Asianet Suvarna News Asianet Suvarna News

ಬಾಲಿವುಡ್‌ ನಟಿಯನ್ನು ಹಲವು ವರ್ಷದಿಂದ ಕಾಡ್ತಿದೆಯಂತೆ ಅಪಸ್ಮಾರ ಕಾಯಿಲೆ !

ನಟಿ ಸಮಂತಾ  'ಮೈಯೋಸಿಟಿಸ್’ಎಂಬ ಅಪರೂಪದ ಕಾಯಿಲೆಯಿಂದ ಬಳಲುತ್ತಿರುವ ಬಗ್ಗೆ ಇತ್ತೀಚಿಗೆ ಪೋಸ್ಟ್ ಮಾಡಿದ್ದರು. ಇದ್ರ ಬೆನ್ನಲ್ಲೇ ಹಿಂದಿ ನಟಿ ಫಾತಿಮಾ ಸನಾ ಶೇಖ್ ಅಪಸ್ಮಾರದೊಂದಿಗಿನ ತಮ್ಮ ಹೋರಾಟದ ಬಗ್ಗೆ ಮಾತನಾಡಿದ್ದಾರೆ.

Fatima Sana Shaikh Opens Up About Her Struggle With Epilepsy Vin
Author
First Published Nov 16, 2022, 12:19 PM IST

ಅನೇಕ ಸೆಲೆಬ್ರಿಟಿಗಳು ಒಂದಲ್ಲಾ ಒಂದು ರೀತಿಯ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಲೇ ಇರುತ್ತಾರೆ. ಇತ್ತೀಚಿಗಷ್ಟೇ ನಟಿ ಸಮಂತಾ  'ಮೈಯೋಸಿಟಿಸ್’ಎಂಬ ಅಪರೂಪದ ಕಾಯಿಲೆ (Disease)ಯಿಂದ ಬಳಲುತ್ತಿರುವ ಬಗ್ಗೆ ಪೋಸ್ಟ್ ಮಾಡಿದ್ದರು. ಬಾಲಿವುಡ್ ನಟ, ವರುಣ್‌ ಧವನ್‌ ಇತ್ತೀಚೆಗೆ ವೆಸ್ಟಿಬ್ಯುಲಾರ್‌ ಹೈಪೋಫಂಕ್ಷನ್‌ ಎನ್ನುವ ಸಮಸ್ಯೆಯಿಂದ ಬಳಲುತ್ತಿರುವುದಾಗಿ ಹೇಳಿಕೊಂಡಿದ್ದರು. ನಟ, ನಟಿಯರು ಖುಲ್ಲಂ ಖುಲ್ಲಂ ಆಗಿಯೇ ತಮ್ಮ ಆರೋಗ್ಯ ಸಮಸ್ಯೆಯ (Health problem) ಬಗ್ಗೆ ಹೇಳಿಕೊಳ್ಳುತ್ತಿರುವ ಮಧ್ಯೆಯೇ ಬಾಲಿವುಡ್ ನಟಿ ಫಾತಿಮಾ ಸನಾ ಶೇಖ್ ತಾನು ಅಪಸ್ಮಾರ (Epilepsy) ಕಾಯಿಲೆಯಿಂದ ಸಾಕಷ್ಟು ತೊಂದರೆ ಅನುಭವಿಸಿದ್ದಾಗಿ ಹೇಳಿದ್ದಾರೆ.

ಅಪಸ್ಮಾರದಿಂದ ಬಳಲುತ್ತಿರುವ 'ದಂಗಲ್' ಚಿತ್ರದ ನಟಿ
ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ಅಪಸ್ಮಾರದಿಂದ ಬಳಲುತ್ತಿರುವ 50 ಮಿಲಿಯನ್ ಜನರಲ್ಲಿ 10 ಮಿಲಿಯನ್ ಜನರು ಭಾರತದವರು. ಫಾತಿಮಾ ಸನಾ ಶೇಖ್ ಅವರು ಅಪಸ್ಮಾರದಿಂದ ಬದುಕುವ ಬಗ್ಗೆ ತಮ್ಮ ಕಥೆಯನ್ನು ಮುಂದಿಟ್ಟಿದ್ದಾರೆ. ಅಪಸ್ಮಾರವು ಮೆದುಳಿನ ಚಟುವಟಿಕೆಯ ಮೇಲೆ ಪರಿಣಾಮ ಬೀರುವ ನರವೈಜ್ಞಾನಿಕ ಸ್ಥಿತಿಯಾಗಿದೆ. ಇದು ಅಸಹಜ ನಡವಳಿಕೆ ಅಥವಾ ಸೆಳೆತ, ಸಂವೇದನೆಗಳು ಮತ್ತು ಸಾಂದರ್ಭಿಕವಾಗಿ ಪ್ರಜ್ಞೆಯ ನಷ್ಟವನ್ನು ಉಂಟುಮಾಡುತ್ತದೆ. ಅಪಸ್ಮಾರದೊಂದಿಗೆ ಫಾತಿಮಾ ಅವರ ಹೋರಾಟ ಮತ್ತು ಅದನ್ನು ಜಯಿಸಲು ಅವರು ಏನು ಮಾಡಿದರು ಎಂಬ ಮಾಹಿತಿ ಇಲ್ಲಿದೆ.

ನಟಿ ಸಮಂತಾಗೆ Myositis ಕಾಯಿಲೆ: ಗುಣಪಡಿಸೋಕೆ ಆಗಲ್ಲ, ಚಿಕಿತ್ಸೆಯಷ್ಟೇ ನೀಡ್ಬೋದು

ಹಲವು ವರ್ಷಗಳಿಂದ ಅಪಸ್ಮಾರದ ಸಮಸ್ಯೆ ಅನುಭವಿಸುತ್ತಿರುವ ನಟಿ
ಸಾಮಾಜಿಕ ಮಾಧ್ಯಮದಲ್ಲಿ ನಟಿ ತಮಗೆ ಅಪಸ್ಮಾರ ಇರುವ ಮಾಹಿತಿಯನ್ನು ಶೇರ್ ಮಾಡಿಕೊಂಡರು. ದಂಗಲ್ ತರಬೇತಿ ಸಮಯದಲ್ಲಿ ತನಗೆ ಅಪಸ್ಮಾರ ಇರುವುದು ಪತ್ತೆಯಾಯಿತು. ನಾನು ಪ್ರಜ್ಞೆ ತಪ್ಪಿ ಬಿದ್ದೆ. ನಂತರ ನೇರವಾಗಿ ಆಸ್ಪತ್ರೆಯಲ್ಲಿ ಎಚ್ಚರವಾಯಿತು. ಹಲವು ವರ್ಷಗಳಿಂದ ತಾನು ಈ ಸಮಸ್ಯೆ ಎದುರಿಸುತ್ತಿರುವುದಾಗಿ ನಟಿ ತಿಳಿಸಿದ್ದಾರೆ.

ಅಪಸ್ಮಾರವು ಮಾರಣಾಂತಿಕವಾಗಬಹುದು ಮತ್ತು ನಿಮ್ಮನ್ನು ಅಸಾಮರ್ಥ್ಯರನ್ನಾಗಿ ಮಾಡಬಹುದು ಎಂದು ಅವರು ಹೇಳಿದರು. ಪರಿಸ್ಥಿತಿಯನ್ನು ಹೇಗೆ ಎದುರಿಸಬೇಕು ಎಂಬುದರ ಕುರಿತು ಮತ್ತಷ್ಟು ವಿವರಿಸುತ್ತಾ, ಒಬ್ಬರು ಧನಾತ್ಮಕವಾಗಿರಲು ಮತ್ತು ಜೀವನದಲ್ಲಿ ಶಾಂತಿಯನ್ನು ಕಂಡುಕೊಳ್ಳಲು ಪ್ರಯತ್ನಿಸಬೇಕು ಎಂದು ಫಾತಿಮ ಹೇಳುತ್ತಾರೆ. ವಾಹನ ಚಲಾಯಿಸುವುದು, ಈಜುವುದು ಮತ್ತು ಒಂಟಿಯಾಗಿರುವಂತಹ ಕೆಲವು ಚಟುವಟಿಕೆಗಳನ್ನು ಮಾಡುವುದರಿಂದ ಅಪಸ್ಮಾರವನ್ನು ಹಿಮ್ಮೆಟ್ಟಿಸಬಹುದು ಎಂದು ಫಾತಿಮಾ ತಿಳಿಸಿದ್ದಾರೆ.

Varun Dhawan: ದೇಹದ ಹತೋಟಿ ಕಳಕೊಂಡಿದ್ರು ವರುಣ್‌ ಧವನ್‌, ಏನಿದು ವೆಸ್ಟಿಬ್ಯುಲಾರ್‌ ಹೈಪೋಫಂಕ್ಷನ್?

ಅಪಸ್ಮಾರದಲ್ಲಿ ಒತ್ತಡ, ಆಲಸ್ಯ, ಬ್ಯಾಟರಿ ದೀಪಗಳು, ನಿರ್ಜಲೀಕರಣ ಮತ್ತು ನಿದ್ರೆಯ ಕೊರತೆಯು ರೋಗಗ್ರಸ್ತವಾಗುವಿಕೆಗಳನ್ನು ಪ್ರಚೋದಿಸುವ ಕೆಲವು ಸಾಮಾನ್ಯ ಅಂಶಗಳಾಗಿವೆ ಎಂದು ಅವರು ಹೇಳುತ್ತಾರೆ. ರೋಗಗ್ರಸ್ತವಾಗುವಿಕೆ ಆರೋಗ್ಯ ಸಮಸ್ಯೆಗೆ (Health problem) ಕಾರಣವಾಗಬಹುದು. ಮಾತ್ರವಲ್ಲ ಸಾಮಾನ್ಯ ಕಾರ್ಯಚಟುವಟಿಕೆಯನ್ನು ಅಡ್ಡಿಪಡಿಸಬಹುದು. ಹೀಗಾಗಿ ಅಪಸ್ಮಾರದಿಂದ ಬಳಲುತ್ತಿರುವ ಯಾರನ್ನಾದರೂ ನಿರ್ವಹಿಸಲು ಮಾಡಬಹುದಾದ ಕೆಲವು ವಿಧಾನಗಳು ಇಲ್ಲಿವೆ. ವ್ಯಕ್ತಿಯನ್ನು ನಿಗ್ರಹಿಸಬೇಡಿ, ಬಾಯಿಗೆ ಏನನ್ನೂ ಹಾಕಬೇಡಿ, ಚೂಪಾದ ವಸ್ತುಗಳನ್ನು ವ್ಯಕ್ತಿಯಿಂದ ದೂರ ಸರಿಸಿ, 5-10 ನಿಮಿಷಗಳಿಗಿಂತ ಹೆಚ್ಚು ಕಾಲ ಪ್ರಜ್ಞೆ ತಪ್ಪಿದ್ದರೆ ವ್ಯಕ್ತಿಯನ್ನು ಆಸ್ಪತ್ರೆಗೆ ಕರೆದೊಯ್ಯಿರಿ, ಶಾಂತವಾಗಿರಿ ಮತ್ತು ಭಯಪಡಬೇಡಿ ಎಂದು ತಜ್ಞರು ತಿಳಿಸುತ್ತಾರೆ.

ನಟಿ ಫಾತಿಮಾ ಸನಾ ಶೇಖ್‌ ಬಾಲನಟಿಯಾಗಿ ಹಿಂದಿ ಚಿತ್ರರಂಗಕ್ಜೆ ಎಂಟ್ರಿ ಕೊಟ್ಟವರು. ಅಮೀರ್ ಖಾನ್ ಅವರ ದಂಗಲ್ ಸಿನಿಮಾದಿಂದ ಫಾತಿಮಾ ಹೆಚ್ಚು ಫೇಮಸ್ ಆಗಿದ್ದರು.ಅಪಸ್ಮಾರ ನನ್ನ ವೃತ್ತಿ ಜೀವನವನ್ನು ನಿಧಾನವಾಗಿಸಿದೆ ಎಂದು ಫಾತಿಮಾ ಬೇಸರ ವ್ಯಕ್ತಪಡಿಸಿದ್ದಾರೆ.

Follow Us:
Download App:
  • android
  • ios