ್ (ಪ್ರೋಟೀನುರಿಯಾ) ನಂತಹ ಪ್ರಿಕ್ಲಾಂಪ್ಸಿಯಾದ ಇತರ ಯಾವುದೇ ಲಕ್ಷಣಗಳು ಅಥವಾ ಚಿಹ್ನೆಗಳನ್ನು ಹೊಂದಿರುವುದಿಲ್ಲ.
ಪ್ರಿಕ್ಲಾಂಪ್ಸಿಯಾ(preeclampsia) - ಪ್ರಿಕ್ಲಾಂಪ್ಸಿಯಾ ಗರ್ಭಧಾರಣೆಯ ಉತ್ತರಾರ್ಧದಲ್ಲಿ ಗರ್ಭಿಣಿ ಮಹಿಳೆಯಲ್ಲಿ ಅಧಿಕ ರಕ್ತದೊತ್ತಡದ ಹೊಸ ಆರಂಭ ಮತ್ತು ಅಂಗದ ಗಾಯದ ಪುರಾವೆಯನ್ನು ಸೂಚಿಸುತ್ತದೆ. ಇದು ಮೂತ್ರಪಿಂಡ, ಯಕೃತ್ತು, ಮೆದುಳು ಸೇರಿದಂತೆ ಅನೇಕ ಅಂಗಗಳನ್ನು ಸಂಕೀರ್ಣಗೊಳಿಸಬಹುದು. ಇದರಿಂದ ತಲೆನೋವು ಮತ್ತು ದೃಷ್ಟಿಯಲ್ಲಿ ಬದಲಾವಣೆಗಳಾಗಬಹುದು. ಸಾಂದರ್ಭಿಕವಾಗಿ ಸೆಳೆತಗಳೂ ಕಾಣಿಸಿಕೊಳ್ಳಬಹುದು.
Weight Lose Tips: ಸಂಜೆಯಾದ್ಮೇಲೆ ಮಾಡಬಾರದ ತಪ್ಪುಗಳಿವು!
ಪೋಸ್ಟ್ ಪಾರ್ಟಮ್ ಪ್ರಿಕ್ಲಾಂಪ್ಸಿಯಾ(Postpartum preeclampsia) - ಹೆರಿಗೆಯ ನಂತರ ಮೊದಲ ಬಾರಿಗೆ ಸಂಭವಿಸಬಹುದು.
ಪ್ರಗ್ನೆನ್ಸಿಯಲ್ಲಿ ಹೆಚ್ಚುವ ರಕ್ತದೊತ್ತಡಕ್ಕೆ ಕಾರಣಗಳು
● ಮೊದಲ ಬಾರಿಗೆ ತಾಯಂದಿರಾಗುವ ಭಯ
● ಐವಿಎಫ್(IVF) ನೆರವಿನ ಸಂತಾನೋತ್ಪತ್ತಿ ತಂತ್ರಜ್ಞಾನ
● ವಯಸ್ಸು 20ಕ್ಕಿಂತ ಕಡಿಮೆ ಮತ್ತು 35ಕ್ಕಿಂತ ಹೆಚ್ಚಿರುವುದು.
● ಕುಟುಂಬದಲ್ಲಿ ಗರ್ಭಧಾರಣೆಗೆ ಸಂಬಂಧಿಸಿದ ಅಧಿಕ ರಕ್ತದೊತ್ತಡದ ಇತಿಹಾಸವನ್ನು ಹೊಂದಿರುವುದು.
● ಅನೇಕ ಶಿಶುಗಳನ್ನು ನಿರೀಕ್ಷಿಸುವುದು.
● ಅಧಿಕ ತೂಕ
● ಗರ್ಭಧಾರಣೆಯ ಮಧುಮೇಹ
● ಧೂಮಪಾನ(smoking)
● ಆಲ್ಕೋಹಾಲ್(alcohol) ಸೇವನೆ
● ದೈಹಿಕ ಚಟುವಟಿಕೆಯ ಕೊರತೆ
ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡ ತಡೆಗಟ್ಟಲು ವ್ಯಾಯಾಮ, ಸರಿಯಾದ ತೂಕ ನಿರ್ವಹಣೆ, ಚಟಮುಕ್ತರಾಗಿರುವುದರ ಜೊತೆಗೆ ಆಹಾರ(diet)ದ ಕಡೆ ಗಮನ ಕೊಡಿ.
- ಅಡುಗೆಗೆ ಮಾತ್ರ ಟೇಬಲ್ ಸಾಲ್ಟ್ ಆಯ್ಕೆ ಮಾಡಿ ಮತ್ತು ಗುಲಾಬಿ ಉಪ್ಪು / ಅಥವಾ ರೈತಾ ಗಳು, ಸೂಪ್ ಗಳು ಮತ್ತು ಸಲಾಡ್‌ಗಳಂಥ ಆಹಾರಗಳಿಗೆ ಅಯೋಡೈಸ್ ಮಾಡದ ಉಪ್ಪನ್ನು ಬಳಸಿ.
- ಕ್ಯಾಲ್ಸಿಯಂ(Calcium) ಮತ್ತು ಮೆಗ್ನೀಶಿಯಮ್(magnesium) ಸೇವನೆ ಹೆಚ್ಚಿಸಲು ಪ್ರತಿದಿನ 2-3 ಲೋಟ ಹಾಲು, ಒಂದು ಬೌಲ್ ಮೊಸರು ಸೇವಿಸಿ. ಸಾರ್ಡಿನ್, ಸಾಲ್ಮನ್, ಸೀಗಡಿಗಳು ಮತ್ತು ಕೆಂಪು ಸ್ನ್ಯಾಪರ್ ಮೀನುಗಳನ್ನು ನಿಯಮಿತವಾಗಿ ಸೇವಿಸಿ. ಪನ್ನೀರ್, ಬೆಣ್ಣೆ, ಚೀಸ್(cheese)ನಂತಹ ಡೈರಿ ಉತ್ಪನ್ನ(diary products)ಗಳನ್ನು ರಿಕೋಟಾ, ಮೊಝರೆಲ್ಲಾ, ಚೆಡ್ಡಾರ್ ಮತ್ತು ಫೆಟಾದಂತಹ ಡೈರಿ ಉತ್ಪನ್ನಗಳನ್ನು ವಾರಕ್ಕೆ ಕನಿಷ್ಠ ಮೂರು ಬಾರಿ ಸೇರಿಸಿ. ವಾರವಿಡೀ ತರಕಾರಿಗಳು ಮತ್ತು ದ್ವಿದಳ ಧಾನ್ಯಗಳನ್ನು ಸೇವಿಸಿ. ಡಾರ್ಕ್ ಚಾಕೊಲೇಟ್, ಆವಕಾಡೊ, ಬೀಜಗಳು, ಎಲೆ ತರಕಾರಿಗಳು ಮತ್ತು ದ್ವಿದಳ ಧಾನ್ಯಗಳ ಸೇವನೆ ಹೆಚ್ಚಿಸಿ.
- ವಿಟಮಿನ್ - ಡಿ ಸೇವನೆ ಹೆಚ್ಚಿಸಲು ಪ್ರತಿದಿನ ಸೂರ್ಯನ ಬೆಳಕಿನಲ್ಲಿ ಕನಿಷ್ಠ 15-20 ನಿಮಿಷಗಳ ಕಾಲ ನಿಲ್ಲಿ. ಅಣಬೆಗಳು ವಿಟಮಿನ್-ಡಿ2 ನ ಏಕೈಕ ಸಸ್ಯ ಮೂಲವಾಗಿರುವುದರಿಂದ ಅವುಗಳನ್ನು ನಿಯಮಿತವಾಗಿ ಸೇವಿಸಿ. ಮೊಟ್ಟೆಗಳನ್ನು ಹೆಚ್ಚು ಹೆಚ್ಚು ಸೇವಿಸಿ.
- ಬೀಜಗಳು ಮತ್ತು ಕಾಯಿ ಆಧಾರಿತ ಎಣ್ಣೆಗಳನ್ನು ಸೇವಿಸಿ.
- ಜಲಸಂಚಯನದ ಸೂಕ್ತ ಮಟ್ಟವನ್ನು ಕಾಪಾಡಿಕೊಳ್ಳಲು ಸಾಕಷ್ಟು ನೀರನ್ನು ಕುಡಿಯಿರಿ.
- ರಾಗಿ, ಕಡಲೆ, ಬೇಳೆ ಕಾಳುಗಳು, ಕೊತ್ತಂಬರಿ, ಮೆಂತ್ಯ, ಬೆರ್ರಿಗಳು, ದಾಳಿಂಬೆ, ಚೆರ್ರಿಗಳು, ಮೂಸಂಬಿ ಮತ್ತು ಹೆಸರು ಬೇಳೆಯಂತಹ ಪೊಟ್ಯಾಸಿಯಮ್ ಸಮೃದ್ಧ ಆಹಾರಗಳನ್ನು ಸೇವಿಸಿ.
- ಹಳದಿ ಕುಂಬಳಕಾಯಿ, ಕ್ಯಾರೆಟ್, ಬೀಟ್ರೂಟ್‌ಗಳು, ಪಾಲಕ್, ಹಸಿರು ಎಲೆಗಳ ತರಕಾರಿಗಳಂಥ ವಿಟಮಿನ್ ಎ ಸಮೃದ್ಧ ಆಹಾರಗಳನ್ನು ಆಗಾಗ್ಗೆ ಸೇವಿಸಿ.
ರಶ್ಮಿ ರಾಜ್ ಕುಮಾರ್
ಹಿರಿಯ ಆರೋಗ್ಯ ತರಬೇತುದಾರರು
ಮತ್ತು ಕ್ಲಿನಿಕಲ್ ಪೌಷ್ಟಿಕ ತಜ್ಞರು
ಬೆಂಗಳೂರು
