ಒಂದೇ ಸಾರಿ ತೂಕದಲ್ಲಿ ಇಳಿಕೆ, ಸಿಕ್ಕಾಪಟ್ಟೆ ಸುಸ್ತು ಸೇರಿ ಕೆಲವು ಅನಾರೋಗ್ಯದ ಲಕ್ಷಣಗಳು ಕ್ಯಾನ್ಸರ್ ಸೂಚನೆ ಇರಬಹುದು. ಅವಕ್ಕೇನು ಮಾಡಬೇಕು? ವೈದ್ಯರನ್ನು ಭೇಟಿ ಮಾಡೋದು ಬೆಸ್ಟ್ ಅಂತಾರೆ ತಜ್ಞರು.
ದೇಹದ ಕೆಲವು ಜೀವಕೋಶಗಳು (body's cells) ಅನಿಯಂತ್ರಿತವಾಗಿ ಬೆಳೆದು ದೇಹದ ಇತರೆ ಭಾಗಗಳಿಗೆ ಹರಡುವ ಕಾಯಿಲೆಯೇ ಕ್ಯಾನ್ಸರ್. ಕ್ಯಾನ್ಸರ್ನ ಲಕ್ಷಣಗಳು (Symptoms)ಲೆಕ್ಕಕ್ಕೆ ನಿಲ್ಲುಕುವಂಥದ್ದಲ್ಲ. ಆದರೂ ಅನೇಕ ಎಚ್ಚರಿಕೆಯ ಚಿಹ್ನೆಗಳನ್ನು ಮೊದಲೇ ಗುರುತಿಸುವುದರಿಂದ ಆರಂಭದಲ್ಲೇ ಈ ಕಾಯಿಲೆಗೆ ಔಷಧಿ ಮಾಡಬಹುದು. ಕೆಲವೊಮ್ಮೆ ಕ್ಯಾನ್ಸರ್ ಗಡ್ಡೆಯು ಮಾರಣಾಂತಿಕವಾಗಿದ್ದಾಗ ನರಗಳು ಕೇಂದ್ರೀಕೃತವಾಗಿರುವ ದೇಹದ ಅನ್ಯ ಭಾಗಗಳಿಗೂ ಹರಡಬಹುದು. ಇದು ಸ್ನಾಯು ಸೆಳೆತ ಅಥವಾ ಜರ್ಕಿಂಗ್ಗೆ ಕಾರಣವಾಗುತ್ತದೆ. ಸ್ನಾಯು ಸೆಳೆತಗಳು ಅನೈಚ್ಛಿಕ ಸಂಕೋಚನಗಳಿಂದಾಗುತ್ತವೆ.
ಕ್ಯಾನ್ಸರ್ ಇರೋದು ಕೆಲವೊಬ್ಬರ ಗಮನಕ್ಕೂ ಬಾರದಂತೆ ಹರಡುತ್ತಿರುತ್ತದೆ. ಯಾವಾಗ ಅದು ಮೆದುಳಿನ ಮೇಲೆ ಒತ್ತಡ ಪ್ರಾರಂಭಿಸುತ್ತೋ ಆಗ ರೋಗಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಮೆದುಳಿನ ನರಕೋಶಗಳನ್ನು ಮೆದುಳಿನ ಗಡ್ಡೆಯು ಕೆರಳಿಸಬಹುದು, ಸ್ನಾಯುವಿನ (muscles) ಸಂಕೋಚನ, ಸೆಳೆತ, ಮರಗಟ್ಟುವಿಕೆ ಹಾಗೂ ಜುಮ್ಮೆನಿಸುವಿಕೆ, ಉಸಿರಾಟದ ತೊಂದರೆ, ಸುಸ್ತು, ಪ್ರಜ್ಞೆ ತಪ್ಪುವಂತೆ ಇದು ಮಾಡುತ್ತದೆ. ಟೆಂಪೋರಲ್ ಲೋಬ್, ಫ್ರಂಟಲ್ ಲೋಬ್ (frontal lobe)ಮತ್ತು ಪ್ಯಾರಿಯಲ್ ಲೋಬ್(parietal lobe)ಗೆ ಹರಡುವ ಗಡ್ಡೆಗಳು ಮಾತು, ನಿರ್ಧಾರ ತೆಗೆದುಕೊಳ್ಳುವಿಕೆ, ಸಮಸ್ಯೆ-ಪರಿಹರಿಸುವುದು, ಏಕಾಗ್ರತೆ ಮತ್ತು ಚಿಂತನೆಯ ವೇಗಗಳ ಸಮಸ್ಯೆಗೂ ಕಾರಣವಾಗಬಹುದು. ಆದ್ದರಿಂದ, ರೋಗಲಕ್ಷಣಗಳು ಕಾಣಿಸಿಕೊಂಡಾಗ ಅವುಗಳತ್ತ ಗಮನ ಹರಿಸಬೇಕು. ಅಸಾಮಾನ್ಯ ದೈಹಿಕ ಬದಲಾವಣೆಗಳಾದರೆ ವೈದ್ಯರನ್ನು ತಕ್ಷಣವೇ ಸಂಪರ್ಕಿಸಬೇಕು.
ಲಿವರ್ ಕ್ಯಾನ್ಸರ್ನ ಈ ಆರಂಭಿಕ ಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ
ಬೆನ್ನುಹುರಿ ಮೇಲೆ ಕ್ಯಾನ್ಸರ್ ಪರಿಣಾಮ ಬೀರಿದರೆ, ಸ್ನಾಯು ತೊಂದರೆ ಕಾಣಿಸಿಕೊಳ್ಳುತ್ತದೆ. ಕಾಲು, ಪಾದದ ಸ್ನಾಯು ಅಂಗಾಂಶಗಳು ಬಿಗಿಗೊಳ್ಳುವುದು, ಮೊದಲ ಮತ್ತು ಎರಡನೇ ಹಂತದ ಗೆಡ್ಡೆಗಳು ಸೇರಿ ಬೆನ್ನುಮೂಳೆಯಲ್ಲಿ ಬೇರೆ ಬೇರೆ ರೀತಿಯ ಪರಿಣಾಮಗಳು ಈ ಗೆಡ್ಡೆಯಿಂದ ಗೋಚರಿಸಬಹುದು. ಬೆನ್ನುಹುರಿಗೆ ಹರಡುವ ಪ್ರಾಸ್ಟೇಟ್, ಶ್ವಾಸಕೋಶ ಮತ್ತು ಸ್ತನ ಕ್ಯಾನ್ಸರ್ ಸೇರಿ ಕೆಲವು ಪ್ರಮುಖ ಕ್ಯಾನ್ಸರ್ಗಳು ಬೆನ್ನುಮೂಳೆಯ ಒಳಗಿನ ಅಂಗಾಂಶಕ್ಕೆ ಸುಲಭವಾಗಿ ಹರಡುತ್ತದೆ.
ಮೈಲೋಮಾ ಮತ್ತು ಲ್ಯುಕೇಮಿಯಾ (Myeloma and Leukaemia)ದಂತಹ ಎರಡು ರಕ್ತದ ಕ್ಯಾನ್ಸರ್ ಸಹ ಬೆನ್ನೆಲುಬಿಗೆ ಹರಡಬಹುದು. ಅಸ್ಥಿ ಮಜ್ಜೆಯೊಳಗಿನ ಬಿಳಿ ಕೋಶಗಳು ಅಥವಾ ಪ್ಲಾಸ್ಮಾ ಕೋಶಗಳಲ್ಲಿ ಇದು ಸಾಮಾನ್ಯವಾಗಿ ಸಂಭವಿಸುತ್ತದೆ.
ಕ್ಯಾನ್ಸರ್ ಬೆನ್ನುಮೂಳೆಗೆ ಈ ಕ್ಯಾನ್ಸರ್ ಹರಡಿದಾಗ, ರೋಗಿಗಳ ಪ್ರಜ್ಞೆ ಅಥವಾ ದೇಹ ತೂಕ ಕಡಿಮೆಯಾಗಬಹುದು. ಇದು ಸ್ನಾಯು ಸೆಳೆತ ಹಾಗೂ ದೇಹದ ಕಾರ್ಯಗಳ ನಿಯಂತ್ರಣವನ್ನು ತಪ್ಪಿಸುತ್ತದೆ. ಇವರಿಗೆ ಬೆನ್ನು ನೋವು ಸಹಜ. ಬರ್ತಾ ಬರ್ತಾ ಇದು ಮತ್ತಷ್ಟು ಹದಗೆಡುತ್ತದೆ. ಸಾಮಾನ್ಯವಾಗಿ ಮಧ್ಯ ಹಾಗೂ ಕೆಳ ಬೆನ್ನಿನ ನೋವು ಅತೀವವಾಗಿರುತ್ತದೆ. ಏನೇ ಔಷಧ ತೆಗೆದುಕೊಂಡರೂ ಯಾವುದೇ ಪರಿಣಾಮ ಬೀರುವುದಿಲ್ಲ. ಮಲಗಿರುವಾಗ ಅಥವಾ ಆಯಾಸಗೊಂಡಿರುವಾಗ ಈ ನೋವು ಮತ್ತಷ್ಟೂ ಉಲ್ಬಣಗೊಳ್ಳುತ್ತದೆ. ಸೊಂಟ ಅಥವಾ ಕಾಲುಗಳಿಗೂ ವಿಸ್ತರಿಸಬಹುದು. ಕಾಲುಗಳಲ್ಲಿ ಸ್ನಾಯು ದೌರ್ಬಲ್ಯ ಕಾಣಿಸುತ್ತದೆ. ನಡೆದರೆ ಆಯಾ ತಪ್ಪುವುದು ಬ್ಯಾಲೆನ್ಸ್ ಮಾಡುವುದು ಕಷ್ಟವಾಗುವುದು, ಮತ್ತು ಪಾರ್ಶ್ವವಾಯುವಿಗೂ ಕಾರಣವಾಗಬಹುದು.
ಬೇಸಿಗೆಯಲ್ಲಿ ಕಬ್ಬಿನ ಹಾಲಿನ ಸೇವೆನೆ ಎಷ್ಟೊಂದು ಒಳ್ಳೆದು ನೋಡಿ
ಮತ್ತೇನಿರುತ್ತೆ ಚಿಹ್ನೆಗಳು?
ಸ್ನಾಯು ಸೆಳೆತ ಮತ್ತು ಜರ್ಕಿಂಗ್ ಹೊರತುಪಡಿಸಿ, ದೇಹದಲ್ಲಿ ಕ್ಯಾನ್ಸರ್ ಸೂಚಿಸುವಂತೆ ಹಸಿವಾಗದೇ ಇರುವುದು, ಮಲ-ಮೂತ್ರದಲ್ಲಿ ರಕ್ತ, ನಿರಂತರ ಕೆಮ್ಮು, ವಿಪರೀತ ಸುಸ್ತು, ಪದೆ ಪದೇ ಕಾಡುವ ಜ್ವರ ಸೇರಿ ಕುತ್ತಿಗೆಯಲ್ಲಿ ಗಡ್ಡೆ, ರಾತ್ರಿ ಬೆವರುವಿಕೆ, ಚರ್ಮದ ಬದಲಾವಣೆ, ಗಂಟುಗಳು, ನುಂಗಲು ಕಷ್ಟವಾಗುವುದು, ತೂಕ ನಷ್ಟ ಸೇರಿ ಹಲವು ಸೂಚನೆಗಳು ಕ್ಯಾನ್ಸರ್ ಮುನ್ಸೂಚನೆಗಳಾಗಿವೆ. ಈ ಯಾವುದೇ ರೋಗಲಕ್ಷಣಗಳನ್ನು ಅನುಭವಿಸಿದರೆ ವೈದ್ಯರನ್ನುಕೂಡಲೇ ಸಂಪರ್ಕಿಸಿ.
ಏನು ಮಾಡಬೇಕು?
ಗಂಭೀರ ಕ್ಯಾನ್ಸರ್ನಂಥ ರೋಗಕ್ಕೆ ಎಚ್ಚರಿಕೆಯ ಚಿಹ್ನೆಯನ್ನೂ ನಿರ್ಲಕ್ಷಿಸಬಾರದು. ಚಿಕಿತ್ಸೆ ನೀಡದಿದ್ದರೆ ಈ ಚಿಹ್ನೆಗಳು ಸ್ಥಿತಿ ಬದಲಾಯಿಸಲಾಗದ ಹಂತಕ್ಕೆ ಉಲ್ಬಣಗೊಳಿಸಬಹುದು. 40-50 ವರ್ಷ ವಯಸ್ಸಿನ ನಂತರ ನಿಯಮಿತ ದೇಹ ತಪಾಸಣೆ, ರೋಗಲಕ್ಷಣಗಳು ಪ್ರಾರಂಭದ ನಂತರ ನಿರಂತರ ವೈದ್ಯಕೀಯ ಸಹಾಯ ಪಡೆಯುವುದು, ಎಲ್ಲ ರೋಗಲಕ್ಷಣಗಳನ್ನು ದಿನನಿತ್ಯ ಗಮನಿಸಿದರೆ ಒಳಿತು.
