ಕಣ್ಣಿನ ದೃಷ್ಟಿ ಮಂದ ಆಗ್ತಿದ್ಯಾ ? ಡೈಲೀ ಮಾಡೋ ಇಂಥಾ ತಪ್ಪೇ ಕಾರಣವಾಗಿರ್ಬೋದು
ಕಣ್ಣು ಮುಚ್ಚಿಕೊಂಡು ಒಂದು ದಿನವನ್ನು ಕಳೆಯಲು ನಿಮ್ಮಿಂದ ಸಾಧ್ಯವಾ ? ಖಂಡಿತಾ ಇಲ್ಲ. ದಿನನಿತ್ಯದ ಜೀವನದಲ್ಲಿ ಕಣ್ಣು ಅಷ್ಟು ಪ್ರಾಮುಖ್ಯತೆಯನ್ನು ಪಡೆದುಕೊಂಡಿದೆ. ಆದರೆ ಇಂಥಾ ಕಣ್ಣುಗಳ ಆರೈಕೆಯನ್ನು ನೀವು ಸರಿಯಾದ ರೀತಿಯಲ್ಲಿ ಮಾಡುತ್ತಿದ್ದೀರಾ ? ನೀವು ಪ್ರತಿದಿನ ಮಾಡೋ ತಪ್ಪುಗಳು ಕಣ್ಣಿನ ಆರೋಗ್ಯವನ್ನು ಹಾಳು ಮಾಡಬಹುದು. ಅದೇನೆಂದು ತಿಳ್ಕೊಳ್ಳಿ.
 )
Followಮನುಷ್ಯನ ಅಂಗಾಂಗಗಳು ಅದ್ಭುತವಾಗಿ ಕಾರ್ಯ ನಿರ್ವಹಿಸುತ್ತವೆ. ಎಲ್ಲಾ ಅಂಗಾಂಗಗಳಂತೆ ಕಣ್ಣುಗಳು ಅಮೂಲ್ಯವಾದ ಇಂದ್ರಿಯಗಳು. ಕಣ್ಣುಗಳಿಂದಲೇ ನಾವು ನೋಡುವ ವಸ್ತುಗಳನ್ನು ಪ್ರಶಂಸಿಸಲು ನಮ್ಮಿಂದ ಸಾಧ್ಯವಾಗುತ್ತದೆ. ಆದರೆ ಇತ್ತೀಚಿಗೆ ಸ್ಮಾರ್ಟ್‌ಫೋನ್‌ಗಳು, ಲ್ಯಾಪ್‌ಟಾಪ್‌ಗಳು ಮತ್ತು ಎಲ್ಲಾ ರೀತಿಯ ಗ್ಯಾಜೆಟ್‌ಗಳ ಬಳಕೆ ಹೆಚ್ಚಾಗಿದ್ದು, ನಮ್ಮ ಕಣ್ಣುಗಳು ನಿರಂತರ ಒತ್ತಡದಲ್ಲಿವೆ. ಒಂದು ದಶಕದ ಹಿಂದೆ. ಕೆಲಸದ ಹೊರತಾಗಿ, ಚಲನಚಿತ್ರವನ್ನು ನೋಡುವುದು, ಸಾಮಾಜಿಕ ಮಾಧ್ಯಮಗಳ ಮೂಲಕ ಸ್ಕ್ರೋಲಿಂಗ್ ಮಾಡುವುದು, ಆಟಗಳನ್ನು ಆಡುವುದು ಮುಂತಾದ ನಮ್ಮ ಬಿಡುವಿನ ವೇಳೆಯ ಚಟುವಟಿಕೆಗಳು ನಮ್ಮ ಕಣ್ಣಿನ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ಕಣ್ಣಿನ ಒತ್ತಡದ ಹೊರತಾಗಿ, ನಾವು ಅರಿಯದೆಯೇ ನಮ್ಮ ಕಣ್ಣುಗಳನ್ನು ನೋಯಿಸಬಹುದಾದ ಹಲವು ಮಾರ್ಗಗಳಿವೆ.
ನೀವು ನಿಮ್ಮ ಕಣ್ಣುಗಳನ್ನು (Eyes) ಸರಿಯಾಗಿ ತೊಳೆಯುತ್ತೀರಾ ಅಥವಾ ನೀವು ಪ್ರತಿದಿನ ಟಿವಿ (Television), ಮೊಬೈಲ್‌ನ್ನು ನಿರಂತರವಾಗಿ ನೋಡುತ್ತಿದ್ದೀರಾ ? ನಿಮ್ಮ ಕಣ್ಣುಗಳು ಆಯಾಸಗೊಂಡಾಗ ಪರಿಹಾರಕ್ಕಾಗಿ ಹಾಟ್ ಪ್ಯಾಕ್‌ಗಳನ್ನು ಬಳಸುತ್ತಿದ್ದೀರಾ ? ಇದ್ರಲ್ಲಿ ಯಾವುದು ಸರಿ ? ಯಾವುದು ತಪ್ಪು (Mistake) ? ಕಣ್ಣಿನ ಆರೋಗ್ಯಕ್ಕಾಗಿ ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಕೆಲವು ಅಗತ್ಯ ಕಣ್ಣಿನ ಆರೈಕೆ ಸಲಹೆಗಳು ಇಲ್ಲಿವೆ. ಆಯುರ್ವೇದ ತಜ್ಞೆ ಡಾ.ರೇಖಾ ರಾಧಾಮೋನಿ ತಮ್ಮ ಇತ್ತೀಚಿನ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ನಮ್ಮ ಕಣ್ಣುಗಳಿಗೆ ಹಾನಿ ಮಾಡುವ ದೈನಂದಿನ ತಪ್ಪುಗಳ ಬಗ್ಗೆ ಮಾತನಾಡುತ್ತಾರೆ.
ಕಣ್ಣುಗಳಲ್ಲಿ ಈ ಬದಲಾವಣೆ ಕಂಡ್ರೆ ಕಬ್ಬಿಣಾಂಶದ ಕೊರತೆ ಇದೆ ಎಂದರ್ಥ
1. ಕಣ್ಣುಗಳನ್ನು ತೊಳೆಯಲು ಬೆಚ್ಚಗಿನ ನೀರನ್ನು ಬಳಸುವುದು: ದೀರ್ಘ ಮತ್ತು ಒತ್ತಡದ ದಿನದ ಕೊನೆಯಲ್ಲಿ ದಣಿದ ಕಣ್ಣುಗಳಿಗೆ ಬೆಚ್ಚಗಿನ ನೀರನ್ನು (Hot water) ಬಳಸುವುದು ಕಣ್ಣಿನ ಆರೋಗ್ಯದ ದೃಷ್ಟಿಯಿಂದ ತುಂಬಾ ಒಳ್ಳೆಯದು ಎಂದು ಹಲವರು ಅಂದುಕೊಳ್ಳುತ್ತಾರೆ. ಆದ್ರೆ ಬಿಸಿನೀರಿನಲ್ಲಿ ಕಣ್ಣುಗಳನ್ನು ತೊಳೆಯುವ ಅಭ್ಯಾಸ (Habit) ಒಳ್ಳೆಯದಲ್ಲ. ಆಯುರ್ವೇದದ ಪ್ರಕಾರ ಕಣ್ಣುಗಳು ಉಷ್ಣದ ಸ್ಥಾನವಾಗಿದೆ. ಹೀಗಾಗಿ ಕಣ್ಣುಗಳನ್ನು ತಣ್ಣನೆಯ ನೀರಿನಿಂದ ತೊಳೆಯಬೇಕು. ಹೀಗಾಗಿ ನಿಮ್ಮ ಕಣ್ಣುಗಳನ್ನು ತೊಳೆಯಲು ಬಿಸಿನೀರನ್ನು ಎಂದಿಗೂ ಬಳಸಬೇಡಿ.
2. ಸಾಕಷ್ಟು ಬಾರಿ ಕಣ್ಣನ್ನು ಮಿಟುಕಿಸದಿರುವುದು: ಸಹಜವಾಗಿ ನಾವು ಕಣ್ಣನ್ನು ಮಿಟುಕಿಸುತ್ತಿರುತ್ತೇವೆ. ಆದರೆ ನಿರಂತರವಾಗಿ ಮೊಬೈಲ್, ಲ್ಯಾಪ್‌ಟಾಪ್ ನೋಡುತ್ತಾ ಕೆಲವೊಬ್ಬರು ಕಣ್ಣನ್ನು ಹೆಚ್ಚು ಮಿಟುಕಿಸದೇ ಸ್ಕ್ರೀನ್ ನೋಡುತ್ತಾ ಕುಳಿತುಬಿಡುತ್ತಾರೆ. ಆದರೆ ನಿಮ್ಮ ಕಣ್ಣುಗಳನ್ನು ಮಿಟುಕಿಸುವುದು ನಿಮ್ಮ ಕಣ್ಣಿನ ಆರೋಗ್ಯಕ್ಕೆ (Eyes health) ಅದ್ಭುತಗಳನ್ನು ಮಾಡಬಹುದು ಆದರೆ ಹಾಗೆ ಮಾಡದಿರುವುದು ಹಾನಿಕಾರಕವಾಗಿದೆ. ಕಣ್ಣನ್ನು ಮಿಟುಕಿಸುವುದು ಕಣ್ಣುಗಳನ್ನು ನಯಗೊಳಿಸುವ ನೈಸರ್ಗಿಕ ಶಾರೀರಿಕ ಪ್ರಕ್ರಿಯೆಯಾಗಿದೆ.
ವಿಪರೀತ ಬಿಸಿಲಿನ ಮಧ್ಯೆ ಕಣ್ಣುಗಳನ್ನು ಹೀಗೆ ಜೋಪಾನ ಮಾಡಿ
3. ಕೃತಕ ಕಣ್ಣಿನ ಹನಿಗಳನ್ನು ಅತಿಯಾಗಿ ಬಳಸುವುದು: ನಾವೆಲ್ಲರೂ ಕೆಲವೊಮ್ಮೆ ಒಣ ಕಣ್ಣುಗಳಿಗೆ ಕಣ್ಣಿನ ಹನಿಗಳನ್ನು ಬಳಸುತ್ತೇವೆ ಆದರೆ ಇದರ ದೀರ್ಘಾವಧಿಯ ಬಳಕೆಯು ನಿಮ್ಮ ಕಣ್ಣುಗಳನ್ನು ಇನ್ನಷ್ಟು ಒಣಗಿಸಬಹುದು. ಆಯುರ್ವೇದಿಕವಾಗಿ, ಉತ್ತಮ ದೀರ್ಘಕಾಲೀನ ಬಳಕೆಯ ಕಣ್ಣಿನ ಹನಿಗಳು ಯಾವಾಗಲೂ ತೈಲ ಆಧಾರಿತವಾಗಿವೆ ಎಂದು ತಜ್ಞರು ಹೇಳುತ್ತಾರೆ.
4. ನಿದ್ರೆಗಾಗಿ ವಾರ್ಮಿಂಗ್ ಐ ಮಾಸ್ಕ್ ಅಥವಾ ಕಣ್ಣಿನ ಸೋಂಕುಗಳಿಗೆ ಹಾಟ್ ಪ್ಯಾಕ್ ಬಳಸುವುದು: ಕಣ್ಣು ನೋಯುವುದು, ಕಣ್ಣಿನ ಸೋಂಕಿನ ಸಮಸ್ಯೆ ಹಲವರಲ್ಲಿ ಕಾಣಿಸಿಕೊಳ್ಳುತ್ತದೆ. ಹಾಗೆಂದು ನಿರಂತರವಾಗಿ ನಿದ್ರೆಗಾಗಿ ವಾರ್ಮಿಂಗ್ ಐ ಮಾಸ್ಕ್ ಅಥವಾ ಕಣ್ಣಿನ ಸೋಂಕುಗಳಿಗೆ ಹಾಟ್ ಪ್ಯಾಕ್ ಬಳಸುವುದು ಒಳ್ಳೆಯದಲ್ಲ. ನಿಮ್ಮ ಕಣ್ಣುಗಳು ಮುಕ್ತವಾಗಿರಲಿ ಮತ್ತು ರಾತ್ರಿಯಲ್ಲಿ ಉಸಿರಾಡಲಿ. ಸೋಂಕುಗಳು, ಶೈಲಿ ಇತ್ಯಾದಿಗಳಿಗೆ ಕೋಲ್ಡ್ ಪ್ಯಾಕ್ ಬಳಸಿ.
5. ಕಣ್ಣುಗಳನ್ನು ಉಜ್ಜುವ ಅಭ್ಯಾಸ: ಅನೇಕ ಕಾರಣಗಳಿಗಾಗಿ ಕಣ್ಣುಗಳನ್ನು ಉಜ್ಜುವುದು ಕಣ್ಣಿನ ಆರೋಗ್ಯಕ್ಕೆ ದೂಷಣೆಯಾಗಿದೆ. ಕಣ್ಣುಗಳು ಕಾಂಜಂಕ್ಟಿವಾದ ತೆಳುವಾದ ಪದರವನ್ನು ಹೊಂದಿರುತ್ತವೆ, ಅದು ಅವುಗಳನ್ನು ರಕ್ಷಿಸುತ್ತದೆ. ಹೀಗಾಗಿ ಕಣ್ಣನ್ನು ಉಜ್ಜುವ ಬದಲು ತಣ್ಣೀರಿನಲ್ಲಿ ಕಣ್ಣುಗಳನ್ನು ತೊಳೆಯಿರಿ.
