ಆಯುರ್ವೇದದ ಪ್ರಕಾರ ಈ ದಿಕ್ಕಿಗೆ ತಲೆ ಮಾಡಿ ಮಲಗಿದ್ರೆ ಆರೋಗ್ಯ ಚೆನ್ನಾಗಿರುತ್ತಂತೆ
ಮನುಷ್ಯ ದಿನಪೂರ್ತಿ ಚಟುವಟಿಕೆಯಿಂದ ಇರುವುದು ಹೇಗೆ ಮುಖ್ಯವೋ ಹಾಗೆಯೇ ರಾತ್ರಿ ಹೊತ್ತು ಚೆನ್ನಾಗಿ ನಿದ್ರೆ (Sleep) ಮಾಡಿ ವಿಶ್ರಾಂತಿ (Rest) ಪಡೆಯುವುದು ಸಹ ಮುಖ್ಯ. ಆದ್ರೆ ನಿಮ್ಗೊಂದು ವಿಷ್ಯ ಗೊತ್ತಾ..? ನಾವು ಯಾವ ದಿಕ್ಕಿಗೆ ತಲೆ ಮಾಡಿ ಮಲಗುತ್ತೇವೆ ಎಂಬುದು ಸಹ ನಮ್ಮ ಆರೋಗ್ಯ (Health)ವನ್ನು ನಿರ್ಧರಿಸುತ್ತಂತೆ.
ಮನುಷ್ಯನಿಗೆ ನಿದ್ದೆ ಸರಿಯಾಗಿ ಆಗದೆ, ದೇಹ (Body) ಸರಿಯಾಗಿ ವಿಶ್ರಾಂತಿ ಪಡೆಯದೇ ಇದ್ದಾಗ ಹಲವು ಆರೋಗ್ಯ ಸಮಸ್ಯೆಗಳು (Health Problem) ಕಾಣಿಸಿಕೊಳ್ಳುತ್ತವೆ. ಅಧ್ಯಯನಗಳ ಪ್ರಕಾರ ಮನುಷ್ಯನೊಬ್ಬರಿಗೆ ಪ್ರತಿದಿನ ಕನಿಷ್ಠ 8 ಗಂಟೆಗಳ ಕಾಲ ನಿದ್ದೆಯ (Sleep) ಅಗತ್ಯವಿದೆ ಎಂದು ತಿಳಿದುಬಂದಿದೆ. ಹೆಚ್ಚಿನವರು ಆರೋಗ್ಯವಾಗಿರಲು ಇದನ್ನು ಅನುಸರಿಸುತ್ತಾರೆ ಕೂಡಾ. ನಿಮ್ಮ ಜೀವಿತಾವಧಿಯಲ್ಲಿ ನಿಮಗೆ ಅಗತ್ಯವಿರುವ ನಿದ್ರೆಯ ಪ್ರಮಾಣವು ಗಮನಾರ್ಹವಾಗಿ ಬದಲಾಗುತ್ತದೆ. ಇದು ನಿಮ್ಮ ವಯಸ್ಸು ಮತ್ತು ಚಟುವಟಿಕೆಯ ಮಟ್ಟ ಮತ್ತು ನಿಮ್ಮ ಸಾಮಾನ್ಯ ಆರೋಗ್ಯ ಮತ್ತು ಜೀವನಶೈಲಿ (Lifestyle)ಯ ಅಭ್ಯಾಸಗಳನ್ನು ಅವಲಂಬಿಸಿರುತ್ತದೆ. ಆರೋಗ್ಯಕ್ಕೆ ನಿದ್ದೆ ಮಾಡುವುದು ಹೇಗೆ ಮುಖ್ಯವೋ ಹಾಗೆಯೇ ನಿದ್ದೆ ಮಾಡುವಾಗ ನಾವು ಮಲಗುವ ದಿಕ್ಕು (Direction) ಮುಖ್ಯವಾಗುತ್ತದೆ. ಹಾಗಿದ್ರೆ ಆಯುರ್ವೇದದ (Ayurveda) ಪ್ರಕಾರ ಅತ್ಯುತ್ತಮ ಮಲಗುವ ಭಂಗಿ ಯಾವುದು ಎಂಬುದನ್ನು ತಿಳ್ಕೊಳ್ಳೋಣ.
ಸುಗಮ ದೈನಂದಿನ ಕಾರ್ಯಚಟುವಟಿಕೆಗೆ ಉತ್ತಮ ನಿದ್ರೆ ಅತ್ಯಗತ್ಯ. ಉತ್ಪಾದಕತೆ, ಮನಸ್ಥಿತಿ, ಶಕ್ತಿಯ ಮಟ್ಟಗಳು ಮತ್ತು ಏಕಾಗ್ರತೆಯನ್ನು ಹೆಚ್ಚಿಸುವುದರಿಂದ ಹಿಡಿದು ಮಾನಸಿಕ ಮತ್ತು ದೈಹಿಕ ಆರೋಗ್ಯವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು, ಒಟ್ಟಾರೆ ಯೋಗಕ್ಷೇಮವನ್ನು ಕಾಪಾಡಿಕೊಳ್ಳಲು ಉತ್ತಮ ನಿದ್ರೆಯಿಂದ ಮಾತ್ರ ಸಾಧ್ಯವಾಗುತ್ತದೆ. ಅಂತೆಯೇ, ನಿದ್ರೆಯ ಕೊರತೆ ಅಥವಾ ಕಳಪೆ ಗುಣಮಟ್ಟದ ನಿದ್ರೆಯು ದೀರ್ಘಾವಧಿಯ ಪರಿಣಾಮಗಳನ್ನು ಉಂಟುಮಾಡಬಹುದು. ಆಯುರ್ವೇದದ ಪ್ರಕಾರ ಹೇಗೆ ನಿದ್ದೆ ಮಾಡುವುದು ಒಳ್ಳೆಯದು ಎಂಬುದನ್ನು ಆಯುರ್ವೇದ ತಜ್ಞೆ ಡಾ.ದೀಕ್ಷಾ ಭಾವಸರ್ ತಿಳಿಸಿಕೊಟ್ಟಿದ್ದಾರೆ.
ಯಾವಾಗ್ಲೂ ತಲೆನೋವಾಗ್ತಿದ್ರೆ ಸುಮ್ನಿರ್ಬೇಡಿ, ಯಾವ್ದಾದ್ರೂ ಕಾಯಿಲೆಯಾ ಸೂಚನೆನಾ ತಿಳ್ಕೊಳ್ಳಿ
ಆಯುರ್ವೇದದ ಪ್ರಕಾರ, ಮಲಗುವ ಮುನ್ನ ಕೆಫೀನ್ನಿಂದ ದೂರವಿರುವುದು, ಆಳವಾದ ಉಸಿರಾಟ ಮತ್ತು ಹಗಲಿನ ನಿದ್ರೆಯನ್ನು ಸೀಮಿತಗೊಳಿಸುವುದು ಮುಂತಾದ ಅಭ್ಯಾಸಗಳನ್ನು ರೂಢಿಸಿಕೊಳ್ಳಿ. ನಿಮ್ಮ ನಿದ್ರೆಯ ದಿಕ್ಕು ಮತ್ತು ಸ್ಥಾನದ ಕಡೆಗೆ ವಿಶೇಷ ಗಮನವನ್ನು ನೀಡುವುದು ಸಹ ಮುಖ್ಯವಾಗಿದೆ. ಆಯುರ್ವೇದ ತಜ್ಞೆ ಡಾ.ದೀಕ್ಷಾ ಭಾವಸರ್ ಅವರು, ನಿದ್ರೆಯ ದಿಕ್ಕಿನ ಕುರಿತಾದ ಆಯುರ್ವೇದ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ವಿವಿಧ ದಿಕ್ಕುಗಳಲ್ಲಿ ಮಲಗುವ ಪರಿಣಾಮವನ್ನು ಅವರು ವಿವರಿಸಿದ್ದಾರೆ
ಉತ್ತರ
ಉತ್ತಮ ನಿದ್ದೆಗಾಗಿ ನೀವು ಎಂದಿಗೂ ಉತ್ತರಕ್ಕೆ ತಲೆಯಿಟ್ಟು ಮಲಗಬಾರದು ಎಂದು ಆಯುರ್ವೇದ ತಜ್ಞೆ ಡಾ.ದೀಕ್ಷಾ ಭಾವಸರ್ ಹೇಳಿದ್ದಾರೆ. ಉತ್ತರ ದಿಕ್ಕಿಗೆ ತಲೆ ಇಟ್ಟು ಮಲಗಿದರೆ ಅವರಿಗೆ ರಾತ್ರಿ ನೆಮ್ಮದಿಯ ನಿದ್ದೆ ಬರುವುದಿಲ್ಲ. ರಾತ್ರಿಯಿಡೀ ನಿದ್ದೆ ಮಾಡದೆ ಮರುದಿನ ದಣಿವನ್ನು ಅನುಭವಿಸುವ ಸಾಧ್ಯತೆಯಿದೆ ಎಂದು ಡಾ.ಭಾವಸರ್ ವಿವರಿಸಿದ್ದಾರೆ. ಏಕೆಂದರೆ ಭೂಮಿಯ ಉತ್ತರ ಭಾಗವು ಮಾನವನ ತಲೆಯಂತೆಯೇ ಧನಾತ್ಮಕ ಆವೇಶವನ್ನು ಹೊಂದಿದೆ. ಎರಡು ಧನಾತ್ಮಕ ಆವೇಶದ ಆಯಸ್ಕಾಂತಗಳು ಮನಸ್ಸಿನಲ್ಲಿ ವಿನಾಶವನ್ನು ಉಂಟುಮಾಡುವ ಸಾಧ್ಯತೆಯಿದೆ ಎಂದು ತಿಳಿಸಿದ್ದಾರೆ. ಈ ಕಾಂತೀಯತೆಯು ಆಯುರ್ವೇದದ ಪ್ರಕಾರ, ರಕ್ತ ಪರಿಚಲನೆ, ಒತ್ತಡದ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಮನಸ್ಸಿನ ಅಡಚಣೆಯನ್ನು ಉಂಟುಮಾಡುತ್ತದೆ ಎಂದು ಅವರು ಹೇಳಿದರು.
ಪೋಷಕರು ಮತ್ತು ಮಗು ಪ್ರತ್ಯೇಕ ಹಾಸಿಗೆಯಲ್ಲಿ ಮಲಗಬೇಕು ಅನ್ನೋದು ಯಾಕೆ ?
ಪೂರ್ವ
ನೀವು ಕಲಿಕೆಯ ಚಟುವಟಿಕೆಯಲ್ಲಿ ತೊಡಗಿದ್ದರೆ ಮತ್ತು ನಿಮ್ಮ ಸ್ಮರಣೆಯನ್ನು ಪೋಷಿಸುವ ಅಗತ್ಯವಿದ್ದರೆ, ಪೂರ್ವವು ಆದ್ಯತೆಯ ನಿದ್ರೆಯ ದಿಕ್ಕು ಎಂದು ತಜ್ಞರು ಸಲಹೆ ನೀಡುತ್ತಾರೆ. ನಿಮ್ಮ ರಕ್ತಪರಿಚಲನೆಯೊಂದಿಗೆ, ಇದು ಏಕಾಗ್ರತೆಯನ್ನು ಸುಧಾರಿಸುತ್ತದೆ, ಧ್ಯಾನಸ್ಥ ನಿದ್ರೆಯನ್ನು ಉತ್ತೇಜಿಸುತ್ತದೆ ಮತ್ತು ಉತ್ತಮ ಆರೋಗ್ಯವನ್ನು ನೀಡುತ್ತದೆ ಎಂದು ಮಾಹಿತಿ ನೀಡಿದ್ದಾರೆ.
ಪಶ್ಚಿಮ
ವಾಸ್ತು ಶಾಸ್ತ್ರದ ಪ್ರಕಾರ, ಪಶ್ಚಿಮಕ್ಕೆ ತಲೆಯನ್ನು ಇರಿಸಿ ಮಲಗುವುದು ನಿಮಗೆ ಅಸ್ಥಿರವಾದ ರಾತ್ರಿಯ ನಿದ್ರೆಯನ್ನು ನೀಡುತ್ತದೆ ಎಂದು ಅವರು ಹೇಳಿದರು. ಏಕೆಂದರೆ ಇದು ನಿಮಗೆ ಅಶಾಂತ ಕನಸುಗಳನ್ನು ನೀಡುತ್ತದೆ ಮತ್ತು ಹೆಚ್ಚು ಶಾಂತ ನಿದ್ರೆಯನ್ನು ನೀಡುವುದಿಲ್ಲ ಎಂದವರು ಹೇಳಿದ್ದಾರೆ.
ದಕ್ಷಿಣ
ದಕ್ಷಿಣಕ್ಕೆ ತಲೆ ಮಾಡಿ ಮಲಗುವುದು ಆಳವಾದ ಮತ್ತು ಭಾರವಾದ ನಿದ್ರೆಯ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ. ದಕ್ಷಿಣವು ಋಣಾತ್ಮಕವಾಗಿ ಚಾರ್ಜ್ ಆಗಿರುವುದರಿಂದ ಮತ್ತು ನಿಮ್ಮ ತಲೆಯು ಧನಾತ್ಮಕವಾಗಿ ಚಾರ್ಜ್ ಆಗಿರುವುದರಿಂದ, ನಿಮ್ಮ ತಲೆ ಮತ್ತು ದಿಕ್ಕಿನ ನಡುವೆ ಸಾಮರಸ್ಯದ ಆಕರ್ಷಣೆ ಇರುತ್ತದೆ. ನೀವು ಉತ್ತರಕ್ಕೆ ತಲೆಯಿಟ್ಟು ಮಲಗಿದರೆ ಶಕ್ತಿಯನ್ನು ಹೊರತೆಗೆಯುವ ಬದಲು, ಆರೋಗ್ಯ, ಸಂತೋಷ ಮತ್ತು ಸಮೃದ್ಧಿಯನ್ನು ಉತ್ತೇಜಿಸುವ ಶಕ್ತಿಯನ್ನು ನಿಮ್ಮ ದೇಹಕ್ಕೆ ಎಳೆಯಲಾಗುತ್ತದೆ. ಅಂದರೆ ದಕ್ಷಿಣಕ್ಕೆ ತಲೆ ಇಟ್ಟು ಕಟ್ಟಿಗೆಯಂತೆ ಮಲಗಬೇಕು ಎಂದು ಆಯುರ್ವೇದ ತಜ್ಞೆ ಡಾ.ದೀಕ್ಷಾ ಭಾವಸರ್ ವಿವರಿಸಿದ್ದಾರೆ.
ನೀವು ಚೆನ್ನಾಗಿ ಮಲಗಲು ತೊಂದರೆಯನ್ನು ಎದುರಿಸುತ್ತಿದ್ದರೆ, ಏನಾಗುತ್ತದೆ ಎಂಬುದನ್ನು ನೋಡಲು ಇಂದು ರಾತ್ರಿ ಮಲಗುವ ದಿಕ್ಕನ್ನು ಬದಲಿಸಲು ಪ್ರಯತ್ನಿಸಿ.