4 ಕೈ, 3 ಕಾಲಿನ ಜೊತೆ ಹುಟ್ಟಿದ್ದ ಸಯಾಮಿ ಅವಳಿಗಳಿಗೆ ನಡೀತು ಶಸ್ತ್ರಚಿಕಿತ್ಸೆ; ಈಗ ಹೇಗಿದ್ದಾರೆ?
ಇದು 2 ಮಿಲಿಯನ್‌ರಲ್ಲಿ 1 ಎಂಬಷ್ಟು ಅಪರೂಪದ ಪ್ರಕರಣ. 4 ಕೈ, 3 ಕಾಲು, 1 ಶಿಶ್ನದೊಂದಿಗೆ ಇಂಡೋನೇಷ್ಯಾದಲ್ಲಿ ಹುಟ್ಟಿದ್ದ ಸಯಾಮಿ ಅವಳಿಗಳಿಗೆ ಶಸ್ತ್ರಚಿಕಿತ್ಸೆ ನಡೆಸಲಾಗಿದೆ.
Followಇದೊಂದು ಅಪರೂಪದಲ್ಲಿ ಅಪರೂಪದ ಪ್ರಕರಣ. 2018ರಲ್ಲಿ ಇಂಡೋನೇಷ್ಯಾದಲ್ಲಿ ಸಯಾಮಿ ಗಂಡು ಅವಳಿಗಳು ಜನಿಸಿದ್ದರು. ಇವರು ಇಬ್ಬರ ತಲೆಯೂ ಒಂದೊಂದು ದಿಕ್ಕಿನಲ್ಲಿರುವಂತೆ ಹುಟ್ಟಿದ್ದರು. ಇಬ್ಬರೂ 4 ಕೈ, 3 ಕಾಲು, 1 ಶಿಷ್ನ ಹಂಚಿಕೊಂಡಿದ್ದರು. ವೈದ್ಯಕೀಯ ಭಾಷೆಯಲ್ಲಿ ಇಶಿಯೋಪಾಗಸ್ ಟ್ರಿಪಸ್ ಅವಳಿಗಳಾಗಿ ಜನಿಸಿದ ಈ ಮಕ್ಕಳಲ್ಲಿ ಒಂದೇ ಮೂತ್ರಕೋಶ, ಗುದನಾಳ ಮತ್ತು ಕರುಳು ಇತ್ತು. ಈ ರೀತಿಯ ಪ್ರಕರಣ 2 ಮಿಲಿಯನ್‌ಗೆ 1.
ಸಾಮಾನ್ಯವಾಗಿ ಸಯಾಮಿ ಅವಳಿಗಳೆಂದರೆ ಎದೆ, ಹೊಟ್ಟೆ ಅಥವಾ ಸೊಂಟದಲ್ಲಿ ಒಂದುಗೂಡಿರುತ್ತಾರೆ. ಆದರೆ, ಇಬ್ಬರೂ ಪರಸ್ಪರ ವಿರೋಧವಾಗಿ ತಲೆ ಇರುವಂತೆ ಸೊಂಟದಲ್ಲಿ ಹೊಂದಿರುವ ಸಯಾಮಿಗಳ ಇಶಿಯೋಪಾಗಸ್ ಪ್ರಕಾರವು ಅತ್ಯಂತ ಅಪರೂಪದ್ದಾಗಿದೆ.
ಪತ್ನಿ ಈ 6 ವರ್ತನೆಗಳನ್ನು ತೋರಿಸ್ತಿದ್ರೆ ಪತಿ ವಿಚ್ಚೇದನಕ್ಕೆ ಯೋಚಿಸೋದ್ರಲ್ಲಿ ತಪ್ಪಿಲ್ಲ..
ಅಮೇರಿಕನ್ ಜರ್ನಲ್ ಆಫ್ ಕೇಸ್ ರಿಪೋರ್ಟ್ಸ್‌ನಲ್ಲಿನ ಇತ್ತೀಚಿನ ವರದಿಯು ಈ ಕೇಸ್‌ನ ಇತ್ತೀಚಿನ ಬೆಳವಣಿಗೆ ಬಗ್ಗೆ ಬೆಳಕು ಚೆಲ್ಲಿದೆ. ಈ ಅವಳಿಗಳು ತಮ್ಮ ದೈಹಿಕ ವೈಪರೀತ್ಯದಿಂದಾಗಿ ಆರಂಭಿಕ ವರ್ಷಗಳಲ್ಲಿ ಸ್ವತಂತ್ರವಾಗಿ ಕುಳಿತುಕೊಳ್ಳಲು ಅಸಮರ್ಥರಾಗಿದ್ದರು. ಜೊತೆಗೆ ಹಲವು ವಿಷಯಗಳಲ್ಲಿ ಸವಾಲುಗಳನ್ನು ಎದುರಿಸಿದರು.
ಇಶಿಯೋಪಾಗಸ್ ಟ್ರಿಪಸ್ ಹೆಚ್ಚಿನ ಸಂಕೀರ್ಣತೆಯಿಂದಾಗಿ ಶಸ್ತ್ರಚಿಕಿತ್ಸೆಯಿಂದ ಮಕ್ಕಳನ್ನು ಬೇರ್ಪಡಿಸುವುದು ಕಷ್ಟದ ವಿಷಯವಾಗಿದೆ. ಸಾಮಾನ್ಯವಾಗಿ ಇಂಥ ಪ್ರಕರಣಗಳಲ್ಲಿ ಅವಳಿಗಳಲ್ಲಿ ಒಂದು ಪ್ರಸವಪೂರ್ವ ಅವಧಿಯಲ್ಲಿ ಬದುಕುಳಿಯುವುದಿಲ್ಲ ಅಥವಾ ಹುಟ್ಟುತ್ತಲೇ ಸತ್ತಿರುತ್ತದೆ. ಆದರೆ, ಈ ಅವಳಿ ಅಂಥ ಸವಾಲುಗಳನ್ನೆಲ್ಲ ಜಯಿಸಿ ಜನಿಸಿ ಬದುಕುಳಿದರು. ಆದರೆ, ಅವರ ವಿಶಿಷ್ಟ ಶರೀರಶಾಸ್ತ್ರದ ಕಾರಣದಿಂದಾಗಿ, ಅವರು ತಮ್ಮ ಜೀವನದ ಮೊದಲ ಮೂರು ವರ್ಷಗಳವರೆಗೆ ಸ್ವತಂತ್ರವಾಗಿ ಕುಳಿತುಕೊಳ್ಳಲು ಸಾಧ್ಯವಾಗಲಿಲ್ಲ.
ಶಸ್ತ್ರಚಿಕಿತ್ಸೆ
ಅದೃಷ್ಟವಶಾತ್, ನುರಿತ ಶಸ್ತ್ರಚಿಕಿತ್ಸಾ ತಂಡವು ಮಧ್ಯ ಪ್ರವೇಶಿಸಿತು, ಅವರ ಸೊಂಟ ಮತ್ತು ಶ್ರೋಣಿ ಕುಹರದ ಮೂಳೆಯ ರಚನೆಯನ್ನು ಸ್ಥಿರಗೊಳಿಸುವಾಗ ಅವರ ಮೂರನೇ ಕಾಲನ್ನು ಕತ್ತರಿಸುವ ಸೂಕ್ಷ್ಮ ವಿಧಾನವನ್ನು ವೈದ್ಯಕೀಯ ತಂಡ ನಿರ್ವಹಿಸಿತು. ಈ ಕಾರ್ಯಾಚರಣೆಯು ಮಕ್ಕಳಿಗೆ ನೇರವಾಗಿ ಕುಳಿತುಕೊಳ್ಳುವ ಸಾಮರ್ಥ್ಯ ಒದಗಿಸಿದೆ.
ಸಾನ್ಯಾ ಮಲ್ಹೋತ್ರಾಗಿತ್ತು ಮೀಸೆ ಕೂದಲು; ಹೈಸ್ಕೂಲಲ್ಲಿ ಆಡಿಕೊಳ್ಳುತ್ತಿದ್ದ ಸಹಪಾಠಿಗೆ ನಟಿ ಕೊಟ್ಟ ಖಡಕ್ ರಿಪ್ಲೈ ಇದು
ಅವಳಿಗಳ ಮೇಲೆ ನಡೆಸಿದ ಶಸ್ತ್ರಚಿಕಿತ್ಸೆಯ ಅವಧಿಯನ್ನು ಬಹಿರಂಗಪಡಿಸಲಾಗಿಲ್ಲ, ಆದರೂ ಇದು ಯಾವುದೇ ತೊಡಕುಗಳಿಲ್ಲದೆ ಸರಾಗವಾಗಿ ನಡೆದಿದೆ ಎನ್ನಲಾಗಿದೆ.
ಸಮಸ್ಯೆಗಳು
ಅವಳಿಗಳಲ್ಲಿ ಒಂದು ಮಗು ಎಡ ಮೂತ್ರಪಿಂಡದ ಹೈಪೋಪ್ಲಾಸಿಯ ಹೊಂದಿದೆ- ಅಂದರೆ, ಇದು ಅಭಿವೃದ್ಧಿಯಾಗದ ಮೂತ್ರಪಿಂಡವನ್ನು ಸೂಚಿಸುತ್ತದೆ. ಮತ್ತು ಮತ್ತೊಬ್ಬ ಅವಳಿ ಒಂದೇ ಮೂತ್ರಪಿಂಡವನ್ನು ಹೊಂದಿದೆ. ಇಂಥ ಸಮಸ್ಯೆಗೆ ಕುಟುಂಬದಲ್ಲಿ ಯಾವುದೇ ಹಿನ್ನೆಲೆ ಇಲ್ಲ ಮತ್ತು ಅವಳಿಗಳಿಗೆ ಇಬ್ಬರು ಹಿರಿಯ ಒಡಹುಟ್ಟಿದವರಿದ್ದಾರೆ, ಅವರು ಸಾಮಾನ್ಯರಂತಿದ್ದಾರೆ ಎಂಬುದು ಗಮನಾರ್ಹ.
ಬೇರ್ಪಡಿಸಲಾಗುತ್ತದೆಯೇ?
ಶಸ್ತ್ರಚಿಕಿತ್ಸೆಯ ನಂತರದ ಮೂರು ತಿಂಗಳ ನಂತರದ ಪರೀಕ್ಷೆಯು ಉತ್ತೇಜಕ ಫಲಿತಾಂಶಗಳನ್ನು ನೀಡಿತು. ಇದುವರೆಗೆ, ಅವಳಿಗಳನ್ನು ಬೇರ್ಪಡಿಸುವ ಶಸ್ತ್ರಚಿಕಿತ್ಸೆಗೆ ಒಳಗಾಗಿಲ್ಲ ಮತ್ತು ಭವಿಷ್ಯದಲ್ಲಿ ಅಂತಹ ಸಂಕೀರ್ಣ ವಿಧಾನವನ್ನು ಪ್ರಯತ್ನಿಸಲಾಗುತ್ತದೆಯೇ ಎಂಬುದು ಅನಿಶ್ಚಿತವಾಗಿದೆ.
ಆದಾಗ್ಯೂ, ವೈದ್ಯಕೀಯ ವೃತ್ತಿಪರರು ಈ ಪ್ರಕರಣವು ಶಸ್ತ್ರಚಿಕಿತ್ಸಾ ಮಧ್ಯಸ್ಥಿಕೆಗಳ ಸಾಮರ್ಥ್ಯವನ್ನು ಒತ್ತಿ ಹೇಳುತ್ತದೆ ಎಂದು ಪ್ರತಿಪಾದಿಸುತ್ತಾರೆ. ಸಂಪೂರ್ಣ ಪ್ರತ್ಯೇಕತೆ ಕಾರ್ಯಸಾಧ್ಯವಾಗದ ಸಂದರ್ಭಗಳಲ್ಲಿಯೂ ಸಹ, ವೈದ್ಯಕೀಯ ಚಿಕಿತ್ಸೆಯಲ್ಲಿ ನಡೆಯುತ್ತಿರುವ ಪ್ರಗತಿಗಳ ಪ್ರಾಮುಖ್ಯತೆಯನ್ನು ಒತ್ತಿ ಹೇಳುತ್ತದೆ.
